ၼၢၼ်းဢွင်ႇမၢၼ် ဢမ်ႇလႆႈပွင်ႇဝႃႈတူၵ်းသုမ်း ယႃႇဢဝ်လွင်ႈဢွင်ႇမၢၼ်တႅၵ်ႈၼိူင်းၶၢဝ်းယၢမ်း၊ ၸၢတ်ႈပၢၼ်ႁဝ်းဢမ်ႇလႆႈမၵ်းမၼ်ႈလူၺ်ႈတၢင်းဝႆး ၵူၺ်းၵႃႈ လွင်ႈတင်ႈၸႂ်လႄႈလွင်ႈဢမ်ႇမေႃယွမ်းသုမ်းၼၼ်ႉၵူၺ်း တေႁႂ်ႈႁဝ်းၵႂႃႇထိုင်တႃႈယိူင်းဢၢၼ်းလႆႈ။
ႁဵတ်းၵႂႃႇၵမ်းဢိတ်းဢိတ်း လီလိူဝ်သေႁႂ်ႈၶၢဝ်းယၢမ်းသုမ်းလၢႆ သမ်ႉဝႃႈတေယၢင်ႈလဵၵ်ႉတၢၼ်ႇႁိုဝ်ၵေႃႈ သင်ႁဵတ်းၵႂႃႇတိၵ်းတိၵ်း မၼ်းတေဢွၼ်ႁဝ်းၵႂႃႇၸူးယိူင်းမၢႆလႆႈယူႇယဝ်ႉ။
ယႃႇၵိုတ်းလိုဝ်ႈလွင်ႈၵူဝ် တၢင်းၵူဝ်ႁဵတ်းႁႂ်ႈႁဝ်းၵိုတ်းလိုဝ်ႈတၢင်းဝူၼ်ႉတႃႇတႄႇမႂ်ႇ ၵၢၼ်တႄႇမႂ်ႇလဵၵ်ႉလဵၵ်ႉဢွၼ်ႇၼၼ်ႉၵေႃႈ ပဵၼ်လွင်ႈႁတ်းႁၢၼ်ဢၼ်ၼိုင်ႈယဝ်ႉ။
လွင်ႈဢွင်ႇမၢၼ်ဢၼ်လူဝ်ႇ တၢင်းၶတ်းၸႂ် လႄႈ ၶၢဝ်းယၢမ်း ဢမ်ႇမီးလွင်ႈဢွင်ႇမၢၼ်ဢၼ်လႂ် လႆႈမႃးၶၢဝ်းတၢင်းၶိုၼ်းလဵဝ်ၵူၺ်း လွင်ႈမေႃယဵၼ်ႉၵၼ်ႁဵတ်းၵႂႃႇ သမ်ႉဝႃႈမၼ်းထိူင်းသေတႃႉ မၼ်းၵေႃႈမၼ်ႈၵိုမ်းလႄႈ တေဢွၼ်ႁဝ်းၵႂႃႇၸူးၽွၼ်းယွၼ်ႈဢၼ်ယိင်ႈယႂ်ႇယူႇယဝ်ႉ။
တူၵ်းသုမ်းပဵၼ်တွၼ်ႈသွၼ် ဢမ်ႇၸႂ်ႈတီႈသုတ်းသဵင်ႈ လႄႈ ဢမ်ႇၸႂ်ႈလွင်ႈတေလႆႈယွမ်းသုမ်း ၵူၺ်းၵႃႈ ပဵၼ်ၶၵ်ႉတွၼ်ႈတႃႇႁဵၼ်းႁူႉႁႂ်ႈႁဝ်းၶိုၼ်ႈယႂ်ႇၵႂႃႇတၢင်းၼႃႈလႆႈလီၼၼ်ႉယဝ်ႉ။
ယႃႇပႂ်ႉႁႂ်ႈၵူႈလွင်ႈတဵမ်ထူၼ်ႈယဝ်ႉၸင်ႇတေလူင်းမိုဝ်းႁဵတ်း လွင်ႈတဵမ်ထူၼ်ႈ ဢမ်ႇၸႂ်ႈတီႈတႄႇ ၵူၺ်းၵႃႈ မၼ်းလုၵ်ႉမႃးတီႈလူင်းမိုဝ်းႁဵတ်းၵႂႃႇတိၵ်းတိၵ်းၼၼ်ႉယဝ်ႉ။
ၸတ်းၵၢၼ်ယိူင်းမၢႆႁႂ်ႈမၼ်းထုၵ်ႇမႅၼ်ႈတင်းတူဝ်ၵဝ်ႇ ဢမ်ႇၸမ်ပဵၼ်တေလႆႈၵႂႃႇၸွမ်းႁွႆးတိၼ်ၽႂ် သၢင်ႈသဵၼ်ႈတၢင်းဢၼ်ႁဵတ်းႁႂ်ႈလူမ်ၸႂ်လႄႈႁဵတ်းလႆႈတေႉၵူၺ်းၵေႃႈလႆႈ။
ယၢင်ႈလဵၵ်ႉလဵၵ်ႉ ၵူႈဝၼ်းၼၼ်ႉ ပဵၼ်လွင်ႈဢွင်ႇမၢၼ်ၶၢဝ်းယၢဝ်းလႄႈ ၵၢၼ်ဢွၵ်ႇတၢင်းၶၢဝ်းၵႆၼၼ်ႉၵေႃႈ လုၵ်ႉတီႈယၢင်ႈဢွၼ်တၢင်းသုတ်းၵူၺ်း လွင်ႈဢွင်ႇမၢၼ်တေႉတေႉၼၼ်ႉ ဢမ်ႇလႆႈယူႇတီႈဝႃႈဝႆးၵႃႈႁိုဝ် ၵူၺ်းၵႃႈ မၼ်းပဵၼ်သဵၼ်ႈတၢင်းတႃႇၵႂႃႇၸူးယိူင်းမၢႆႁႂ်ႈမၼ်ႈၵိုမ်း။
ယႃႇဢဝ်ၸၢတ်ႈပၢၼ်ၵႂႃႇတႅၵ်ႈၼိူင်းတင်းၽႂ် ၵူႈၵေႃႉမီးသဵၼ်ႈတၢင်းလႄႈ ၶၢဝ်းယၢမ်းဢၼ်ပႅၵ်ႇပိူင်ႈၵၼ် လွင်ႈဢဝ်ၵႂႃႇတႅၵ်ႈၼိူင်းပိူၼ်ႈၼၼ်ႉတေႁဵတ်းႁႂ်ႈႁႅင်းၸႂ်ႁဝ်းတူၵ်းလႆႈယဝ်ႉ။
လွင်ႈဢွင်ႇမၢၼ်ၵေႃႈပဵၼ်တူဝ်ႁဝ်းၵူၺ်း ဢမ်ႇဝႃႈဝႆးႁိုဝ်ထိူင်း ဢၼ်လမ်ႇလွင်ႈၵေႃႈ သဵၼ်ႈတၢင်းႁဝ်းၵႂႃႇယူႇၼၼ်ႉ ၸွင်ႇႁၢၼ်ႉၸႂ်လႄႈပဵင်းၸႂ်တူဝ်ၵဝ်ႇယူႇႁိုဝ်။
ပိၼ်ႇ – ငဝ်မွင်မိုတ်းမူဝ်း
