ႁဝ်းတေယူႇႁူမ်ႈၵၼ်ၵႂႃႇ ဢမ်ႇၸႂ်ႈယွၼ်ႉတၢင်းႁၵ်ႉ ယွၼ်ႉႁၵ်ႉမႅၼ်ႈမိူဝ်ႈတႄႇၼၼ်ႉၵူၺ်း တေလႆႈလိူၵ်ႈယူႇၸွမ်းၵၼ်ၵႂႃႇၵူႈဝၼ်းဝၼ်း သမ်ႉဝႃႈမၼ်းဢမ်ႇၸႂ်ႈလွင်ႈငၢႆႈၵေႃႈယဝ်ႉ။
လွင်ႈသိုဝ်ႇသၢၼ်ၵၢၼ်ၼၼ်ႉ ပဵၼ်မိူၼ်ၼင်ႇၶူဝ်တႆႇ ဢမ်ႇၸႂ်ႈ တမ်ႇတိူင်း သင်ႁဝ်းႁတ်းလၢတ်ႈႁတ်းထွမ်ႇလႄႈႁတ်းပွင်ႇၸႂ် မၼ်းတေပဵၼ်မႃးယူႇ ပၼ်ႁႃၼၼ်ႉဢမ်ႇၸႂ်ႈတီႈသုတ်းသဵင်ႈ။
ၽၢႆႇလႂ်ၽၢႆႇၼိုင်ႈတေလႆႈၽွမ်ႉၵႄႈၶႆ ဢမ်ႇၸႂ်ႈၶတ်းၸႂ်လႅၵ်ႈလၢႆႈထႅင်ႈၵေႃႉၼိုင်ႈ တၢင်းႁၵ်ႉဢမ်ႇၸႂ်ႈ ႁႂ်ႈမႃးပဵၼ်ၼင်ႇၸႂ်ႁဝ်းၶႂ်ႈလႆႈ တေလႆႈလႅၵ်ႈလၢႆႈၶဝ်ႈႁႃၵၼ်လူၺ်ႈပဵၼ်တူဝ်ၶွင်ၸဝ်ႈၵဝ်ႇ။
ဢမ်ႇမီးသင်တဵမ်ထူၼ်ႈၵူႈလွင်ႈ လွင်ႈမေႃၶႂၢင်းပၼ်ၵၼ်ၼၼ်ႉ တေဢွၼ်ၵၼ်ၵႂႃႇၼႃႈၶၢဝ်းၵႆလႆႈ။
ႁဝ်းတေလႆႈႁၵ်ႉမိူဝ်ႈဝၼ်းဢၼ်ဢမ်ႇၶႂ်ႈႁၵ်ႉ မၢင်ဝၼ်းတၢင်းႁၵ်ႉတေမေႃၸၢင်ယူႇ ၵူၺ်းၵႃႈ လွင်ႈႁဵတ်းသၢင်ႈလႄႈလွင်ႈတင်ႈၸႂ်ၼၼ်ႉ မေႃၽိူမ်ႉထႅမ်လႆႈယူႇ။
တၢင်းႁၵ်ႉဢမ်ႇၸႂ်ႈလွင်ႈၵဝ်လႄႈမႂ်း မၼ်းပဵၼ်လွင်ႈႁဝ်း ႁဝ်းတင်းသွင် ဢၼ်ယင်းတိုၵ်ႉမီးတၢင်းႁၵ်ႉတေႃႇၵၼ်ယူႇၼၼ်ႉယဝ်ႉ။
ပိၼ်ႇ-ငဝ်မွင်မိုတ်းမူဝ်း
