လွင်ႈသိုဝ်ႈယူဝ်းၼၼ်ႉမၼ်းမီးၵႃႈၶၼ်ၼႃႇ ယႃႇမုင်ႈမွင်းတီႈၵူၼ်းဢၼ်ၵႃႈၶၼ်ပေႃးပေႃးၼၼ်ႉၵူၺ်း။
ဢမ်ႇမီးၽႂ်ႁဵတ်းႁင်းႁဝ်းလႆႈ လိူဝ်သေပၢႆးဝူၼ်ႉႁဝ်းၵူၺ်း။
သင်ႁဝ်းႁၵ်ႉတူဝ်ၵဝ်ႇယူႇ ႁဝ်းတေမီးတၢင်းသိူဝ်းလူၺ်ႈတူဝ်ၵဝ်ႇ ဢမ်ႇလူဝ်ႇႁႂ်ႈၽႂ်မႃးပဵၼ်တၢင်းသိူဝ်းႁဝ်း။
ႁဝ်းႁွင်ႉႁႆႈလႆႈယူႇ ၵူၺ်းၵႃႈယႃႇၸူမ်ၸွမ်းလွင်ႈဢၼ်ယၢမ်ႈမီး ထိုင်တီႈပေႃးလိုမ်းဝၼ်းဢၼ်ပႂ်ႉႁဝ်းယူႇတၢင်းၼႃႈၼၼ်ႉ။
ဢူၺ်းၵေႃႉလီၼၼ်ႉတိုၼ်းဝူၼ်ႉလီတေႃႇႁဝ်း ႁတ်းပၼ်ၾၢင်ႉႁဝ်းတေႃႇၼႃႈလႄႈ ႁတ်းလၢတ်ႈတီႈယူပ်ႈယွမ်းႁဝ်းသိုဝ်ႈသိုဝ်ႈ။
ၾၢင်ႁၢင်ႈဢၼ်လီတူၺ်းၼၼ်ႉ ဢမ်ႇလႆႈႁဵတ်းႁႂ်ႈလႅတ်းမႃး ၵူၺ်းၵႃႈ လွင်ႈလႅတ်းသႅဝ်းၼၼ်ႉၵူၺ်းႁဵတ်းႁႂ်ႈလီတူၺ်းမႃး။
ၵူၼ်းလီတေႁဵတ်းႁႂ်ႈတူဝ်ၵဝ်ႇယူႇသုင်လႆႈ လူၺ်ႈၵၢၼ်ၸွႆႈထႅမ်ပိူၼ်ႈ ဢမ်ႇၸႂ်ႈယဵပ်ႇပိူၼ်ႈႁႂ်ႈသုင်မႃး။
ယႃႇဝူၼ်ႉဝႃႈႁဝ်းပႆထိူင်းလိူဝ်သေပိူၼ်ႈ ယွၼ်ႉယၢင်ႈလဵၵ်ႉလဵၵ်ႉဢၼ်ႁဝ်းယၢင်ႈၵႂႃႇတၢင်းၼႃႈၼၼ်ႉ တေဢွၼ်ႁဝ်းၵႂႃႇထိုင်ယိူင်းမၢႆသုင်သုတ်းႁဝ်းလႆႈယဝ်ႉ။
လူမ်ႉယဝ်ႉလုၵ်ႉၶိုၼ်ႈမႃးၶိုၼ်းၼၼ်ႉ လႆႈဝႃႈဢွင်ႇမၢၼ်ၵႂႃႇယဝ်ႉ သင်ဝႃႈလူမ်ႉယဝ်ႉသိုပ်ႇၼွၼ်းယူႇၸိုင် ပဵၼ်လွင်ႈတူၵ်းသုမ်းယဝ်ႉ။
ယႃႇသုမ်းၶၢဝ်းယၢမ်းၸွမ်း လွင်ႈၶတ်းၸႂ်ဢဝ်ၸႂ်ပိူၼ်ႈ ၵူၼ်းဢၼ်ဢမ်ႇလႆႈၸႂ်ႁဝ်း ၸိူင်ႉႁိုဝ်ၵေႃႈၶဝ်တိုၼ်းဢမ်ႇၵျိူၵ်ႈႁဝ်းမိူၼ်ၵၼ်။
လိူၵ်ႈယူႇၸွမ်းၵူၼ်းဢၼ်ဝူၼ်ႉလွင်ႈလီ လိူဝ်သေၵူၼ်းဢၼ်ဝူၼ်ႉလွင်ႈဢမ်ႇလီၵူၺ်းၵူၺ်း။
ယိၼ်းၸူမ်းၸွမ်းလွင်ႈဢွင်ႇမၢၼ်ဢၼ်လဵၵ်ႉလဵၵ်ႉၶွင်တူဝ်ၵဝ်ႇ ယွၼ်ႉလွင်ႈဢွင်ႇမၢၼ်ၼႆႉ ပဵၼ်ႁႅင်းၸုင်ၸႂ်ႁႂ်ႈႁဝ်းသိုပ်ႇၵႂႃႇၼႃႈတိၵ်းတိၵ်းယဝ်ႉ။
ၵူၼ်းၵေႃႉလဵဝ်ဢၼ်ႁဝ်းထုၵ်ႇလီဢဝ်ဢွင်ႇပေႉႁႂ်ႈလႆႈၵေႃႈ ပဵၼ်တူဝ်ၵဝ်ႇမိူဝ်ႈဝႃးၼၼ်ႉၵူၺ်း။
သင်လႆႈၸၢမ်းႁဵတ်းယဝ်ႉ ဢမ်ႇမီးသင်ဢၼ်လီသေလၢႆ တေႁဵတ်းၽိတ်းႁိုဝ်ထုၵ်ႇႁိုဝ်ၵေႃႈယဝ်ႉ သင်ဢမ်ႇသင်လႆႈၸၢမ်းႁဵတ်းတူၺ်းယူႇ။
ႁဝ်းဢမ်ႇလႆႈမီးၸၢတ်ႈပၢၼ်ယူႇၸွမ်းတၢင်းမုင်ႈမွင်းၽႂ်လူး။
ယႃႇၵိုတ်းလိုဝ်ႈၵၢၼ်လဵပ်ႈႁဵၼ်းလႄႈ ၽိူမ်ႉထႅမ်ၼမ်ႉၵတ်ႉတူဝ်ၵဝ်ႇယူႇတႃႇသေႇ ၸၢတ်ႈပၢၼ်ဢၼ်ၵိုတ်းၼိမ်ယူႇၼၼ်ႉ ပဵၼ်ၸၢတ်ႈပၢၼ်ဢၼ်ဢမ်ႇၶိုၼ်ႈၼႃႈလႆႈလႄႈ ၸၢတ်ႈပၢၼ်ဢၼ်ဢမ်ႇမီးလွင်ႈလႅၵ်ႈလၢႆႈသင်မႃးၼၼ်ႉၵူၺ်း။
ပိၼ်ႇ – ငဝ်မွင်မိုတ်းမူဝ်း
