ယွၼ်ႉပိူဝ်ႈ ဝၢၼ်ႈမိူင်းဢမ်ႇၵတ်းယဵၼ် ယွၼ်ႉပိူဝ်ႈ ယၢမ်ႈၺႃးပိူၼ်ႈတဵၵ်းတဵင်ႁဝ်းမႃးလႄႈဢမ်ႇၶႂ်ႈၶၢမ်ႇထႅင်ႈယဝ်ႉ ယွၼ်ႉပိူဝ်ႈ ႁၵ်ႉလုၵ်ႈႁဝ်းဢိူဝ်ႈဢမ်ႇၶႂ်ႈႁႂ်ႈၶဝ်လႆႈတုၵ်ႉၶမိူၼ်ႁဝ်း ယွၼ်ႉပိူဝ်ႈ ဢိမ်ႇၸၢၼ်ႈၵၢၼ်တိုၵ်းၽၼ်းၵၼ်ၼႃႇတေႉယဝ်ႉ ယွၼ်ႉပိူဝ်ႈ ၼႃႈႁိူၼ်းႁဝ်းဢမ်ႇတဵမ်ထူၼ်ႈလူး မၼ်းမီးလွင်ႈတၢင်းတင်းၼမ် တႃႇတေပၢႆႈ၊ မိူဝ်ႈပၢႆႈၽၢတ်ႇဢွၵ်ႇယၢၼ်ၵႂႃႇ ယူႇမိူင်းပိူၼ်ႈသေ လၢတ်ႈဝႃႈႁဝ်းပဵၼ်ၵူၼ်းဢမ်ႇမီးမိူင်းၼႆၼၼ်ႉ လီၸႂ်လဵၵ်ႉယူႇဢိူဝ်ႈသင်ၼင်လိၼ်မီးၸႂ်ယူႇတႄႉ။ ပၢႆႈၵႂႃႇယူႇမိူင်းပိူၼ်ႈ တူဝ်ႁဝ်းဢမ်ႇၸႂ်ႈပိူၼ်ႈ...

ငိုၼ်းသႅင်ဢၼ်ယူႇၸွမ်းသႅင်ပိုၼ်းတင်းဝၼ်းယဝ်ႉ ဢမ်ႇလႆႈႁၼ်ၸွမ်သႅင်ၵပ်းသိုပ်ႇမႃးၼႆၵေႃႈ သၢႆတႃမၼ်း ၵမ်းၵမ်းယၵ်ႉတူၺ်းၾူၼ်းယူႇတိၵ်းတိၵ်းယဝ်ႉ။ “ဝၼ်းမိူဝ်ႈၼႆႉလႆႈလႄႇၸွမ်းၵၼ် ၵျေႃႇတေႉယဝ်ႉၼေႃ” ငိုၼ်းသႅင်ယုမ်ႉဢိတ်ႉၼိုင်ႈယဝ်ႉ “ၼၼ်ႉယဝ်ႉၶႃႈ” “ႁၼ်တူၺ်းၾူၼ်းယူႇၸဵမ်ၵႆႈ မီးသင်လႃႇ မီးၵူၼ်းမွင်းယူႇႁႃႉ” “ဢမ်ႇလႅပ်ႈမီးၽႂ်မွင်းၶႃႈ” “ၼၼ်ႁႃႉ..” “ဝၼ်းၼၼ်ႉတၼ်းလႆႈထၢမ် ၵူၺ်းၵႃႈ ပႆႇႁူႉၶေႃႈတွပ်ႇလႄႈ ၶႂ်ႈထၢမ်သူထႅင်ႈ” “ထၢမ်မႃးၶႃႈလႄႈ” “သူမီးၼႃႈႁိူၼ်းယဝ်ႉႁႃႉ” သမ်ႉပေႃးဢဝ်ငိုၼ်းသႅင်မိုင်ၵႂႃႇယဝ်ႉ ပႆႇတွပ်ႇသင်ၶိုၼ်းသေ...

သွင်ၵေႃႉၸုၵ်းတေႃႇၼႃႈၵၼ် ယၵ်ႉတူၺ်းယူႇတင်းႁိုင် ထိုင်တီႈၽႂ်ပေႃးဢမ်ႇၸၢင်ႈတၵ်ႉၽႂ်လႆႈယဝ်ႉၼႃႇ။ “ၼွင်ႉ!..” “ၶူး..” လႆႈႁွင်ႉထူပ်းၵၼ်ၵႂႃႇတီႈသႅင်ႇၼမ်ႉဝၢၼ်တီႈၼိုင်ႈ ဢမ်ႇႁူႉတေတႄႇလၢတ်ႈဢုပ်ႇၵၼ်ၵႂႃႇတီႈလႂ် ၼိမ်ယဵၼ်ဝႆႉယူႇၽႂ်မၼ်း “ယူႇလီယူႇၼေႃႈ” “ဢေႃႈ” ငိုၼ်းသႅင်ၵေႃႈ သမ်ႉဝႃႈမီးလွင်ႈၶမ်ၸႂ်တင်းၼမ် မီးၶေႃႈထၢမ်တင်းၼမ်ၶမ်ၸႂ်ဝႆႉယူႇၼႆၵေႃႈ မိူဝ်ႈလႆႈႁူပ်ႉတေႃႇၼႃႈၶဝ်ၼၼ်ႉ ဢမ်ႇမီးသင်တႃႇတေလၢတ်ႈသေမဵဝ်းယဝ်ႉ ယဵၼ်ၵႂႃႇၸိူင်ႉၼၼ်ၵူၺ်း။ “ႁဵတ်းၵၢၼ်တီႈလႂ်လႃႇမိူဝ်ႈလဵဝ်” “ၵၢၼ်တီႈႁူင်းလႅမ်းမိူဝ်ႈၵႆႈၼၼ်ႉၶႃႈ ၶူးၶႃႈလူး” “ႁဝ်းတႄႉၵေႃႈ ႁဵတ်းၵၢၼ်လႄႇဝၢၼ်ႈတႂ်ႈမိူဝ်းၼိူဝ်ၼၼ်ႉယိုင်” “လီတေႉၶႃႈယဝ်ႉ..သမ်ႉမီးတိုဝ်ႉတၢင်းမႃးႁွတ်ႈတၢင်းၼႆႉသေၶႃႈၼေႃ” “တင်ႈၸႂ်မႃး…ယူႇယူႇၵေႃႈၸႂ်ထိုင်ၶိုၼ်း”...

တီႈၼႂ်းႁွင်ႈပၢင်ၵုမ် သဵင်ၾူၼ်းငိုၼ်းသႅင်မေႃးမႃးလႄႈ ၸွမ်သႅင်ႁပ်ႉယဝ်ႉ ၼႅတ်ႈၵိုတ်းပၢင်ၵုမ်သေ ဢွၵ်ႇႁွင်ႈပၢင်ၵုမ်ၵႂႃႇဝႆးဝႆးယဝ်ႉၼႃႇ။ ၵူၼ်းၼႂ်းဝၢၼ်ႈၵေႃႈဢွၼ်ၵၼ်မႃးၸွႆႈမႃးထႅမ်ၵၼ် မိူဝ်ႈဝႃးတိုၵ်ႉပဵၼ်ပၢင်ၶႅၵ်ႇယူႇၵေႃႈ မိူဝ်ႈၼႆႉတႄႉ ပဵၼ်ပၢင်မႃႇသႃႇၵႂႃႇယဝ်ႉ။ ငိုၼ်းသႅင်တႄႉဢမ်ႇႁူႉတေႁဵတ်းသင်ယဝ်ႉ ၼင်ႈသေႁႆႈယူႇၸိူင်ႉၼၼ်ၵူၺ်း။ ၸွမ်သႅင်ၵေႃႉၸတ်းၵၢၼ်ပၼ်ၵႂႃႇမူတ်း ၼင်ႇဝႃႈမၼ်းယၢမ်ႈထူပ်းမႃးၼၼ်ႉယူႇ။...

တႂ်ႈငဝ်းလုၵ်ႈလိူၼ်လႅင်း ငိုၼ်းသႅင်ပႆယူႇၼိူဝ်သဵၼ်ႈတၢင်းဢၼ်တဵတ်ႇယဵၼ်လူင်ၼၼ်ႉ ၼင်ႇဝႃႈဢမ်ႇၵူဝ်သင်ယဝ်ႉလႄႈ လဵပ်ႈပၼ်ႇၵႂႃႇတၢင်းတႂ်ႈႁူမ်ႈမႆႉဢၼ်သုမ်ႇငိုပ်းတၼ် ဢၼ်ယၢမ်ႈပဵၼ်တီႈသေႃႉႁူမ်ႈၵူႈပွၵ်ႈၼၼ်ႉယဝ်ႉ ယၢမ်းလဵဝ်ပဵၼ်ယုမ်းၼၢမ်သုမ်ႇႁူၵ်ႉ ႁိူၼ်းလင်ၼၼ်ႉၵေႃႈ ပဵၼ်ႁိူၼ်းဢမ်ႇမီးၵူၼ်းယူႇၵႂႃႇပႅတ်ႈယဝ်ႉၼႃႇ။ မုင်ႈႁၼ်ၵႂႃႇယဝ်ႉၵေႃႈ ၶိုၼ်းသိုပ်ႇပွၵ်ႈမႃးၼင်ႈယူႇတီႈၼႃႈသႅင်ႇၵဝ်ႇၶဝ်ၼၼ်ႉသေ ထူၺ်ႈၸႂ်လူင် ၽိုဝ်ႈၽိုဝ်ႈယူႇႁင်းမၼ်း။ မိူဝ်ႈလႂ်မီးၵူၼ်းႁဵတ်းႁႂ်ႈႁူဝ်ၸႂ်မၼ်းသၼ်ႇဝႆ...

“မႃးယဝ်ႉႁႃႉ..” လႆႈငိၼ်းသဵင်ပေႃႈ လၢတ်ႈဢွၵ်ႇမႃး ၼင်ႇဝႃႈပႂ်ႉဝႆႉယူႇ လႆႈႁၼ်ၸွမ်သႅင်ၼႆၵေႃႈ “လုၵ်ႈၸၢႆးၵေႃႈမႃးၸွမ်းႁႃႈ” ၸွမ်သႅင်ယိပ်းတင်းထူင်ၶူဝ်းမႃးပၼ်ယူႇ။ “ၵိၼ်ၶဝ်ႈမႃးယဝ်ႉၼႄႇလုၵ်ႈ” “ပႆႇလႆႈၵိၼ်ၶႃႈ” “ပေႃႈႁဵတ်းၶဝ်ႈၽၵ်းဝႆႉဢိူဝ်ႈ ဢွၼ်ၵၼ်ၵိၼ်ၶဝ်ႈႁေၵွၼ်ႇလႄႈ ” ၵႂႃႇၼႂ်းသွင်ႇၾႆးသေ ၵွၼ်ႉၶဝ်ႈပၼ်ၶႃၵႂႃႇ။ မိူဝ်ႈပေႃႈဢမ်ႇႁၼ်ၼၼ်ႉ ငိုၼ်းသႅင်ၵေႃႈ ဢဝ်ၼမ်ႉသႂ်ႇၼႂ်းၽၵ်းသေ...

ပေႃႈလႆႈမိူဝ်းယူႇႁိူၼ်းၶိုၼ်း ဢူၺ်းၵေႃႉဢူၺ်းသႄႈၵေႃႈ ဢွၼ်ၵၼ်မိူဝ်းလႄႇမိူဝ်းတူၺ်းမၼ်း ၵႂႃႇႁဵတ်းၵၢၼ်ၵေႃႈ ငိုၼ်းသႅင်တင်းဢမ်ႇလႆႈမႆႈၸႂ်တၢၼ်ႇၵူႈပွၵ်ႈယဝ်ႉ။ လုၵ်ႉတီႈႁိူၼ်းၵႂႃႇတီႈႁဵတ်းၵၢၼ်ၼႆၵေႃႈ လႆႈဝႃႈႁိုင်ယူႇမွၵ်ႈၸူဝ်ႈမူင်းၶိုင်ႈၼႆႉ၊ သမ်ႉဝႃႈၵႆတၢၼ်ႇႁိုဝ်ၵေႃႈ တွၼ်ႈတႃႇပေႃႈၼၼ်ႉ မၼ်းၵေႃႈယွမ်းႁဵတ်းၵူႈလွင်ႈယဝ်ႉ။ ဝၼ်းယဝ်ႉဝၼ်းၵႂႃႇႁဵတ်းၵၢၼ်မိူၼ်ၵဝ်ႇ ၵူၺ်းၵႃႈ တႃႇတေလၢတ်ႈၶိုၼ်းလွင်ႈႁဵတ်းၶႅၵ်ႇၼၼ်ႉ ဢဝ်ငိုၼ်းသႅင်ဢမ်ႇႁတ်းလၢတ်ႈဢွၵ်ႇသေ...

“မိူဝ်ႈတႄႇၵေႃႈလီသူၼ်ၸႂ် ဝၢႆးမႃး” ယၵ်ႉတူၺ်းငိုၼ်းသႅင်ၵမ်ႉၼိုင်ႈသေ “ၶႂ်ႈပဵၼ်ၵေႃႉယူႇႁိမ်းၶၢင်ႈၶဝ်သေ လုမ်းလႃးတူၺ်းထိုင်ၶဝ် ၼင်ႇၽူႈယိင်းၵေႃႉဢၼ်ၶႃႈႁၵ်ႉၼၼ်ႉဢေႃႈ” သီၼႃႈလႄႈၶေႃႈၵႂၢမ်း လၢတ်ႈဢွၵ်ႇမႃး ၼင်ႇဝႃႈလၢတ်ႈၼႄပေႃႈၸဝ်ႈယူႇၼၼ်ႉယဝ်ႉ။ သမ်ႉပေႃးဢဝ်ငိုၼ်းသႅင်လႆႈဝိၼ်ႇၼႃႈယၵ်ႉတူၺ်းမၼ်းယဝ်ႉမိုင်ၵႂႃႇသေ “ၵွပ်ႈၼၼ် တေႃႇပေႃႈပေႃးတေလႆႈၶဝ်ႈပၢင်ၶႅၵ်ႇႁႃး ပေႃႈၵေႃႈၶဝ်ႈႁပ်ႉၵၢၼ်ၽႃႇတတ်းလႆႈယဝ်ႉၼႃ” ယိပ်းသွတ်ႇဢဝ်မိုဝ်းၸွမ်သႅင်ၼင်ႇပဵၼ်ၵူႈႁၵ်ႉၵၼ်ဝႆႉယူႇ။ ပေႃႈၶဝ်ယဵၼ်ၵႂႃႇတင်းႁိုင်ယဝ်ႉ...

ယၢမ်းၵၢင်ၼႂ် လုင်းပိူင်းၵေႃႈ ၸူဝ်းဢွၼ်ဢဝ်ၸွမ်သႅင်လႄႇၼႂ်းသူၼ်ၼၼ်ႉသေ ငိုၼ်းသႅင်ၵေႃႈၸွႆႈမႄႈပႃႈႁႅၼ်းၶဝ်ႈၽၵ်းယူႇၼႂ်းသွင်ႇၾႆးၼၼ်ႉယဝ်ႉ။ “ၽွင်းၼႆႉၵၢၼ်ၽုၵ်ႇၵၢၼ်သွမ်ႈၸိူဝ်းၼႆႉ ၸွင်ႇမီးတၢင်းယၢပ်ႇသင်ၵွၼ်ႇၶႃႈၼႄႇ” “ပေႃးဝႃႈလွင်ႈယၢပ်ႇတႄႉၶႂ်ႈဝႃႈၵူႈမဵဝ်းယဝ်ႉ ဢမ်ႇဝႃႈၾုၼ်ႇၸိူဝ်းၼႆႉ ဢၼ်ႁဝ်းမီးမၼ်းဢမ်ႇၵုမ်ႇ လႆႈသိုဝ်ႉတၢင်းၼွၵ်ႈထႅင်ႈၶႃႈဢိူဝ်ႈ၊ ၶၢဝ်းၼႆႉသမ်ႉ မႅင်းၵေႃႈလိူင်ႇ ပေႃးဢမ်ႇသိတ်းယႃၵေႃႈမႅင်းတွမ် သမ်ႉဢမ်ႇၶႂ်ႈၸႂ်ႉသၢၼ်ၶေးမီးလႄႈ...

မုင်ႈၵႂႃႇတၢင်းၼႃႈ ႁၼ်ၾႆးႁိူဝ်ႈဝႆႉယူႇလႄႈ  “ပုၼ်ႉ ႁၼ်ယဝ်ႉ” သွင်ၶႃၵေႃႈၸူမ်းသိူဝ်းသေႁွတ်ႈၵႂႃႇ ဢမ်ႇလႆႈႁၼ်ၽႂ်ယဝ်ႉ ၸင်ႇဢွၼ်ၵၼ်ၵႂႃႇႁွင်ႉ “လုင်းပိူင်း!!..” လုင်းပိူင်းဢွၵ်ႇမႃးႁပ်ႉတွၼ်ႈၶႃသေ ႁၼ်သိူဝ်ႈၶူဝ်းၶႃသမ်ႉပေႃးယမ်းၵႂႃႇမူတ်း “တေမႃးၵေႃႈဢမ်ႇလၢတ်ႈၵၼ်ၶႃႈလႃႇ တေလႆႈႁႂ်ႈလုၵ်ႈဢွၼ်ႇၶဝ်ၵႂႃႇပႂ်ႉႁပ်ႉ” မေးလုင်းပိူင်းၼၼ်ႉၵေႃႈ ဢွၵ်ႇမႃးယဝ်ႉ “ဢွၼ်ၵၼ်ႁိူဝ်ႉမႃး တေတွင်ႉမႆႈၵၼ်ယဝ်ႉၶႃႈယူဝ်ႉ” ဢမ်ႇလၢတ်ႈၵေႃႈ ယၵ်ႉတူၺ်းသီၼႃႈၵူၼ်းၵူၺ်းႁၼ်ၸႅင်ႈၼႃႇယဝ်ႉ။ “လိုဝ်ႈႁိူဝ်ႉၵၼ်သေၵွၼ်ႇလႄႈ...

ဢဝ်ၵၢၼ်ဢဝ်ငၢၼ်းမၼ်းဝၢင်းဝႆႉပၼ်သေ မႄးၽိူၼ်မႄးၽဵဝ်ႈ ၼမ်ႉၼဵင်ႈၼမ်ႉမႆႈႁၢင်ႈႁႅၼ်း ပႂ်ႉႁပ်ႉတွၼ်ႈႁူဝ်ၼႃႈမၼ်းယူႇ။ “မႂ်ႇသုင်ၵၢင်ၼႂ်ၶႃႈ” “မႃးၸဝ်ႉလီယူႇလူးမိူဝ်ႈၼႆႉ” ၸွမ်သႅင်ၵေႃႈ မႃးထတ်းတူၺ်းဢၼ်ငိုၼ်းသႅင်ႁဵတ်းမႃးၸိူဝ်းၼၼ်ႉ သမ်ႉဝႃႈၶႂ်ႈၼႄးယူႇၵေႃႈ မၼ်းသမ်ႉႁဵတ်းလႆႈလီယူႇ ဢမ်ႇၸၢင်ႈၼႄးသင်ယဝ်ႉ ယၵ်ႉတူၺ်းငိုၼ်းသႅင်သေ ယုမ်ႉဢွၵ်ႇမႃးၼင်ႇပေႃးၸႂ်ဝႆႉယူႇ။ ယူႇၸူဝ်ႈၼိုင်ႈ ငိုၼ်းသႅင်ၵေႃႈ...

ထိုင်ၶၢဝ်းယၢမ်းလိုဝ်ႈၵၢၼ်ယဝ်ႉၼႆၵေႃႈ တွၼ်ႈတႃႇငိုၼ်းသႅင်ၼၼ်ႉတႄႉ ပဵၼ်ၶၢဝ်းယၢမ်းဢၼ်မီးၵႃႈၶၼ်တႃႇမၼ်းတႄႉတႄႉ။ ၵူႈပွၵ်ႈတႄႉ ပေႃးၸမ်ထိုင်ၶၢဝ်းယၢမ်းၼႆ ႁိပ်ႈၼႅတ်ႈႁၢင်ႈႁႅၼ်းဝႆႉႁႂ်ႈယဝ်ႉယဝ်ႉ ပေႃးဝႃႈထိုင်ၶၢဝ်းယၢမ်းၼႆၵေႃႈ ၼႅတ်ႈဢွၵ်ႇမိူဝ်းၵမ်းလဵဝ်၊ မိူဝ်ႈၼႆႉသမ်ႉ ႁူဝ်ၼႃႈမႃးၸႂ်ႉၵၢၼ်မိူဝ်ႈၶၢဝ်းယၢမ်းၸမ်သဵင်ႈဢဝ်လီလီ တေထဵင်ၶိုၼ်းၵေႃႈ ၵၢင်ၼႂ်သမ်ႉမႃးလႃႈလႄႈ...