သဵင်ၵွင်ႈသဵင်မၢၵ်ႇတႅၵ်ႇလင်မေႃးၽွင်းၵၢင်ၶိုၼ်း ဢမ်ႇတူၵ်းသႂ်ႇႁိူၼ်းၵေႃႈၸိုင်ပေႉငိၼ်းၸမ် ၸႂ်တိုၼ်ႇမႆႈၽူင်ႉသၢၼ်ႈ ၼႅတ်ႈဢႅၼ်ႇလႅၼ်ႈပႆၢႈတင်းၶိုၼ်း လဵၵ်ႉလႅင်လဵၵ်ႉသေးဢွၼ်ႇ ၼွၼ်းလပ်းမွႆႈဢိင်လင်မႄႈမၼ်းၵွႆး ထဝ်ႈၵႄႇၶႃၶႄႉၶႃၵုၵ်ႈ သၵ်ႉၶွၼ်ႉတဝ်ႉၸွမ်းလင်လွႆးလွႆး ၵမ်ႈၽွင်ႈၵွႆးႁူႉလႆႈပွႆႇမင်ဝတ်ႉၵၼ်တႆၢ ၵူၺ်းသမ်ႉလိုမ်းႁၼ် ၵူၼ်းဢၼ်ယူႇၼႂ်းၵႄႈၵၢင်မၼ်း။
“ပေႃးၵၢင်ဝၼ်းတႄႉ လီယူႇ ပေႃးၵၢင်ၶိုၼ်းတႄႉ သဵင်မၢၵ်ႇတႅၵ်ႇလင်ၵူႈၶိုၼ်းယဝ်ႉ ၶၢဝ်းၼွၼ်းၵေႃႈဢမ်ႇလႆႈၼွၼ်းလီ သင်မၢၵ်ႇဢမ်ႇတူၵ်းသႂ်ႇဝၢၼ်ႈႁဝ်းၵေႃႈ ဢမ်ႇဢၢၼ်းပႆၢႈၼင်ႇၵဝ်ႇ မၢၵ်ႇမႃးတူၵ်းသႂ်ႇၼႂ်းဝၢၼ်ႈႁဝ်းႁေလႄႈ ႁဝ်းၵေႃႈဢွၼ်ၵၼ်ပႆၢႈတင်းၶိုၼ်း ဢမ်ႇတၼ်းလႆႈၶူဝ်းသင် တၼ်းလႆႈလုၵ်ႈဢွၼ်ႇသွင်ၵေႃႉၵူၺ်းယိုင်၊ ဝႆၢးသေသဵင်ယဵၼ်ၵႂႃႇ ႁဝ်းၸင်ႇလႆႈမိူဝ်းတေႃႉၶူဝ်းႁဝ်းမႃးၶိုၼ်း၊ တႃႇႁဵတ်းႁိူၼ်းႁဵတ်းယေးၵေႃႈ လႆႈယႃႉႁိူၼ်းႁေမႃးႁဵတ်းဢိူဝ်ႈ သေလႆၢၼႃႇဢိူဝ်ႈ ယူႇမႃးပီယၢဝ်းၶၢဝ်းႁိုင်လူး သူၼ်ႁဝ်းၵေႃႈဢမ်ႇၸၢင်ႈမိူဝ်းႁဵတ်း လႆႈပႅတ်ႈဝႆႉႁေမႃးဢိူဝ်ႈ ဢမ်ႇၸၢင်ႈႁဵတ်းႁိုဝ် မႃးယူႇတၢင်းၼႆႉၵေႃႈ လႆႈၶိုၼ်းတႄႇမႂ်ႇၼၼ်ႉယိုင်”
ၵၢင်ၸႂ်ၵူၼ်းပႆၢႈၽေးၵေႃႉၼိုင်ႈၶႆႈၼႄ။
ပႆၢၵမ်-သႅၼ်ငဝ်း
13/02/2025
