မႄႈၼမ်ႉလႄႈၽဝမၼ်း

မိူဝ်ႈမၼ်းလႆႈႁၼ်မႄႈၼမ်ႉၵေးယႂ်ႇ လႆၸႅဝ်ႈပေႃးၶဵဝ်ၸၢဝ်းငၢဝ်းဝႆႉၼၼ်ႉ၊ ၼႂ်းၵၢင်ၸႂ်မၼ်း ပေႉၶႂ်ႈပွႆႇတူဝ်သေလွင်ႈလူင်းၵႂႃႇၵူၺ်းယဝ်ႉ။
မၼ်းၼင်ႈႁိမ်းၽင်ႇၼမ်ႉယူႇတင်းႁိုင် တူၺ်းၸွမ်းသႆၢမႄႈၼမ်ႉသေ ဝူၼ်ႉယူႇဝႃႈ
“သင်ၵဝ်ပွႆႇတူဝ်ၵဝ်လူင်းၸွမ်းၼမ်ႉၼႆႉ ၸွင်ႇၵဝ်တေၶတ်းႁႅင်းမၼ်းၶိုၼ်းႁိုဝ်”
မၼ်းလႆႈဢဝ်တိၼ်ယင်ႇလူင်းၼႂ်းၼမ်ႉ ၼမ်ႉၵတ်းလၢင်ႈၸူးတိၼ်မႃး မၼ်းသိုပ်ႇပွႆႇတူဝ်လူင်း ဢမ်ႇပေႉႁႅင်းၼမ်ႉလႆႈယဝ်ႉလႄႈ မၼ်းၶုၼ်ႇဝၵ်ႉတၢဝ်းဢဝ်ၵၢၼ်ႈမႆႉႁိမ်းၽင်ႇၼမ်ႉ ယိင်ႈၸၼ်ဝႆႉ ၼမ်ႉယိင်ႈထွင်းႁႅင်း မၼ်းလႆႈပွႆႇမိုဝ်းၵႂႃႇသေ တူဝ်မၼ်းၵေႃႈပွႆႇလွင်ႈၵႂႃႇၸွမ်းၼမ်ႉ။
မိူဝ်ႈတိၼ်မၼ်းယင်ႇလူင်း ဢမ်ႇႁွတ်ႈပိုၼ်ႉသႆၢး ၸႂ်မၼ်းႁႆၢမႃးပဵၼ်ၵမ်းယူႇဢိူဝ်ႈ၊ မၼ်းၶတ်းၸႂ်လုၺ်းလူင်းၸွမ်းၼမ်ႉ ထိုင်တီႈပေႃးႁိုဝ်ႉၵေႃႈ ၵႃႈပႆႇႁွတ်ႈၸူးၽင်ႇ မၼ်းဢမ်ႇႁတ်းယင်ႇတိၼ်တမ်း။
မၼ်းၶိုၼ်ႈၽင်ႇသေ ယၵ်ႉတူၺ်းၶိုၼ်းမႄႈၼမ်ႉ
“ၵဝ်ႁူႉယူႇဝႃႈ ၵဝ်ၶတ်းႁႅင်းၼမ်ႉဢမ်ႇလႆႈ ၵူၺ်းၵႃႈ ၵဝ်ၵေႃႈဢမ်ႇပႆႇပွႆႇတူဝ်ၵဝ်လႅၼ်ႈလူင်းၸွမ်းၼမ်ႉလႆႈ”
“မႄႈၼမ်ႉဢိူၺ် မႂ်းပဵၼ်တွၼ်ႈသွၼ်ပုၼ်ႈၸၢတ်ႈပၢၼ်ၵဝ်ယဝ်ႉ ယိၼ်းၸူမ်းမႂ်းတႄႉယဝ်ႉ”
သႅၼ်ငဝ်း
14.4.2026

လုၵ်ႉတီႈလွင်ႈလဵၵ်ႉဝၼ်းဢိတ်းဢိတ်း

လွင်ႈလဵၵ်ႉလဵၵ်ႉဢၼ်ႁဵတ်းယူႇဝၼ်းဢိတ်းဢိတ်းၼၼ်ႉ ဢမ်ႇၸႂ်ႈလွင်ႈယႂ်ႇဢၼ်တေမႃးလႅၵ်ႈလၢႆႈၸၢတ်ႈပၢၼ်သေတႃႉ ၵူၺ်းၵႃႈ လွင်ႈဢဝ်ပေႉတၢင်းၶၢၼ်ႉလႄႈလွင်ႈၵူဝ်ဢၼ်လဵၵ်ႉလဵၵ်ႉၼၼ်ႉ သေ တေပဵၼ်တၢင်းယၢမ်ႈၵႂႃႇ။ ဢၼ်ႁဵတ်းယူႇတႃႇသေႇၼၼ်ႉ လမ်ႇလွင်ႈလိူဝ်သေၼမ်ႉၵတ်ႉတၢင်းၶႅၼ်ႇဢၼ်မီးယူႇ ၵူၼ်းဢၼ်ႁဵတ်းဝၼ်းဢိတ်းဢိတ်း တေၵႂႃႇၵႆလိူဝ်သေၵူၼ်းဢၼ်ႁဵတ်းၼမ်ၼမ်သေ...

ဢမ်ႇလႆႈၸႂ်ၵေႃႈဢမ်ႇသူၼ်ၸႂ်သေ

ယႃႇသုမ်းၶၢဝ်းယၢမ်းသေၸင်းမၼ်းယူႇယဝ်ႉ မၢင်ၵေႃႉလၢတ်ႈဢမ်ႇလီသႂ်ႇႁဝ်း ၶၢဝ်းယၢမ်းလၢႆမိၼိတ်ႉဢွၼ်ႇၵူၺ်း ႁဝ်းသမ်ႉတေဢဝ်ၵႂႃႇဝူၼ်ႉတင်းဝၼ်း၊ ၶဝ်တႄႉပူၼ်ႉၵႂႃႇယဝ်ႉ ႁဝ်းၵူၺ်းယင်းတိုၵ်ႉယူႇတီႈၵဝ်ႇ။ ဢမ်ႇၵျိူၵ်ႈၵေႃႈ ဢမ်ႇလူဝ်ႇဢဝ်သႂ်ႇၸႂ် ႁႂ်ႈမႃးသုၵ်ႉၸႂ်လၢႆလၢႆ လၢတ်ႈဢမ်ႇလီတီႈလႂ်ၵေႃႈ...

ဢမ်ႇၵျိူၵ်ႈၵေႃႈပွႆႇၵႂႃႇ

ၼႂ်းၶူင်းၵၢင်ၼႆႉ ဢမ်ႇမီးသင်ဢၼ်ထုၵ်ႇၸႂ်ႁဝ်းၵူႈလွင်ႈ၊ ၽႂ်ၵေႃႈမီးတၢင်းဝူၼ်ႉတၢင်းႁၼ် တၢင်းသူင် ဢၼ်ပႅၵ်ႇပိူင်ႈၵၼ်။ ၵူၺ်းၵႃႈဢၼ်ဢမ်ႇၵျိူၵ်ႈသေလွင်ႈလွင်ႈၼၼ်ႉ ဢမ်ႇၸႂ်ႈဝႃႈတေလႆႈႁဵတ်းပဵၼ်ၼင်ႇၽူႈတႅပ်းတတ်းတြႃးသေ တႅပ်းတတ်းၵူႈလွင်ႈဢၼ်ၸမ်တူဝ်။ ပေႃး ၶတ်းတႃ ၵေႃႈၶၢမ်ႈပူၼ်ႉၵႂႃႇသေ...