တၢင်းႁူႉဢၼ်မီးၵႃႈၶၼ်

ၶၢဝ်းၶိင်ႇပိူၼ်ႈလပ်းယဵၼ် ၵုမ်ႇပဵၼ်ၵၢၼ်လဵပ်ႈႁဵၼ်း ဢဵၼ်းဢၢၼ်းတႃႇၶိုၼ်ႈယႂ်ႇ တူၵ်းသႂ်ႇပုၼ်ႈၽွၼ်းသွၼ် တႃႇဢွၼ်သိမ်းလိၵ်ႈလၢႆး ၵူႈဝၼ်းငၢႆးၶတ်းၸႂ် ၶၢဝ်းၶိင်ႇလႂ်ဢမ်ႇလိုဝ်ႈ ၶဝ်ႈၸိုဝ်ႈပဵၼ်မေႃသွၼ် ၵေႃႉဢွၼ်ၼေႃႇတႅၼ်းၶိူဝ်း ၶိုၼ်ႈယႂ်ႇၵႂႃႇမိူဝ်းၼႃႈ ဢမ်ႇပႂ်ႉထႃႈၶၢဝ်းယၢမ်း ဢမ်ႇပၼ်ႁၢမ်းၼႃႈၵၢၼ် ပၢၼ်ပဵၼ်ၵေႃႉၼႄတၢင်းလုၵ်ႈႁဵၼ်း။ ပၢႆၵမ် - သႅင်ၸိုၼ်ႈ

ႁူၵ်းလိူၼ်ၶၢဝ်းယၢမ်းတိုဝ်ႉတၢင်းလီ ဢမ်ႇမီးလွင်ႈၶီသၢင်ႈတၢင်းႁူႉ ႁုပ်ႈၸူႉသွၼ်ဢဝ်ၼႂ်းႁူၵ်းလိူၼ် ဢမ်ႇၶၢၼ်ႉဢိူၼ်ႁဝ်းလဵပ်ႈႁဵၼ်းမႃး ႁဝ်းႁႃးၽွမ်ႉၵၼ်ဢမ်ႇယွၼ်ႇၸႂ် လွင်ႈၶဵင်ႇတႃႉၸိူဝ်းလႂ်ဢမ်ႇဝႃႈ ၸုမ်းႁဝ်းၶႃႈလႆႈတေႃႇသူႈမႃး ထူပ်းၺႃးလွင်ႈလီႁူမ်ႈၵၼ်ၸၢမ်ႇ ႁူမ်ႈၶၢမ်ႇၸွမ်းၵၼ်မိူဝ်ႈတူၵ်းၵိၼ်း ငိၼ်းၸူမ်းၶွပ်ႈၸႂ်ထိုင်ၶူးသွၼ် တီႈဢွၼ်သၢင်ႈႁူင်းႁဵၼ်းၼႆႉမႃး တႃႇႁဝ်းႁႃးလႆႈသၢင်ႈၼမ်ႉၵတ်ႉယူႇဢေႃႈ။ ပၢႆၵမ် - သႅင်ၸိုၼ်ႈ

ႁူၵ်းလိူၼ်တီႈပူၼ်ႉမႃး ႁဝ်းႁႃးၽွမ်ႉႁူမ်ႈၵၼ် ပဵၼ်ဢၼ်လီသိူဝ်းၼႃႇ ၵူႈၶိင်ႇၶႃႇၽွင်းႁဵၼ်း ဢမ်ႇဢဵၼ်းဢၢၼ်းသုတ်ႉထွႆ လတ်းၶၢမ်ႈလွႆႁွတ်ႈမႃး ပႃးယိူင်းဢၢၼ်းမိူၼ်ၵၼ် ဢမ်ႇႁၼ်လွင်ႈသုၼ်ႇတူဝ် ဢမ်ႇၵူဝ်လွင်ႈယၢပ်ႇၽိုတ်ႇ ၵွပ်ႈၶႂ်ႈပိုတ်ႇၼႄတၢင်း ဢမ်ႇၽႃႈဝၢင်းၼႃႈၵၢၼ် ၸၢတ်ႈပၢၼ်ဢၼ်ပဵၼ်ၶူး တႃႇယၢင်ႈၸူးယိူင်းမၢႆ သၢႆငၢႆပဵၼ်ႁိုဝ်ၵေႃႈ ႁဝ်းတေႃႈဢမ်ႇၸႂ်တူၵ်း တႃႇမိူဝ်းပူၵ်းပွင်ပၼ်လုၵ်ႈႁဵၼ်းၼၼ်ႉ ၸုမ်းႁဝ်းၶတ်းၸႂ်ယူႇ။ ပၢႆၵမ် - သႅင်ၸိုၼ်ႈ