ဝူၼ်ႉႁၼ်ထိုင်လွင်ႈလီ

မႃးယူႇႁိုင်ၼႃႇ မႄႈၶဝ်တၢင်းပုၼ်ႉၵေႃႈမွင်းၼႃႇယဝ်ႉလႄႈ ဝၢႆးပိုၼ်းမိူင်းၵႂႃႇၶိုၼ်းၶႃႈၵေႃႈ ၶႃႈလႆႈမိူဝ်းၵႂႃႇၶိုၼ်းယဝ်ႉ။ ႁႃးၵေႃႈ မႃးယူႇၸွမ်းၵၼ်မီးယူႇသွင်လိူၼ်ၼႆႉယဝ်ႉလႄႈ မိူဝ်းၵႂႃႇ ၼင်ႇဝႃႈ ႁူဝ်လိူၼ်ၶႃႈႁၢႆၵႂႃႇယဝ်ႉ၊...

ၵွပ်ႈမၼ်းယွမ်းႁပ်ႉတၢင်းၽိတ်းမၼ်းၼၼ်ႉႁိုဝ် ႁဵတ်းႁႂ်ႈၶႃႈလႆႈၸႂ်ဢူၼ်ႈၵႂႃႇသေၶႂၢင်းပၼ်မၼ်းလႆႈလႄႈ တႃႇယုမ်ႇၸႂ်မၼ်းထႅင်ႈၼၼ်ႉၵေႃႈ ဢမ်ႇလႆႈတဵမ်ပၢၵ်ႇယဝ်ႉဢိူဝ်ႈ၊ ၵူၺ်းၵႃႈ ဢဝ်ဝႃႈပဵၼ်ၼႃႈႁိူၼ်းၵၼ်မႃးႁိုင် မီးလုၵ်ႈႁူမ်ႈၵၼ်ယဝ်ႉလႄႈ သမ်ႉဝႃႈဢမ်ႇၶႂ်ႈယုမ်ႇၵေႃႈ ၵႃႈတေလႆႈပွႆႇၵႂႃႇတူၺ်းပွၵ်ႈၼိုင်ႈယူႇ။ လႆႈမႃးယူႇႁိူၼ်းၶိုၼ်းၵေႃႈ...

ၶႃႈၵေႃႈဢမ်ႇႁူႉဝႃႈမၼ်းတေမႃးတီႈႁိူၼ်း လုၵ်ႈမၼ်းႁၼ်ၼႃႈၵူၺ်းၵေႃႈ ပေႃးဢမ်ႇၶႂ်ႈတွင်းၼႃႈမၼ်းယဝ်ႉၼႃႇ။ “သူမႃးတီႈႁိူၼ်း သူဢမ်ႇလၢတ်ႈႁဝ်းလႃႇ” “လၢတ်ႈယဝ်ႉသူတေတူၺ်းယူႇႁႃႉ သူတေတွပ်ႇယူႇၼႄႇ” “ၶႂၢင်းပၼ်ႁဝ်း ႁဝ်းၽိတ်းၵူၺ်း ႁဝ်းတေဢမ်ႇႁဵတ်းထႅင်ႈယဝ်ႉ” “ဢိုမ်ႈ..ၵိၼ်ၶဝ်ႈမႃးယဝ်ႉၼႄႇ” “ၼႅတ်ႈမႃးႁိုဝ်တၼ်းလႆႈၵိၼ်” ၶႃႈၵေႃႈၵွၼ်ႉၶဝ်ႈပၼ်မၼ်းသေ ၼင်ႈတူၺ်းမၼ်းၵိၼ်တေႃႇပေႃးယဝ်ႉ မၼ်းၵိၼ်ယဝ်ႉၵေႃႈ...