လႅၵ်ႈလၢႆႈၸၢတ်ႈပၢၼ်လူၺ်ႈလွင်ႈတဵတ်ႇယဵၼ်

တႅမ်ႈမၢႆတွင်း ၼိုင်ႈဝၼ်းလႂ် 5 မိၼိတ်ႉ တေၸွႆႈသၢင်ႈပၼ်ပၢႆးဝူၼ်ႉႁဝ်းႁႂ်ႈလီမႃးလႄႈ လူတ်းယွမ်းလွင်ႈၶမ်ၸႂ်ပႃးလႆႈႁဵၼ်းႁူႉတူဝ်ၵဝ်ႇလႄႈ တူၺ်းႁၼ်လွင်ႈၶိုပ်ႈၼႃႈထႅင်ႈၸွႆႈၽိုၵ်းပၼ်သမ်ႇမထိလႄႈမီးသတိမႃး။

မေႃယိၼ်းၸူမ်းလွင်ႈလဵၵ်ႉလဵၵ်ႉဢွၼ်ႇ ၵူႈဝၼ်းဝၼ်း ႁဵတ်းႁႂ်ႈမေႃပဵင်းပေႃးလႄႈမီးတၢင်းသိူဝ်းၸွမ်းလွင်ႈဢၼ်မီးယူႇ လႅၵ်ႈလၢႆႈလွင်ႈတူၺ်းႁၼ် ဢၼ်ယူပ်ႈယွမ်းယူႇၼၼ်ႉ ႁႂ်ႈပဵၼ်လွင်ႈတဵမ်ထူၼ်ႈမႃး သၢင်ႈလွင်ႈၸမ်ၸႂ်ၸွမ်းၵူၼ်းႁိမ်းႁွမ်း။

ၼင်ႈတဵတ်ႇယဵၼ်ၼိုင်ႈဝၼ်းလႂ် 10 မိၼိတ်ႉ တီႈဢမ်ႇမီးၾူၼ်း ဢမ်ႇမီးသဵင်လင် ၸွႆႈႁႂ်ႈၸႂ်ၼိမ် ႁၼ်တၢင်းဝူၼ်ႉတူဝ်ၵဝ်ႇလႆႈၸႅင်ႈလႅင်း ပဵၼ်တီႈဢၼ်ထွမ်ႇသဵင်တူဝ်ၵဝ်ႇလႆႈလီ လူတ်းယွမ်းလွင်ႈသုၵ်ႉယုင်ႈလႄႈႁဵတ်းႁႂ်ႈမီးသမ်ႇမထိလႆႈလီ။

ဝၢင်းၽႅၼ်မိူဝ်ႈၽုၵ်ႈၸဵမ်ၵၢင်ၶမ်ႈ ၸႂ်ႉၶၢဝ်းယၢမ်းလၢႆမိၼိတ်ႉၵူၺ်း ၸွႆႈလူတ်းယွမ်းလွင်ႈသုၵ်ႉယုင်ႈယၢမ်းၵၢင်ၼႂ်လႄႈ ၽိူမ်ႉထႅမ်လွင်ႈႁဵတ်းၵၢၼ်လႆႈထႅင်ႈ ၸွႆႈႁႂ်ႈပၵ်းၸႂ်ၸွမ်းၵၢၼ်ၸွမ်းငၢၼ်းတႄႉတႄႉ။

တင်ႈၸႂ်ႁပ်ႉထွမ်ႇ ဢမ်ႇလူဝ်ႇၸိမ်လၢတ်ႈၸွမ်း ယုၵ်ႉၼမ်ႉၵတ်ႉၵၢၼ်သၢင်ႈလွင်ႈၸမ်ၸႂ်ၵူၼ်းႁိမ်းၸမ်လႄႈ ၽိူမ်ႉထႅမ်ၼမ်ႉၵတ်ႉၽၢႆႇ EQ မႃးထႅင်ႈ ႁဵတ်းႁႂ်ႈပဵၼ်တီႈၵူၼ်းဝႆႉဝၢင်းၸႂ်လႆႈ။

ၽဵဝ်ႈၶူဝ်းၶွင်ႁႂ်ႈမီးပၵ်းပိူင် ၼိုင်ႈဝၼ်းလႂ် 5 မိၼိတ်ႉ ၽဵဝ်ႈၽိူၼ်ႁဵတ်းၵၢၼ်၊ ထူင်၊ ၶူဝ်း ႁဵတ်းႁႂ်ႈၸႂ်မီးပၵ်းမီးပိူင်မႃး ပၼ်ၽွၼ်းတုမ်ႉယွၼ်ႈထိုင်တၢင်းဝူၼ်ႉလႄႈ လွင်ႈတႅပ်းတတ်းလႆႈယဝ်ႉ။

လူလိၵ်ႈဝၼ်းလၢႆၼႃႈၵူၺ်းၵႃႈ ၽိူမ်ႉပၼ်တၢင်းႁူႉလႆႈလႄႈ ၽိုၵ်းပၼ်သမ်ႇမထိ လွင်ႈဝူၼ်ႉႁူႉ မၢင်ၵေႃႉၵေႃႈလႅၵ်ႈလၢႆႈၵႂႃႇလႆႈၸွမ်းပပ်ႉလိၵ်ႈမၢင်ပပ်ႉလႆႈၵွၼ်ႇယဝ်ႉ။

ပိၼ်ႇတႅမ်ႈ-ငဝ်မွင်မိုတ်းမူဝ်း

 

ယင်ႇလိုၵ်ႉၵမ်ႉယၼ် တွၼ်ႈသၢမ်သိပ်းသီႇ

ႁိုင်ၵႂႃႇပဵၼ်လိူၼ်လႄႈ ယူႇယူႇ ၸၢမ်ၽွင်း လၢတ်ႈတေႃႇမႃး။ “သူ..” ၼႆၶေႃႈလဵဝ်ၵူၺ်းၵေႃႈ ငဝ်းလိူၼ်ၼၼ်ႉတႄႉ ၸႂ်ပေႃးၵီႈၼႃႈယဝ်ႉဢိူဝ်ႈ။ “မီးၸိူင်ႉႁိုဝ်ၶႃႈ ႁဝ်းယူဝ်ဝႃႈ သူတေဢမ်ႇဢၢၼ်းတွပ်ႇႁဝ်းယဝ်ႉ” “ဢွၵ်ႇတၢင်းသေၵၢၼ်သုၵ်ႉၼႃႇဢိူဝ်ႈ” “ယူဝ်ဝႃႈ သူဢမ်ႇၶႂ်ႈလၢတ်ႈတေႃႇႁဝ်းယဝ်ႉၼႆၼႃး” “ၼၼ်ႉၵေႃႈပႃး” “ၸႂ်ႁၢႆႉ...

ယင်ႇလိုၵ်ႉၵမ်ႉယၼ် တွၼ်ႈသၢမ်သိပ်းသၢမ်

ဢၢႆႈၸၢႆးၼၼ်ႉ ၵေႃႉယႂ်ႇပဵၼ်မၢဝ်ႇမႃးယဝ်ႉလူး မေႃႁူႉမေႃဢၢႆ မီးၸူႉမီးၸူဝ်းမႃးယဝ်ႉလႄႈ။ ယူႇတႂ်ႈငဝ်းဢူႈမႄႈၵႂႃႇၸိူင်ႉၼႆၵေႃႈ ဢမ်ႇပေႉတူဝ်ပေႉၵၢၼ်းလႆႈ မၼ်းၵေႃႈသမ်ႉၶႂ်ႈႁႃငိုၼ်းႁႃတွင်းႁေ ဢွၵ်ႇၸႂ်ၶႂ်ႈၵႂႃႇႁဵတ်းၵၢၼ်မိူင်းထႆးမႃးယဝ်ႉ။ ပေႃႈမႄႈမၼ်းၵေႃႈ...

ယင်ႇလိုၵ်ႉၵမ်ႉယၼ် တွၼ်ႈသၢမ်သိပ်းသွင်

ဝၢႆးသေဢေးၼၢင်းယူႇၸၼ်ႉသုင်ယဝ်ႉ ၶဝ်ၵေႃႈဢမ်ႇလဵင်ႉမူယဝ်ႉလႄႈ တူမ်ႈလဝ်ႈႁဵတ်းႁႆႈႁဵတ်းသူၼ်ၶၢႆၽၵ်း လဵင်ႉၵၼ်ၵႂႃႇၵူၺ်းယဝ်ႉ။ မၢင်ပွၵ်ႈၵေႃႈ ႁႃယႃထိူၼ်ႇယႃၶိူဝ်းၸိူဝ်းၼႆႉၶၢႆယူႇ။ ၼၢင်းသိုဝ်ႉလူႇသမ်ႉ ပေႃးၶၢဝ်းႁိုဝ်ႉၼႆႉ ၵႆႉပဵၼ်ၵူၼ်ႉၵူၼ်ႉၶိုၼ်ႈၶိုၼ်ႈ...