ၸၢတ်ႈပၢၼ်ႁဝ်းၼၼ်ႉၵေႃႈ မိူၼ်တင်းတွင်ႉၾႃႉယဝ်ႉ ဢမ်ႇတွၼ်ႉမိူၼ်ၵၼ်သေဝၼ်း မၢင်ဝၼ်းၵေႃႈမူဝ်းမွင် မၢင်ဝၼ်းၵေႃႈၸိုၼ်ႈပၢင်ႇသႂ်။
ဢမ်ႇမီးၽႂ်ယူႇၸွမ်းႁဝ်းလႆႈတႃႇသေႇ မီးမိူဝ်ႈထူပ်းၵေႃႈ တွၼ်ႈတႃႇပႂ်ႉဝၼ်းလႆႈၽၢတ်ႇၵၼ်ယဝ်ႉ။
ႁၵ်ႉတူဝ်ၵဝ်ႇၼမ်ၼမ် ဢမ်ႇဝႃႈၸၢတ်ႈပၢၼ်တေလႆႈထူပ်းလွင်ႈသင်မႃးၵေႃႈယဝ်ႉ မိူဝ်ႈႁဝ်းယင်းတိုၵ်ႉမီးတူဝ်ၵဝ်ႇယူႇ ႁဝ်းၵေႃႈတေဢဝ်မၼ်းၶၢမ်ႈပူၼ်ႉၵႂႃႇႁႂ်ႈလႆႈ။
သဵၼ်ႈတၢင်းၸၢတ်ႈပၢၼ်ႁဝ်းၼၼ်ႉမၼ်းယၢဝ်းၵႆ ၵႆၼႃႇတႃႇတေယွမ်းသုမ်းမၼ်း လိုဝ်ႈလႆႈ၊ ႁိူဝ်ႉလႆႈ၊ ၵၢၼ်ႉလႆႈၵေႃႈ ႁႂ်ႈပွၵ်ႈမႃးၶိုၼ်းမိူၼ်ၵဝ်ႇလႆႈၼၼ်ႉယဝ်ႉ။
လူင်းမိုဝ်းႁဵတ်းတေၸၢင်ႈတူၵ်းသုမ်းလႆႈယဝ်ႉ ၵူၺ်းၵႃႈ သင်ဢမ်ႇလူင်းမိုဝ်းႁဵတ်း မၼ်းတိုၼ်းတူၵ်းသုမ်းၵႂႃႇဢမ်ႇႁၢင်ႉ။
မီးဢူၺ်းၵေႃႉတင်းၼမ်ၵေႃႈ ၸၢင်ႈမေႃသုမ်းမၼ်းၵႂႃႇလူၺ်ႈလွင်ႈၵူႈယိမ်ငိုၼ်းၵၼ်လႆႈယဝ်ႉ။
ႁဝ်းၵူႈၵေႃႉၼၼ်ႉတိုၼ်းယၢမ်ႈပဵၼ်ၵူၼ်းႁၢႆႉမႃး ၼႂ်းသၢႆတႃၽႂ်သေၵေႃႉၵေႃႉယူႇ။
ဢမ်ႇမီးၽႂ်ပဵၼ်ဢူၺ်းလီတေႉလႄႈ ပဵၼ်ၽူႈၶဵၼ်လႆႈတေႃႇၸူဝ်ႈ။
ယိုင်ႈဢႃႇယုယႂ်ႇမႃးၵေႃႈ ၸွမ်းႁႃတၢင်းသိူဝ်းလႄႈ လႆႈၼွၼ်းလပ်းတဵမ်ဢိမ်ႇၼၼ်ႉၵူၺ်းၵေႃႈ လီၼႃႇယဝ်ႉ။
မိူဝ်ႈယၢမ်းတူၵ်းၵိၼ်းယူႇၼၼ်ႉ တေႁူႉလႆႈဝႃႈၽႂ်ပဵၼ်ဢူၺ်းလီႁဝ်းလႄႈ ၵူၼ်းၵေႃႉဢၼ်ၵုင်ႇတၢၼ်ႇတေလႆႈလဵၼ်ႈၵေႃႉၼၼ်ႉယဝ်ႉ။
ပိၼ်ႇ-ငဝ်မွင်မိုတ်းမူဝ်း
