မွၵ်ႇၵွၼ်

ၵၢင်ၼႂ်ၸဵမ်ၸဝ်ႉ လႅင်းမိူင်းၸင်ႇၸူးဢဝ်ၼေႃႇမိူင်းၶဝ်ႈမႃးတီႈဝၢၼ်ႈသေ ပႆလူင်ၶဝ်ႈၵႂႃႇၼႂ်းဝၢင်းႁူင်းႁဵၼ်းယဝ်ႉ ငွၵ်ႈတူၺ်းၸွမ်းႁွင်ႈႁဵၼ်းႁွင်ႈယဝ်ႉႁွင်ႈ ၵူၺ်းၵႃႈ ဢမ်ႇပႆႇႁၼ်ၽႂ်လႄႈ ဢွၼ်ၵၼ်ၼင်ႈပႂ်ႉယူႇတႂ်ႈႁူမ်ႈမႆႉ ႁိမ်းႁူင်းႁဵၼ်းၼၼ်ႉယဝ်ႉ။ ႁူင်းႁဵၼ်းလႄႈႁိူၼ်းၶမ်းႁွမ်ၶဝ်ၼၼ်ႉ မီးၸမ်ၵၼ်ၵူၺ်း...

ယၢမ်းၵၢင်ၶိုၼ်းလိုၵ်းယဵၼ် ၶမ်းႁွမ်ႁဵတ်းၵၢၼ်ယဝ်ႉၵေႃႈ ၶဝ်ႈမိူဝ်းၼွၼ်းၵႂႃႇ မိူဝ်ႈတိုၵ်ႉၼွၼ်းယူႇၼၼ်ႉ ယိင်းသႅင်ၵေႃႈၼွၼ်းဢမ်ႇလပ်းသေ “ၶမ်းႁွမ်!…ၶႂ်ႈၼွၼ်းယဝ်ႉႁႃႉ…” “ၼွၼ်းဢမ်ႇလပ်းႁႃႉ…မီးလွင်ႈသင်ၶမ်ၸႂ်လႃႇ…” “မိူၼ်ဝႃႈ…ႁဝ်းတေႁၵ်ႉမႅၼ်ႈၵူၼ်းၵေႃႉၼိုင်ႈယဝ်ႉ…” “ၸႂ်ႈႁႃႉ!…မိူဝ်ႈၼႆႉႁၢႆၵႂႃႇတၢင်းဝၼ်း…တၼ်းၵႂႃႇႁၵ်ႉမႅၼ်ႈမၢဝ်ႇၵေႃႉလႂ်ႁေယဝ်ႉလႃႇ…ဢဝ်မႃးပဵၼ်တၢင်းပဵၼ်ၼွၼ်းဢမ်ႇလပ်းၸိူင်ႉၼႆ…” “ႁဝ်းၵေႃႈဢမ်ႇႁူႉယဝ်ႉ…မိူဝ်ႈတႄႇတႄႉဢမ်ႇလႆႈဝူၼ်ႉသင်…ၵူၺ်းၵႃႈမိူဝ်ႈၼႆႉၵေႃႈ…ႁဵတ်းႁႂ်ႈႁဝ်းမီးတၢင်းဝူၼ်ႉမႃးယဝ်ႉ…” “ၶဝ်ပဵၼ်ၵူၼ်းၸိူင်ႉႁိုဝ်…ထိုင်တီႈၵူၼ်းၸိူင်ႉၼင်ႇ…ယိင်းသႅင်ဝူၼ်ႉၶမ်ၸႂ်ၸွမ်းပေႃးတၢၼ်ႇၼႆႉ…” ယိင်းသႅင်ၵေႃႈ ဝူၼ်ႉႁၼ်ၼႂ်းတႃ.. “ၶဝ်ပဵၼ်ၵူၼ်းလဝ်း…လဝ်းထိုင်တီႈႁဝ်းတေထဵင်ဢမ်ႇလႆႈဝႃႈၶဝ်ဢမ်ႇလဝ်းၼၼ်ႉယဝ်ႉ…ႁဵတ်းႁႂ်ႈႁဝ်းတူၺ်းၶဝ်ပေႃးဢမ်ႇၶႂ်ႈၽၢတ်ႇသၢႆတႃလႆႈ…မိူဝ်ႈလႆႈႁၼ်ၶဝ်…ႁဵတ်းႁႂ်ႈႁဝ်းသိူဝ်းၸႂ်တေႉယဝ်ႉ…တၢင်းလဝ်းၶဝ်ၵူၺ်းၵေႃႈႁဵတ်းႁႂ်ႈႁဝ်းပေႃးမဝ်းၸွမ်းၶဝ်ၼႃႇယဝ်ႉ…ၵူၺ်းၵႃႈ…မိူဝ်ႈလႆႈႁူႉၸၵ်းၶဝ်မႃးထႅင်ႈ…ႁဵတ်းႁႂ်ႈႁဝ်းလႆႈသူၼ်ၸႂ်ၼိူဝ်ၶဝ်မႃးတႄႉတႄႉၼၼ်ႉယဝ်ႉ…တူၺ်းၶဝ်မိူၼ်ပဵၼ်ၵူၼ်းယဵၼ်ယဵၼ်…ၵူၺ်းၵႃႈၶဝ်ယဵၼ်းပဵၼ်ၵူၼ်းၵႆႉဢုပ်ႇၵႆႉလၢတ်ႈ…တူၺ်းၶဝ်မိူၼ်ပဵၼ်ၵူၼ်းထၢင်ႇယႂ်ႇတူဝ်…ၶဝ်သမ်ႉပဵၼ်ၵူၼ်းမေႃယွမ်းၼွမ်းထွမ်ႇတူဝ်…တူၺ်းမိူၼ်ပဵၼ်ၵူၼ်းယွင်ႇဢႃႇၼႃႇ…ၶဝ်သမ်ႉပဵၼ်ၵူၼ်းဢမ်ႇဢဝ်ၸၼ်ႉထၢၼ်ႈပုၼ်ႈၽွၼ်းပဵၼ်ယႂ်ႇ…တူၺ်းမိူၼ်ႁၼ်ပုၼ်ႈသုၼ်ႇတူဝ်…ၶဝ်ပဵၼ်ၵူၼ်းဢၼ်သႂ်ႇၸႂ်ၼိူဝ်ၵူၼ်းႁိမ်းႁွမ်းလႄႈ…မေႃပွင်ႇၸႂ်ၼိူဝ်ပိူၼ်ႈတေႉယဝ်ႉ…ၶဝ်မိူၼ်ၵူၼ်းဢၼ်ဢဝ်တူဝ်ပဵၼ်ယႂ်ႇ…ၵူၺ်းၶဝ်ပဵၼ်ၵူၼ်းဢၼ်မေႃၼပ်ႉယမ်ၼိူဝ်ၵၢင်ၸႂ်ပိူၼ်ႈ…ၶဝ်တေပဵၼ်ၵူၼ်းဢၼ်ၸၼ်ႉသုင်သေတႃႉ…ၶဝ်ဢမ်ႇလႆႈဝႆႉတူဝ်ပဵၼ်ၵူၼ်းၸၼ်ႉသုင်…ၵူၺ်းၵႃႈၼမ်ႉၸႂ်ၶဝ်ၼၼ်ႉၸၼ်ႉသုင်တေႉယဝ်ႉ…ယွၼ်ႉပိူဝ်ႈလႆႈႁၼ်ၸိူဝ်းၼႆႉ…ႁဵတ်းႁႂ်ႈတၢင်းႁၵ်ႉဢၼ်မီးၼိူဝ်ၶဝ်ၼၼ်ႉတိူဝ်းၶိုၼ်ႈပဵၼ်ႁဵင်…ပဵၼ်မိုၼ်ႇ…ပဵၼ်သႅၼ်ယဝ်…သၢႆတႃၶဝ်…တူၺ်းႁၼ်လႆႈဝႃႈပဵၼ်ၵူၼ်းမီးလွင်ႈဢုၼ်ႇၸႂ်တေႉၼၼ်ႉယဝ်ႉ…သဵင်ၶဝ်ဢူၼ်ႈဢွၼ်ႇလႄႈဝၢၼ်ႁူ…တၢင်းယုမ်ႉၶဝ်ၼၼ်ႉ…ပဵၼ်တီႈဢၼ်ၸၼ်ၸႂ်တေႉၼၼ်ႉယဝ်ႉ…မိူဝ်ႈၶဝ်ယုမ်ႉဢွၵ်ႇမႃး…ပႃးဢဝ်ႁူဝ်ၸႂ်ႁဝ်းၵႂႃႇမူတ်းမူတ်းယဝ်ႉ…” “ၼႂ်းသၢႆတႃသူႁၼ်လဝ်းပေႃးတၢၼ်ႇၼၼ်ႉ…ၼႂ်းသၢႆတႃၵူၼ်းတၢင်ႇၵေႃႉၸွင်ႇတေတူၺ်းႁၼ်မိူၼ်သူႁိုဝ်…” “ယႃႇပေလၢတ်ႈၸိူင်ႉၼၼ်လႄႈ…တင်းႁဝ်းၼွၼ်းသမ်ႉပေႃးဢမ်ႇလပ်းလႆႈႁေၼႆႉ…ႁဝ်းဝႃႈ…ႁဝ်းႁၵ်ႉမႅၼ်ႈၶဝ်ႁႅင်းႁႅင်းၼၼ်ႉယဝ်ႉ…ႁဝ်းဝူၼ်ႉဝႃႈ…ႁဝ်းၶႂ်ႈလၢတ်ႈၼႄၶဝ်..ႁႂ်ႈပေႃးႁူႉထိုင်ၵၢင်ၸႂ်ႁဝ်း…ၵူၺ်းၵႃႈ…ႁဝ်းၵေႃႈၵူဝ်ယူႇမိူၼ်ၵၼ်…ၵူဝ်ၶဝ်တေထဵင်ၶိုၼ်းၼၼ်ႉယဝ်ႉ…” “ႁၵ်ႉၵႂႃႇလူၺ်ႈၶဝ်ဢမ်ႇႁူႉတူဝ်…ယင်းဢမ်ႇလီၵူဝ်တၢၼ်ႇၶဝ်ထဵင်ၶိုၼ်းလူးၵွၼ်ႇ…” “ၼၼ်ႉယဝ်ႉ…ႁဝ်းတေလႆႈႁဵတ်းႁိုဝ်လႃႇ…လၢတ်ႈၵႂႃႇၵေႃႈ…ႁဝ်းၵေႃႈဢမ်ႇမီးတိုဝ်ႉတၢင်း…ဢမ်ႇလၢတ်ႈၵေႃႈ…ဢမ်ႇမီးတိုဝ်ႉတၢင်းမိူၼ်ၵၼ်ၵူၺ်းၼင်ႇၵဝ်ႇ…သင်လႆႈလၢတ်ႈ…မၢင်ၽဝ်ႇ…ယူဝ်ၶဝ်တေႁပ်ႉႁူႉထိုင်ၵေႃႈပဵၼ်လႆႈ…သူဢမ်ႇဝႃႈၼၼ်ႁႃႉ…” “ဢိုမ်ႈ…” သဵင်ၶမ်းႁွမ်မေႃးယူႇတၢင်းၼႂ်းပုၼ်ႉယဝ်ႉ။ ယိင်းသႅင်ၵေႃႈ မိူၼ်ဝႃႈၶမ်းႁွမ်တေၶႂ်ႈၼွၼ်းယဝ်ႉၼႆလႄႈ...

ၸွင်ႇယၢမ်ႈပဵၼ်ႁိုဝ် ယူႇႁင်းၵူၺ်းမိူဝ်ႈလႂ် ၵႆႉၵႆႉဝူၼ်ႉသင်တိၵ်းတိၵ်းၵေႃႈဢမ်ႇႁူႉ ဝူၼ်ႉလူင်ၵႂႃႇၵူႈမဵဝ်းယဝ်ႉ။ ပႃးၸဵမ်လွင်ႈၸိူဝ်းပူၼ်ႉမႃး၊ လွင်ႈဢၼ်လႆႈႁဵတ်းၽိတ်းၵႂႃႇ၊ လွင်ႈဢမ်ႇယုမ်ႇယမ်တူဝ်ၵဝ်ႇ၊ လွင်ႈဢၼ်မႃးပႆႇထိုင်၊ ၸႂ်ၼၼ်ႉၵေႃႈပေႃးဢမ်ႇမေႃလိုဝ်ႈလႆႈသေပွၵ်ႈ။ ဢၼ်ဝူၼ်ႉၼမ်ယူႇၼၼ်ႉ...