လိၵ်ႈယိုၼ်ႈထိုင် လွင်ႈဝူၼ်ႉၼမ်

ထိုင် လွင်ႈဝူၼ်ႉၼမ်

ယႃႇပေသိူင်ႇသိမ်းတူဝ်ယူႇယဝ်ႉၼႃ ႁဝ်းႁူႉယူႇဝႃႈသူၼၼ်ႉမီးယူႇၼႂ်းႁူဝ်ႁဝ်းမႃးလၢႆဝၼ်းယဝ်ႉ။

လၵ်ႉဝူၼ်ႉလွင်ႈၵဝ်ႇၵဝ်ႇပၼ်ႇၵႂႃႇပၼ်ႇမႃးယူႇတိၵ်းတိၵ်း၊ လၵ်ႉမႆႈၸႂ်ၸွမ်းၵႂၢမ်းလၢတ်ႈပိူၼ်ႈ၊ လၵ်ႉၵွတ်ႇဢဝ်လွင်ႈဢမ်ႇယုမ်ႇယမ်တူဝ်ၵဝ်ႇၼၼ်ႉဝႆႉ။

လွင်ႈလဵၵ်ႉႁိုဝ်လွင်ႈယႂ်ႇ လွင်ႈဢၼ်ယင်းပႆႇပဵၼ်မႃး လွင်ႈဢၼ်ဢမ်ႇလႅပ်ႈပဵၼ်လႆႈ သူၵေႃႈလႆႈၸႂ်ဢဝ်မၼ်းမႃးပဵၼ်ၶွင်လီသေ ႁဵတ်းႁႂ်ႈႁူဝ်ၸႂ်ပေႃးလႆႈသုၵ်ႉသၵ်ႉၸွမ်းမၼ်း။

သူ ၸွင်ႇႁိူဝ်ႉႁိုဝ်? ၊ ၸွင်ႇဝူၼ်ႉလိုဝ်ႈၽွင်ႈႁႃႉ?

ႁဝ်းႁူႉယူႇဝႃႈ သူဢမ်ႇၶႂ်ႈႁႂ်ႈၵူႈလွင်ႈမၼ်းသုၵ်ႉသၵ်ႉ သူၵူဝ်ဝႃႈမၼ်းတေႁဵတ်းၽိတ်းၵႂႃႇ၊ ၵူဝ်ဢမ်ႇလီပဵင်းပေႃး၊ ၵူဝ်တေထုၵ်ႇပိူၼ်ႈပွင်ႇၸႂ်ၽိတ်း၊ ၵူဝ်ပိူၼ်ႈတေဢမ်ႇႁၢၼ်ႉၸႂ်ႁဝ်း။

ႁဝ်းႁူႉယူႇဝႃႈ သူၶႂ်ႈၵႅတ်ႇၶႄပၼ်ႁဝ်း။

ၵူၺ်းၵႃႈ ၸွင်ႇႁူႉႁိုဝ် ၶူင်းၵၢင်လူင်ၼႆႉ မၼ်းဢမ်ႇၶႂ်ႈႁႂ်ႈႁဝ်းဝူၼ်ႉလီတဵမ်ထူၼ်ႈယဝ်ႉ ၸွင်ႇၵွႆႈၸႂ်ႉၸၢတ်ႈပၢၼ်လေႃႇၼႃႈ မၼ်းလူဝ်ႇႁႂ်ႈႁဝ်းႁတ်း တႃႇတေယူႇၸွမ်းလွင်ႈဢၼ်ဢမ်ႇၸႅင်ႈလႅင်းၼၼ်ႉသေ မေႃယုမ်ႉၸွမ်းမၼ်းမႃး သမ်ႉဝႃႈဢမ်ႇႁူႉမၼ်းတေသုတ်းၵႂႃႇၸိူင်ႉႁိုဝ်ၵေႃႈယဝ်ႉ။

သိုပ်ႇၼႆႉၵႂႃႇ ႁဝ်းယွၼ်းႁႂ်ႈသူ ၸႂ်ႉၶၢဝ်းယၢမ်းၸွမ်းလူမ်းထူၺ်ႈၸႂ် မိူၼ်တင်းဢၼ် ပၼ်ႇႁႃတၢင်းဢွၵ်ႇယူႇၼၼ်ႉလႄႈ ပၼ်တိုဝ်ႉတၢင်းတူဝ်ၵဝ်ႇ ႁႂ်ႈလိုဝ်ႈၸႂ် ပဵင်းတၢၼ်ႇဢၼ်ၸွမ်းႁႃၶေႃႈတွပ်ႇၼၼ်ႉလႄႈ။

သူဢမ်ႇလႆႈၵိူတ်ႇမႃးတႃႇဝူၼ်ႉၼမ်လွင်ႈလဵဝ် သူၵိူတ်ႇမႃးတႃႇႁႂ်ႈမီးတၢင်းသိူဝ်းႁေဢိူဝ်ႈ။

ဝၼ်းမိူဝ်ႈၼႆႉ ႁဝ်းလႆႈတႅမ်ႈလိၵ်ႈထိုင်သူ တႃႇလၢတ်ႈဝႃႈ သူဢမ်ႇၽိတ်းၼႃဢၼ်ဝူၼ်ႉၼမ် ၵူၺ်းၵႃႈ ယႃႇလိုမ်းႁၵ်ႉတူဝ်ၵဝ်ႇ မိူၼ်ၵၼ်ၼႃႈ။

ႁဝ်းတေယူႇတီႈၼႆႈသေ မိူဝ်ႈလႂ် သူဝူၼ်ႉပၼ်ႇၵႂႃႇပၼ်ႇမႃး ယူႇၸွမ်းတၢင်းဝူၼ်ႉဢၼ်ဢမ်ႇလႆႈၶေႃႈတွပ်ႇယူႇၼၼ်ႉ တေပႂ်ႉပၼ်ၾၢင်ႉဝႃႈ “ဢမ်ႇလူဝ်ႇၵႄႈၶႆၵူႈလွင်ႈမိူဝ်ႈၼႆႉၵမ်းလဵဝ် မၢင်ပွၵ်ႈမီးသူယူႇ ၸွမ်းၵူၺ်းၵေႃႈပဵင်းပေႃးယဝ်ႉ”။

မႃးတီႈ- တူဝ်ႁဝ်း ၵၢၼ်လဵပ်ႈႁဵၼ်းတိုၵ်ႉဢေႇ လႄႈ ယူႇၸွမ်းတူဝ်ၵဝ်ႇႁႂ်ႈၼမ်မႃး။

ပိၼ်ႇ-ငဝ်မွင်မိုတ်းမူဝ်း

ယင်ႇလိုၵ်ႉၵမ်ႉယၼ် တွၼ်ႈသၢမ်သိပ်းသီႇ

ႁိုင်ၵႂႃႇပဵၼ်လိူၼ်လႄႈ ယူႇယူႇ ၸၢမ်ၽွင်း လၢတ်ႈတေႃႇမႃး။ “သူ..” ၼႆၶေႃႈလဵဝ်ၵူၺ်းၵေႃႈ ငဝ်းလိူၼ်ၼၼ်ႉတႄႉ ၸႂ်ပေႃးၵီႈၼႃႈယဝ်ႉဢိူဝ်ႈ။ “မီးၸိူင်ႉႁိုဝ်ၶႃႈ ႁဝ်းယူဝ်ဝႃႈ သူတေဢမ်ႇဢၢၼ်းတွပ်ႇႁဝ်းယဝ်ႉ” “ဢွၵ်ႇတၢင်းသေၵၢၼ်သုၵ်ႉၼႃႇဢိူဝ်ႈ” “ယူဝ်ဝႃႈ သူဢမ်ႇၶႂ်ႈလၢတ်ႈတေႃႇႁဝ်းယဝ်ႉၼႆၼႃး” “ၼၼ်ႉၵေႃႈပႃး” “ၸႂ်ႁၢႆႉ...

ယင်ႇလိုၵ်ႉၵမ်ႉယၼ် တွၼ်ႈသၢမ်သိပ်းသၢမ်

ဢၢႆႈၸၢႆးၼၼ်ႉ ၵေႃႉယႂ်ႇပဵၼ်မၢဝ်ႇမႃးယဝ်ႉလူး မေႃႁူႉမေႃဢၢႆ မီးၸူႉမီးၸူဝ်းမႃးယဝ်ႉလႄႈ။ ယူႇတႂ်ႈငဝ်းဢူႈမႄႈၵႂႃႇၸိူင်ႉၼႆၵေႃႈ ဢမ်ႇပေႉတူဝ်ပေႉၵၢၼ်းလႆႈ မၼ်းၵေႃႈသမ်ႉၶႂ်ႈႁႃငိုၼ်းႁႃတွင်းႁေ ဢွၵ်ႇၸႂ်ၶႂ်ႈၵႂႃႇႁဵတ်းၵၢၼ်မိူင်းထႆးမႃးယဝ်ႉ။ ပေႃႈမႄႈမၼ်းၵေႃႈ...

ယင်ႇလိုၵ်ႉၵမ်ႉယၼ် တွၼ်ႈသၢမ်သိပ်းသွင်

ဝၢႆးသေဢေးၼၢင်းယူႇၸၼ်ႉသုင်ယဝ်ႉ ၶဝ်ၵေႃႈဢမ်ႇလဵင်ႉမူယဝ်ႉလႄႈ တူမ်ႈလဝ်ႈႁဵတ်းႁႆႈႁဵတ်းသူၼ်ၶၢႆၽၵ်း လဵင်ႉၵၼ်ၵႂႃႇၵူၺ်းယဝ်ႉ။ မၢင်ပွၵ်ႈၵေႃႈ ႁႃယႃထိူၼ်ႇယႃၶိူဝ်းၸိူဝ်းၼႆႉၶၢႆယူႇ။ ၼၢင်းသိုဝ်ႉလူႇသမ်ႉ ပေႃးၶၢဝ်းႁိုဝ်ႉၼႆႉ ၵႆႉပဵၼ်ၵူၼ်ႉၵူၼ်ႉၶိုၼ်ႈၶိုၼ်ႈ...