ယွၼ်းႁၵ်ႉ

ႁူတ်းၼမ်ႉယဝ်ႉမွၵ်ႇၶိုၼ်းႁဵဝ်ႇႁႅင်ႈ ႁိုဝ်ၸၢင်ႈဝႃႈႁိုဝ်ထႅင်ႈယဝ်ႉလႃႇ တႃႇတေသိုပ်ႇႁၵ်ႉၵႂႃႇၶၢဝ်းႁိုင် ႁူဝ်ၸႂ်ပီႈၸိုင်ဢမ်ႇမၼ်ႈၵိုမ်း ဢၢၼ်းလိုမ်းၼွင်ႉၵႂႃႇႁၵ်ႉၵေႃႉမႂ်ႇ ၼႄးသႂ်ႇဝႃႈပဵၼ်ၼွင်ႉႁဵတ်းလႆႈ ပဵၼ်ၵွပ်ႈပီႈၵေႃႉၶႂ်ႈၽၢတ်ႇဢွၵ်ႇ လၢတ်ႈမွၵ်ႇဝႃႈလွင်ႈတၢင်းႁၵ်ႉႁႃး ၺႃးၵမ်းတေလႆႈၶိုၼ်းၽၢတ်ႇၵၼ် ယွၼ်ႉပီႈႁၼ်ဝႆႉထႅင်ႈတၢင်ႇၵေႃႉ ၶႂ်ႈသေႃႉႁူမ်ႈပိူၼ်ႈထႅင်ႇတၢင်ႇၽူၺ်း ဢမ်ႇဝၢႆႇတူၺ်းၵေႃႉၵိုတ်းတၢင်းလင် ဢမ်ႇၵႂင်သင်တီႈပွႆႇဝႆႉႁဝ်း ႁူမ်ႈသဝ်းၸွမ်းလုၵ်ႈယိင်းပိူၼ်ႈၵႂႃႇယဝ်ႉ။ ပၢႆၵမ် - သႅင်ၸိုၼ်ႈ

ၼႂ်းတူင်ႇဝူင်းဢၼ်ၶႃႈယူႇၼႆႉ ပေႃးမႃးတူၺ်းၼႆ ၼႃႈၵၢၼ်ဢၼ်လႆႈငိုၼ်းလိူၼ်ၼမ်လိူဝ်ပိူၼ်ႈၵေႃႈ ပဵၼ် "ၶူးသွၼ်"ယဝ်ႉ။ၵူၼ်းႁိမ်းႁွမ်း ဢူႈမႄႈ ၵမ်ႉထႅမ်ႁႂ်ႈႁဵတ်းၶူးယူႇသေတႃႉၵေႃႈ ၵူဝ်ၺႃးလုၵ်ႈႁဵၼ်းဢၼ်မိူၼ်တူဝ်ၵဝ်ႇၼႆႉသေ ၸင်ႇဝႄႈလိူၵ်ႈသဵၼ်ႈတၢင်း...

ၶၢဝ်းၶိင်ႇပိူၼ်ႈလပ်းယဵၼ် ၵုမ်ႇပဵၼ်ၵၢၼ်လဵပ်ႈႁဵၼ်း ဢဵၼ်းဢၢၼ်းတႃႇၶိုၼ်ႈယႂ်ႇ တူၵ်းသႂ်ႇပုၼ်ႈၽွၼ်းသွၼ် တႃႇဢွၼ်သိမ်းလိၵ်ႈလၢႆး ၵူႈဝၼ်းငၢႆးၶတ်းၸႂ် ၶၢဝ်းၶိင်ႇလႂ်ဢမ်ႇလိုဝ်ႈ ၶဝ်ႈၸိုဝ်ႈပဵၼ်မေႃသွၼ် ၵေႃႉဢွၼ်ၼေႃႇတႅၼ်းၶိူဝ်း ၶိုၼ်ႈယႂ်ႇၵႂႃႇမိူဝ်းၼႃႈ ဢမ်ႇပႂ်ႉထႃႈၶၢဝ်းယၢမ်း ဢမ်ႇပၼ်ႁၢမ်းၼႃႈၵၢၼ် ပၢၼ်ပဵၼ်ၵေႃႉၼႄတၢင်းလုၵ်ႈႁဵၼ်း။ ပၢႆၵမ် - သႅင်ၸိုၼ်ႈ