မီးလွင်ႈပွင်ႇၸႂ်ၵၼ် ႁပ်ႉထွမ်ႇတၢင်းႁၼ်ထိုင်ၵၼ် ဢမ်ႇတႅပ်းတတ်း ပွင်ႉလႃႇ။
မီးလွင်ႈၼပ်ႉယမ်ၵၼ်လႄႈဝႆႉၵႃႈၶၼ်ၵၼ် ၼပ်ႉယမ်ပႆၢးဝူၼ်ႉၵၼ် မီးၶွပ်ႇမီးလႅၼ် ဢမ်ႇၶတ်းၸႂ်ၵုမ်းၵမ်လႄႈႁႂ်ႈလႅၵ်ႈလႆၢႈ။
သိုဝ်ႈယူဝ်းတေႃႇၵၼ်
ဢမ်ႇပႅတ်ႉလႅၼ် ဢမ်ႇလဵၼ်ႈၸူႉထႅင်ႈ ဝႆႉၼမ်ႉၼၵ်းလွင်ႈၸမ်ၸႂ်ဢၼ်မီးတေႃႇၵၼ် ဢမ်ႇႁဵတ်းပဵၼ်တၢင်းလဵၼ်ႈ။
ၸွႆႈထႅမ်ယူႇႁိမ်းၸမ်ၵၼ် ပၼ်ႁႅင်းၸႂ်ၵၼ် ဢမ်ႇဝႃႈဝၼ်းဢၼ်သိူဝ်းႁိုဝ်တုၵ်ႉ ၸူမ်းၸွမ်းမိူဝ်ႈၵေႃႉၼိုင်ႈလႆႈလီ ဢွၼ်ၵၼ်ၽိူမ်ႉၼမ်ႉၵတ်ႉပၼ်ၵၼ်။
ၸႂ်မၼ်ႈၼိမ်
ဢမ်ႇဢဝ်ၵၢင်ၸႂ်တႅပ်းတတ်းလူၺ်ႈဢမ်ႇမီးလွင်ႈတၢင်း မေႃၸတ်းၵၢၼ်ၸႂ်တူဝ်ၵဝ်ႇ ဢမ်ႇဢဝ်ပိူၼ်ႈမႃးႁဵတ်းတီႈပိုင်ႈၸႂ်။
မီးယိူင်းဢၢၼ်းလႄႈၽိူမ်ႉထႅမ်ၼမ်ႉၵတ်ႉတူဝ်ၵဝ်ႇယူႇတႃႇသေႇ ဢမ်ႇၸႂ်ႉၸၢတ်ႈပၢၼ်ယူႇၵႂႃႇဝၼ်းလႂ်ဝၼ်းၼၼ်ႉသေ ပႂ်ႉပိုင်ႈဢိင်သူၵူၺ်း။
ပၼ်ဢွင်ႈတီႈသူ ပွင်ႇၸႂ်ဢၼ်သူပဵၼ် ဢမ်ႇမုင်ႈမွင်းတႃႇယူႇၸွမ်းသူတႃႇသေႇ လႄႈ ပွင်ႇၸႂ်ဝႃႈၵူႈၵေႃႉၼၼ်ႉတိုၼ်းမီးၶၢဝ်းယၢမ်းပဵၼ်ၶွင်တူဝ်ၵဝ်ႇ ဢမ်ႇၵုမ်းၵမ်ၽဝသူၼႃႇပူၼ်ႉ။
ၸႂ်လီတေႃႇၵူၼ်းႁိမ်းၸမ် ပဵၼ်ၵူၼ်းမီးၼမ်ႉၸႂ်လႄႈ မီးလွင်ႈၼပ်ႉယမ်တေႃႇပိူၼ်ႈ ဢမ်ႇဢဝ်တူဝ်ၵဝ်ႇပဵၼ်သုၼ်ၵၢင် ၽွမ်ႉတႃႇႁူမ်ႈမိုဝ်းၵၼ်တင်းသူၵႂႃႇ။
ပိၼ်ႇ-ငဝ်မွင်မိုတ်းမူဝ်း
