တၢင်းႁၵ်ႉၼၼ်ႉ မၼ်းတေမီးတီႈပွင်ႇသင်လႃႇ သင်ၵေႃႉဢၼ်ႁဝ်းႁၵ်ႉ ဢမ်ႇပၼ်ၶၢဝ်းယၢမ်း ဢမ်ႇယၢမ်ႈသူၼ်ၸႂ်၊ ဢမ်ႇယၢမ်ႈယူႇႁိမ်းၸမ်မိူဝ်ႈႁဝ်းလူဝ်ႇၶဝ်၊ မိူဝ်ႈႁိူဝ်ႉၸႂ်မႃးၵေႃႈဢမ်ႇမီးၶဝ်ယူႇၸွမ်း။
သမ်ႉဝႃႈတေႁၵ်ႉတၢၼ်ႇႁိုဝ်ၵေႃႈ ပေႃးဝႃႈဢမ်ႇသူၼ်ၸႂ်ၵၼ်ၼႆ တေႁဵတ်းႁႂ်ႈ ထႅင်ႈၽႆၢႇၼိုင်ႈ မီးလွင်ႈဢမ်ႇယုမ်ႇယမ်မႃးယဝ်ႉ။
ႁၵ်ႉယူႇဢမ်ႇႁတ်းႁဵတ်းၼႄ ဢမ်ႇႁတ်းလၢတ်ႈမွၵ်ႇၼႄ ဝႃႈႁၵ်ႉ ၵမ်းလိုၼ်းမႃးၵေႃႈ တေသုတ်းသဵင်ႈၵႂႃႇၵူၺ်း။
သင်ႁၵ်ႉယဝ်ႉ တူၺ်းၶၢမ်ႈပူၼ်ႉလွင်ႈလဵၵ်ႉလဵၵ်ႉၵႂႃႇတိၵ်းတိၵ်းၵေႃႈ မိူဝ်ႈၶၢဝ်းယၢမ်းႁိုင်မႃးတေၸၢင်ႈသုမ်းမၼ်းၵႂႃႇၵေႃႈပဵၼ်လႆႈ။
မိူဝ်ႈတိုၵ်ႉမီးတိုဝ်ႉတၢင်းယူႇ တူၺ်းထိုင်တၢင်းႁၵ်ႉလႄႈ လုမ်းလႃးၵူၼ်းႁိမ်းၸမ်ႁဝ်းၼၼ်ႉႁႂ်ႈလီ
ယႃႇဝူၼ်ႉဝႃႈ ယူႇၸွမ်းၵၼ်မႃးယဝ်ႉတေသိုပ်ႇယူႇၸွမ်းၵၼ်ၵႂႃႇထႅင်ႈ သင်ၵေႃႈယဝ်ႉ လႆႈမႃးသေဢမ်ႇမေႃလုမ်းလႃးၵေႃႈ မၼ်းတေႁႆၢၵႂႃႇပႅတ်ႈယူႇၵူၺ်း။
ပိၼ်ႇ – ငဝ်မွင်မိုတ်းမူဝ်း
ႁၵ်ႉဢမ်ႇမေႃလုမ်းလႃး
