ယႃႇလိူၵ်ႈၵူၼ်းၵေႃႉဢၼ်ႁၢင်ႈလီလိူဝ်ပိူၼ်ႈ ၵူၺ်းၵႃႈလိူၵ်ႈၵူၼ်းၵေႃႉဢၼ်ႁဵတ်းႁႂ်ႈၸၢတ်ႈပၢၼ်သူႁၢင်ႈလီၸွမ်းၼၼ်ႉလႄႈ။
ႁဝ်းမီးတၢင်းသိူဝ်းလႆႈ ဢမ်ႇၸႂ်ႈယွၼ်ႉၵူႈလွင်ႈမၼ်းလီ၊ ၵူၺ်းၵႃႈႁဝ်းလိူၵ်ႈတူၺ်းဢၼ်ပဵၼ်လွင်ႈလီမၼ်းၵူၺ်းၵေႃႈ ၸၢတ်ႈပၢၼ်ႁဝ်းမီးတၢင်းသိူဝ်းယဝ်ႉ။
လွင်ႈဢၼ်ဝႃႈၸႂ်ႈၼၼ်ႉ တေႁွတ်ႈမႃးထိုင် မိူဝ်ႈၶၢဝ်းယၢမ်းမၼ်းသင်ႇထုၵ်ႇ။
ႁဵတ်းလွင်ႈဢၼ်ႁဝ်းၵုမ်းၵမ်လႆႈ သင်ၵေႃႈယဝ်ႉ ဢၼ်ႁဝ်းၵုမ်းၵမ်မၼ်းဢမ်ႇလႆႈၵေႃႈ ပွႆႇမၼ်းၵႂႃႇသေ။
ယႃႇၵိုတ်းလိုဝ်ႈလွင်ႈၼွၼ်းၾၼ် ယွၼ်ႉၾၼ်ႁၢႆႉၼိုင်ႈၶိုၼ်းၵူၺ်း။
လွင်ႈၸမ်ၸႂ်ၵၼ်ၼၼ်ႉ တိုၼ်းမီးလွင်ႈဢၼ်ဢမ်ႇႁၼ်လီၵၼ်ယဝ်ႉ ယူႇတီႈဝႃႈႁဝ်းတေတူၵ်းလူင်းၵၼ်ႁႃႉ တေထဵင်ၵၼ်။
ဢမ်ႇမီးသင်လမ်ႇလွင်ႈလိူဝ် ႁၵ်ႉတူဝ်ၵဝ်ႇယဝ်ႉ။
သမ်ႉဝႃႈႁဝ်းတေႁဵတ်းၽိတ်းၵေႃႈ မေႃဝႆႉမႅတ်ႉတႃႇတေႃႇတူဝ်ၵဝ်ႇသေ ၶႂၢင်းပၼ်တူဝ်ၵဝ်ႇၽွင်ႈၵေႃႈလႆႈ။
ႁႃတၢင်းသိူဝ်းၸွမ်းတူဝ်ၵဝ်ႇႁႂ်ႈႁၼ်။
တႅၵ်ႈလွင်ႈဢွင်ႇမၢၼ်လူၺ်ႈတူဝ်ႇၵူၺ်း ဢမ်ႇဢဝ်ၵႂႃႇတႅၵ်ႈၼိူင်းတင်းၽႂ်။
မိူဝ်ႈၶႂၢင်းပၼ်ပိူၼ်ႈလႄႈ ႁဝ်းၵေႃႈတေပူတ်းပွႆႇတူဝ်ၵဝ်ႇ တီႈလွင်ႈၸႂ်လမ် လွင်ႈတွပ်ႇတႅၼ်း လွင်ႈဢၼ်ၶဝ်ႁဵတ်းၼၼ်ႉ ႁဝ်းၶႂၢင်းပၼ်တွၼ်ႈတႃႇတူဝ်ၵဝ်ႇ ႁႂ်ႈလီမႃးၵူၺ်း။
ႁဝ်းတေႁၵ်ႉၵူၼ်းၵေႃႉၼိုင်ႈလႆႈတေႉၵေႃႈ ႁဝ်းတေလႆႈႁၵ်ႉလွင်ႈဢၼ်ဢမ်ႇတဵမ်ထူၼ်ႈၶဝ်ၼၼ်ႉယဝ်ႉ။
ယႃႇလႅၼ်ႈလမ်းၸွမ်းတၢင်းႁၵ်ႉ သင်ထႅင်ႈၽၢႆႇၼိုင်ႈဢမ်ႇလႆႈယိုၼ်ႈမႅင်ႇ။
ႁဝ်းၵူႈၵေႃႉမီးၵႃႈၶၼ်ဢိူဝ်ႈ ဢမ်ႇၸႂ်ႈဝႃႈလူဝ်ႇမီးၵေႃႉၵူႈ။
တၢင်းႁၢင်ႈလီၽၢႆႇၼွၵ်ႈ ၸၼ်သၢႆတႃလႆႈ ၵူၺ်းၵႃႈ တၢင်းႁၢင်ႈလီၽၢႆႇၼႂ်းၼၼ်ႉ ၸၼ်ၸႂ်ၵူၼ်းလႆႈယဝ်ႉ။
ယွမ်းတုၵ်ႉၶမိူဝ်ႈလဵဝ် တွၼ်ႈတႃႇၸႂ်ႉၸၢတ်ႈပၢၼ်ပဵၼ်ၵူၼ်းဢွင်ႇပေႉမိူဝ်းၼႃႈ။
ထဵင်ပိူၼ်ႈၵေႃႈဢမ်ႇပဵၼ်သင် ႁဝ်းပဵၼ်ၵူၼ်းလီလႆႈယူႇၵူၺ်း ဢမ်ႇလူဝ်ႇလႆႈဢေႃႈၶႃႈၸွမ်းၵူႈလွင်ႈ။
လွင်ႈမေႃႁပ်ႉထွမ်ႇပဵၼ်လွၵ်းလၢႆးဢၼ်ယၢပ်ႇလိူဝ်ပိူၼ်ႈၼႂ်းၵၢၼ်ႁဵၼ်းႁူႉ ၵူၺ်းၵႃႈမၼ်းၵေႃႈပဵၼ်ဢၼ်လမ်ႇလွင်ႈလိူဝ်ပိူၼ်ႈ ဢၼ်ႁဝ်းထုၵ်ႇလီမီး။
ၵၢၼ်မေႃတႅပ်းတတ်းလီၼၼ်ႉ လုၵ်ႉမႃးတီႈတူပ်းထူပ်းလႄႈ တူဝ်ထူပ်းဢၼ်ယၢမ်ႈတႅပ်းတတ်းဢမ်ႇလီမႃးယဝ်ႉ။
ၵႆႉၵႆႉမေႃယိၼ်းၸူမ်းယူႇတႃႇသေႇ ၸၢတ်ႈပၢၼ်ၵေႃႈတေႁၢင်ႈလီမႃးယဝ်ႉ။
ပိၼ်ႇ – ငဝ်မွင်မိုတ်းမူဝ်း
