ၵၢၼ်ယၢပ်ႇ

ၵၢၼ်ယၢပ်ႇ

ၵူၼ်းၶၢၼ်ႉတႄႉတေဝႃႈၵၢၼ်ၵူႈမဵဝ်းၼၼ်ႉ မၼ်းယၢပ်ႇၵႂႃႇၵူႈလွင်ႈယဝ်ႉ။ ၵူၼ်းၶႂ်ႈၶိုၼ်ႈယႂ်ႇတႄႉ ဢမ်ႇဝႃႈၵၢၼ်သင်မႃးၵေႃႈယဝ်ႉ ၵၢၼ်ဢၼ်ဝႃႈၼၼ်ႉ ယၢပ်ႇတၢၼ်ႇႁိုဝ်ၵေႃႈ တိုၼ်းတေႁဵတ်းၵႂႃႇႁႂ်ႈမၼ်းပေႃးလႆႈယဝ်ႉ။

ၵၢၼ်ၼၼ်ႉမၼ်းယၢပ်ႇႁိုဝ်ငၢႆႈ ဢမ်ႇၸႂ်ႈတီႈၵၢၼ် ပဵၼ်တီႈၵူၼ်းၵူၺ်း ပေႃးၵူၼ်းလူင်ႉလႅၼ်ႇၵၢၼ်ဢၼ်ဝႃႈယၢပ်ႇၼၼ်ႉမႃး မၼ်းၵေႃႈတေပဵၼ်ၵၢၼ်ငၢႆႈၵႂႃႇၵူၺ်း။ ပေႃးၶႂ်ႈႁႂ်ႈၵၢၼ်ၼၼ်ႉငၢႆႈၵေႃႈ လူင်းမိုဝ်းႁဵတ်းသၢင်ႈလႄႈ ႁဵတ်းၵႂႃႇတိၵ်းတိၵ်း တေႃႇပေႃးလူင်ႉလႅၼ်ႇမႃးတူၺ်း ၵၢၼ်ၼၼ်ႉတိုၼ်းတေပဵၼ်ၵၢၼ်ငၢႆႈမႃးယဝ်ႉ။

ၶၢၼ်ႉလႄႈဢမ်ႇၶႂ်ႈႁဵတ်း ၸင်ႇဝႃႈမၼ်းယၢပ်ႇယဝ်ႉ၊ ဢမ်ႇပႆႇႁဵတ်းတူၺ်းလႄႈ မၼ်းယၢပ်ႇၵူၺ်း၊ ဝူၼ်ႉၼမ်ၼႃႇလႄႈ ၸင်ႇပဵၼ်ၵၢၼ်ယၢပ်ႇယဝ်ႉ။ ပႆႇတူင်ႉတီႈ ပႆႇလူင်းမိုဝ်း ပႆႇႁဵတ်းသၢင်ႈ ပေႃးဝႃႈမၼ်းယၢပ်ႇယဝ်ႉ တေႁဵတ်းႁိုဝ်ႁဵတ်းႁႂ်ႈမၼ်းပေႃးပဵၼ်မႃးလႆႈ။ ပႆႇလႆႈယၢင်ႈပေႃးဝႃႈတေလူမ်ႉယဝ်ႉ တေဢၢၼ်းပဵၼ်တုၵ်ႉၶိတ်ႉတၵႂႃႇၵူၺ်းယဝ်ႉႁိုဝ်။

ၸၢမ်းႁဵတ်းတူၺ်းလႄႈ ၵၢၼ်ဢၼ်ႁဵတ်းလႇႈယူႇၼၼ်ႉ ဢမ်ႇပႆႇၸႂ်ႈၵၢၼ်ယၢပ်ႇၼႃ၊ ၵၢၼ်ဢၼ်ႁဵတ်းလႇႈယူႇၼၼ်ႉဢမ်ႇပႆႇၸႂ်ႈၵၢၼ်ဢၼ်ယၢပ်ႇၼင်ႇၵဝ်ႇ၊ ၵၢၼ်ဢၼ်ႁဵတ်းႁႂ်ႈႁူဝ်ၶႆႈၼၼ်ႉၵေႃႈ မိူဝ်ႈၸႂ်ယဵၼ်မႃး မၼ်းတေႁႃတၢင်းဢွၵ်ႇႁႂ်ႈႁၼ်လႆႈယူႇ။ မိူဝ်ႈလႂ် ယုမ်ႇယမ်ဝႃႈ ႁဵတ်းလႆႈၼႆ မၼ်းတိုၼ်းတေႁဵတ်းႁႂ်ႈလႆႈယဝ်ႉ။

ယွၼ်ႉႁဝ်းပဵၼ်ၵူၼ်းမီးႁူဝ်ၸႂ် မီးပၢႆးဝူၼ်ႉ မီးတၢင်းႁူႉ မီးၸႂ်ၶႂ်ႈလႅၵ်ႈလၢႆႈယူႇတႃႇသေႇလႄႈ ၸၢတ်ႈပၢၼ်ႁဝ်းၼၼ်ႉၵေႃႈ တေထူပ်းလွင်ႈလႅၵ်ႈလၢႆႈယူႇတႃႇသေႇယဝ်ႉ၊ မိူဝ်ႈႁဵတ်းၵၢၼ်ယၢပ်ႇလႆႈၵေႃႈ ၵၢၼ်ငၢႆႈၵေႃႈတေၸွမ်းမႃးယဝ်ႉ။

သင်ဢမ်ႇႁဵတ်းဢမ်ႇႁူႉ ၵၢၼ်သင်ၵေႃႈယဝ်ႉ မၼ်းတိုၼ်းမီးဢၼ်ငၢႆႈလႄႈဢၼ်ယၢပ်ႇ ပႃးမႃးၸွမ်းၵၼ်။ ယူႇတီႈဝႃႈ ႁဝ်းတေတူၺ်းႁၼ်မၼ်းပဵၼ်ၸိူင်ႉႁိုဝ်လႄႈ ႁဝ်းတေႁဵတ်းမၼ်းႁိုဝ် ဢမ်ႇၶႂ်ႈႁဵတ်းမၼ်းႁိုဝ်ၼႆၼၼ်ႉၵူၺ်း သင်ႁဵတ်းၵေႃႈတေဢွင်ႇမၢၼ်ၵႂႃႇ သင်ဢမ်ႇႁဵတ်းၵေႃႈ ယင်းတိုၵ်ႉတေပဵၼ်ၵၢၼ်ယၢပ်ႇယူႇတိၵ်းတိၵ်းယဝ်ႉ။

 

တႅမ်ႈ−ငဝ်မွင်မိုတ်းမူဝ်း
26.12.2022

ဢူၺ်းၵေႃႉလီ

ၵူၼ်းၵေႃႉဢၼ်ႁၼ်လွင်ႈလီလႄႈလွင်ႈဢမ်ႇလီႁဝ်း ၵူၺ်းၵႃႈၶဝ်ယင်းတိုၵ်ႉယူႇၸွမ်းႁဝ်းယူႇၼၼ်ႉ မၼ်းၵေႃႈပဵၼ်ဢူၺ်းၵေႃႉလီတေႉယဝ်ႉ။ တႃႇပဵၼ်ဢူၺ်းၵေႃႉတင်းၽႂ်သေၵေႃႉၵေႃႉ ၼႂ်းၶၢဝ်းယၢမ်းလီၼၼ်ႉ မၼ်းဢမ်ႇၸႂ်ႈလွင်ႈယၢပ်ႇ ၽႂ်ၵေႃႈ ယုမ်ႉၶူဝ်ၵႂႃႇၸွမ်းၵၼ်လႆႈ ၼႂ်းဝၼ်းဢၼ်ၵူႈလွင်ႈသိူဝ်းလႄႈလူမ်ၸႂ် ၽႂ်ၽႂ်ၵေႃႈ...

ၸၢတ်ႈပၢၼ်ၼၼ်ႉႁိုဝ်ငၢႆႈ

ႁဝ်းမီးတၢင်းသိူဝ်းလႆႈယူႇၼႃ လွင်ႈဢၼ်ႁဵတ်းႁႂ်ႈၸဵပ်းၼၼ်ႉ ဝႆႉပဵၼ်လွင်ႈၶဵင်ႇတႃႉတႃႇဢဝ်ၶၢမ်ႈပူၼ်ႉမၼ်းသေ တေႁဵတ်းႁႂ်ႈမေႃယဵၼ်ႉၵၼ်ႈမႃးထႅင်ႈၼၼ်ႉယဝ်ႉ။ ယႃႇၵုမ်ႇၸူမ်ယူႇၸွမ်းလွင်ႈၸိူဝ်းပူၼ်ႉမႃးထိုင်တီႈပေႃးဢမ်ႇမီးတၢင်းသိူဝ်းလႆႈလႄႈ ၸႂ်ႉၸၢတ်ႈပၢၼ်ယူႇၸွမ်းၶၢဝ်းယၢမ်းမိူဝ်ႈလဵဝ်ၼႆႉလႄႈ။ သင်တေႁၵ်ႉပိူၼ်ႈထိုင်တီႈပေႃးလိုမ်းတူဝ်ၵဝ်ႇၼႆ ႁၵ်ႉတူဝ်ၵဝ်ႇၼမ်ၼမ်လႄႈ သမ်ႉဝႃႈဢမ်ႇမီးၽႂ်ၵေႃႈ ႁဝ်းယင်းတိုၵ်ႉမီးတူဝ်ၵဝ်ႇယူႇလူး။ ၵူၼ်းဢမ်ႇလီၵေႃႈဝႄႈသေ သူၼ်ၸႂ်ၵူၼ်းဢၼ်သႂ်ႇၸႂ်မႆႈၸႂ်ႁဝ်းၼၼ်ႉၵူၺ်းၵေႃႈပဵင်းပေႃးယဝ်ႉ။ ၸူဝ်ႈဢသၢၵ်ႈႁဝ်းၼၼ်ႉႁူႉတိုၼ်းတေလႆႈထူပ်း လွင်ႈတုၵ်ႉၶလွင်ႈယၢပ်ႇၽိုတ်ႇ...

ႁိူဝ်ႉယဝ်ႉ

မိူဝ်ႈပဵၼ်လုၵ်ႈဢွၼ်ႇ ႁဝ်းႁိူဝ်ႉၸွမ်းလွင်ႈဢႅၼ်ႇလႅၼ်ႈၸွမ်းဢူၺ်းၵေႃႉ။ ၵေႃႉယႂ်ႇမႃးထႅင်ႈၵေႃႈ ႁိူဝ်ႉၸွမ်းၵၢၼ်လူလိၵ်ႈလႄႈၵၢၼ်တွပ်ႇလိၵ်ႈ။ ၵေႃႉယႂ်ႇမႃးထႅင်ႈၵေႃႈ ႁိူဝ်ႉၸွမ်းၼႃႈၵၢၼ်တႃငၢၼ်းၵူႈဝၼ်းဝၼ်း။ မိူဝ်ႈပဵၼ်ၵူၼ်းလူင်မႃးၵေႃႈ ႁိူဝ်ႉၸွမ်းၼႃႈတီႈပုၼ်ႈၽွၼ်း ။ ဢမ်ႇဝႃႈၸိူင်ႉႁိုဝ် ၸၢတ်ႈပၢၼ်ႁဝ်းၵေႃႈ ႁူႉၵႃႈတေႁိူဝ်ႉယူႇယဝ်ႉ ယူႇတီႈဝႃႈႁိူဝ်ႉၼမ်ႁိုဝ်ႁိူဝ်ႉဢေႇၼၼ်ႉၵူၺ်း။ ၵူၺ်းၵႃႈ...