ႁူႉၸၵ်းတီႈဢူၼ်ႈဢွၼ်ႇၶွင်ပဝ်ႉမၢႆ ၵူႈၵေႃႉမီးတီႈဢူၼ်ႈဢွၼ်ႇ မိူဝ်ႈႁူႉတီႈဢူၼ်ႈဢွၼ်ႇၶွင်ၽၢႆႇၼိုင်ႈယဝ်ႉၼၼ်ႉ တေၸၢင်ႈၵုမ်းၵမ်ၵၢၼ်တႅပ်းတတ်းသဵၼ်ႈၸႂ်လႆႈငၢႆႈမႃး။
ၼႄႁၢင်ႈၽၢမ်းတႃ မၢင်ပွၵ်ႈႁဵတ်းၵႅင်ႈပဵၼ်ၵူၼ်းလီ ပဵၼ်ၵူၼ်းမီးၼမ်ႉၵတ်ႉတၢင်းၶႅၼ်ႇၼႆၵေႃႈ တေၸွႆႈႁႂ်ႈယုမ်ႇယမ်မႃးလႆႈထႅင်ႈ။
ၵၢၼ်ၸႂ်ႉၶေႃႈၵႂၢမ်းဢၼ်ထိုင်ၸႂ် ၵႂၢမ်းလၢတ်ႈဢၼ်သႂ်ႇဢႃးလူမ်းၶဝ်ႈၸွမ်းၼၼ်ႉ မီးႁႅင်းတႃႇၸုင်ၸၼ်ၸႂ်လႆႈ လိူဝ်သေလၢတ်ႈမႅၼ်ႈလွင်ႈမႅၼ်ႈတၢင်းမၼ်းလွင်ႈလဵဝ်။
မေႃဢုပ်ႇမေႃလၢတ်ႈ ၶႆႈၼႄလွင်ႈဢၼ်ၸၢင်ႈၸုင်ၸၼ်ၸႂ်လႄႈ ၵဵဝ်ႇၶွင်ႈတင်းလွင်ႈဢၼ်ၵူၼ်းထွမ်ႇႁူႉထိုင် ႁဵတ်းႁႂ်ႈတွင်းလႆႈလီလိူဝ်သေၵဝ်ႇ။
ၸႂ်ႉတိုဝ်းလွင်ႈတဵတ်ႇယဵၼ် မၢင်တီႈဢၼ်တဵတ်ႇယဵၼ်ၼႃႇၼၼ်ႉ သၢင်ႈႁႂ်ႈမၼ်းသုၵ်ႉသၵ်ႉ ႁႂ်ႈမၼ်းသုၵ်ႉၸႂ်မႃးသေ ႁဵတ်းႁႂ်ႈၵမ်ႈၽွင်ႈပေႃးလႆႈလၢတ်ႈဢွၵ်ႇႁဵတ်းၸွမ်းလႆႈ။
ၸႂ်ႉလွင်ႈၼႄႉၼမ်း ပၼ်ၶေႃႈမုၼ်းဢိတ်းဢွတ်း မိူၼ်တေဢမ်ႇလမ်ႇလွင်ႈ ၵူၺ်းၵႃႈဢီးႁႂ်ႈမၼ်းပေႃးတႅပ်းတတ်းသဵၼ်ႈၸႂ်ၸွမ်းလႆႈၽၢႆႇလင်။
မိူၼ်ၼင်ႇမၢၼ်ႇၸမ်ႈၼႄႁႂ်ႈႁၼ်ထိုင်ပၢႆးဝူၼ်ႉလႄႈဢႃးလူမ်းၵေႃႉဢၼ်ဢုပ်ႇတေႃႇယူႇ ၽၢႆႇၼိုင်ႈတေယုမ်ႇယမ်လႄႈမီးလွင်ႈလူမ်ၸႂ်မႃးမိူဝ်ႈယူႇၸွမ်း။
ႁဵတ်းႁႂ်ႈဝူၼ်ႉဝႃႈတေလႆႈတႅပ်းတတ်းၵမ်းလဵဝ် သၢင်ႈပၼ်ငဝ်းလၢႆးႁဵတ်းဝႃႈလူဝ်ႇလႆႈတႅပ်းတတ်းယဝ်ႉမၼ်းႁိပ်ႈၼႅတ်ႈၼႃႇ။
ၽုၵ်ႇၽင်တၢင်းဝူၼ်ႉ ၵႂႃႇလွႆးလွႆး ဢဝ်ပၢႆးဝူၼ်ႉဢၼ်ၶႂ်ႈသႂ်ႇၼၼ်ႉ ပွၼ်ႈပၼ်ၵမ်းဢိတ်း ဢမ်ႇပၼ်ႁႂ်ႈမၼ်းၸႅင်ႈလႅင်းၼႃႇၽႅဝ် တေႃႇထိုင်ပေႃးႁူႉတူဝ်ဝႃႈတၢင်းဝူၼ်ႉၼၼ်ႉပဵၼ်ၶွင်မၼ်းၵႂႃႇ။
ၸႂ်ႉလွင်ႈမုင်ႈမွင်းလႄႈလွင်ႈၵူဝ် ၸွႆႈႁႂ်ႈတႅပ်းတတ်းၸႂ်ၸွမ်းၼင်ႇဢၼ်ၶႂ်ႈလႆႈၼၼ်ႉငၢႆႈမႃး။
တင်ႈၶေႃႈထၢမ်ႁႂ်ႈမၼ်းမီးႁႅင်း ၶေႃႈထၢမ်ဢၼ်တုမ်ႉယွၼ်ႈထိုင်ပၢႆးဝူၼ်ႉ ႁႂ်ႈပေႃးလႆႈဝူၼ်ႉၶိုၼ်းလႄႈလွင်ႈဢၼ်ၶႂ်ႈလႆႈႁႂ်ႈပေႃးႁၼ်ႁၢင်ႈမႃး။
ႁဵတ်းႁႂ်ႈဝူၼ်ႉၽိတ်းလႄႈယိၼ်းၸူမ်းၼိူဝ်ၶဝ်သေ ပဵၼ်ၶိူင်ႈမိုဝ်းၸုင်ၸၼ်ႁႂ်ႈပေႃးႁဵတ်းၸွမ်း။
ႁဵတ်းႁႂ်ႈတူဝ်ၵဝ်ႇပဵၼ်တီႈပိုင်ႈဢိင် ႁဵတ်းႁႂ်ႈလႆႈပိုင်ႈဢိင်ၶဝ် သေလႄႈတေဢမ်ႇၸၢင်ႈတႅပ်းတတ်းလႆႈပေႃးဢမ်ႇမီးၶဝ် ႁႂ်ႈၶဝ်ပေႃးမီးဢႃႇၼႃႇသုင်သုတ်းလႆႈ။
ပိၼ်ႇ – ငဝ်မွင်မိုတ်းမူဝ်း
