တၢင်းႁၵ်ႉပေႃႈမႄႈၼၼ်ႉ..

ယၢမ်းၵၢင်ၼႂ် ၶမ်းႁွမ်ၵေႃႈလုၵ်ႉၸဵမ်ၸဝ်ႉသေ ႁၢင်ႈႁႅၼ်းၶူဝ်းတႃႇမိူဝ်းဝဵင်းယူႇ… “ၶမ်းႁွမ်ပေႉႁဵတ်းသင်ၸဵမ်ၸဝ်ႉလႃႇ…” “မိူဝ်ႈၼႆႉႁဝ်းတေမိူဝ်းဝဵင်း…” “ဢွၵ်ႇၸႂ်သင်မိူဝ်းဝဵင်းၸဵမ်ၸဝ်ႉၸိူင်ႉၼႆ…မီးပၢင်ၵုမ်ႁႃႉ…ႁႂ်ႈႁဝ်းမိူဝ်းၸွမ်းၼႄႇ…” “ဢမ်ႇ!!…ႁဝ်းတေမိူဝ်းသိုဝ်ႉတၢင်းၵိၼ်တၢင်းယႅမ်ႉ…ႁဝ်းဝူၼ်ႉဝႃႈတေၵိၼ်လဵင်ႉပၼ်…ၸုမ်းလႅင်းမိူင်းၶဝ်…ဢၼ်ဢွၼ်ၵၼ်မႃးၸွႆႈႁဝ်းမိူဝ်ႈဝႃးၼၼ်ႉ…” “ဢဝ်လူတ်ႉမိူဝ်းႁင်းၵူၺ်းႁႃႉ…” “ယႃႇမႆႈၸႂ်…လုၵ်ႈႁဵၼ်းႁဝ်းမိူဝ်းၸွမ်းယူႇ…ၸွႆႈမိူဝ်းလၢတ်ႈပၼ်ႁႂ်ႈၶဝ်လူင်းမႃးၽွင်ႈ…ႁဝ်းတေၸဵဝ်းမႃးယူႇၼႃႈ…” ယိင်းသႅင်ၵေႃႈယဵၼ်ၵႂႃႇ သမ်ႉပေႃးဢမ်ႇၸၢင်ႈလၢတ်ႈသင်ယဝ်ႉ ယွၼ်ႉၶေႃႈသင်ႇ လႅင်းမိူင်းဢမ်ႇပၼ်လၢတ်ႈႁႂ်ႈလၢတ်ႈလႄႈ ၶႂ်ႈလၢတ်ႈတၢၼ်ႇႁိုဝ်ၵေႃႈ ၵႃႈလႆႈယဵၼ်ႉၸႂ်ဝႆႉၵူၺ်း။ “ဢေႃႈ… ဢိုမ်ႈ!…ႁဝ်းတေလၢတ်ႈပၼ်လႂ်…” ၶမ်းႁွမ်ဢွၵ်ႇႁိူၼ်းမိူဝ်းၵႂႃႇလူၺ်ႈတီႈမီးတၢင်းသိူဝ်း...

ၵင်ဝၼ်းၸၢႆႉတူၵ်းယဝ်ႉ လႅင်းမိူင်းဢဝ်ႁႅင်းၵူၼ်းသေမႃးလွမ်ႉဝႆႉယူႇ… ၶၢဝ်ႇဢၼ်ၼႆႉ ႁွတ်ႈၵႂႃႇၽၢႆႇၼိူဝ်ယဝ်ႉ။ ၽၢႆႇတၢင်းၼိူဝ်ၵေႃႈ ပဵၼ်လွင်ႈဢၼ်ဢမ်ႇႁၢၼ်ႉၸႂ်တေႉတေႉ ယွၼ်ႉလွင်ႈဢၼ်လႅင်းမိူင်းတႅပ်းတတ်းႁဵတ်းၵႂႃႇႁင်းၵူၺ်းၼႆႉ မၼ်းၸၢင်ႈတုမ်ႉတိူဝ်ႉထိုင်ၶေႃႈတူၵ်းလူင်း ၵၢၼ်ငမ်းယဵၼ်တင်းသွင်ၽၢႆႇလႆႈယဝ်ႉ။...

မိူဝ်ႈၸမ်ထိုင် ပွႆးဝၼ်းၸိူဝ်ႉၸၢတ်ႈ ၽွင်းၶိူဝ်းမိူင်းၶဝ်ၵႂႃႇႁၢင်ႈၶိူင်ႈ ၶဵင်ႇပၢင်မူၼ်ႈသိူဝ်းယူႇတီႈ ပၢင်ႇမၢႆ-2 ပၢင်ႁူမ်ႈၸဝ်ႈသိူဝ်ၶၼ်ႇၾႃႉ ဢၼ်မီးပႃး ၵူၼ်းသိုၵ်းၶဝ်ၽွၼ်ႉၵၢၼ်ယူႇၼၼ်ႉ ၸင်ႇသမ်ႉမီးၵူၼ်းလႅပ်ႈယၢမ်ႈႁၼ်ဝႆႉ...