ဝူၼ်ႉၶႂ်ႈၶိုၼ်းၼႅင်

ယၢမ်းၶမ်ႈၶိုၼ်းလပ်းသိင်ႇ လုၵ်ႈလၢဝ်ႁိူဝ်ႈပိူင်းထွင်ႇမႅပ်ႈ ၶပ်ႉယႆၸႅၼ်ႇထၢၼ်ႈပေႃးသႅမ်း မႅင်းႁိင်ႇႁွႆႈၵူၼ်ႈၶႅဝ်ႁိူဝ်ႈထွင်ႇပိူင်းလႅင်းၼႆၵေႃႈ တေႃႈယင်းတိုၵ်ႉလပ်းသိင်ႇမိုတ်းတၼ် ဢမ်ႇႁၼ် သဵၼ်ႈတၢင်းဢွၵ်ႇ တႃႇမွၵ်ႇလၢတ်ႈၵႂၢမ်းႁၵ်ႉ တႃႇတၵ်ႉၸူးၵႂၢမ်းလီ သုၵ်ႈသီႁူဝ်ၸႂ်ႁႂ်ႈပေႃးလႅင်း ၵႂၢမ်းပႅင်းၵူၺ်းယင်းဢမ်ႇႁတ်းလၢတ်ႈ လွမ်လွမ်ၵူဝ်ၵၢတ်ႈ ၵႂၢမ်းလၢတ်ႈဢမ်ႇၸၢင်ႈၶိုၼ်းၶိုၼ် ၼင်ႈမိုင်ယူႇတႂ်ႈငဝ်းလႅင်းလၢဝ်သေ ႁႅၼ်မုင်ႈတူၺ်းၵၢင်ႁၢဝ်ၼၼ်ႉၵူၺ်းယဝ်ႉ။

ယၢမ်းၵၢင်ၼႂ် ၵူဝ်လႆႈႁူပ်ႉသမ်ႉၶႂ်ႈႁၼ် ၵူဝ်လႆႈႁၼ်ၵွပ်ႈထိင်းၸႂ်ဝႆႉဢမ်ႇလႆႈ ၶႆႈၸႂ်ၶႆႈၸႂ်ၶုၵ်းၶူၼ်ႉတူၺ်း တေလႆႈႁဵတ်းႁိုဝ်ၼေႃ။ ၵူဝ်ၵေႃႈၵႃႈတေလႆႈႁူပ်ႉတေႃႈၼႃႈ ဝႃႈႁိုဝ်ၵေႃႈဝႃႈ ၵွပ်ႈပဵၼ်ႁူဝ်ၼႃႈႁဝ်းယဝ်ႉလူး ႁူႉတေလႆႈတူင်ႉတၵ်ႉၸူး။

ဝၼ်းပႂ်ႉဝၼ်းလိူၼ်ပႂ်ႉလိူၼ် မွင်းယဝ်ႉမွင်း ဢမ်ႇပေႉၸႂ်ၸွမ်းမွင်းလႆႈ ၶႃႈၵေႃႈလႆႈလၢတ်ႈမွၵ်ႇ ဢွၵ်ႇၼႄၵႂႃႇဝႃႈ

“မွင်းထႃႈသူယူႇၼႃႈ ၸွင်ႇပႃႈမီးၵေႃႉမႆၢပွင်း မွင်းပႂ်ႉဝၼ်းလိူၼ်တေလႅင်းပိူင်းထွင်ႇထႅင်ႈႁႅင်းၸႂ်ပႅင်း ၼႃႈယုမ်ႉဢွၼ်ႇသူၼၼ်ႉ မႃးတုမ်ႉလေႃႇၸႂ်ႁဝ်းထၢၼ်ႈပေႃးမဝ်း ႁဵတ်းၵၢၼ်ၵေႃႈ ဢမ်ႇပဵၼ်သၢင်ႈသဝ်းလီ ဝၼ်းပီမွင်းၶႂ်ႈမွၵ်ႇလၢတ်ႈၵႂၢမ်းႁၵ်ႉၸူး သူလူးၸွင်ႇတေပၼ်ၶေႃႈတွပ်ႇလႆႈ”

သဵင်သၼ်ႇမႆႈၽုတ်းဢွၵ်ႇမႃး ၼႃႈယုမ်ႉၵီႈဢွၼ်ႇသၢဝ်ၼၢင်းလႅင်လိူတ်ႇမႆႈ ၶႂ်ႈဝႃႈၼၢင်းဢႆၢ ႁိုဝ်ၵႂႃႇၸႂ်ႈ ပူၵ်းတိုၼ်ႇၸႂ်တေႃးသဢွၵ်ႇမႃးသမ်ႉပေႃးၶႂ်ႈလႅၼ်ႈပႆၢႈ ၵူၺ်းၵႃႈ ဢမ်ႇၸၢင်ႈႁဵတ်းႁိုဝ်ၼႃႇ ၵႂၢမ်းတွပ်ႇဢွၵ်ႇမႃးဝႃႈ

“တေႁႃတီႈႁဵတ်းၵၢၼ်မႂ်ႇပၼ်သူၼႃႈ”

ယႃႇဝႃႈတေလီ ယိုင်ႈၶႅၼ်းၶီပူႇမႆႈ ဢမ်ႇလႆႈယူႇသဝ်းသၢင်ႈႁိမ်းၼၢင်း လႆႈၵၢင်းယၢၼ်ႁၢင်ႇၵႂႃႇ တႃႇလႆႈၵႂၢမ်းႁၵ်ႉၶိုၼ်း ၵႃႈလႆႈမွင်းၾၼ် ဢမ်ႇႁၼ်တၢင်းဝႃႈၼၢင်းတေယၵ်ႉဝႆၢႇၸူး ယိုင်ႈၶႅၼ်းလႆႈယူႇႁၢင်ႇ တူဝ်ၸႂ်ဢမ်ႇၸိုၼ်ႈသိူဝ်းပၢင်ႇလႆႈယဝ်ႉဢိူဝ်ႈ။

သင်လိူၵ်ႈလႆႈ တင်းၶႂ်ႈၶိုၼ်းႁူၼ် သင်ၸူၼ်ႁူဝ်ၸႂ်လႆႈၶႂ်ႈပဵၼ်ၸူၼ်ၵွၼ်ႇယဝ်ႈ၊ ၵွပ်ႈသင်လႄႈၼေႃး တၢင်းႁၵ်ႉႁဝ်းၼႆႉ ၸိုင်ပေႉမႃးမွင်ၵဝ်ႇသဝ်ႈ တေလႆႈယူႇႁဵတ်းပဵၼ်မၢဝ်ႇထဝ်ႈၵႂႃႇၵူၺ်းယဝ်ႈႁိုဝ်။

ပႆၢၵမ်-ငဝ်မွင်မိုတ်းမူဝ်း
21/01/2025

ဢသၢၵ်ႈယႂ်ႇယဝ်ႉႁိုဝ်

ဢႃႇယုဢသၢၵ်ႈယဵပ်ႇယၢင်ႈၶဝ်ႈၸူးတူဝ်သွင် ယဵပ်ႇထွင်ၸူးတူဝ်သၢမ်ၼမ်းၼႃႈ တေၸၢင်ႈမီးယူႇဝႃႈ "ႁဵတ်းႁင်လႄႈၸၢတ်ႈပၢၼ်ႁဝ်းၼႆႉ ဢမ်ႇမီးသင်ၶိုပ်ႈၼႃႈၼေႃ" "ဢူၺ်းၵေႃႉဢူၺ်းသႄႈ မီးၼႃႈႁေႃတေႃႁိူၼ်း မီးလုၵ်ႈမီးလၢင်းမူတ်းယဝ်ႉ ႁဝ်းသမ်ႉလူး" "ငိုၼ်းလိူၼ်ဢွၼ်ႇမွၵ်ႈၼႆႉ ၸွင်ႇတေႁွမ်ဝႆႉသိုဝ်ႉလူတ်ႉသိုဝ်ႉၵႃး သိုဝ်ႉႁိူၼ်းသ်ုဝ်ႉယေးမိူၼ်ပိူၼ်ႈယူႇႁ" "တေလႆၢႈၶႆၢႇၵၢၼ်မိူဝ်ႈလဵဝ်ၼႆႉ...

ဢမ်ႇၽွင်းလိူဝ်လႆႈ

သႅင်ၸိုၼ်ႈ ပဵၼ်ၽူႈၸၢႆးၼႃႈတႃႁၢင်ႈၽၢင်ငၢမ်းလဝ်း ၽႂ်ႁၼ်ၵေႃႈၸႂ်ၸပ်းၸွမ်းတၢင်းႁၢင်ႈလဝ်းမၼ်း ပေႃးဝႃႈ ၼုင်ႈသုပ်းသႂ်ႇသိူဝ်ႈၶူဝ်းသိုၵ်းၼႆ ၶႅၼ်းလဝ်းပေႃးဢမ်ႇၸၢင်ႈလၢတ်ႈ၊ ၵႂႃႇတၢင်းလႂ် သၢဝ်ၼႆႉဢမ်ႇတွၼ်ႉထၢမ်ႁႃ မႃးႁႃႁင်းၵူၺ်းလၢႆလၢႆ။ ယၢမ်းၵၢင်ၼႂ်ၸဵမ်ၸဝ်ႉ...

ၵၢၼ်မိူင်းလႄႈၵေႃႉႁၵ်ႉ

ၼွင်ႉဢူၺ် မိူဝ်ႈလဵဝ်ပိူၼ်ႈတိုၼ်ႇသၢၼ်ႈ ၵၢၼ်ဝၢၼ်ႈၵေႃႈၸၢႆႉၵိူင်း ၵၢၼ်မိူင်းၵေႃႈလႅၵ်ႈလၢႆႈ ပီႈဢမ်ႇလႆႈပၢႆႈၼီ ယုမ်ႉႁၢင်ႈလီဢွၼ်ႇၸၢႆး ယွၼ်ႉငဝ်းလၢႆးၵၢၼ်မိူင်း ၶဵၼ်မိူၵ်ႈလိူင်းႁိမ်ၽိုတ်ႉ ပီႈၵေႃႈလႆႈဝိုတ်ႉဝၢင်း ၵၢၼ်တၢင်းႁိူၼ်းလၢႆလွင်ႈ ၸင်ႇၶဝ်ႈယိပ်းၵွင်ႈၼဵၼ် သင်ၽူႈၶဵၼ်ဝွတ်ႈဝၢႆး ၶႅၼ်သွၵ်ႇၸၢႆးၸၢင်ႈၶၢႆႉ ဢမ်ႇဢၢၼ်းၶၢႆႉၽႂ်ၵွင်ႉ လိူဝ်သေသူၼွင်ႉၵေႃႉလဵဝ်ၼႃႈသူ ပၢႆၵမ်-သွၼ်ၶိူဝ်းမိူင်း 21.02.2024