သမ်ႉဝႃႈလပ်းသိင်ႇဢမ်ႇႁၼ်တၢင်းၼႆသေတႃႉ မိူဝ်ႈထိုင်ၶၢဝ်းႁိူဝ်ႈလႅင်းၶိုၼ်းၼၼ်ႉ တိုၼ်းမီးတၢင်းၵႂႃႇတႃႇသေႇယဝ်ႉ။
ဢၼ်ၼင်ႈၸူမ်ယူႇၸွမ်းလွင်ႈတုၵ်ႉ တေႁဵတ်းႁႂ်ႈယိုင်ႈၶႅၼ်းၸူမ်လူင်းၵႂႃႇထႅင်ႈၵူၺ်း တူၺ်းဢမ်ႇႁၼ်သင်ထႅင်ႈလႄႈ ၵိုတ်းဝႆႉလွင်ႈဢမ်ႇၵတ်းယဵၼ်ၸႂ်ၼၼ်ႉထႅင်ႈၵူၺ်း။
မိူဝ်ႈယူႇတီႈလပ်းသိင်ႇ ယွၼ်ႉတၢင်းဝူၼ်ႉၵႂင်ၸႂ် တေႁဵတ်းႁႂ်ႈဢမ်ႇႁၼ်တၢင်းဢွၵ်ႇသေဢမ်ႇၵႃး ဢမ်ႇၶႂ်ႈၵႂႃႇတၢင်းလႂ်ထႅင်ႈၵွၼ်ႇယဝ်ႉ။
သင်ၸၢမ်းၸတ်းၵၢၼ်ပၢႆးဝူၼ်ႉၶိုၼ်းမႂ်ႇ ၶတ်းၸႂ်လူတ်းယွမ်းလွင်ႈသုၵ်ႉသၵ်ႉ တၢင်းဝူၼ်ႉဢၼ်သုၵ်ႉယုင်ႈၼၼ်ႉၵေႃႈ တေလူတ်းယွမ်းမႃးယဝ်ႉ။
ယၢမ်ႈလပ်းသိင်ႇ ၸၢင်ႈတေမီးသၢႆလႅင်းမႃး၊ တီႈဢမ်ႇမီးလႅင်းၵေႃႈ တေၸၢင်ႈမီးႁႅင်းမႃး၊ မိူဝ်ႈႁဝ်းလိူၵ်ႈတူၺ်းတီႈဢၼ်ပၢင်ႇလႅင်း ၵူႈသဵၼ်ႈတၢင်းတိုၼ်းတေလီလႆႈတႃႇသေႇ။
ယႃႇၵူဝ်ဝႃႈ ၸၢတ်ႈပၢၼ်တေမီးပၼ်ႁႃ ၵူၺ်းၵႃႈ ႁႂ်ႈၵူဝ်ဝႃႈ ၸၢတ်ႈပၢၼ်တေဢမ်ႇမီးပၺ်ႇၺႃႇ၊ ဝူၼ်ႉႁူႉလႄႈႁူႉဝူၼ်ႉ ၸၢတ်ႈပၢၼ်တိုၼ်းမီးတီႈပွင်ႇမႃးယဝ်ႉ။
ဢမ်ႇမီးသင်ဢၼ်ပွင်ႇၸႂ်ယၢပ်ႇ သင်ၶႂ်ႈပွင်ႇၸႂ်၊ ဢမ်ႇမီးသင်ႁဵတ်းဢမ်ႇလႆႈ သင်ၶတ်းၸႂ်ႁဵတ်းတဵမ်တီႈ။
သိုပ်ႇၶတ်းၸႂ်ၵႂႃႇထႅင်ႈလႄႈ သင်ၶႂ်ႈမီးၸၢတ်ႈပၢၼ်ဢၼ်လီ မၢင်လွင်ႈမၼ်းၵိုတ်းထႅင်ႈဢိတ်ႉၼိုင်ႈၵူၺ်းလႄႈ မၼ်းတေၽၢၼ်ႇပူၼ်ႉၵႂႃႇယူႇ။
ပိၼ်ႇ – ငဝ်မွင်မိုတ်းမူဝ်း
