Sample author name

ဢမ်ႇၸႂ်ႈဝႃႈသိူဝ်း လႄႈ ဢမ်ႇၸႂ်ႈဝႃႈမီးလွင်ႈၶီငဝ်သင်၊ မၼ်းဢမ်ႇလႆႈမီးသင်သေလွင်ႈလႄႈ ႁူဝ်ၸႂ်ႁဝ်းမိူၼ်မၼ်းလႆႈၵိုတ်းၵႂႃႇၵႅပ်ႉၼိုင်ႈသေ ဢမ်ႇႁပ်ႉႁူႉထိုင်သင်လႆႈ ဢမ်ႇႁူႉဝႃႈပဵၼ်သင်ယူႇ။ဢမ်ႇၶႂ်ႈၽၢတ်ႇဢွၵ်ႇၼႂ်းတူင်ႇဝူင်း ၵူၺ်းၵႃႈဢမ်ႇၶႂ်ႈယူႇတီႈတူင်ႇဝူင်းၼၼ်ႉမိူၼ်ၵၼ်၊ ႁႂ်ႈလႆႈထူၺ်ႈၸႂ်ဢိမ်ႇဢိမ်ႇသေ လွင်ႈၼႂ်းၵၢင်ၸႂ်ဢၼ်ဢမ်ႇႁူႉႁၼ်သင်ၼၼ်ႉ ႁႂ်ႈမၼ်းပေႃးပွၵ်ႈမႃးၶိုၼ်းယူႇဢိူဝ်ႈ။ၵဵပ်းတႅမ်ႈ - ငဝ်မွင်မိုတ်းမူဝ်း

ၶၢဝ်းတၢင်းပၢၼ်လႂ်ပၢၼ်ၼၼ်ႉလွင်ႈဝႆႉၵႃႈၶၼ် လွင်ႈဢၼ်ပၼ်တၢင်းသိူဝ်း လွင်ႈဢၼ်ႁဝ်းႁၵ်ႉပိူင်ႈၵၼ်မၢင်လွင်ႈတေယူႇမၢင်လွင်ႈလႅၵ်ႈလႆၢႈမၢင်လွင်ႈႁူင်ႈႁႆၢမၢင်လွင်ႈလိုမ်းၵႂႃႇမၢင်လွင်ႈၵိုတ်းယူႇဝႆႉၼႂ်းမႆၢတွင်းမၢင်လွင်ႈဢမ်ႇၶႂ်ႈတွင်းၵူၺ်းလိုမ်းဢမ်ႇလႆႈပၢၼ်လႂ်ပၢၼ်ၼၼ်ႉ ၵိုတ်းႁွႆးမၼ်းဝႆႉယူႇၼႂ်းၸႂ်လွင်ႈပူၼ်ႉမႃးယဝ်ႉၼၼ်ႉ ဢမ်ႇၸၢင်ႈႁဵတ်းႁႆၢႉႁဝ်းလႆႈ သင်ႁဝ်းဢမ်ႇဢဝ်မၼ်းမႃးႁဵတ်းႁႆၢႉတူဝ်ၵဝ်ႇၶိုၼ်း သင်ဢမ်ႇဢဝ်မႃးၵဵပ်းဝူၼ်ႉယူႇတိၵ်းတိၵ်းလွင်ႈမိူဝ်းၼႃႈၼႆၵေႃႈ ဢမ်ႇပၼ်ႁဝ်းတုၵ်ႉလႆႈမိူၼ်ၵၼ် သင်ဢမ်ႇဢဝ်လွင်ႈမုင်ႈမွင်းႁဝ်းသႂ်ႇပၼ်တၢင်းဝူၼ်ႉ ဢၼ်ဢမ်ႇပႆႇပဵၼ်မႃး၊ၵိုတ်းလိုဝ်ႈႁဵတ်းႁႆၢႉ ၶၢဝ်းယၢမ်းၼႆႉသေလွင်ႈႁဵတ်းၽိတ်းၵႂႃႇယဝ်ႉ ယဝ်ႉမၼ်းသေ ၵိုတ်းလိုဝ်ႈၼႄးတူဝ်ၵဝ်ႇသေလႄႈၵိုတ်းလိုဝ်ႈလွင်ႈမႆႈၸႂ်ဢၼ် ဢၼ်ပႆႇပဵၼ်မႃးၼၼ်ႉသေ။သူၼ်ၸႂ်ၶၢဝ်းယၢမ်းဢၼ်ပဵၼ်ယူႇ...

ၵေႃႉဢၼ်မေႃလႅၼ်လိူဝ်ပိူၼ်ႈ ဢမ်ႇၸႂ်ၵေႃႉဢၼ်မေႃလၢတ်ႈ ၵူၺ်းပဵၼ်ၵေႃႉဢၼ်ႁူႉဝႃႈယၢမ်းလႂ်ထုၵ်ႇလီယဵၼ် လိူၵ်ႈလၢတ်ႈဢၼ်တေႁဵတ်းႁႂ်ႈၶဝ်လွတ်ႈၽေးဝႆႉ တေႃႇထိုင်လွင်ႈတေႉပေႃးတေၼႄဢွၵ်ႇမႃး လူၺ်ႈဢမ်ႇမီးၽႂ်ႁူႉ။ၵူၼ်းၵေႃႉဢၼ်ၵႆႉဝႃႈ "ဢမ်ႇပဵၼ်သင်" ၼႆၼၼ်ႉ ၵႂၢမ်းၶေႃႈၼႆႉ ဢမ်ႇလႆႈပွင်ႇဝႃႈၶဝ်တေဢမ်ႇပဵၼ်သင်တေႉ မၼ်းပွင်ႇဝႃႈၶဝ်ဢမ်ႇၶႂ်ႈလၢတ်ႈ ၶဝ်လႅၼ်ႁႂ်ႈပေႃးမီးႁႅင်းၸႂ်ၵႂႃႇထႅင်ႈ ဢမ်ႇၸႂ်ႈတႃႇႁဵတ်းႁႆၢႉၽႂ်။ၵူၼ်းၵေႃႉဢၼ်ၵႅၼ်ႇၶႅင်ယူႇတႃႇသေႇၼၼ်ႉ ၵွပ်ႈဢမ်ႇမီးၽႂ်ထၢမ်ဝႃႈ...

ၵူၺ်းၵႃႈ ဝၼ်းဢၼ်ဢမ်ႇထၢင်ႇၵေႃႈမႃးထိုင် ႁိုင်ၼႃႇယူဝ်ဝႃႈတေဢမ်ႇၶိုၼ်းပွၵ်ႈ မိူဝ်ႈယၢမ်းႁူဝ်ၶမ်ႈလပ်းသိင်ႇၸွမ်ႉႁွမ်ႉ လုၵ်ႈယိင်းဢွၼ်ႇလႅၼ်ႈဢွၵ်ႇႁိူၼ်းတူၺ်း "ၽႂ်မႃးလႃႇလုၵ်ႈ" "ပေႃႈပေႃႈမႃး" "ၸႂ်ႈယူႇႁ" ၶႃႈၵေႃႈဢွၵ်ႇမႃးတူၺ်း မိူဝ်ႈလႆႈႁၼ်ၵေႃႈတူၵ်းၸႂ်ယဝ်ႉ ပဵၼ်ၶဝ်တေႉဢိူဝ်ႈ၊ ၵူၺ်းၵႃႈဢမ်ႇထၢင်ႇတေလႆႈႁၼ် ယိင်းသၢဝ်ဢွၼ်ႇၵေႃႉၼိုင်ႈႁွတ်ႈမႃးၸွမ်း။ ၼႂ်းႁူဝ်ၸႂ်ၼႆႉတႄႉတိုဝ်တိပ်ႇတၼ်လူင်ဝႆႉယဝ်ႉၼႃႇ သမ်ႉပေႃးဢမ်ႇႁူႉတေလႆႈႁဵတ်းႁိုဝ်ယဝ်ႉဢိူဝ်ႈလေႃႇ၊ လုၵ်ႈဢွၼ်ႇတႄႉၵေႃႈႁိုဝ်တေႁူႉသင် ႁွင်ႉပေႃႈသေလႅၼ်ႈၶဝ်ႈၸူးမၼ်းၵႂႃႇၵမ်းလဵဝ်ယဝ်ႉ။ မိူဝ်ႈႁၼ်မၼ်းဢုမ်ႈႁွပ်ႇလႄႈလုၵ်ႈယူႇၸွမ်းၵၼ် ႁူမ်ႈလူၺ်ႈၽူႈယိင်းၵေႃႉၼၼ်ႉၸုၵ်းယူႇႁိမ်းမၼ်းၼႆ တၢင်းၸူမ်းသိူဝ်း...