Sample author name

ၵိၼ်ၶဝ်ႈႁေဢုပ်ႇၵၼ် ၵၢင်ဝၼ်းသမ်ႉပေႃးလပ်းသိင်ႇယဝ်ႉၼႃႇ၊ သႅင်လိုၼ်းၼၼ်ႉၵေႃႈ ၸူးဢဝ်လႅင်းလၢဝ်လႄႈလႅင်းႁိင်ႇႁွႆႈၸွမ်းတၢင်းၼၼ်ႉသေ မိူဝ်းၵႂႃႇႁင်းမၼ်း။ "ၵႂႃႇလႂ်မႃးလႃႇ ၾႆးၵေႃႈဢမ်ႇပႃး" "တႆႈၾႆးထွင်ႇပၼ်တႃၵူၼ်းပေႃးဢမ်ႇႁၼ်သင်ယဝ်ႈ" ၾႆးသၢႆဝွႆးလူင်းသႅင်လိုၼ်းၸင်ႇႁႃႁၼ်လီလီဝႃႈပဵၼ်ၸိုၼ်ႈမိူင်း။ "ၵႂႃႇလႂ်မႃးလႃႇၼႆႉႁမ်ႉ" "မိူဝ်းႁိူၼ်းၼႃႉႁဝ်းၶဝ်မႃး" "မိူဝ်းလွႆးလွႆးပေႃးၼၼ်" "မိူဝ်းလီလီၼႃႉ ၵွင်ၶီႈၵႂၢႆးၼမ်ၼႃႇၵူၺ်ႉၼႃႈ ဢဝ်ၾႆးႁဝ်းမိူဝ်းလႄႈ ၸွင်ႇၵွႆႈမႃးသူင်ႇၶိုၼ်းၵေႃႈလႆႈ" "ပေႃးသူမိူဝ်းသူင်ႇႁဝ်း ႁဝ်းပေႃးတေဢမ်ႇလႆႈဢဝ်မႃးသူင်ႇၶိုၼ်းယဝ်ႉႁိုဝ်လႃႇ" "ၵႂႃႇလႄႈႁဝ်းမိူဝ်းသူင်ႇ" "ဢမ်ႇပဵၼ်သင် လၢတ်ႈလဵၼ်ႈၵူၺ်း ႁဝ်းႁၼ်တၢင်းမိူဝ်းယူႇ တၢင်းလင်ပုၼ်ႉၵေႃႈ ၶီႈၵႂၢႆးၼမ်ထူၼ်ႈယဝ်ႉဝႃႈ" "ပေႃးႁဝ်းၶႂ်ႈမိူဝ်းသူင်ႇတေႉလူး" "ၵေႃႈမိူဝ်းလႄႈ..ၸၢင်ႈပဵၼ်သင်" ၵေႃႉၼိုင်ႈထွင်ႇၾႆးၸွမ်း...

လွင်ႈတူင်ႉတၵ်ႉၵၼ် လႆႈႁၼ်တၢင်းယုမ်ႉဢွၼ်ႇၵူၺ်းၵေႃႈ ႁဵတ်းႁႂ်ႈၵူၼ်းၵေႃႉၼိုင်ႈ လႆႈသိူဝ်းၸႂ်ၸွမ်းယဝ်ႉ။ "ႁဝ်းဢမ်ႇထၢင်ႇဝႃႈသူတေမေႃယုမ်ႉၸိူင်ႉၼႆ" "ႁဝ်းယၢမ်ႈယုမ်ႉမႃးတႃႇသေႇ ထိုင်တီႈတၢင်းယုမ်ႉႁဝ်းၼၼ်ႉႁဵတ်းႁၢႆႉႁဝ်းၶိုၼ်းဢိူဝ်ႈ" "သူတေတုၵ်ႉၸႂ်ၵႃႈႁိုဝ်ၼေႃ.." "ႁဝ်းၵေႃႈဢမ်ႇႁူႉမိူၼ်ၵၼ် ယၢမ်ႈၵႂႃႇယဝ်ႉ" "ၼႃႈတူႇၸိူင်ႉၼႆ ဢမ်ႇဝူၼ်ႉဝႃႈပိူၼ်ႈတေလီၵူဝ်ၽွင်ႈႁိုဝ်" "သူၵေႃႈၵူဝ်ယူႇၼႄႇ" "ဢိုမ်ႈ..မိူဝ်ႈတႄႇတႄႉၵေႃႈၵူဝ်ယူႇ ၵူၺ်းၵႃႈ.. မိူဝ်ႈလဵဝ်တႄႉ ႁဝ်းဝႃႈ သူလီႁၵ်ႉ" သမ်ႉပေႃးဢဝ်သၢႆတႃၸိုၼ်ႈမိူင်း မိုင်ယၵ်ႉတူၺ်း သႅင်လိုၼ်း ၵမ်းလဵဝ်...

ယူႇယဵၼ်ယဵၼ် တႃႇထွမ်ႇသဵင်ၼႂ်းၸႂ်ႁႂ်ႈၸႅင်ႈမႃး လွင်ႈတဵတ်ႇယဵၼ်ဢမ်ႇၸႂ်ႈဝႃႈဢမ်ႇမီးသင် တီႈယဵၼ်ဝႆႉယူႇၼၼ်ႉမီးၶေႃႈထၢမ်ဝႆႉယူႇတင်းၼမ်၊ မၢင်ၶေႃႈၼႆႉ ဢမ်ႇႁူႉတေႁဵတ်းႁိုဝ်လၢတ်ႈဢွၵ်ႇမႃးလႆႈ။ ယဵၼ် တႃႇပွင်ႇၸႂ်ဝႃႈ လွင်ႈလႅၵ်ႈလႆၢႈယူႇၼၼ်ႉ မၼ်းပဵၼ်ၵွပ်ႈငဝ်းလႆၢးႁ မၼ်းပဵၼ်ၵွပ်ႈၸႂ်ႁဝ်းၵူၺ်းႁိုဝ်။ လွင်ႈတဵတ်ႇယဵၼ်ၼၼ်ႉၵေႃႈယႃၸႂ်လႆႈယဝ်ႉ။ ပိၼ်ႇ - ငဝ်မွင်မိုတ်းမူဝ်း

ၵူၼ်းၵေႃႉဢၼ်ယၢမ်ႈတုၵ်ႉၶမႃး တေမီးလွင်ႈပွင်ႇၸႂ်လိူဝ်သေ ၵႂႃႇတႅပ်းတတ်း၊ ၶဝ်ပွင်ႇၸႂ်လီဝႃႈ ၽႂ်ၵေႃႈမီးလွင်ႈယၢပ်ႇၸႂ်ၵၼ်ၵူႈၵေႃႉယဝ်ႉ ဢမ်ႇမီးသင်ငႆၢႈသေလွင်ႈ။ တၢင်းႁိူဝ်ႉၼၼ်ႉ ႁဵတ်းႁႂ်ႈႁူဝ်ၸႂ်ဢူၼ်ႈၼူၼ်းမႃး၊ ၵူၼ်းၵေႃႉဢၼ်ဢမ်ႇယၢမ်ႈမီးသင်လႆႈမႃးငႆၢႈငႆၢႈၼၼ်ႉ တေမေႃႁၼ်ထိုင်ၵၢင်ၸႂ်ပိူၼ်ႈတႃႇသေႇ။ ၵူၼ်းၵေႃႉဢၼ်ၵႆႉလူမ်ႉၼၼ်ႉ ၶဝ်ႁူႉဝႃႈတေလႆႈလုၵ်ႉၸိူင်ႉႁိုဝ် လႄႈ တေဢမ်ႇၶူဝ်ၵူၼ်းၵေႃႉဢၼ်ၶီႈလိုတ်းယူႇ ယွၼ်ႉၶဝ်ယၢမ်ႈပဵၼ်ၵူၼ်းၵေႃႉၼၼ်ႉမႃး။ မိူဝ်ႈထူပ်းလွင်ႈဢမ်ႇလီမႃးၼမ် တေမေႃႁပ်ႉထွမ်ႇပိူၼ်ႈၼမ်မႃး...