ၵူၼ်းႁွင်ႉၵႂၢမ်းဝၢၼ်

ၽႅတ်ႈၽၢၼ်ႇၵႂႃႇတီႈ သႅင်ႇလႅင်ထိပ်ႇဢၼ်ၼိုင်ႈ ငိုၼ်းသႅင်ၵေႃႈၵိုတ်းၸုၵ်းၸိူဝ်ႈဝႆႉသေ ပေႃႈၶဝ်ၾၢင်ႉႁၼ်မႅၼ်ႈလႄႈ “ၸွင်ႇတေဢဝ်ႁိုဝ်” ငိုၼ်းသႅင်ငွၵ်းႁူဝ်ၼႄယဝ်ႉ ဢူႈၶဝ်ၵေႃႈသိုဝ်ႉပၼ်မၼ်းသေ၊ သွင်ၶႃၵေႃႈ သိုပ်ႇၵႂႃႇႁႃၵိၼ်ၶဝ်ႈတီႈသႅင်ႇယဝ်ႉ။ “ႁိုင်ၵႃႈႁိုဝ်ယဝ်ႉဢမ်ႇလႆႈဢွၼ်လုၵ်ႈမႃးလႄႇၸိူင်ႉၼႆ” “ၸဵမ်မိူဝ်ႈယိင်းယူႇၸၼ်ႉသၢမ်ပုၼ်ႉယဝ်ႉ” “ၼၼ်ႁႃႉ ႁိုင်တေႉဢိူဝ်ႈၼႆ၊ ၸွင်ႇတေၶႂ်ႈသိုဝ်ႉသင်ထႅင်ႈႁိုဝ်” “ဢမ်ႇယဝ်ႉ” “သိူဝ်ႈၶူဝ်းလူးဢမ်ႇၶႂ်ႈလႆႈႁႃႉ” “တေပႂ်ႉၸူဝ်းၶိူဝ်းႁွမ်မႃးဢဝ်” သွင်ၶႃၵေႃႈဢွၼ်ၵၼ်ပွၵ်ႈမိူဝ်းယဝ်ႉ...

ငိုၼ်းသႅင်ၼၼ်ႉတႄႉ ၼင်ႈႁႆႈၵၢင်ဝၼ်းပေႃးလိပ်းသိင်ႇၵေႃႈ ၼမ်ႉၼႃမၼ်းယင်းပႆႇမူတ်း ဢမ်ႇပႆႇတူင်ႉတီႈလႆႈ။ သႅင်ပိုၼ်းတင်းမႆႈၸႂ်လႄႈ သမ်ႉဝႃႈၶႂ်ႈႁေႃႈလူတ်ႉဝႆးဝႆးၼႆၵေႃႈ ၵူဝ်ဢမ်ႇႁၼ်လႄႈ ႁေႃႈၵႂႃႇလွႆးလွႆးတူၺ်းၵႂႃႇလွႆးလွႆး ၸင်ႇလႆႈႁၼ်ငဝ်းလမ်လမ်...

ဝၼ်းယဝ်ႉဝၼ်း ငိုၼ်းသႅင်ၼၼ်ႉတႄႉ ပေႃးဝႃႈတေလႆႈႁူပ်ႉတေလႆႈႁၼ်သႅင်ပိုၼ်းၼႆ ပေႉမႃးၶမ်ၸႂ်ၼႃႇၵေႃႈဢမ်ႇႁူႉ၊ ဝူၼ်ႉႁႃလွၵ်းလၢႆး တႃႇပၢႆႈႁႂ်ႈပူၼ်ႉၼႃႈပူၼ်ႉတႃယူႇသေႇသေႇ၊ ၵူၺ်းၵႃႈ ယိုင်ႈပၢႆႈယိုင်ႈၺႃး ယိုင်ႈသိူင်ႇတူဝ်ယိုင်ႈလႆႈတူၺ်းၸမ်၊...