ႁူမ်ႈလႅင်း

ၼင်ႇၶမ်ႈၼိုင်ႈ ဢႆၢႈသႅင်တေၵႂႃႇမိူင်းထႆးၶိုၼ်းယဝ်ႉၼႆလႄႈ ႁိဝ်ႈတဝ်ႈလဝ်ႈမၼ်းမိူဝ်းလႄႇဢႆၢႈၼူတ်ႇယူႇ။ "ႁေႉ သြႃႇၵေႃႉမီးႁိူၼ်းယူႇၼႄႇ" ဢႆၢႈၼူတ်ႇဢွၵ်ႇႁိူၼိးမႃးငွၵ်ႈတူၺ်း "မႃးလႄႈ ၶဝ်ႈမႃးလႄႈတိုၵ်ႉၵိၼ်ၶဝ်ႈဢိူဝ်ႈ" "ၵိၼ်ၽၵ်းႁင်လႃႇ" "ၽၵ်းၵုတ်ႇဢွပ်ႉ ၵႂႃႇၵဵပ်းမႃးၼႂ်းၼႃးၼၼ်ႉယိုင်" "မိူင်းႁဝ်းၼႆႉတႄႉၼေႃ ၽၵ်းယိူဝ်ႈၼၢင်းၶဵဝ်ၼႆႉ ဢမ်ႇလႆႈသိုဝ်ႉၵိၼ်တေႉဢေႉ ယူႇမိူင်းထႆးၼႆႉတႄႉ မၢၵ်ႇႁႅင်ႈဢွၼ်ႇၵူၺ်းၵေႃႈ တင်းလႆႈသိုဝ်ႉၵွၼ်ႇဢိူဝ်ႈမႂ်း" "မႂ်းၵေႃႈမႃးယူႇၶိုၼ်းႁေယဝ်ႉၼႃႇ" "ဢမ်ႇမီးၵၢၼ်မီးငၢၼ်းသင်လႄႇမႂ်းၵေႃႈ" "မီးၼႃႇမႂ်း သွၼ်ႇႁႂ်ႈၵႆႉၵူၺ်းလႃႈ မၼ်းမႃးဢိုပ်းႁေၸၢတ်ႈ" "တေႁဵတ်းၵၢၼ်ႁင်လႃႇမႂ်းဝႃႈ" "ႁဵတ်းသူၼ်ဢိူဝ်ႈမႂ်းၵေႃႈ...

တီႈႁူင်းႁဵၼ်းၼႆၵေႃႈ မီးႁူင်းသဝ်းတွၼ်ႈတႃႇလုၵ်ႈဢွၼ်ႇ ၸိူဝ်းဢမ်ႇလႆႈယူႇၸွမ်းပေႃႈမႄႈ လႄႈ လုၵ်ႈဢွၼ်ႇ ဢၼ်ပေႃႈမႄႈဢမ်ႇပေႉလဵင်ႉလႆႈၼၼ်ႉၵေႃႈမီးယဝ်ႉ။ မၢင်ၸိူဝ်းၵေႃႈ ပေႃႈမႄႈလူႉသဵင်ႈၵႂႃႇပႅတ်ႈ မိူဝ်ႈပၢၼ်တႅပ်းသီႇတႅပ်းၼၼ်ႉသေ မႃးၸွမ်းသိုၵ်းလႄႈ တေဢဝ်ႁဵတ်းသိုၵ်းၵေႃႈဢသၢၵ်ႈတိုၵ်ႉလဵၵ်ႉၼႃႇၼႆသေ ယူႇဝႆႉတီႈႁူင်းသဝ်း မီးဝႆႉလုၵ်ႈႁဵၼ်းတင်းၼမ်ယူႇယဝ်ႉ။ ႁူင်းသဝ်းယိင်းၵေႃႈမီးႁင်းမၼ်း ႁူင်းသဝ်းၸၢႆးၵေႃႈမီးႁင်းမၼ်းၵူၺ်း။...

တီႈၼႂ်းႁိူၼ်းလင်ၼိုင်ႈ ၼၢင်းသိုဝ်ႉလူႇၶဝ်ႈၼႂ်းဝၢင်းႁိူၼ်း မႄႈပႃႈၶဝ်ပီႈၼၢင်းမႄႈၶဝ်ၼၢႆးဢွင်ႇၼၼ်ႉ ၼင်ႈယူႇၼႂ်းႁိူၼ်း မုင်ႈႁၼ်ၵူၼ်းၵေႃႉၼိုင်ႈပႆၶဝ်ႈမႃးၼႂ်းဝၢင်းၼၼ်ႉသေ “ၼၼ်ႉၸွင်ႇဢမ်ႇၸႂ်ႈသၢင်ႇဢိင်ႇတႃႇၶဝ်ဢမ်ႇၸႂ်ႈႁိုဝ်လႃႇၼၼ်ႉ ဢီႇၸၢမ်ႇ” “ၼၼ်ႉႁမ်ႉပဵၼ်ဢီႇလူႇႁိုဝ်လႃႇ” “ၸႂ်ႈဢိူဝ်ႈ” ၼၢႆးဢွင်ႇ လင်ၵွမ်းၵွမ်းလုၵ်ႉမႃးသေၵႂႃႇႁပ်ႉယဝ်ႉ။ ၼၢင်းၸၢမ်ႇၵေႃႈၵႂႃႇၸွႆႈဢဝ်ၶူဝ်းဢဝ်ၶွင်သေ “ၶဝ်ႈမႃးတၢင်းၼႂ်းႁိူၼ်းႁေၵွၼ်ႇလႄႈ” ဢဝ်ၶူဝ်းတမ်းယဝ်ႉ “ႁဵတ်းႁိုဝ်မႃးလႃႇၼၼ်ႉ ၸိုင်ဝႃႈမိူဝ်းယူႇတီႈဢီႇမူၼ်းၶဝ်ယဝ်ႉၼႆဢမ်ႇၸႂ်ႈႁႃႉ” “ၸႂ်ႈယဝ်ႉဝႃႈ” “ပီႈသၢင်ႇသူၶဝ်ယူႇလီၵိၼ်ဝၢၼ်ယူႇၼေႃႈ” “ယူႇလီၵၼ်ဝၢၼ်ယူႇၶႃႈ” “ၸိုင်ဝႃႈမႂ်းတေႇၼႃႈႁိူၼ်းယဝ်ႉၼႆႁႃႉ” “ဢေႃႈ” သၢင်ႇဢိင်ႇတႃႇၵေႃႈ လုၵ်ႉႁိူၼ်းတီႈဝဵင်းၼၼ်ႉ မႃးသူင်ႇၼၢင်းသိုဝ်ႉလူႇသေ ၶိုၼ်းပွၵ်ႈမိူဝ်းၵႂႃႇယဝ်ႉ။ “ပီႈသၢင်ႇသူတႄႉ ပူၼ်ႉတူဝ်ၵႂႃႇၸဵမ်မိူဝ်ႈသိုၼ်းယဝ်ႉဢိူဝ်ႈၼၼ်ႉ” ၼၢင်းၸၢမ်ႇလၢတ်ႈ “ဢၢႆႈၼုမ်ႇၶႃပီႈၼွင်ႉလူး” “မီးယူႇတီႈႁိူၼ်းပီႈၶူၺ်သူ...

ပေႃးႁူဝ်ၶမ်ႈႁူဝ်ၶမ်ႈႁူၵ်းမူင်းမႃးၼႆ ႁိူၼ်းၽႂ်ႁိူၼ်းမၼ်း ဢွၼ်ၵၼ်ပူၵ်းလၵ်းဢွၼ်ႇ ဢၼ်မီးယူႇတီႈရေႇတီႇယူဝ်ႇၼၼ်ႉသေ ႁႃလႅင်းမၼ်းယဝ်ႉ ပႂ်ႉထွမ်ႇၶၢဝ်ႇထွမ်ႇငၢဝ်း တီႈႁူင်းပွႆႇသဵင်ၶဝ်ပိုၼ်ၽႄႈဢွၵ်ႇၵႂႃႇၼၼ်ႉယဝ်ႉ။ ၶၢဝ်ႇဢၼ်ၵႆႉၵႆႉလႆႈငိၼ်းၵမ်ႈၼမ်ၵေႃႈ လွင်ႈသိုၵ်းမၢၼ်ႈပေႉၵိၼ်ၵူၼ်းမိူင်း ၺွပ်းၵိၼ်ဢဝ်လၢႆၶူဝ်းၶွင်ၵူၼ်းမိူင်းလႄႈ လွင်ႈပၢင်တိုၵ်းသိုၵ်းတႆးသိုၵ်းမၢၼ်ႈၸိူဝ်းၼႆႉယဝ်ႉ။ တီႈၼႂ်းၽိူၼ်မူႇၶဝ်ႈ ၼႂ်းႁိူၼ်းၼၼ်ႉ လိူဝ်သေၵူၼ်းလူင်ယဝ်ႉ မီးလုၵ်ႈဢွၼ်ႇၼၢႆးၸိင်ႇထႅင်ႈယူႇ၊ လုၵ်ႈဢွၼ်ႇၵိၼ်ၶဝ်ႈယဝ်ႉသေ...