ၸၢမ်ၶမ်းဢူၺ် ၵွပ်ႈသင်လႄႈၼွင်ႉႁဵတ်းလႆႈၼိူဝ်ပီႈ ၸင်းပီႈ ၵႂႃႇၸိူင်ႉၼႆလႃႇ။ ဝႃႈလႃးၵေႃႈပီႈလႆႈၽိတ်းပိူင်ႈၵႂႃႇၼိူဝ်ၼွင်ႉသေလွင်ႈ လွင်ႈႁႃႉ။ ပီႈဢမ်ႇလႆႈႁဵတ်း ဢမ်ႇလႆႈလၢတ်ႈလွင်ႈ ဢၼ်ဢမ်ႇထုၵ်ႇ မႅၼ်ႈၸိူဝ်းၼၼ်ႉႁင်းၼွင်ႉသေပွၵ်ႈလူး။ ၵွပ်ႈသင်လႄႈ ၼွင်ႉပွႆႇၽႃႈ ပႅတ်ႈပီႈၵႂႃႇၸိူင်ႉၼႆ ၸၢမ်ၶမ်းဢွၵ်ႇမႃးလၢတ်ႈတေႃႇပီႈမိူၼ်ၼင်ႇၸဝ်ႈ တူဝ်တေႉမၼ်းၵူႈဝၼ်းၼၼ်ႉလူး ဢွၵ်ႇမႃးသပ်းလႅင်းၼႄပီႈလူး ၸၢမ် ၶမ်း သင်ႁူႉဝႃႈပီႈလႆႈၽိတ်းပိူင်ႈၵႂႃႇသေလွင်ႈလွင်ႈတေႉယဝ်ႉၼႆတႄႉ တႃႇတေသၢႆႈတႅၼ်းပၼ်ၶိုၼ်းၼၼ်ႉ သင်ၸိူဝ်ႉၼွင်ႉဝႃႈ ၵဝ်ၶႂ်ႈလႆႈသၢႆ ၸႂ်မႂ်းၼႆဢိူဝ်ႈၼႆၵေႃႈ တွၼ်ႈတႃႇၸၢမ်ၶမ်းတေသိူဝ်းၸႂ်ၼၼ်ႉ ပီႈဢမ်ႇ တွပ်ႇထဵင်သင်ယဝ်ႉၸၢမ်ၶမ်းဢူၺ်။ ပီႈလႆႈဝူၼ်ႉသွၵ်ႈႁႃၶေႃႈ တွပ်ႇတီႈ ပွင်ႇမၼ်းလၢႆဝၼ်းယဝ်ႉၵေႃႈ ပီႈဢမ်ႇပႆႇႁူႉလႆႈ ဝႃႈလႃးၵေႃႈ ပဵၼ်ၵွပ်ႈ လူၺ်ႈၸၢတ်ႈပၢၼ်ပီႈလႄႈၸၢမ်ၶမ်း ဢၼ်ႁၢင်ႇယၢၼ်ၵၼ်ၵႆၼႃႇ ၼၼ်ႉႁိုဝ်ၼေႃ။
ယၢမ်းၼၼ်ႉၸၢႆးသၢႆၶိူဝ်းတူင်ႉတူဝ်မႃးလႄႈ မၼ်းၼၢင်းယိုတ်း ပႅတ်ႈသေပႂ်ႉတူၺ်းယူႇ၊ ယိုင်ႈတူၺ်းယေႈၶႅၼ်းဢီးလူလႄႈ မၼ်းၼၢင်း ယိူၼ်ႉၵၼ်ႈဝႆႉတၢၼ်ႇလႂ်ၵေႃႈ ဢမ်ႇလႆႈယဝ်ႉၵႃႈလႆႈပွႆႇၼမ်ႉတႃႁၵ်ႉ ၼမ်ႉတႃၸႂ်လဵၵ်ႉဢွၼ်ႇမၼ်းၼၢင်း ၵိင်ႈလူင်းၵိင်ႈလူင်းမႃး တင်းသဵင် ၶီႈတွၼ်ႉဢွၼ်ႇယူႇ။ ၸၢႆးသၢႆၶိူဝ်းတူင်ႉတူဝ်မႃးထႅင်ႈသေ
“ၸၢမ်ၶမ်းဢေႃႈပီႈ ပီႈသၢႆၶိူဝ်းႁူႉတူဝ်ယဝ်ႉၶႃႈႁႃႉ”
“ၸၢမ်ၶမ်းဢမ်ႇႁၵ်ႉၶႃႈ ၸၢမ်ၶမ်းလီၸင်းၶႃႈယဝ်ႉ ပွႆႇပၼ်ၶႃႈတၢႆႁေ လႃႈ” ၼႆယဵၼ်ၵႂႃႇၶိုၼ်းယဝ်ႉ။
မၼ်းတၢင်းဢမ်ႇႁူႉဝႃႈၸၢႆးသၢႆၶိူဝ်းယင်းတိုၵ်ႉလပ်းယူႇၼႆသေ “ဢမ်ႇၶႃႈပီႈတေဢမ်ႇလႆႈပဵၼ်သင်ၶႃႈၼႃ ၼွင်ႉႁၵ်ႉပီႈ” ၼႆသေ မၼ်း ၼၢင်းဢဝ်လိုမ်းတူဝ်ၵႂႃႇယဝ်ႉ။
ဢမ်ႇပေႃးႁိုင်ၼၢင်းၸေႃးယဵၼ်ႇလႄႈၼၢင်းၶမ်းလိုၼ်းၽႅဝ်မႃးသေ “ၸၢမ်ၶမ်း ၸၢမ်ၶမ်း ႁိူဝ်ႇၸၢမ်ႇၶမ်းလိုမ်းတူဝ်ထႅင်ႈယဝ်ႉတႃႇၼႆႉၶမ်း လိုၼ်း ႁွင်ႉမေႃယႃမႃးလူး”
မေႃယႃၶဝ်ႈမႃးသေ ယွင်ႈဢဝ်တူဝ်မၼ်းၼၢင်း ဝၢင်းဝႆႉၼိူဝ်ၽႃႈသေ ယဝ်ႉ “ယေႃႈပီႈၼၢင်းမႃးၼင်ႈတီႈၼႆႈသေ ဢဝ်ႁူဝ်မၼ်းဝၢင်းဝႆႉၼိူဝ် တၵ်း မိုဝ်းပီႈၼၢင်းၶွၼ်ၼႆႉသမ်ႉယိပ်းၽႅၼ်ႇဢၼ်ၼႆႉဢဝ်ဝႆႉၸမ်ၸမ် ၶူႈၼင်မၼ်း ပေႃးမၼ်းသုတ်ႇလႆႈဢၢႆယႃႈယႃၼႆႉၵေႃႈ ၵမ်ႉၼိုင်ႈတေ ႁူႉတူဝ်မႃးၵူၺ်း။ ပေႃးမၼ်ႁူႉတူဝ်မႃးယဝ်ႉၼႆ ယႃႇပၼ်မၼ်းႁႆႈတိၵ်း တိၵ်းၶႃႈၼႃႉ”
ယူႇၸူဝ်ႈၼိုင်ႈဢမ်ႇပေႃးႁိုင် ၸၢမ်ၶမ်းႁူႉတူဝ်မႃးယဝ်ႉ
“ၸွင်ႇၸႂ်ၼွင်ႉလီယူႇႁိုဝ်”
“ႁူဝ်ၼွင်ႉတိုၵ်ႉမဝ်းယူႇဢိတ်းဢိတ်းဢေႃႈ”
“ၵေႃႈၼွင်ႉႁႆႈတိၵ်းတိၵ်းၼႃႇ မေႃယႃၶဝ်လၢတ်ႈဝႃႈ ယႃႇႁႆႈၼႃႇၼႆ ၼၼ်ႉ”
“မႃးၼွင်ႉၼွၼ်းၼိူဝ်ၽႃႈဢဝ်”
“ဢိူဝ်ႈၼွၼ်းလႄႈပီႈၵေႃႈၵူၼ်ႉၼႃႇယဝ်ႉဝႃႈၼႆႉ ပီႈဝႃႈပေႃးဢမ်ႇၵိၼ် ၶဝ်ႈၵေႃႈၵိၼ်ၼူမ်းထူဝ်ႇၼႆႉလႄႈၼွင်ႉၵေႃႈဢမ်ႇၵိၼ် တိုဝ်ၵႂၢမ်းပိူၼ်ႈ တေႉယဝ်ႉဝႃႈၶိူဝ်ၼႆႉတႄႉ တိုဝ်ၼင်ႇၵၼ်လိူၵ်ႈလိူၵ်ႈသမ်ႉၸၢင်ႈမႃးၺႃး ၵၼ် ၵျႃႉလီလီယဝ်ႉဝႃႈ ႁဵတ်းမႃးႁႃဝႃႈၼၼ်ၼင်ႇၵဝ်ႇတေႃႈ သင်ၸၢမ် ၶမ်းဢမ်ႇတူၵ်းဢွၼ်တၢင်းတႄႉ ၵွႆပႃးၼၢင်းၵဝ်ယဝ်ႉၼင်ႇၵဝ်ႇယဝ်ႈ”
ယၢမ်းၼၼ်ႉၸၢႆးသၢႆၶိူဝ်းတိုၼ်ႇႁူႉတူဝ်မႃးယဝ်ႉ ၼိုင်တူဝ်လွႆးလွႆးယူႇ။
“ပီႈသၢႆၶိူဝ်းႁူႉတူဝ်ယဝ်ႉ ပီႈၸေႃးယဵၼ်ႇ” ၸၢႆးသၢႆၶိူဝ်းဢမ်ႇၸၢင်ႈႁၼ် လႆႈသေတႃႉ တွင်းလႆႈဝႃႈပဵၼ်သဵင်ၼၢင်းၸၢမ်ၶမ်းယူႇၼႆလႄႈ
“ၸၢမ်ၶမ်း”
“ဢေႃႈၶႃႈပီႈ ပီႈသၢႆၶိူဝ်းႁူႉတူဝ်ယဝ်ႉၶႃႈႁႃႉ”
“ႁူႉယူႇၸၢမ်ၶမ်း ၽႂ်ပူၵ်ႉတႃပီႈလႃႇ ပီႈပေႃးဢမ်ႇႁၼ်တႃသေဢိတ်း ၸွမ်းၼိူဝ်ႉၸွမ်းတူဝ်ၵေႃႈၸဵပ်းၵႂႃႇသဵင်ႈ”
မၼ်းၸၢႆးႁူႉတူဝ်မႃးၸိူင်ႉၼႆ ၼၢင်းၸၢမ်ၶမ်းၵေႃႈ ၸူမ်းၵေႃႈၸူမ်းယူႇ သမ်ႉပႃးတၢင်းၸႂ်လဵၵ်ႉယူႇ ၵူၺ်းၼႃႇလိူဝ်သေႁႆႈတႄႉမၼ်းၼၢင်းဢမ်ႇ ၸၢင်ႈႁဵတ်းႁိုဝ်ယဝ်ႉ။
“ၸၢမ်ၶမ်းလီၸင်းပီႈၵႂႃႇပႅတ်ႈယဝ်ႉၼေႃ ပေႃးၼွင်ႉဢမ်ႇႁၵ်ႉပီႈယဝ်ႉ ၵေႃႈ ယႃႇပေယႃပီႈယဝ်ႉလႃႈ ၸၢမ်ၶမ်းပွႆႇပၼ်တိၼ်မိုဝ်းပီႈၼႆႉလူး”
“ဢမ်ႇၶႃႈပီႈ ၼွင်ႉႁၵ်ႉပီႈယူႇဢေႃႈ ၼွင်ႉဢမ်ႇၸင်းပီႈၶႃႈ”
“ဢိူဝ်ႈၼွင်ႉယႃႇပေႁႆႈယဝ်ႉလႃႈ”
“ပီႈၶႂၢင်းပၼ်ၼွင်ႉဢိတ်ႉၼိုင်ႈၶႃႈ ၼွင်ႉႁၵ်ႉပီႈဢေႃႈ”
“ဢိူဝ်ႈဢိူဝ်ႈ ၼွင်ႉဢမ်ႇလူဝ်ႇႁႆႈယဝ်ႉ”
ႁဵတ်းၼၼ်သေမိူင်းလႅင်းယဝ်ႉလပ်းသိင်ႇယဝ်ႉၶိုၼ်းလႅင်း ၼႂ်ၼႆႉတႄႉ မေႃယႃၶဝ်မႃးၵီႈပၼ်ၽႅၼ်ႇပူၵ်ႉၸဵပ်းသေ ဢၼ်ၸၢႆးသၢႆၶိူဝ်းမုင်ႈမွင်းဝႆႉ ၼၼ်ႉဝႃႈ ပေႃးၵဝ်မိုၼ်းတႃ ႁၼ်လႆႈမႃးၼႆႁႂ်ႈၵဝ်လႆႈႁၼ်ၼႃႈၸၢမ်ၶမ်း ပဵၼ်ၵေႃႉဢွၼ်တၢင်းသုတ်းၼၼ်ႉၼႆ ၽိူဝ်ထိုင်မၼ်းမိုၼ်းတႃမႃးၵေႃႈ လႆႁၼ်ၼၢင်းၸၢမ်ၶမ်းၼႃႈငဝ်ငဝ်ၶူၼ်ႁူဝ်ယုင်ႈယုင်ႈဢွၼ်ႇသေ ဢဝ် မိုဝ်းၼုမ်ႇဢွၼ်ႇမၼ်းၼၢင်းတၢင်းသွင်ၶွၼ်ယိပ်းၵမ်မိုဝ်းမၼ်းၸၢႆးသေ ၵိူင်းႁူဝ်ဢဝ်ၵႅမ်ႈၵၢင်း မၼ်းၼၢင်းဝၢင်း တဵင်သႂ်ႇယဝ်ႉယၵ်ႉတူၺ်းၼႃႈ ၸၢႆးသၢႆၶိူဝ်းယူႇ။
“ၸၢမ်ၶမ်း”
“ဢေႃႈၶႃႈ ပီႈႁူႉတူဝ်လီလီယဝ်ႉၶႃႈၼေႃ”
ႁူႉယဝ်ႉ ႁူႉတူဝ်လီ ပွင်ႇၸႂ်သဵင်ႈယဝ်ႉၸၢမ်ၶမ်း ၵမ်းၼႆႉတႄႉၶႅပ်းႁၢင်ႈ ၼွင်ႉၸိူဝ်းၼၼ်ႉ ယႃႇဢဝ်မႃးဝႆႉၼႂ်းလုၵ်းၼွၼ်းပီႈယဝ်ႉၼႃႈ”
ၼၢင်းၸၢမ်ၶမ်းၵေႃႈၼႃႈပိူင်ႈၵႂႃႇသေ “ပဵၼ်သင်ၶႃႈပီႈ လီၸင်းၼွင်ႉ ၵႂႃႇထၢၼ်ႇၼၼ်ႉယဝ်ႉၶႃႈႁႃႉ ၵွပ်ႈသင်လႄႈၶႅပ်းႁၢင်ႈဢွၼ်ႇၼွင်ႉၵူၺ်း ၵေႃႈဝႃႈ ဢမ်ႇၶႂ်ႁၼ်ဢမ်ႇၶႂ်ႈဢဝ်ဝႆႉၶႃႈလႃႇ”
ယၢမ်းၼၼ်ႉမေႃယႃၶဝ်ႈမႃးလၢတ်ႈဝႃႈ “မိူဝ်ႈၼႆႉတႄႉမေႃယႃတေပၼ်လူင်းႁူင်းယႃယဝ်ႉဢေႃႈ ၵမ်ႉမႃးမေႃ တေပၼ်မိူဝ်းပႃးယႃၵိၼ်ယႃတႃး ဢႄႇလ်ၵေႃႇႁေႃးၼူၼ်းၵုၺ်ၸိူဝ်း ၼႆႉ ၵူၺ်းၵႃႈ ယႃႇၽူမ်ႈယွင်ႈၼၵ်းႁဵတ်းၵၢၼ်ၼၵ်းၼႃႇၶႃႈၼႃႉ”
မိူဝ်ႈၼႆႉၸၢႆးသၢႆၶိူဝ်းလူင်းႁူင်းယႃမႃးယဝ်ႉ တႆးၵေႃႉမၼ်းႁူႉၶၢဝ်ႇသေ ဢဝ်ယႃလီယဵဝ်ႈယိူင်းမႃးပၼ်သေဝႃႈ “ပေႃးၵိၼ်လႆႈတႄႉၵိၼ်ဢဝ်ၼေႈ ၸဵဝ်းတိူဝ်ႉလီ”
“ၵိၼ်လႆႈၵႂႃႈ ၵေႃႉၸၢႆးလူင်မႂ်းၵေႃႈ” ၼႆ မၼ်းၸၢႆးၵေႃႈၵိၼ်ယဵဝ်ႈယိူင်း ၼၼ်ႉ ၵၢင်ၶမ်ႈၼိုင်ႈၸေႃႉ ၵၢင်ၼႂ်ၼိုင်ႈၸေႃႉၼႆလႄႈ သီႇႁႃႈဝၼ်း ၵူၺ်း ႁၢႆလီလီယဝ်ႉ။
ၼႂ်ၼႆႉၼၢင်းၸၢမ်ၶမ်းၶိုၼ်ႈႁိူၼ်းမႃးလွႆးလွႆးသေ မႃးႁၼ်မႅၼ်ႈ မိူဝ်ႈၸၢႆးသၢႆၶိူဝ်း တိုၵ်ႉတူၺ်းၶႅပ်းႁၢင်ႈမၼ်းၼၢင်းယူႇလႄႈ
“ၼႆဝႃႈဢမ်ႇၶႂ်ႈဢဝ်ဝႆႉယဝ်ႉၼႆဢမ်ႇၸႂ်ႈၶႃႈႁႃႉ ဢဝ်မႃးလႄႈၼွင်ႉတေ ဢဝ်မိူဝႅးၶိုၼ်း” ၼႆဢၢင်ႈႁိမ်ဢဝ်ယူႇ။
“ၸႂ်ႈယဝ်ႉဝႃႈ ၸၢမ်ၶမ်းယႃႇပေဢဝ်ဝႆႉယဝ်ႉလႃႈၶႅပ်းႁၢင်ႈၼႆႉ မၼ်း ဢမ်ႇမေႃလၢတ်ႈတေႃႇပီႈ ဢမ်ႇမေႃပၼ်ႁႅင်းပီႈ ယၢမ်းပီႈမီးလွင်ႈသုၵ်ႉ ၸႂ်မႆႈၸႂ်ၵေႃႈ ဢမ်ႇႁၼ်မၼ်းတိူဝ်ႉၸႂ်ၸွမ်းသင် သမ်ႉပၢႆယုမ်ႉႁၢၼ်ႉၸႂ် ပၼ်ပီႈယူႇၸိူင်ႉၼၼ် ပီႈဢမ်ႇဢဝ်ဝႆႉယဝ်ႉ”
“ဢဝ်မႃးလႄႈပေႃးၼၼ်ၵေႃႈ” ၼႆယိပ်းဢဝ်ယဝ်ႉ။
“ႁိုဝ်ႈ ဢဝ်ၵႂႃႇလႄႈ ၶႅပ်းႁၢင်ႈၼႆႉပီႈဢမ်ႇဢဝ်ယဝ်ႉ ဢဝ်တူဝ်တေႉၸဝ်ႈ ပိူၼ်ႈၼႆႉဢဝ်ဢိူဝ်ႈပီႈဝႃႈၼႆႉ”
“ပီႈသၢႆၶိူဝ်းပွႆႇၼွင်ႉလႄႈ ၼွင်ႉယူႇယၢပ်ႇၼႃႇ ပေႃးႁႃၶႅၼ်းမႃးၵေႃႈ ပေႃးဢမ်ႇလီႁၵ်ႉယဝ်ႉ တႃႉမၼ်းယႃႇပေႁၢႆသေပွၵ်ႈလႃႈ”
“တႃႉမၼ်းတၢႆႁေလႃႈၼႆႁႃႉ”
“ၼၼ်ႉယဝ်ႉတၢႆႁေၵေႃႈလီယဝ်ႉပေႃးမိူၼ်ၼႆ”
“ပေႃးၼၼ်ၵေႃႈ ဢဝ်မႃးလႄႈၶႅပ်းႁၢင်ႈၼႆႉ ပေႃးၸဝ်ႈတေႉမၼ်းပႆႇ မႃးပုတ်ႈတႄႉ တိုၼ်းပႆႇပၼ်မၼ်းၵႂႃႇတၢင်းလႂ်ၵူၺ်ႉၼႆႉ ၵမ်ႉမႃးပီႈတေ ၵႂႃႇႁႃလူတ်ႉၶိူင်ႈပၼ် ပီႈၸေႃးယဵၼ်ႇၶိုၼ်းဢိူဝ်ႈၸၢမ်ၶမ်း ၼွင်ႉၸွင်ႇ တေၵႂႃႇ”
“မႃးၼွင်ႉတေၵေႃႉႁေႃႈၵႃး ႁေႃႈတူၺ်းၵႃးဝီးၵူဝ်ႉဢိတ်ႉၼိုင်ႈလူး ဢႃႉ ၶႂ်ႈႁေႃႈၶႅမ်ႉဝႆႉလူးၼႆႉ”
ၸၢႆးသၢႆၶိူဝ်းသိုဝ်ႉလူတ်ႉၶိူင်ႈထႅင်ႈလမ်းၼိုင်ႈသေ
“ၼၢင်းၸေႃးယဵၼ်ႇၵေႃႉႁေႃႈမိူဝ်းလႄႈ ဢဝ်မိူဝ်းဝႆႉတီႈႁိူၼ်းၸၢမ်ၶမ်း ၶဝ်ၵွၼ်ႇလႄႈ ပေႃးဝၼ်းလီမႃးၸွင်ႇၵွႆႈဢဝ်ၶဝ်ႈႁိူၼ်း”
သိုပ်ႇလူထႅင်ႈတွၼ်ႈတေမႃးၶႃႈ။
