- ၵူၼ်းငိူဝ်ႈ ဝူၼ်ႉဝႃႈၸဝ်ႈၵဝ်ႇႁူႉၵူႈလွင်ႈ၊ ၵူၼ်းလႅတ်းသႅဝ်း ႁူႉဝႃႈတူဝ်ၵဝ်ႇယင်းႁူႉဢေႇယူႇ။
- ၵူၼ်းငိူဝ်ႈ ၼႄးၵၢမ်ႇၼႄးမုၼ်၊ ၵူၼ်းလႅတ်းသႅဝ်း ႁပ်ႉဢဝ်ပုၼ်ႈၽွၼ်းၸၢတ်ႈပၢၼ်တူဝ်ၵဝ်ႇ။
- ၵူၼ်းငိူဝ်ႈ ၶီႈၵေႉၵူၼ်းဢွင်ႇမၢၼ်၊ ၵူၼ်းလႅတ်းသႅဝ်း လဵပ်ႈႁဵၼ်းတီႈၵူၼ်းဢွင်ႇမၢၼ်။
- ၵူၼ်းငိူဝ်ႈ လၢတ်ႈၼမ်လိူဝ်သေထွမ်ႇ၊ ၵူၼ်းလႅတ်းသႅဝ်း ထွမ်ႇယဝ်ႉၸင်ႇလၢတ်ႈ
- ၵူၼ်းငိူဝ်ႈ ဝူၼ်ႉပွတ်း တူၺ်းဝၼ်းမိူဝ်ႈၼႆႉၵူၺ်း၊ ၵူၼ်းလႅတ်းသႅဝ်း ဝူၼ်ႉၵႆ တူၺ်းပႃးလွင်ႈမိူဝ်းၼႃႈ။
- ၵူၼ်းငိူဝ်ႈ ၶႂ်ႈဢဝ်ပေႉပိူၼ်ႈၵူႈၵေႃႉ၊ ၵူၼ်းလတ်းသႅဝ်း ၶႂ်ႈၽိူမ်ႉထႅမ်ၼမ်ႉၵတ်ႉတူဝ်ၵဝ်ႇ။
- ၵူၼ်းငိူဝ်ႈ ယုမ်ႇၵူႈလွင်ႈဢမ်ႇဝူၼ်ႉ၊ ၵူၼ်းလႅတ်းသႅဝ်း ထတ်းသၢင်တူၺ်းသေၸင်ႇယုမ်ႇ။
- ၵူၼ်းငိူဝ်ႈ ၸႂ်ႉဢႃးလူမ်းတႅပ်းတတ်းပၼ်ႁႃ၊ ၵူၼ်းလတ်းသႅဝ်း ၸႂ်ႉလွင်ႈတၢင်းလိူဝ်သေဢႃးလူမ်း။
- ၵူၼ်းငိူဝ်ႈ ၵူဝ်လွင်ႈလႅၵ်ႈလၢႆႈ၊ ၵူၼ်းလႅတ်းသႅဝ်း တူၺ်းႁၼ်တိုဝ်ႉတၢင်းၼိူဝ်လွင်ႈလႅၵ်ႈလၢႆႈ။
- ၵူၼ်းငိူဝ်ႈ ၵျိူၵ်ႈတႅပ်းတတ်းၵူၼ်းတီႈၽၢႆႇၼွၵ်ႈ၊ ၵူၼ်းလႅတ်းသႅဝ်း တူၺ်းလိုၵ်ႉထိုင်တၢင်းဝူၼ်ႉလႄႈၼႂ်းၸႂ်။
- ၵူၼ်းငိူဝ်ႈ ၸႂ်ႉၶၢဝ်းယၢမ်းလၢတ်ႈထိုင်ၸိုဝ်ႈပိူၼ်ႈ၊ ၵူၼ်းလႅတ်းသႅဝ်း ၸႂ်ႉၶၢဝ်းယၢမ်းၽိူမ်ႉထႅမ်ၼမ်ႉၵတ်ႉတူဝ်ၵဝ်ႇ။
- ၵူၼ်းငိူဝ်ႈ ႁၼ်တၢင်းႁူႉဢမ်ႇမီးၽွၼ်းလီ၊ ၵူၼ်းလႅတ်းသႅဝ်း ဢဝ်တၢင်းႁူႉပဵၼ်ဢဵၼ်ႁႅင်း။
- ၵူၼ်းငိူဝ်ႈ ယုမ်ႇဝႃႈႁဵတ်းၵေႃႉလဵဝ်ဢွင်ႇမၢၼ်၊ ၵူၼ်းလႅတ်းသႅဝ်း ႁူႉဝႃႈလွင်ႈဢွင်ႇမၢၼ်တေလႆႈႁဵတ်းပဵၼ်ၸုမ်း။
- ၵူၼ်းငိူဝ်ႈ ၸူမ်ယူႇၸွမ်းလွင်ႈဝၼ်းလင်၊ ၵူၼ်းလႅတ်းသႅဝ်း လဵပ်ႈႁဵၼ်းတီႈလွင်ႈဝၼ်းလင်။
- ၵူၼ်းငိူဝ်ႈ ၵျိူၵ်ႈဢဝ်တူဝ်ၵဝ်ႇတႅၵ်ႈၼိူင်းတင်းပိူၼ်ႈ၊ ၵူၼ်းလႅတ်းသႅဝ်း တႅၵ်ႈၼိူင်းတင်းတူဝ်ၵဝ်ႇ။
- ၵူၼ်းငိူဝ်ႈ ႁဵတ်းၵူႈလွင်ႈတႃႇႁႂ်ႈလီတူၺ်း၊ ၵူၼ်းလႅတ်းသႅဝ်း ႁဵတ်းၵူႈလွင်ႈႁႂ်ႈပဵၼ်လွင်ႈတေႉ။
- ၵူၼ်းငိူဝ်ႈ ငိူင်ႉဝႄႈပၼ်ႁႃ၊ ၵူၼ်းလႅတ်းသႅဝ်း ႁူပ်ႉၸူးပၼ်ႁႃသေၵႄႈၶႆ။
- ၵူၼ်းငိူဝ်ႈ ႁဵတ်းၸွမ်းတူင်ႇဝူင်းပဵၼ်ယူႇ၊ ၵူၼ်းလႅတ်းသႅဝ်း ၸႂ်ႉၶၢဝ်းယၢမ်းႁႂ်ႈမီးၵႃႈၶၼ်ၵူႈယၢမ်း။
- ၵူၼ်းငိူဝ်ႈ သုမ်းၶၢဝ်းယၢမ်းၸွမ်းလွင်ႈဢမ်ႇလႆႈလွင်ႈ၊ ၵူၼ်းလႅတ်းသႅဝ်း ၸႂ်ႉၶၢဝ်းယၢမ်းႁႂ်ႈမီးၵႃႈၶၼ်တႃႇသေႇ။
- ၵူၼ်းငိူဝ်ႈ ၸႂ်ႉၸၢတ်ႈပၢၼ်ႁႂ်ႈပိူၼ်ႈႁၢၼ်ႉၸႂ်၊ ၵူၼ်းလႅတ်းသႅဝ်း ၸႂ်ႉၸၢတ်ႈပၢၼ်တွၼ်ႈတႃႇတူဝ်ၵဝ်ႇမီးတၢင်းသိူဝ်း။
- ပိၼ်ႇ-ငဝ်မွင်မိုတ်းမူဝ်း
