လွင်ႈလဵၵ်ႉလဵၵ်ႉဢၼ်ႁဵတ်းယူႇဝၼ်းဢိတ်းဢိတ်းၼၼ်ႉ ဢမ်ႇၸႂ်ႈလွင်ႈယႂ်ႇဢၼ်တေမႃးလႅၵ်ႈလၢႆႈၸၢတ်ႈပၢၼ်သေတႃႉ ၵူၺ်းၵႃႈ လွင်ႈဢဝ်ပေႉတၢင်းၶၢၼ်ႉလႄႈလွင်ႈၵူဝ်ဢၼ်လဵၵ်ႉလဵၵ်ႉၼၼ်ႉ သေ တေပဵၼ်တၢင်းယၢမ်ႈၵႂႃႇ။
ဢၼ်ႁဵတ်းယူႇတႃႇသေႇၼၼ်ႉ လမ်ႇလွင်ႈလိူဝ်သေၼမ်ႉၵတ်ႉတၢင်းၶႅၼ်ႇဢၼ်မီးယူႇ ၵူၼ်းဢၼ်ႁဵတ်းဝၼ်းဢိတ်းဢိတ်း တေၵႂႃႇၵႆလိူဝ်သေၵူၼ်းဢၼ်ႁဵတ်းၼမ်ၼမ်သေ ႁဵတ်းပဵၼ်ပွၵ်ႈၵူၺ်း။
တႄႇႁဵတ်းၵႂႃႇၵမ်းဢိတ်း ၵမ်ႈၼမ်တေဝူၼ်ႉဝႃႈ လူဝ်ႇလႆႈတႄႇၵႂႃႇတီႈယႂ်ႇယႂ်ႇယဝ်ႉႁႂ်ႈမၼ်းတဵမ်ထူၼ်ႈသေၵွၼ်ႇ ၵူၺ်းၵႃႈ တႄႇတီႈဢၼ်လဵၵ်ႉလဵၵ်ႉဢွၼ်ႇၼၼ်ႉ မၼ်းႁဵတ်းၵႂႃႇလႆႈငၢႆႈလိူဝ်။
တၢင်းယၢမ်းလီထုၵ်ႇသၢင်ႈၵႂႃႇတီႈလွင်ႈလဵၵ်ႉလဵၵ်ႉ ၼင်ႇ လုၵ်ႉၸွမ်းၶၢဝ်းယၢမ်း၊ ႁဵတ်းၵၢၼ်ႁႂ်ႈယဝ်ႉၸွမ်းၽႅၼ်၊ ဢမ်ႇဝႃႈလွင်ႈၵဵပ်းၽဵဝ်ႈသိမ်းတီႈၼွၼ်း ပဵၼ်တၢင်းယၢမ်ႈဢၼ်ၽိုၵ်းလႆႈငၢႆႈငၢႆႈလႄႈ ပဵၼ်လွင်ႈလီဢၼ်မီးႁႅင်းတႄႉတႄႉ။
လွင်ႈလဵၵ်ႉလဵၵ်ႉႁိုင်ႁိုင်မႃးၵေႃႈ တေႁၼ်ၽွၼ်းပၢင်ႈဢၼ်ယႂ်ႇမႃးယူႇ မိူၼ်ၼင်ႇႁဝ်းႁွမ်ငိုၼ်းၵမ်းဢိတ်းဢိတ်း ဝၼ်းၼိုင်ႈပေႃးႁိုင်မႃးၵေႃႈ မၼ်းၵေႃႈမီးၼမ်မႃး ယူႇယဝ်ႉ။
လူင်းမိုဝ်းႁဵတ်း လမ်ႇလွင်ႈလိူဝ်သေၵၢၼ်ဝူၼ်ႉ ဝူၼ်ႉယဝ်ႉဢမ်ႇလူင်းမိုဝ်းႁဵတ်း မၼ်းၵေႃႈဢမ်ႇပဵၼ်မႃး တူဝ်ထူပ်းဢၼ်တေႉၼၼ်ႉ ဢမ်ႇလႆႈမီးၼႂ်းတၢင်းဝူၼ်ႉၵူၺ်း။
လွင်ႈယုမ်ႇယမ်တူဝ်ၵဝ်ႇၼၼ်ႉၵေႃႉ လုၵ်ႉမႃးတီႈလွင်ႈဢွင်ႇမၢၼ်ဢၼ်လဵၵ်ႉလဵၵ်ႉ မိူဝ်ႈႁဵတ်းလွင်ႈလဵၵ်ႉ ဢွင်ႇမၢၼ်ၵႂႃႇၵမ်းဢိတ်းဢိတ်း တၢင်းဝူၼ်ႉႁဝ်းၵေႃႈတေယုမ်ႇဝႃႈ ႁဵတ်းလႆႈယူႇလႄႈ ႁတ်းႁဵတ်းဢၼ်ယႂ်ႇမႃးထႅင်ႈ။
ဝႆႉယိူင်းဢၢၼ်းလဵၵ်ႉလဵၵ်ႉသေ ႁဵတ်းႁႂ်ႈဢမ်ႇသုၵ်ႉသၵ်ႉ ဢမ်ႇသဵင်ႈႁႅင်းငၢႆႈလႄႈ ယင်းႁူႉဝႃႈလွင်ႈဢွင်ႇမၢၼ်ၼၼ်ႉယူႇဢမ်ႇၵႆ။
လွင်ႈဢွင်ႇမၢၼ်ဢမ်ႇၸႂ်ႈၵိုင်ႉၵၢင်ႉပုင်ႈၶိုၼ်ႈၵႂႃႇၵမ်းလဵဝ် မၼ်းတေၶိုၼ်ႈၵႂႃႇၵမ်းဢိတ်းဢိတ်း။
သင်လူလိၵ်ႈ ဝၼ်း 10 မိၼိတ်ႉၵူၺ်းၵေႃႈ မိူၼ်တင်းသၢင်ႈပၼ်တူဝ်ၵဝ်ႇ ႁႂ်ႈမေႃႁၵ်ႉလွင်ႈလဵပ်ႈႁဵၼ်းမႃးယဝ်ႉ။
ယႃႇထၢင်ႇလဵၵ်ႉဝႃႈ လွင်ႈၶိုပ်ႈၼႃႈလဵၵ်ႉလဵၵ်ႉၼၼ်ႉ မၼ်းတေၸုၵ်းယူႇတီႈၵဝ်ႇၵူၺ်း။
ပိၼ်ႇ – ငဝ်မွင်မိုတ်းမူဝ်း
