ၼႂ်းဝၼ်းဢၼ်ထူပ်းလွင်ႈဢမ်ႇလီ

ယႃႇၽွမ်ႈလၢတ်ႈဝႃႈႁဝ်းၼၼ်ႉၵၢမ်ႇႁၢႆႉၼႃႇ မိူဝ်ႈထူပ်းလွင်ႈဢမ်ႇလီ ဢမ်ႇလႆႈဝႃႈႁဝ်းတေပဵၼ်ၵူၼ်းဢမ်ႇလီ မၼ်းပဵၼ်ပၼ်ႁႃဢၼ်ပႂ်ႉႁႂ်ႈႁဝ်းၵႄႈၶႆယူႇၼၼ်ႉၵူၺ်း။

မိူဝ်းထူပ်းလွင်ႈဢမ်ႇလီမႃးၵေႃႈ ႁႂ်ႈတွင်းဝႆႉဝႃႈ ဢမ်ႇၸႂ်ႈဝႃႈႁဝ်းပဵၼ်ၵူၼ်းဢမ်ႇလီလူး။

ယႃႇဢဝ်လွင်ႈတုၵ်ႉမႃးပူဝ်ႉသႂ်ႇတူဝ်ၵဝ်ႇ သင်သုၵ်ႉၸႂ်ၼႃႇၵေႃႈ ႁႂ်ႈမီး 95% ၵူၺ်း ဢၼ်လိူဝ်ၵေႃႈ ဝႆႉပၼ်တၢင်းသိူဝ်းတူဝ်ၵဝ်ႇၽွင်ႈလႄႈ ၵႄႈၶႆမၼ်းၵႂႃႇၵမ်းဢိတ်းဢိတ်း။

ႁိူဝ်ႉလႆႈ ယွမ်းၵၢၼ်ႉလႆႈ ၵူၺ်းၵႃႈယႃႇၵိုတ်းလိုဝ်ႈတႃႇတေယၢင်ႈၸူးယိူင်းမၢႆ သမ်ႉဝႃႈတူၵ်းလိုၼ်းၵႂႃႇၵေႃႈ သင်ဢမ်ႇသင်ႁဝ်းယင်းတိုၵ်ႉယူႇၼိူဝ်သဵၼ်ႈတၢင်းႁဝ်းယူႇၵူၺ်း။

ဝႆႉပၼ်ပိုၼ်ႉတီႈတွၼ်ႈတႃႇတူဝ်ၵဝ်ႇ ဢမ်ႇလူဝ်ႇလႆႈၵၼ်ႈယုမ်ႉတႃႇသေႇ မၢင်ပွၵ်ႈယူႇႁင်းၵူၺ်းၸဝ်ႈၵဝ်ႇၵေႃႈၸွႆႈႁႂ်ႈၵႅၼ်ႇၶႅင်မႃးလႆႈယဝ်ႉ။

တူၺ်းပၼ်ႁႃႁႂ်ႈပဵၼ်တွၼ်ႈသွၼ် မိူၼ်မိူဝ်ႈပဵၼ်လုၵ်ႈဢွၼ်ႇ လူမ်ႉယဝ်ႉလုၵ်ႉ မၼ်းတေႁဵတ်းႁႂ်ႈႁဝ်းၵေႃႉယႂ်ႇမႃးထႅင်ႈလႄႈပွင်ႇၸႂ်ၸၢတ်ႈပၢၼ်ၵူၼ်းမႃးထႅင်ႈ။

ယႃႇၼႄးၵၢမ်ႇၼႄးမုၼ်ယူႇၵူၺ်း ဝူၼ်ႉဝႃႈ ဝၼ်းမိူဝ်ႈၼႆႉႁဝ်းလူဝ်ႇလႆႈႁဵတ်းႁႂ်ႈလီလိူဝ်သေမိူဝ်ႈဝႃး လႄႈ လူင်းမိုဝ်းႁဵတ်း မၢင်ပွၵ်ႈမၼ်းၵေႃႈမီးလွင်ႈလီပႂ်ႉႁဝ်းယူႇတၢင်းၼႃႈ။

လိူၵ်ႈတေယူႇၸွမ်းပၼ်ႁႃတႅၼ်းတီႈတေပၢႆႈမၼ်းပႅတ်ႈ မိူၼ်မိူဝ်ႈႁဝ်းငဝ် တႅၼ်းတီႈတေၵူဝ်ငဝ် ႁဝ်းၵေႃႈမႃးႁူႉၸၵ်းတူၺ်းလွင်ႈငဝ်ၼၼ်ႉၽွင်ႈ။

ဢမ်ႇဝႃႈၽႂ်တေႁၢႆၵႂႃႇ လူၺ်ႈလွင်ႈတၢင်းၸိူင်ႉႁိုဝ်ၵေႃႈယဝ်ႉ လိုၼ်းသုတ်းယဝ်ႉ ႁဝ်းယင်းတိုၵ်ႉယူႇလႄႈ တေလႆႈသိုပ်ႇၵႂႃႇထႅင်ႈ။

လွင်ႈဢမ်ႇလီၼၼ်ႉဢမ်ႇၸႂ်ႈဝႃႈတေယူႇၸွမ်းႁဝ်းၵႂႃႇတေႃႈၸူဝ်ႈ မိူၼ်ၾူၼ်ဢၼ်တူၵ်းယူႇၼၼ်ႉလႄႈ ဝၼ်းၼိုင်ႈတွင်ႉၾႃႉၵေႃႈတေၸိုၼ်ႈသႂ်မႃးထႅင်ႈပွၵ်ႈၼိုင်ႈ။

ၸၢတ်ႈပၢၼ်မၼ်းၵေႃႈပဵၼ်ၸိူင်ႉၼႆၵူၺ်း လူမ်ႉလႆႈ ႁိူဝ်ႉလႆႈ ၵူၺ်းၵႃႈ ယႃႇလိုမ်းလုၵ်ႉၶိုၼ်ႈမႃးၶိုၼ်း။

ပိၼ်ႇ – ငဝ်မွင်မိုတ်းမူဝ်း