ဢမ်ႇမီးလွင်ႈလႂ်တေမိူၼ်ၼင်ႇၸႂ်လႆႈၵူႈမဵဝ်း မၢင်လွင်ႈၶတ်းၸႂ်တဵမ်တီႈယဝ်ႉ ဢမ်ႇဢမ်ႇပဵၼ်မႃးၼင်ႇဢၼ်ဝူၼ်ႉဝႆႉၵေႃႈမီး၊ ယွၼ်ႉၸိူင်ႉၼႆၵူၺ်းၼၼ်ႉ ၵႃႈၶၼ်ႁဝ်းဢမ်ႇလႆႈယွမ်းၵႂႃႇ။
မၢင်ပွၵ်ႈႁဝ်းၵေႃႈၵႃႈတေလႆႈယွမ်းႁပ်ႉ လွင်ႈဢမ်ႇၼႄႉၼွၼ်းၼၼ်ႉယဝ်ႉ။
ယႃႇသုမ်းၶၢဝ်းယၢမ်းၸွမ်းလွင်ႈလဵၵ်ႉလဵၵ်ႉဢွၼ်ႇ
ယႃႇဢဝ်ႁူဝ်ၸႂ်ၵႂႃႇပၼ်ၵူၼ်းဢမ်ႇဝႆႉၵႃႈၶၼ်
ယႃႇယွင်ႇၸွမ်းၶူင်းၵၢင်ၼႆႉ ထိုင်တီႈလိုမ်းဝႃႈဢမ်ႇမီးသင်ယူႇၸွမ်းႁဝ်းလႆႈတႃႇသေႇ။
ငိုၼ်းၶမ်း၊ ဢႃႇၼႃႇ လႄႈ ၸိုဝ်ႈသဵင်ၼၼ်ႉ ပဵၼ်ၶွင်ၼွၵ်ႈတူဝ် ဢၼ်ယူႇၸွမ်းႁဝ်းလႆႈၸူဝ်ႈၶၢဝ်း။
ႁိူၼ်းလင်ယႂ်ႇဢၼ်ႁဵတ်းမႃးၶႅမ်ႉၼႃႇၼၼ်ႉၵေႃႈ ၸၢင်ႈပဵၼ်ၶွင်ပိူၼ်ႈၵႂႃႇ ၶဝ်တင်းတေဢမ်ႇႁူႉၵွၼ်ႇဝႃႈပဵၼ်ၶွင်ၽႂ်၊ ၵႃးလူင်ၶိုၵ်ႉၶႅမ်ႉၼၼ်ႉ ၸၢင်ႈပဵၼ်ၵႃးၵူၼ်းၵေႃႉဢၼ်ဢမ်ႇႁူႉလွင်ႈသူလူးၵွၼ်ႇ။
လွင်ႈဢၼ်တေဢဝ်ၵႂႃႇၵိုၵ်းတူဝ်လႆႈၼၼ်ႉ ဢမ်ႇၸႂ်ႈငိုၼ်းတွင်း၊ ၸိုဝ်ႈသဵင် ၵူၺ်းပဵၼ် လွင်ႈလီ ဢၼ်ယၢမ်ႈႁဵတ်းပၼ်ပိူၼ်ႈမႃးၼၼ်ႉၵူၺ်း။
လွင်ႈလီၼၼ်ႉ တေဢမ်ႇႁႆၢၵႂႃႇလႂ်လႆႈသမ်ႉဝႃႈဢမ်ႇမီးၽႂ်တွင်းၵေႃႈယဝ်ႉ မၼ်းၵေႃႈတေပဵၼ်လွင်ႈယဵၼ်ၸႂ်ၼႂ်းတူဝ်သူလႆႈယဝ်ႉ။
သမ်ႉဝႃႈဢမ်ႇမီးၽႂ်ႁၼ်ၵေႃႈ ယႃႇၵိုတ်းလိုဝ်ႈႁဵတ်းလွင်ႈလီ၊ သမ်ႉဝႃႈဢမ်ႇမီးၽႂ်ယွင်ႈၵေႃႈယႃႇၸႂ်ပိူင်ႈ လွင်ႈလီၼၼ်ႉဢမ်ႇလူဝ်ႇမီးသဵင်တူပ်းမိုဝ်းၵေႃႈယဝ်ႉ မၼ်းတေပဵၼ်ၵၢပ်ႇၶႅင် ဢၼ်ႁူမ်ႇပၼ်ႁူဝ်ၸႂ်သူလႆႈလီတေႃႇထိုင်ဝၼ်းလိုၼ်းသုတ်းလႆႈၼၼ်ႉယဝ်ႉ။
ပိၼ်ႇ – ငဝ်မွင်မိုတ်းမူဝ်း
