ဢၼ်ပဵၼ်ယူႇ

ယူႇယူႇႁူဝ်ၸႂ်ပိုတ်ႇၵီႈတွတ်ႇမႃး ၼႂ်းၽုင်မူႇပွႆးၵိုၼ်း တႃတူၺ်းဢမ်ႇၽၢတ်ႇလႆႈတီႈၵူၼ်းၵေႃႉၼိုင်ႈ၊ မိူဝ်ႈယၵ်ႉႁၼ်ၼင်ႇႁၢင်ႈပေႉမႃးၸၼ်ၸႂ် ယၢမ်ႈႁူႉၸၵ်းႁႃႉၼႆၵေႃႈ ဢမ်ႇၸႂ်ႈ ဢမ်ႇပႆႇယၢမ်ႈထူပ်းဢမ်ႇယၢမ်ႈႁၼ် ပဵၼ်ပွၵ်ႈဢွၼ်တၢင်းသုတ်း ၵူၺ်းၵႃႈႁၼ်ဝႆႉၸပ်းတႃယူႇဢိူဝ်ႈ။ ႁၼ်ၵၼ်ၸူဝ်ႈၵႅပ်ႉႁူပ်ႉၵၼ်ၸူဝ်ႈၵမ်း...

သဵင်ၾႃႉလင်ၵိုင်ႈၵၢင်ႈ လူမ်းထူဝ်းထွင်းၽတ်ႉ ၽင်ႈတူၽုၺ်ႇပဵၼ်ၵမ်းပဵၼ်ၵမ်း ၶႃႈယူႇႁင်းၵူၺ်းတူၺ်းၸိူင်းယူႇၼႂ်းႁွင်ႈ မိူၼ်ႁၢင်ႈဢမ်ႇသူၼ်ၽႂ် ယူႇယူႇၵတ်းလၢင်ႈမႃးပဵၼ်ၵမ်း သၢၼ်ႈမႃးပဵၼ်ၵမ်း ၶူၼ်တုမ်ႇၼိူဝ်ႉၵီႈမႃးပဵၼ်ၵမ်း၊ ၵွပ်ႈၽၵ်းတူၽူၺ်ႇလႄႈဝႃႈယူဝ်ႉ...

ႁူတ်းၼမ်ႉယဝ်ႉမွၵ်ႇၶိုၼ်းႁဵဝ်ႇႁႅင်ႈ ႁိုဝ်ၸၢင်ႈဝႃႈႁိုဝ်ထႅင်ႈယဝ်ႉလႃႇ တႃႇတေသိုပ်ႇႁၵ်ႉၵႂႃႇၶၢဝ်းႁိုင် ႁူဝ်ၸႂ်ပီႈၸိုင်ဢမ်ႇမၼ်ႈၵိုမ်း ဢၢၼ်းလိုမ်းၼွင်ႉၵႂႃႇႁၵ်ႉၵေႃႉမႂ်ႇ ၼႄးသႂ်ႇဝႃႈပဵၼ်ၼွင်ႉႁဵတ်းလႆႈ ပဵၼ်ၵွပ်ႈပီႈၵေႃႉၶႂ်ႈၽၢတ်ႇဢွၵ်ႇ လၢတ်ႈမွၵ်ႇဝႃႈလွင်ႈတၢင်းႁၵ်ႉႁႃး ၺႃးၵမ်းတေလႆႈၶိုၼ်းၽၢတ်ႇၵၼ် ယွၼ်ႉပီႈႁၼ်ဝႆႉထႅင်ႈတၢင်ႇၵေႃႉ ၶႂ်ႈသေႃႉႁူမ်ႈပိူၼ်ႈထႅင်ႇတၢင်ႇၽူၺ်း ဢမ်ႇဝၢႆႇတူၺ်းၵေႃႉၵိုတ်းတၢင်းလင် ဢမ်ႇၵႂင်သင်တီႈပွႆႇဝႆႉႁဝ်း ႁူမ်ႈသဝ်းၸွမ်းလုၵ်ႈယိင်းပိူၼ်ႈၵႂႃႇယဝ်ႉ။ ပၢႆၵမ် - သႅင်ၸိုၼ်ႈ