တၢင်းႁၵ်ႉ ဢမ်ႇၶတ်းၸႂ်ပဵၼ်ၸဝ်ႈၶွင်ၽႂ် တၢင်းႁၵ်ႉၼၼ်ႉ ဢမ်ႇၸႂ်ႈတႃႇၵုမ်းၵမ်ၽႂ်ႁႂ်ႈပဵၼ်ၼင်ႇလွင်ႈဢၼ်ႁဝ်းၶႂ်ႈႁႂ်ႈပဵၼ် ၵူၺ်းၵႃႈ ပဵၼ်ၵၢၼ်ယွမ်းႁပ်ႉတီႈၶဝ်ႁင်းၵူၺ်း။
တၢင်းႁၵ်ႉဢမ်ႇမီးၶေႃႈလႅၵ်ႈလၢႆႈဝႃႈ တေလႆႈလွင်ႈၼၼ်ႉၶိုၼ်း ဢမ်ႇၸႂ်ႈႁၵ်ႉတႃႇႁႂ်ႈလႆႈၶေႃႈတွပ်ႇ ဢမ်ႇၸႂ်ႈႁၵ်ႉႁႂ်ႈၶဝ်ၶိုၼ်းတွပ်ႇတႅၼ်း ႁၵ်ႉလူၺ်ႈလွင်ႈတဵမ်ၸႂ်။
ယွၼ်ႉႁၵ်ႉၶဝ် ဢမ်ႇၸမ်ပဵၼ်ႁႂ်ႈၶဝ်ယူႇ သင်ၶဝ်မီးတၢင်းသိူဝ်းၸွမ်းသဵၼ်ႈတၢင်းၶဝ် ႁဝ်းၵေႃႈ ႁၵ်ႉၶဝ်လႄႈ ယွၼ်းသူးႁႂ်ႈၶဝ်ၵႂႃႇၸွမ်းသဵၼ်ႈတၢင်း ဢၼ်ၶဝ်လိူၵ်ႈၼၼ်ႉႁႂ်ႈလီ။
တၢင်းႁၵ်ႉဢမ်ႇၸႂ်ႈတႃႇပၼ်ၵႂၢမ်းမၼ်ႈၵၼ်ၵူၺ်း တေလႆႈမီးလွင်ႈယုမ်ႇယမ်ၼပ်ႉထိုဝ်ၵၼ် သင်ႁၵ်ႉတေႉ တိုၼ်းတေယွမ်းႁပ်ႉလႆႈလွင်ႈလႅၵ်ႈလၢႆႈ တေဢမ်ႇတိုတ်ႉၼွင်ႇၸၼ်ႁွႆႈဝႆႉထႅင်ႈၽၢႆႇၼိုင်ႈယူႇတီႈၵဝ်ႇတိၵ်းတိၵ်း။
ႁၵ်ႉဢမ်ႇမီးတီႈတိူၵ်ႈ ႁၼ်ၵႃႈၶၼ်ၶဝ်တီႈဢၼ်ၶဝ်ပဵၼ်ယူႇ ဢမ်ႇၸႂ်ႈလွင်ႈဢၼ်ၶဝ်ႁဵတ်းပၼ်ႁဝ်း ႁဝ်းဢမ်ႇလႆႈႁၵ်ႉၶဝ်ယွၼ်ႉၶဝ်ၸႂ်လီ ယွၼ်ႉၶဝ်ႁဵတ်းႁႂ်ႈမီးတၢင်းသိူဝ်း ၵွပ်ႈပိူဝ်ႈဢၼ်ၶဝ်မီးယူႇၼၼ်ႉမၼ်းၵေႃႈလီတွၼ်ႈတႃႇႁဝ်းယဝ်ႉ။
တၢင်းႁၵ်ႉဢမ်ႇၸႂ်ႈၵူဝ်လႆႈသုမ်းၶဝ်ၵႂႃႇ ၵူၺ်းၵႃႈ ယိၼ်းၸူမ်းဢၼ်မီးၶဝ်ယူႇၼႂ်းၸၢတ်ႈပၢၼ်ပွၵ်ႈၼိုင်ႈ၊ သမ်ႉဝႃႈလွင်ႈၸမ်ၸႂ်ၼၼ်ႉတေႁိုင်ယၢဝ်းမွၵ်ႈႁိုဝ် လႆႈႁၵ်ႉၶဝ် လႆႈႁူပ်ႉၵၼ်ၼၼ်ႉၵေႃႈ ပဵၼ်လွင်ႈလီၼႃႇယဝ်ႉ။
ပိၼ်ႇ-ငဝ်မွင်မိုတ်းမူဝ်း
