ပွႆႇၵႂႃႇၽွင်ႈလႄႈ

တွၼ်ႈသၢမ် ၵၢင်ၼႂ်ၾႃႉပၢင်ႇမိူင်းလႅင်းမႃး လႅင်းမိူင်းတင်းၸၢႆးၶိူဝ်းဢဝ်ၵႃးသေ မႃးပႂ်ႉႁပ်ႉၶမ်းမိူင်းယူႇတီႈၼႃႈႁိူၼ်းၶဝ်ၼၼ်ႉယဝ်ႉ။ ၶမ်းမိူင်းၵေႃႈပႃးထူင်ၶူဝ်းသေ သူင်ႇသင်ႇမႄႈတင်းပီႈၶမ်းႁွမ်မၼ်းယဝ်ႉၵေႃႈ ယၢၼ်ဢွၵ်ႇႁၢင်ႇႁိူၼ်းၵႂႃႇလွႆးလွႆး။ မႄႈၶႃၵေႃႈ တူၺ်းၸွမ်းလင်တေႃႇပေႃးသုတ်းသၢႆတႃယဝ်ႉ ၵွတ်ႇၵၼ်သေ...

တွၼ်ႈသွင် လႅင်းမိူင်းယူႇၼႂ်းၵႃးသေ တူၺ်းၶမ်းႁွမ်ၶႃဢၼ်ပႆယူႇႁိမ်းၶၢင်ႈတၢင်းၼၼ်ႉ တင်းတူၺ်းတင်းယုမ်ႉယူႇ။ ၸၢႆးၶိူဝ်းဢၼ်ႁၼ်ၸိူင်ႉၼၼ်တႄႉၵေႃႈ “ၽူႈယိင်းႁင်လႃႇ…ႁတ်းႁၢၼ်…ၵႅၼ်ႇၶႅင်တၢၼ်ႇပဵၼ်ၽူႈၸၢႆးယဝ်ႈဝႃႈ… ၽႂ်လႆႈတႄႇၼႃႈႁိူၼ်းၸွမ်းတႄႉ…ယႃႇထၢင်ႇတေလႆႈဢွၵ်ႇႁိူၼ်း… ” လႅင်းမိူင်းၵေႃႈယုမ်ႉယဝ်ႉတွပ်ႇၶိုၼ်း“မၼ်းႁၢႆႉတေႃႇၵူၼ်းတိုဝ်မွၵ်ႈၼၼ်ႉၵူၺ်းၵႂႃႈ…” လႅင်းမိူင်းႁႂ်ႈၵိုတ်းၵႃးၵႂႃႇၽၢႆႇၼႃႈၶႃယဝ်ႉ “တေၵႂႃႇတၢင်းလႂ်…ႁႂ်ႈႁႃးၵႂႃႇသူင်ႇၼႄႇ… ” “ပီႈၸၢႆးၸွႆႈၶႃႈၽွင်ႈ… ” ၶမ်းႁွမ်ပႆႇတၼ်းတွပ်ႇ...

သဵင်ၾႆးလုၵ်ႉၵႂၢၼ်းႁုၼ်ႈႁုၼ်ႈယူႇတီႈၼႂ်းဝၢၼ်ႈ သဵင်ၵွင်ႈဢူၼ်မေႃးပၼ်းၼၼ်ႈပေႃးတၢၼ်ႇသဵင်ၽူၼ် သဵင်ႁွင်ႉႁႆႈယူႇၼၼ်ႉႁိုဝ်တေပႄႉလႆႈသဵင်ၵွင်ႈလႃႇ ၼမ်ႉတႃဢၼ်ဢွၼ်ႈဝွၼ်းႁႂ်ႈဢီးလူယူႇၼၼ်ႉၵေႃႈ ဢမ်ႇမီးၽႂ်တူၺ်းႁၼ် လိူတ်ႈလႅင်ၼွင်းဢိူၵ်ႇဝၢၼ်ႈပေႃးတၢၼ်ႇၼမ်ႉၽူၼ်  ပဵဝ်ၾႆးလုပ်ႇလုၵ်ႉမႆႈလၢမ်းႁုပ်ႇၽဝ်ဝၢၼ်ႈပေႃးႁၢမ်း ယၢမ်းၼင်ႇၼၼ် တီႈၼႂ်းထိူၼ်ႇလူင်ၼၼ်ႉ...