ပၼ်ႁႅင်းလုၵ်ႈႁဵၼ်း

ၵူၺ်းၵႃႈ ဝၼ်းဢၼ်ဢမ်ႇထၢင်ႇၵေႃႈမႃးထိုင် ႁိုင်ၼႃႇယူဝ်ဝႃႈတေဢမ်ႇၶိုၼ်းပွၵ်ႈ မိူဝ်ႈယၢမ်းႁူဝ်ၶမ်ႈလပ်းသိင်ႇၸွမ်ႉႁွမ်ႉ လုၵ်ႈယိင်းဢွၼ်ႇလႅၼ်ႈဢွၵ်ႇႁိူၼ်းတူၺ်း "ၽႂ်မႃးလႃႇလုၵ်ႈ" "ပေႃႈပေႃႈမႃး" "ၸႂ်ႈယူႇႁ" ၶႃႈၵေႃႈဢွၵ်ႇမႃးတူၺ်း မိူဝ်ႈလႆႈႁၼ်ၵေႃႈတူၵ်းၸႂ်ယဝ်ႉ ပဵၼ်ၶဝ်တေႉဢိူဝ်ႈ၊ ၵူၺ်းၵႃႈဢမ်ႇထၢင်ႇတေလႆႈႁၼ် ယိင်းသၢဝ်ဢွၼ်ႇၵေႃႉၼိုင်ႈႁွတ်ႈမႃးၸွမ်း။ ၼႂ်းႁူဝ်ၸႂ်ၼႆႉတႄႉတိုဝ်တိပ်ႇတၼ်လူင်ဝႆႉယဝ်ႉၼႃႇ...

"ဢေးၶွင်ႇ!..သုၵ်ႉသၵ်ႉယဝ်ႉမႂ်း" "ႁဵတ်းႁင်လႃႇ.." "ၵူၼ်းမႃးယွၼ်းမႂ်း မီးပဵၼ်သွင်ၵေႃႉလႃႇ မႂ်းလၢတ်ႈၽႂ်ဝႆႉထႅင်ႈ" "ၵဝ်ၸၢင်ႈလၢတ်ႈၽႂ် လၢတ်ႈဢၢႆႈမၢၼ်ႈၵူၺ်းၼႃႇ" "ထႅင်ႈၵေႃႉလူးႁမ်ႉလုၵ်ႉတၢင်းလႂ်မႃးလႃႇဢေႉ" ၶႃႈၵေႃႈၽုၼ်ႇၽၢၼ်ႇလုၵ်ႉၵႂႃႇတူၺ်းယဝ်ႉ လႆႈႁၼ်ဢူႈမႄႈမေႃၼၼ်ႉမႃးမီးယူႇတေႃႇၼႃႈၵၼ်တင်း ဢူႈမႄႈဢၢႆႈမၢၼ်ၶဝ်ၼၼ်ႉယဝ်ႉၼႃႇ။ "ႁဵတ်းသင်လႄႈမႄႈပႃႈၶဝ်မႃး.." "လုၵ်ႈၸၢႆးႁဝ်းဢမ်ႇလႆႈယူႇတီႈၼႆႈလႄႈ  ႁဝ်းၵေႃႉတေမႃးယွၼ်းသူ ၸူဝ်ႈသူပႆႇၵႂႃႇပဵၼ်လုၵ်ႈပႂ်ႉပိူၼ်ႈပႅတ်ႈၼၼ်ႉဢိူဝ်ႈ ႁဝ်းႁဵတ်းပၼ်တွၼ်ႈတႃႇလုၵ်ႈၸၢႆးႁဝ်းဢိူဝ်ႈ" ဝၢႆးသေၶဝ်ၵႂႃႇယဝ်ႉ...

"ဢေးၶွင်ႇ မိူဝ်ႈမႂ်းဢမ်ႇယူႇၼၼ်ႉ မေးပီႈဢွင်ႇမႃးႁႃၵဝ်ဢိူဝ်ႈ မၼ်းဢဝ်ငိုၼ်းႁေမႃးပၼ်ၵင်သၢဝ်းသႅၼ်ၼႆႉၵႃႈ လၢတ်ႈႁႂ်ႈၵဝ်ပႅတ်ႈပီႈဢွင်ႇၼႆဝႃႇ ပေႃးလဵင်ႉလုၵ်ႈဢမ်ႇလႆႈၵေႃႈ မၼ်းတေဢဝ်မိူဝ်းလဵင်ႉၵူၺ်းၼႆဢိူဝ်ႈ" "မႂ်းဢဝ်ႁငိုၼ်းမၼ်း" "ဢမ်ႇဢဝ် ပေႃးပီႈဢွင်ႇဢမ်ႇပႅတ်ႇၵဝ်ၵေႃႈဢမ်ႇပႅတ်ႈၼႆဢိူဝ်ႈ" "ဢေးၼၼ်ႉမၼ်းပဵၼ်ၽႂ် မၼ်းယူႇတီႈလႂ်လႃႇ...