ယၢမ်းႁူဝ်ၶမ်ႈမိူင်းၸမ်လပ်းသိင်ႇ
“ႁလူဝ် ပီႈၸွမ်မီးလွင်ႈသင်လႃႇ”
“တၼ်းယူႇႁႃႉ ႁူပ်ႉၵၼ်တီႈသႅင်ႇၼၢင်းၶမ်းၼႂ်းဝဵင်းၼႆႉၼႄႇၶမ်ႈၼႆႉ”
“ဢူဝ်ႇၶေႇ..”
သႅင်လိုၼ်းၵေႃႈ ဢဝ်သေႃးၵႃးမၼ်းသေ ႁေႃႈဢွၵ်ႇၵႂႃႇယဝ်ႉ။
လႆႈႁၼ်ပီႈၸွမ် ပႃးတင်းထူင်ပိူဝ်ႉႁဵတ်းၵၢၼ်မၼ်းသေ
“ပီႈၸွမ်ၶိုၼ်းႁဵတ်းၵၢၼ်ၶိုၼ်းယဝ်ႉၵႃႈ”
“ပီႈလႆႈၵၢၼ်မႂ်ႇယဝ်ႉ တိုၵ်ႉတေမႃးၸူဝ်းႁဵတ်းၸွမ်းၵၼ်ယူႇၼႆႉ”
“ၵၢၼ်သင်ထႅင်ႈ..”
“ၵၢၼ်ၶၢဝ်ႇၼႆႉၵူၺ်းၼင်ႇၵဝ်ႇ ပီႈႁဵတ်းဝႆႉမူတ်းယဝ်ႉ”
မၼ်းၵေႃႈဢဝ်ၽႅၼ်ၵၢၼ် ယိူင်းဢၢၼ်း တႃႇၵေႃႇတင်ႈၸုမ်းမႃးလႄႈ လွင်ႈတေႁဵတ်းၵၢၼ်ၵႂႃႇၸိူဝ်းၼႆႉ။ မီးၵူၼ်းၵမ်ႉၸွႆႈဝႆႉယူႇၽၢႆႇလင်ဝႆႉယူႇ လွင်ႈငိုၼ်းတႄႉဢမ်ႇလႆႈမႆႈၸႂ် ၶဝ်တေၸွႆႈတေႃႇပေႃးပေႉတူဝ်လႆႈၼၼ်ႉယဝ်ႉ။
သႅင်လိုၼ်းၵေႃႈ တူၺ်းယူႇတၢင်းႁိုင်သေ
“ၸွင်ႇသမ်ႉတေမီးလွင်ႈႁူမ်ႇလူမ်ႈတႃႇႁဝ်းႁိုဝ်..ၶႃႈဝႃႈၶႃႈၶႂ်ႈယူႇၵတ်းၵတ်းယဵၼ်ယဵၼ်ၵူၺ်းယဝ်ႉ”
“ၶႂ်ႈယူႇၵတ်းၵတ်းယဵၼ်ယဵၼ် လႆႈတေႉယူႇၵႃႈ”
ပီႈၸွမ်ၵေႃႈ ဢဝ်သွင်ႉသႅင်လိုၼ်းဢၼ်တင်ႈၶိုၼ်ႈမႃး ပုၼ်ႈတႃႇလွင်ႈသုၼ်ႇလႆႈသုၼ်ႇပဵၼ် လွင်ႈဢမ်ႇၸွမ်းတြႃး တွၼ်ႈတႃႇၵူၼ်းၼမ်ၼၼ်ႉလႄႈ ဢၼ်တီႈသိုဝ်ႇၶၢဝ်ႇဢွၵ်ႇဢမ်ႇလႆႈၼၼ်ႉသေ မၼ်း
လႆႈလၵ်ႉလွမ်တင်ႈမႃးသွင်ႉဢၼ်ၼိုင်ႈ ၸဵမ်မိူဝ်ႈမၼ်း ၶဝ်ႈမႃးႁဵတ်းၵၢၼ်လွင်ႈဢဝ်ၶၢဝ်ႇၼႆႉယဝ်ႉ၊ ၵူၼ်းပၼ်ႁႅင်း မၼ်းၵေႃႈၼပ်ႉႁူဝ်မိုၼ်ႇမၼ်းလႄႈ လႅင်ႇၶၢဝ်ႇမၼ်းၵေႃႈမီးဝႆႉၼမ်သေ သမ်ႉဝႃႈဢမ်ႇႁဵတ်းၵၢၼ်တီႈသိုဝ်ႇၶၢဝ်ႇၵေႃႈ မၼ်းၵေႃႈပဵၼ်သိုဝ်ႇႁင်းမၼ်းယဝ်ႉ။
“ႁူႉယဝ်ႉၵေႃႈ..ပီႈၶႂ်ႈႁဵတ်းၸွမ်းၵေႃႈလႆႈယူႇလူး ၶႃႈၵေႃႈၸင်ႇၶိုၼ်းလႆႈမႃးႁဵတ်းမိူဝ်ႈၵႂႃႇႁဵတ်းၵၢၼ်သေ ဝၢႆးဢွၵ်ႇၵၢၼ်ၼႆႉၵေႃႈ ဢမ်ႇပေႃးၵႆႉလႆႈတၢမ်းယဝ်ႉလႄႈ ဢမ်ႇပၼ်ၶၢဝ်းယၢမ်းမၼ်းလႆႈ ႁဵတ်းၶၢတ်ႇႁဵတ်းၶၢတ်ႇဝႆႉႁဵတ်းၼၼ်ယိုင်”
“ပီႈတႄႉၵေႃႈပႆႇမီးသွင်ႉၶၢဝ်ႇၸိူင်ႉၼႆၼင်ႇၵဝ်ႇ ပေႃးဝႃႈမီးသွင်ႉၼွင်ႉၼႆႉၼႆၵေႃႈ ႁဝ်းဢဝ်ၼႆႉႁဵတ်းႁေယဝ်ႉၼႃႇ တင်းဢၼ်ႁဵတ်းဝႆႉသေ ပဝ်ႉမၢႆႁဝ်းၵေႃႈၵႂႃႇတၢင်းလဵဝ်ၵၼ်ယူႇလူး တူၵ်းလူင်းဝႃႈႁဵတ်းၵၢၼ်ႁူမ်ႈၵၼ်ၵႂႃႇၼေႃႈ”
“လႆႈယူႇ ၵူၺ်းၵႃႈမီးၶေႃႈသဵတ်ႈဢိတ်ႉၼိုင်ႈ ၶႃႈတေယူႇတီႈႁိူၼ်းသေႁဵတ်းၵၢၼ်ၵူၺ်း”
“လႆႈၵႃႈ လွတ်ႈလွတ်ႈလႅဝ်းလႅဝ်းၵူၺ်း၊ မီးၵၢၼ်ၵေႃႈႁဵတ်း ဢမ်ႇမီးၵေႃႈလိုဝ်ႈၵူၺ်း”
“ဢူဝ်ႇၶေႇ ႁၼ်လီၸွမ်းယူႇ”
ယၢမ်းၼၼ်ႉသဵင်ၾူၼ်းလင်မႃး
“မီးလွင်ႈႁင်ဢႃႇမႄႈ”
“ၶမ်ႈၼႆႉမႂ်းလၢတ်ႈႁႂ်ႈၸိုၼ်ႈမိူင်းမႃးထၢမ်မႂ်းၼႆလႃႇ မႂ်းသမ်ႉၵႂႃႇလႂ်ၼႆႉ”
“ၶႃႈယဝ်ႉပႃႈၸိင်ႇၵူၺ်းဢေႃႈၼၼ်ႉ”
“လၢတ်ႈတေႉႁိုဝ်လၢတ်ႈလဵၼ်ႈဢမ်ႇႁူႉမႂ်း…ၵူၼ်းမႃးပေႃးတဵမ်ႁိူၼ်းဝႆႉၼႆႉ မႂ်းတေႁဵတ်းႁိုဝ်”
“ၵမ်ႉလုၵ်ႈမိူဝ်းယဝ်ႉ”
“ႁဵတ်းတေႉလႄႈ ပႂ်ႉမႂ်းၵူၺ်းဢိူဝ်ႈၼႆႉ”
ပီႈၸွမ်ထွမ်ႇသေတူၺ်းသီၼႃႈသႅင်လိုၼ်းဢမ်ႇပေႃးလီလႄႈ
“မီးလွင်ႈႁင်လႃႇ..”
“ပိူၼ်ႈမႃးထၢမ်ၶႃႈတီႈႁိူၼ်းဝႃႇၼႆႉ”
“ၶမ်ႈၼႆႉၵႃႈ”
“ၸႂ်ႈယဝ်ႉဝႃႈ…”
“မိူဝ်းဝႆးဝႆးလႄႈပေႃးၼၼ်”
“ပီႈဢမ်ႇမိူဝ်းႁ”
“မိူဝ်းဢိူဝ်ႈ ၵမ်ႉၸွမ်းလင်”
“လၢတ်ႈၵေႃႈတင်းဢမ်ႇလႆႈလၢတ်ႈၽႂ်ဝႆႉၼႆႉ ၵူၼ်းတီႈႁိူၼ်းတင်းဢမ်ႇႁူႉ ၶႃႈတေႉဝႃႈလဵၼ်ႈၵူၺ်းၼႆႉ”
တင်းလၢတ်ႈတင်းဢွၵ်ႇၵႂႃႇသေ ႁေႃႈၵႃးမၼ်းပုင်ႈလူင်မိူဝ်းၵႂႃႇယဝ်ႉ။ ပီႈၸွမ်ၶႂ်ႈတူၵ်းၸႂ် တင်းဢမ်ႇတၼ်းလႆႈတူၵ်းၸႂ် ၼႅတ်ႈႁေႃႈလမ်းၵႂႃႇၸွမ်းသႅင်လိုၼ်းၵမ်းလဵဝ်။
မိူဝ်းထိုင်တီႈႁိူၼ်းၵေႃႈ ၵူၼ်းပေႃးတဵမ်ဝႆႉယဝ်ႉၼႃႇ။ ၽိုတ်ႉၽၢတ်ႉလူင်ၶဝ်ႈမိူဝ်းၼႂ်းၵႄႈၵူၼ်းသေ ၶိုၼ်ႈမိူဝ်းၸူးပိူၼ်ႈၵူၼ်းလူင်ၼိူဝ်ႁိူၼ်း မိူဝ်းၼင်ႈႁိမ်းမႄႈၶဝ်ၼၼ်ႉယဝ်ႉ။
“မႄႈ ပိူၼ်ႈမႃးဝႃႈႁိုဝ်လၢႆလၢႆယဝ်ႉလႃႇ”
“တိုၵ်ႉဢုပ်ႇၵၼ်ၼၼ်ႉယိုင် မႂ်းတေၶိုၼ်ႈပႂ်ႉႁႃႉဢဝ်ၶဝ်မႃးၶိုၼ်ႈၶူၺ်ၼႆ”
“မၼ်းတမ်ႉဢမ်ႇၵႆႉယူႇႁိူၼ်း ၶိုၼ်ႈပႂ်ႉၵေႃႈမိူၼ်မိူဝ်းယူႇၸွမ်းပႃႈၸိင်ႇၵူၺ်းလေႃႇ” ယၵ်ႉတူၺ်းၼႃႈၸိုၼ်ႈမိူင်း ၼင်ႇဢမ်ႇပေႃးၵႃႈႁိုဝ်ၼၼ်ႉယဝ်ႉ။
“မႂ်းတေဢဝ်ယူႇႁႃႉ ပိူၼ်ႈမႃးထၢမ်မႂ်းၼႆႉ” ၵူၼ်းထဝ်ႈၵူၼ်းၵႄႇၼႂ်းဝၢၼ်ႈၶဝ်ထၢမ်ၸူးမၼ်း။
“ၶမ်ႈၼႆႉတႄႉပႆႇဢဝ်ယဝ်ႉၶႃႈ ႁႃးတင်းပႆႇလႆႈဢုပ်ႇၵၼ်လူင် ပႂ်ႉမႃးထႅင်ႈတၢင်ႇၶမ်ႈၶႃႈလႄႈ”
“ဝၼ်းလီမီးၶမ်ႈၼႆႉၵူၺ်းယဝ်ႉ ထႅင်ႈလၢႆဝၼ်းၵူၺ်းတေဢွၵ်ႇဝႃႇယဝ်ႉဢိူဝ်ႈ မႂ်းတေဢမ်ႇလႆႈၽူဝ်ႁေပွၵ်ႈယဝ်ႉ” ၶဝ်ဢွၼ်ၵၼ်ဝႃႈႁင်းမၼ်း
“ၵေႃႈယဝ်ႉလႄႈ ပၼ်ႁႂ်ႈၶႃႈဝူၼ်ႉဢိၼ်ႉလေႃႇ ၶႃႈတေလႆႈပႅတ်ႈပၢၼ်သၢဝ်ၶႃႈၼႆႉ သေလၢႆယူႇၵူၺ်းၵႃႈ”
“ႁဵတ်းသၢဝ်မႃးပေႃးထဝ်ႈယဝ်ႉ မႂ်းတိုၵ်ႉသေလၢႆယူႇၵႃႈၼႆႉ”
“သေလၢႆၽႅဝ်လေႃႇဢေႉ..”
“မႂ်းႁမ်ႉတေႁဵတ်းႁိုဝ်လႃႇ ဢမ်ႇဢဝ်ႁေယဝ်ႉၼႄႇၸိုၼ်ႈမိူင်းၼႆႉ”
“ပေႃးမၼ်းဢမ်ႇၶႂ်ႈယူႇၸွမ်းၶႃႈတႄႉဢမ်ႇဢဝ်”
“ၸွင်ႇတေၶႂ်ႈယူႇၸွမ်းမၼ်းၼႆဝႃႇ ၸိုၼ်ႈမိူင်း”
သၢႆတႃယၵ်ႉတူၺ်းသႅင်လိုၼ်းသေယဝ်ႉ တွပ်ႇၸူးပိူၼ်ႈၵႂႃႇ။
“ၶႂ်ႈယူႇဢေႃႈ”
ၶိုၼ်းဝူၼ်ႉတူၺ်း ဝၼ်းဢၼ်သႅင်လိုၼ်းၵႂႃႇမိူင်းထႆးၼၼ်ႉ၊ မၼ်းၵူဝ်တေဢမ်ႇလႆႈထူပ်းၵၼ်ထႅင်ႈယဝ်ႉလႄႈ ၵူဝ်တေလႆႈသုမ်းၶဝ်ၵႂႃႇပႅတ်ႈတေႉဢိူဝ်ႈ၊ သမ်ႉဝႃႈတေဢဝ်သင်မႃးလႅၵ်ႈၵေႃႈမၼ်းၽွမ်ႉယဝ်ႉ ပေႃးဝႃႈလႆႈယူႇႁူမ်ႈပဵၼ်ၼႃႈႁိူၼ်းလဵဝ်ၵၼ်ယူႇၵေႃႈလႆႈယဝ်ႉ။
“မၼ်းဝႃႈၶႂ်ႈယူႇယူႇၼႆ မႂ်းသမ်ႉလူဝ်ႇသင်ထႅင်ႈလႃႇ”
“လူဝ်ႇၶၢဝ်းယၢမ်းဢေႃႈ ၸွင်ႇမၼ်းတေပၼ်လႆႈႁိုဝ်”
ၸိုၼ်ႈမိူင်းၵေႃႈယဵၼ်ၵႂႃႇသေ ဢမ်ႇႁူႉတေလႆႈတွပ်ႇၸိူင်ႉႁိုဝ်ယဝ်ႉ၊ သမ်ႉဝႃႈပဵၼ်ၸၢတ်ႈပၢၼ်တူဝ်ၵဝ်ႇယူႇသေတႃႉ ၵူၺ်းၵႃႈ ၶၢဝ်းယၢမ်းၼၼ်ႉၼင်ႇႁၢင်ႈဢမ်ႇၸႂ်ႈၶွင်တူဝ်ၸဝ်ႈၵဝ်ႇလႆႈလူး၊ သီၼႃႈငဝ်ငဝ်ၸိုၼ်ႈမိူင်းၼၼ်ႉ ဢဝ်ၼႂ်းႁိူၼ်းပေႃးယဵၼ်ယဝ်ႉ၊ ပႃႈၸိင်ႇဢၼ်ႁၼ်လုၵ်ႈၸၢႆးမၼ်းပဵၼ်ၼၼ်ၵေႃႈ ယိပ်းမိုဝ်းလုၵ်ႈၸၢႆးမၼ်းဝႆႉသေ။
“ပေႃးမၼ်းယၢပ်ႇၸႂ်မႂ်းၵေႃႈ ဢမ်ႇလူဝ်ႇတွပ်ႇၵေႃႈလႆႈ”
“ၶၢဝ်းယၢမ်းတႄႉ..ႁဝ်းဢမ်ႇၸၢင်ႈပၼ်သူလႆႈ..”
“မၼ်းဢမ်ႇပၼ်မႂ်းလႆႈၼႆဝႃႇ မႂ်းတေဝႃႈႁိုဝ်”
“ၽွမ်ႉယူႇၶႃႈ” ယုမ်ႉယုမ်ႉသေ တူၺ်းၼႃႈၸိုၼ်ႈမိူင်းၼၼ်ႉယူႇယဝ်ႉ။
“ၵႃႈမၼ်းလူးမႂ်းတေဝႃႈႁိုဝ်လႃႇ”
“ၼၼ်ႉတႄႉထၢမ်တီႈမႄႈႁဝ်းၶဝ်ၵူၺ်းၶႃႈလႄႈ”
ၵူၼ်းလူင် ၶဝ်ၵေႃႈ ယွၼ်းၵၼ်ၵႂႃႇၼင်ႇၵႃႈဝႃႈထုင်းမီးၼၼ်ႉသေ ၵၢင်ၶိုၼ်းယဝ်ႉၸင်ႇတေမိူဝ်းႁိူၼ်း။
ယွၼ်းယဝ်ႉၵေႃႈမိူဝ်းၶိုၼ်းၵူၺ်း သႅင်လိုၼ်းဢမ်ႇၽွမ်ႉၶိုၼ်ႈပႂ်ႉလႄႈ ဢမ်ႇႁွင်ႉမိူဝ်းၸွမ်း ထၢမ်ယဝ်ႉပႆႇႁဵတ်းၶႅၵ်ႇၼႆလႄႈ ပႆႇယူႇၸွမ်းၵၼ်။
ၵၢင်ၼႂ်မႃးၵေႃႈပေႃးဢမ်ႇႁၼ်ၸိုၼ်ႈမိူင်းယဝ်ႉၼႃႇ၊
