ဢမ်ႇမီးသင်ယူႇၸွမ်းႁဝ်းၵႂႃႇလႆႈတေႃႇၸူဝ်ႈ လွင်ႈဢၼ်ယၢမ်ႈပဵၼ်ၵူႈလွင်ႈတွၼ်ႈတႃႇႁဝ်းၼၼ်ႉၵေႃႈ ဝၼ်းၼိုင်ႈတေယဵၼ်းပဵၼ်လွင်ႈၵဝ်ႇၵႂႃႇၵူၺ်း။
မိူဝ်ႈပဵၼ်လုၵ်ႈဢွၼ်ႇ လဵၼ်ႈဢဝ်တၢင်းၵျေႃႇမၼ်း ဢမ်ႇလႆႈမႆႈၸႂ်ၸၢတ်ႈပၢၼ်မိူဝ်းၼႃႈ ၵူၺ်းၵႃႈ မၼ်းၵေႃႈသုတ်းသဵင်ႈၵႂႃႇလႄႈ တေလႆႈႁပ်ႉဢဝ်ပုၼ်ႈၽွၼ်းမႃးယဝ်ႉ။
ဢူၺ်းၵေႃႉၸမ်ၸႂ် ၵေႃႉယႂ်ႇမႃးၸွမ်းၵၼ် ဝၼ်းၼိုင်ႈၵေႃႈတေၽၢတ်ႇၵၼ်ၵႂႃႇ ၽႂ်ၵေႃႈဢမ်ႇလႆႈတင်ႈၸႂ်မိူၼ်ၵၼ်။
လွင်ႈမၢင်ဢၼ်သႂ်ႇၸႂ်မၼ်းႁႅင်းၼႃႇ၊ လွင်ႈဢၼ်ယၢမ်ႈႁဵတ်းႁႂ်ႈတိူဝ်ႉၸႂ်ၼႃႇ ၼၼ်ႉၵေႃႈ မိူဝ်ႈၶၢဝ်းယၢမ်းပူၼ်ႉၵႂႃႇ မၼ်းတေၸၢင်ၵႂႃႇၵမ်းလွႆးလွႆး ဝၼ်းၼိုင်ႈၵေႃႈ တေပဵၼ်လွင်ႈဢၼ်ၶိုၼ်းၶႆႈၼႄၵၼ်ၵႂႃႇၵူၺ်း။
ၵူႈလွင်ႈၼၼ်ႉတေလႅၵ်ႈလၢႆႈၵႂႃႇတႃႇသေႇ ဢမ်ႇၸႂ်ႈယွၼ်ႉႁဝ်းၶႂ်ႈႁႂ်ႈမၼ်းပဵၼ်ၵႂႃႇၸိူင်ႉၼၼ် ၵွပ်ႈဝႃႈ ၶၢဝ်းယၢမ်းလႄႈပၢၼ်ႁဝ်းၼၼ်ႉၵေႃႈ တေယၢင်ႈႁၢင်ႇတီႈၵဝ်ႇၵႂႃႇတိၵ်းတိၵ်း။
သမ်ႉဝႃႈမၢင်လွင်ႈတေႁၢႆၵႂႃႇၼႂ်းၸၢတ်ႈပၢၼ်ႁဝ်း မၼ်းၵေႃႈဢမ်ႇလႆႈပွင်ႇဝႃႈ ဢမ်ႇယၢမ်ႈမီးတီႈပွင်ႇသင်ၼႃ။
လိူဝ်သေဝႃႈၶၢဝ်းယၢမ်းမၼ်းတေသုတ်းသဵင်ႈၵႂႃႇယဝ်ႉ မၼ်းၵေႃႈတေလႆႈလွင်ႈမႂ်ႇမႃးတႅၼ်းယူႇတႃႇသေႇယဝ်ႉ။
ပိၼ်ႇ-ငဝ်မွင်မိုတ်းမူဝ်း
