လွင်ႈလီသူၼၼ်ႉတေမီးတီႈပွင်ႇသင် သမ်ႉဝႃႈၶဝ်ႁူႉယူႇသေတႃႉ ဢမ်ႇႁၼ်ၵႃႈၶၼ်မၼ်း၊ ဢၼ်မီးသူယူႇမၼ်းတေပဵၼ်လွင်ႈလီၼႂ်းၸၢတ်ႈပၢၼ်ၶဝ်ယဝ်ႉ ယွၼ်ႉသူၸွမ်းလုမ်းလႃးတူၺ်းထိုင်ၶဝ် သႂ်ႇၸႂ်ၶဝ်လႄႈ ယွမ်းႁဵတ်းပၼ်ၶဝ်ၵူႈလွင်ႈၼင်ႇဢၼ်ၶဝ်ၶႂ်ႈပဵၼ်။
ၸွင်ႇႁူႉႁိုဝ် မိုၼ်ႇလၢၼ်ႉလွင်ႈလီၼၼ်ႉ ဢဝ်ၵႂႃႇလႅၵ်ႈပဵၼ်တၢင်းႁၵ်ႉဢမ်ႇလႆႈ ၸၢမ်းၸႂ်ႉဢွၵ်းဢေႃလိူဝ်သေႁူဝ်ၸႂ်တူၺ်းလႄႈ ၸၢမ်းဝူၼ်ႉတူၺ်းသေ ထၢမ်တူၺ်းတူဝ်ၵဝ်ႇဝႃႈ သူပဵၼ်လႆႈတေႉယူႇႁႃႉ ဢၼ်ပဵၼ်ၵူၼ်းလီၵေႃႉၼိုင်ႈ ၵူၺ်းၵႃႈဢမ်ႇလႆႈပဵၼ်ၵူၼ်းၵေႃႉဢၼ်ၶဝ်ႁၵ်ႉ။
ယႃႇဢဝ်တူဝ်ၸဝ်ႈၵဝ်ႇၵႂႃႇယူႇၼႂ်းၸၢတ်ႈပၢၼ်ၽႂ် သင်ၶဝ်တေႁၵ်ႉ သမ်ႉဝႃႈၸုၵ်းငိူဝ်ႈယူႇလၢႆလၢႆၶဝ်ၵေႃႈတေႁၵ်ႉ၊ မိူၼ်ဢၼ်သူလိူၵ်ႈတေႁၵ်ႉၶဝ် တိူၵ်ႈတီႈၶဝ်ဢမ်ႇလႆႈၶတ်းၸႂ်သင်ၼၼ်ႉယဝ်ႉ။
တၢင်းႁၵ်ႉဢမ်ႇမီးဝၼ်းသုမ်းမၼ်းၵႂႃႇၼၼ်ႉတႄႉပဵၼ် ႁၵ်ႉတူဝ်ၵဝ်ႇယဝ်ႉ သင်ဢမ်ႇသင် ႁၵ်ႉတူဝ်ၵဝ်ႇမိူၼ်ၼင်ႇႁဝ်းႁၵ်ႉၶဝ်၊ သႂ်ႇၸႂ်တူဝ်ၵဝ်ႇမိူၼ်ၼင်ႇသႂ်ႇၸႂ်ႁဵတ်းပၼ်တွၼ်ႈတႃႇၶဝ်ၼၼ်ႉသေ ႁၵ်ႉႁႂ်ႈမႅၼ်ႈတီႈ မႅၼ်ႈယၢမ်း မႅၼ်ႈၵူၼ်း မၼ်းတေဢမ်ႇလႆႈမႃးၼင်ႈတိူဝ်ႉၸႂ်ယူႇ။
ပိၼ်ႇ – ငဝ်မွင်မိုတ်းမူဝ်း
