ယႃႇသုမ်းၶၢဝ်းယၢမ်းသေၸင်းမၼ်းယူႇယဝ်ႉ မၢင်ၵေႃႉလၢတ်ႈဢမ်ႇလီသႂ်ႇႁဝ်း ၶၢဝ်းယၢမ်းလၢႆမိၼိတ်ႉဢွၼ်ႇၵူၺ်း ႁဝ်းသမ်ႉတေဢဝ်ၵႂႃႇဝူၼ်ႉတင်းဝၼ်း၊ ၶဝ်တႄႉပူၼ်ႉၵႂႃႇယဝ်ႉ ႁဝ်းၵူၺ်းယင်းတိုၵ်ႉယူႇတီႈၵဝ်ႇ။
ဢမ်ႇၵျိူၵ်ႈၵေႃႈ ဢမ်ႇလူဝ်ႇဢဝ်သႂ်ႇၸႂ် ႁႂ်ႈမႃးသုၵ်ႉၸႂ်လၢႆလၢႆ လၢတ်ႈဢမ်ႇလီတီႈလႂ်ၵေႃႈ ပႅတ်ႈဝႆႉတီႈၼၼ်ႉသေ ဢမ်ႇလီဢဝ်ၵႂၢမ်းလၢတ်ႈၶဝ်ဢဝ်ၵႂႃႇၸွမ်း။
ၸႂ်ႁဝ်းဢမ်ႇၸႂ်ႈတီႈလိုဝ်ႈၽႂ် ဢမ်ႇၸႂ်ႈၽႂ်ၵေႃႈတေၶဝ်ႈမႃးၼႂ်းၸၢတ်ႈပၢၼ်လႆႈ၊ ၵူၼ်းဢၼ်ႁဵတ်းႁႂ်ႈႁဝ်းဢမ်ႇသိူဝ်းၸႂ်ၼၼ်ႉသမ်ႉ ၵႆႉႁဵတ်းႁႂ်ႈဝူၼ်ႉၼမ်ၸွမ်းလႄႈ ႁႅင်းသဵင်ႈၸွမ်း ၵွပ်ႈၼၼ် ပႅတ်ႈဝႆႉသေ။
ယႃႇပၼ်ႁႂ်ႈၶဝ်ဢဝ်ႁဵတ်းႁၢႆႉႁဝ်းထႅင်ႈဝၼ်းသွင်လႄႈ ဝၼ်းဢၼ်ႁဵတ်းႁႂ်ႈၸႂ်ဢမ်ႇလီဝၼ်းၼိုင်ႈယဝ်ႉၼၼ်ႉ ယႃႇၵုမ်ႇဢဝ်မႃးၵဵပ်းဝူၼ်ႉၸွမ်းပဵၼ်ဝၼ်းထီႉသွင်ထႅင်ႈ။
ဢမ်ႇၸႂ်ႈၵႂၢမ်းလၢတ်ႈၵူႈၶေႃႈ တေမီးၶေႃႈတွပ်ႇ မၢင်ပွၵ်ႈၶဝ်ဢမ်ႇလႆႈပွင်ႇၸႂ်ႁဝ်း လိူဝ်သေဝႃႈၶႂ်ႈႁၼ်ႁဝ်း ၸႂ်လမ်၊ ၸႂ်ၸႃႉ ယဝ်ႉပၼ်ႁႂ်ႈႁဝ်းၸႂ်လူႉၵႂႃႇတင်းဝၼ်းလႆႈ ၸွမ်းလွင်ႈၼၼ်ႉ။
ၵဵပ်းဝႆႉလွင်ႈဢၼ်လီတေႃႇတူဝ်ၵဝ်ႇၵူၺ်း ၼႂ်းၼိုင်ႈဝၼ်းၼၼ်ႉ တိုၼ်းမီးလွင်ႈလီယူႇ ၵူၼ်းလီ၊ သဵင်ၵႂၢမ်းလီထွမ်ႇ၊ တၢင်းၵိၼ်ဢၼ်လီ၊ မီးလွင်ႈဢၼ်ႁဵတ်းႁႂ်ႈယုမ်ႉလႆႈယူႇလူး ၵွပ်ႈသင်လႄႈတေႁႂ်ႈၵူၼ်းၵေႃႉလဵဝ် ဢဝ်လွင်ႈဢမ်ႇလီမႃးႁဵတ်းႁႂ်ႈၸႂ်ဢမ်ႇလီ။
ပိၼ်ႇ – ငဝ်မွင်မိုတ်းမူဝ်း
