2025 မၼ်းၽၢၼ်ႇပူၼ်ႉဝႆးၼႃႇတေႉဢိူဝ်ႈ
ၶၢဝ်းယၢမ်းတႄႉလပ်းတႃသေတူၺ်းၶိုၼ်းပီၵႆၢၵေႃႈတိုၵ်ႉၸႅင်ႈလႅင်းယူႇ။
ၵူၺ်းၵႃႈ လွင်ႈဢၼ်လႆႈၶၢမ်ႈပူၼ်ႉမႃးၼၼ်ႉတႄႉ ၼမ်ပူၼ်ႉၼႃႇ သုတ်းဝၼ်းၵေႃႈဢမ်ႇၶႆႈမူတ်းလႆႈ၊ မၢင်လွင်ႈသမ်ႉပေႃးလိုမ်းၵႂႃႇၵေႃႈမီး။
သုတ်းတၢင်းယဝ်ႉ တိပ်ႇတၼ်တိူၵ်ႈၸွၵ်ႉၼႃႇတၢၼ်ႇလႂ်ၵေႃႈ ႁဝ်းယင်းလွတ်ႈမႃးထိုင်ဝၼ်းၼႆႉလႆႈယူႇ ယိၼ်းၸူမ်းယဝ်ႉ။
ပပ်ႉလိၵ်ႈၽိုၼ်ၼႆႉတႄႉ မၢင်တီႈၵေႃႈမီးႁွႆးၶွၵ်ႉယွၵ်းဝႆႉယူႇဢိူဝ်ႈ၊ မၢင်တီႈၼမ်ႉမိုၵ်ႉၸိုမ်းၸွမ်းၼမ်ႉတႃၵေႃႈမီးယဝ်ႉ မၼ်းဢမ်ႇလႆႈယွမ်ႉသီႁႂ်ႈႁၢင်ႈလီ ၵူၺ်းၵႃႈမၼ်းပဵၼ်ပပ်ႉဢၼ် မီးၵႃႈၶၼ်တေႉဢိူဝ်ႈ။
မၢင်တွၼ်ႈ ၶႅမ်ႉယူႇဢိူဝ်ႈမိူဝ်ႈတႄႇမၼ်း ၵူၺ်းသမ်ႉသုတ်းပႅတ်ႈၵၢင်တၢင်းသေ၊ မၢင်တွၼ်ႈတႅမ်ႈၼမ်ယဝ်ႉ ဢမ်ႇပၼ်ၽွၼ်းလီသင်ၵေႃႈမီး၊ မၢင်တွၼ်ႈတႅမ်ႈတင်းႁိုင်ၵေႃႈ ဢမ်ႇသုတ်းယဝ်ႉလႆႈ။
ၼႂ်းပပ်ႉၽိုၼ်ၼႆႉ မီးၵူၼ်းတင်းၼမ်ဢၼ်လႆႈႁူပ်ႉၺႃးၼၼ်ႉယူႇဢိူဝ်ႈ မၢင်ၵေႃႉၶဝ်ႈပႃးဝႆႉပွတ်းဢွၼ်ႇတွၼ်ႈၼိုင်ႈ၊ မၢင်ၵေႃႉႁႆၢၵႂႃႇပႅတ်ႈမိူဝ်ႈယင်းပႆႇသုတ်းတွၼ်ႈ၊ မၢင်ၵေႃႉၸိုဝ်ႈၼၼ်ႉလႆႈမႆၢဝႆႉယူႇၼႂ်းၸႂ်သေ သမ်ႉဝႃႈဢမ်ႇၸၢင်ႈသိုပ်ႇတႅမ်ႈထႅင်ႈၵေႃႈယဝ်ႉ။
ၵူႈတွၼ်ႈၼၼ်ႉ မၼ်းပၼ်ၶေႃႈဝူၼ်ႉလႄႈ ပၼ်တွၼ်ႈသွၼ်ဝႆႉယူႇ လွင်ႈၸိူဝ်းၼၼ်ႉ မၼ်းၵေႃႈႁဵတ်းႁႂ်ႈႁဝ်းလႆႈလႅၵ်ႈလႆၢႈတင်းၼမ်။
သမ်ႉဝႃႈၼႂ်းပပ်ႉၼႆႉ တေပဵၼ်ၸေႈမၢင်မၢင်ၵူၺ်းၵေႃႈ ၼႃႈသိူဝ်ႈမၼ်းတႄႉႁဵတ်းႁႂ်ႈၵႅၼ်ႇၶႅင်သေ ႁူမ်ႇငမ်းမၼ်းဝႆႉယူႇဢိူဝ်ႈ။
မႃးထိုင်ၼႃႈလိုၼ်းသုတ်းယဝ်ႉၵေႃႈ တေလႆႈၶွတ်ႇယွတ်ႈမၼ်းၵႂႃႇသေ ပပ်ႉၽိုၼ်ၼႆႉၵေႃႈ တေၵဵပ်းပဵၼ်ပပ်ႉမႆၢတွင်းဝႆႉယူႇ။
ပပ်ႉတွၼ်ႈတႃႇၽူႈလူလိၵ်ႈႁဝ်းၶဝ်ၶႃႈလူး ပဵၼ်ပပ်ႉၸိူင်ႉႁိုဝ်ၽွင်ႈၶႃႈ။
သႅၼ်ငဝ်း
18/12/2025
