ၶၢဝ်းယၢမ်းတႅပ်းတတ်း

ၼမ်ႉဢမ်ႇတႅၵ်ႈတူၺ်း ဢမ်ႇႁူႉလိုၵ်ႉတိုၼ်ႈ

ၵူၼ်းဢမ်ႇလဵၼ်ႈၵေႃႉတူၺ်း ဢမ်ႇႁူႉလီဢမ်ႇလီ

ၶၢဝ်းယၢမ်းမီးၵႃႈၶၼ် ၸၢင်ႈၼႄထၢတ်ႈၸႂ်ၵူၼ်းလႆႈ လႄႈ ႁူႉတၢင်းယၢမ်ႈၵူၼ်းလႆႈ

ၵူၼ်းဢၼ်တူၺ်းႁၼ်ဝႃႈလီၼၼ်ႉ ဢမ်ႇၸႂ်ႈဝႃႈတေပဵၼ်ၵူၼ်းလီ

ၵူၼ်းလီၼၼ်ႉၵေႃႈ ဢမ်ႇၸႂ်ႈဝႃႈတေလီတူၺ်းတႃႇသေႇ

ၸၢတ်ႈပၢၼ်ၵူၼ်း မိူဝ်ႈၶတ်းၸႂ်လႄႈႁဵတ်းတဵမ်တီႈယဝ်ႉၼၼ်ႉ ဢမ်ႇဢၢႆတေႃႇတူဝ်ၵဝ်ႇၵေႃႈပဵင်းပေႃးယဝ်ႉ။

သမ်ႉဝႃႈဢမ်ႇလႆႈလီတဵမ်ထူၼ်ႈသေတႃႉ ၵူၺ်းၵႃႈလီလႆႈႁၢၼ်ႉၸႂ်ယူႇ။

သင်တေယူႇၸွမ်းၵၼ်မွၵ်ႈၸူဝ်ႈၶၢဝ်း ႁႂ်ႈတူၺ်းတီႈဢႃးလူမ်း

သင်တေယူႇၸွမ်းၵၼ်ႁိုင်ယိုၼ်း ႁႂ်ႈတူၺ်းတီႈဢၵျၢင်ႉတၢင်းယၢမ်ႈ

သင်တေယူႇၸွမ်းၸူဝ်ႈၸၢတ်ႈပၢၼ် လိူၵ်ႈၵူၼ်းၵေႃႉဢၼ်မီးလွင်ႈသိုဝ်ႈယူဝ်း

လွင်ႈႁဵတ်းၵႅင်ႈၼၼ်ႉ ဢမ်ႇမီးဝၼ်းလႅၵ်ႈလွင်ႈပဵၼ်တေႉလႆႈ

မၢင်ပွၵ်ႈၸၢင်ႈတေတူၺ်းၵူၼ်းၽိတ်းၵႂႃႇ ဢမ်ႇၸႂ်ႈယွၼ်ႉတႃမွတ်ႇ

ယွၼ်ႉႁဝ်းပဵၼ်ၵူၼ်းလီၼႃႇပူၼ်ႉ

မၢင်ပွၵ်ႈၸွႆႈၵူၼ်းၽိတ်း ဢမ်ႇၸႂ်ႈဝႃႈငိူဝ်ႈ

ၵွပ်ႈႁဝ်းဝႆႉၵႃႈၶၼ်းလွင်ႈၸမ်ၸႂ်ၼမ်ၼႃႇပူၼ်ႉ

မၢင်ပွၵ်ႈၸၢမ်းလူမ်ႉၽွင်ႈၵေႃႈဢမ်ႇပဵၼ်သင်

တေလႆႈႁူႉဝႃႈမီးၽႂ်ဢၼ်ယိုၼ်ႈမိုဝ်းၸူးႁဝ်းၼင်ႇတဵမ်ၸႂ်

ၵူၼ်းႁဝ်းတေသိူဝ်းလႆႈၵေႃႈ မိူဝ်ႈမေႃပဵင်းပေႃးႁၢၼ်ႉၸႂ်ၸွမ်းဢၼ်မီးယူႇ ဢမ်ႇၸွမ်းသွၵ်ႈႁႃလွင်ႈဢၼ်ဢမ်ႇမီးၼၼ်ႉယူႇတိၵ်းတိၵ်း

ဢူၺ်းၵေႃႉတႅၵ်ႈမိူၼ်ၼင်ႇသဵၼ်ႈတႃႈသၢႆတၢင်း သင်လိူၵ်ႈထုၵ်ႇ တေဢွၼ်ၵႂႃႇၸူးသဵၼ်ႈတၢင်းလီ သင်လိူၵ်ႈၽိတ်း တေဢွၼ်ၵႂႃႇၵႂင်တၢင်း

ၵူၼ်းႁဵတ်းၵႅင်ႈပႆၵႂႃႇတိၵ်းတိၵ်းၼၼ်ႉ ထႅင်ႈဢိၼ်ႉၵေႃႈတေႁၢႆၵႂႃႇၼႂ်းသၢႆတႃသူၵူၺ်း

ၵူၼ်းသႂ်ႇၸႂ်ယူႇတိၵ်းတိၵ်းၼၼ်ႉ ၵမ်းလိုၼ်းမႃးၵေႃႈ တေၵႂႃႇမီးယူႇၼႂ်းၸႂ်သူယဝ်ႉ။

ပိၼ်ႇ-ငဝ်မွင်မိုတ်းမူဝ်း

သင်ဝႃႈ

သင်ဝႃႈႁဝ်းပဵၼ်ၵူၼ်းလီ ၵူၼ်းဢမ်ႇလီၵေႃႈတေဢမ်ႇၶႂ်ႈၶဝ်ႈၸမ် ယွၼ်ႉဢုပ်ႇၵၼ်ဢမ်ႇႁူႉလွင်ႈ။ သင်ႁဝ်းပဵၼ်ၵူၼ်းဢမ်ႇလီ ၵူၼ်းလီၵေႃႈတေဢမ်ႇၶႂ်ႈယူႇၸမ် သင်ယူႇၸွမ်းၵူၼ်းဢမ်ႇလီ မၼ်းၵေႃႈတေၸၼ်ဢဝ်ၸၢတ်ႈပၢၼ်ၵႂႃႇၸူးတီႈတႅမ်ႇၵူၺ်း။ သင်ႁဝ်းပဵၼ်ၵူၼ်းၸိူင်ႉႁိုဝ်ၵေႃႈလႆႈ လီ ဢမ်ႇလီ ၸၢတ်ႈပၢၼ်ၵေႃႈ...

တၢင်းယၢမ်ႈၵူၼ်းႁဵတ်းၵၢၼ်ဝႆးလႄႈထိူင်း

ၵူၼ်းႁဵတ်းၵၢၼ်ဝႆး - ႁဵတ်းတွၼ်ႈတႃႇယိူင်းမၢႆလႄႈ ဢမ်ႇလိူၵ်ႈဝႃႈတေပဵၼ်လၢႆးၸိူင်ႉႁိုဝ် ၵူၼ်းႁဵတ်းၵၢၼ်ထိူင်း - ဝူၼ်ႉဝႃႈလွင်ႈၸိူင်ႉၼႆႁပ်ႉဢမ်ႇလႆႈ ၵူၼ်းႁဵတ်းၵၢၼ်ဝႆး - ၸၢမ်းႁဵတ်း ၵၢၼ်ဢၼ်ၶႂ်ႈႁဵတ်း ၵူၼ်းႁဵတ်းၵၢၼ်ထိူင်း...

လွၼ်ႉမွၼ်းသွၼ်ၸႂ်

လွင်ႈသိုဝ်ႈယူဝ်းၼၼ်ႉမၼ်းမီးၵႃႈၶၼ်ၼႃႇ ယႃႇမုင်ႈမွင်းတီႈၵူၼ်းဢၼ်ၵႃႈၶၼ်ပေႃးပေႃးၼၼ်ႉၵူၺ်း။ ဢမ်ႇမီးၽႂ်ႁဵတ်းႁင်းႁဝ်းလႆႈ လိူဝ်သေပၢႆးဝူၼ်ႉႁဝ်းၵူၺ်း။ သင်ႁဝ်းႁၵ်ႉတူဝ်ၵဝ်ႇယူႇ ႁဝ်းတေမီးတၢင်းသိူဝ်းလူၺ်ႈတူဝ်ၵဝ်ႇ ဢမ်ႇလူဝ်ႇႁႂ်ႈၽႂ်မႃးပဵၼ်တၢင်းသိူဝ်းႁဝ်း။ ႁဝ်းႁွင်ႉႁႆႈလႆႈယူႇ ၵူၺ်းၵႃႈယႃႇၸူမ်ၸွမ်းလွင်ႈဢၼ်ယၢမ်ႈမီး ထိုင်တီႈပေႃးလိုမ်းဝၼ်းဢၼ်ပႂ်ႉႁဝ်းယူႇတၢင်းၼႃႈၼၼ်ႉ။ ဢူၺ်းၵေႃႉလီၼၼ်ႉတိုၼ်းဝူၼ်ႉလီတေႃႇႁဝ်း ႁတ်းပၼ်ၾၢင်ႉႁဝ်းတေႃႇၼႃႈလႄႈ ႁတ်းလၢတ်ႈတီႈယူပ်ႈယွမ်းႁဝ်းသိုဝ်ႈသိုဝ်ႈ။ ၾၢင်ႁၢင်ႈဢၼ်လီတူၺ်းၼၼ်ႉ...