မိူဝ်ႈႁိူဝ်ႉ ဢမ်ႇမီးႁႅင်း ႁႅင်း သဵင်ႈယဝ်ႉ ၼႆၼၼ်ႉ ယႃႇဝူၼ်ႉဝႃႈတေမီးၽႂ်မႃးၸွႆႈ ၵမ်းလိုၼ်းမႃးၵေႃႈ မီးတူဝ်ၸဝ်ႈၵဝ်ႇၵူၺ်း ဢၼ်ယူတ်းယႃသူလႆႈ။
သင်ၵပ်ႉၵိၼ်းၸႂ် ၸႂ်ဢမ်ႇသိူဝ်းၼႆ ယႃႇၶင်တူဝ်ၵဝ်ႇဝႆႉတီႈၵႅပ်ႈၵႅပ်ႈၵူၺ်း ၸၢမ်းပိုတ်ႇၽၵ်းတူတူၺ်းလႄႈ သႆၢလႅင်းလႅတ်ႇ သဵင်လူမ်းထွင်း တီႈဢၼ်မႂ်ႇမႂ်ႇၼၼ်ႉ တေပူၵ်းႁူဝ်ၸႂ်ႁႂ်ႈတိုၼ်ႇၶိုၼ်ႈမႃးလႆႈထႅင်ႈယဝ်ႉ။
ၶၢဝ်းယၢမ်းႁဝ်းၼၼ်ႉပွတ်းၼႃႇ ယႃႇၵုမ်ႇၸူမ်ယူႇၸွမ်းတီႈဢမ်ႇသိူဝ်းၸႂ်လႆႈ သင်ယူႇတီႈၼၼ်ႈဢမ်ႇသိူဝ်းၸႂ်ၼႆ လႆၢႈတူၺ်းတီႈမႂ်ႇလႄႈ။
သင်လႅၵ်ႈလႆၢႈယဝ်ႉယင်းပႆႇသိူဝ်းလႆႈၵေႃႈ ၸၢမ်းလႅၵ်ႈတူဝ်ၸဝ်ႈၵဝ်ႇတူၺ်း။
ယႃႇဢဝ်ၵႂၢမ်းလၢတ်လႄႈလွင်ႈဢမ်ႇလီပိူၼ်ႈ မႃးႁဵတ်းႁႂ်ႈၼၵ်းၸႂ်လႆႈ။
ၽႂ်ဢမ်ႇႁၵ်ႉသူၵေႃႈပၼ်ၶဝ်ၵႂႃႇ ယႃႇႁၢပ်ႇဝႆႉၵူၼ်းၵေႃႉဢမ်ႇယၢမ်ႈႁပ်ႉသူလႆႈ၊ယႃႇၸၼ်ၵူၼ်းၵေႃႉဢၼ်ဢမ်ႇၶႂ်ႈယူႇယဝ်ႉလႄႈ ႁၵ်ႉတူဝ်ၵဝ်ၼမ်ၼမ်။
ၼႂ်းၸႂ်ပဵၼ်ႁိုဝ်ၼၼ်ႉ ဢမ်ႇမီးၽႂ်ႁူႉပဵင်းတူဝ်ၵဝ်ႇ ႁႅင်းၸႂ်တီႈပိူၼ်ႈၼၼ်ႉ ၸွႆႈလႆႈၸူဝ်ႈၵႅပ်ႉၵမ်းၵူၺ်း၊ ႁူဝ်ၸႂ်ဢၼ်လူႉလႅဝ်ၵႂႃႇၼၼ်ႉ တေလႆႈယူတ်းယႃလူၺ်ႈတူဝ်ၵဝ်ႇယဝ်ႉ။
သင်ႁိူဝ်ႉၵေႃႈ ၵွတ်ႇတူဝ်ၵဝ်ႇဝႆႉသေ
သင်တုၵ်ႉၸႂ် ပၼ်ႁႅင်းၸႂ်တူဝ်ၵဝ်ႇလႄႈ
မိူဝ်ႈလူမ်ႉယူႇၼၼ်ႉယႃႇမွင်းဝႃႈတေမီးၽႂ်ၸွႆႈ
ၵမ်းလိုၼ်းၵေႃႈတေလႆႈၸုၵ်းမၼ်ႈလူၺ်ႈၶႃၸဝ်ႈၵဝ်ႇၵူၺ်း။
သင်မီးၵူၼ်းထၢင်ႇၽိတ်း ယႃႇၶတ်းၸႂ်သမ်ႉတိၵ်းတိၵ်း ၵူၼ်းၶႂ်ႈပွင်ႇၸႂ်ဢမ်ႇလူဝ်ႇလၢတ်ႈၼမ်၊ ၵူၼ်းဢမ်ႇၶႂ်ႈပွင်ႇၸႂ် လၢတ်ႈတၢၼ်ႇႁိုဝ်ၶဝ်တိုၼ်းဢမ်ႇထွမ်ႇ။
ၵူႈလွင်ႈၼႂ်းၶူင်းၵၢင်ၼႆႉ မၼ်းမီးတီႈသုတ်းသဵင်ႈ ႁၵ်ႉတၢၼ်ႇႁိုဝ်ၵေႃႈ ၵႃႈတေလႆႈႁၢင်ႇ၊ ၸမ်ၸႂ်တၢၼ်ႇႁိုဝ်ၵေႃႈ ၵႃႈတေလႆႈပွႆႇၵႂႃႇယူႇ။
ပိၼ်ႇ – ငဝ်မွင်မိုတ်းမူဝ်း
