တိုၼ်းမီးလႅင်းယူႇ

ႁူဝ်ၶမ်ႈမိူင်းၸမ်လပ်းသိင်ႇ လႅင်းမိူင်းၵေႃႈၶီႇလူတ်ႉမႃးၵိုတ်းတီႈႁိူၼ်းၶမ်းႁွမ်ၶဝ်သေ ပႆၶဝ်ႈၵႂႃႇၼႂ်းဝၢင်းႁိူၼ်း ဢမ်ႇလႆႈႁၼ်ၽႂ်လႄႈ ၼႂ်းၸႂ်ယဵၼ်ႁၢႆ သၢႆငၢႆဢမ်ႇပေႃးလီၵႃႈႁိုဝ် ၽၵ်းတူၵေႃႈႁပ်းဝႆႉယူႇ ၸင်ႇဢီးတူၺ်းသမ်ႉဢမ်ႇလွၵ်ႉ ၶဝ်ႈမိူဝ်းပိုတ်ႇၾႆးဝႆႉယူႇၼႂ်းႁိူၼ်းၼၼ်ႉယဝ်ႉ။ ၶမ်းႁွမ်ၵေႃႈ...

ယၢမ်းၵၢင်ၶမ်ႈ သဵင်ယဵၼ်ယဵၼ် ယိင်းသႅင်ၵေႃႈဢဝ်တၢင်းၶူဝ်းမၼ်းမႃးႁႅၼ်းယဝ်ႉ။ ၶမ်းႁွမ်လႆႈႁၼ်သေ “သူတေၵႂႃႇလႂ်လႃႇ…” “ဢေႃ…မိူဝ်ႈၸဝ်ႉ…ႁူဝ်ၼႃႈမႃးလၢတ်ႈႁႂ်ႈႁဝ်းၵႂႃႇသိုပ်ႇႁဵၼ်းထႅင်ႈၼႆဝႃႇ…ႁဝ်းၵေႃႈသူၼ်ၸႂ်သေ…လႆႈတူၵ်းလူင်းၸွမ်းလႄႈ…မၼ်းၵေႃႈႁႂ်ႈႁဝ်းမႃးႁႅၼ်းၶူဝ်းပႂ်ႉထႃႈၼၼ်ႉယိုင်…” “ၶဝ်မႃးတီႈၼႆႈသေႁႃႉ…ႁဝ်းဢမ်ႇလႆႈႁၼ်ၶဝ်လႃႇ” ယိင်းသႅင်ယၵ်ႉတူၺ်းၶမ်းႁွမ်သေ “သူသွင်ၵေႃႉမီးလွင်ႈႁင်ၵၼ်လႃႇ” “ၸၢင်ႈၵႂႃႇမီးလွင်ႈသင်...” “ဢေႃႈၶႃႈ…လီယုမ်ႇၼႃႇၶႃႈ” “ႁဝ်းပၼ်ႁႅင်းယူႇၼႃႈ…ၶတ်းၸႂ်လႄႈ…တႃႇတေမီးတိုဝ်ႉတၢင်းၸိူင်ႉၼႆၼႆႉဢမ်ႇငၢႆႈငၢႆႈ…” “မႃးႁႃလၢႆႈၵႂၢမ်းယူႇ…ဢမ်ႇသေလၢႆၵၼ်သေဢိတ်းႁႃႉ…” “ႁဝ်းတေသေလၢႆႁဵတ်းသင်…မၼ်းပဵၼ်တိုဝ်ႉတၢင်းလီတွၼ်ႈတႃႇသူၵမ်းလဵဝ်…ႁဝ်းယိုင်ႈၶႅၼ်းပၼ်ႁႅင်းၼမ်ၼမ်ၵမ်းလဵဝ်ၼၼ်ႉယဝ်ႉ…တႃႇတေမီးတိုဝ်ႉတၢင်းသေလႆႈၵႂႃႇႁဵၼ်းၸိူင်ႉၼႆ…ဢမ်ႇလႃႈလီႈမီးလူး…မိူဝ်ႈမီးတိုဝ်ႉတၢင်းၼၼ်ႉ…ၶတ်းၸႂ်ဝၵ်ႉတၢဝ်းဢဝ်လႄႈ…ယိုင်ႈလႆႈႁဵၼ်းႁူႉၼမ်ၵႃႈႁိုဝ်…ယိုင်ႈတူဝ်ထူပ်းၼမ်ၵႃႈႁိုဝ်…မၼ်းတေမႃးၽိူမ်ႉထႅမ်ပၼ်ၼမ်ႉၵတ်ႉႁဝ်းမွၵ်ႈၼၼ်ႉယဝ်ႉ…ႁဵၼ်းၵႂႃႇယဝ်ႉၵေႃႈ…ယႃလိုမ်းဢဝ်မႃးၸႂ်ႉတိုဝ်းႁႂ်ႈပဵၼ်ၽွၼ်းလီၶိုၼ်းၼင်ႇၵဝ်ႇၼႃႈ…” “ဢေႃႈၶႃႈ…မေႃသွၼ်ႁဝ်း…တႃႉသေဝႃႈၵူၼ်းႁူႉၸႂ်ၵၼ်…ၸိုင်ပေႉမေႃလၢတ်ႈမိူၼ်ၵၼ်ၼေႃ…ႁဝ်းၵႂႃႇယဝ်ႉ…ပေႃးတေတေႇၼႃႈႁိူၼ်းၼႆၵေႃႈ…ယႃႇလိုမ်းတူၵ်ႇလၢတ်ႈမွၵ်ႇၼႄၵၼ်ၽွင်ႈၼႃႈ…” “ယူဝ်ပဵၼ်သူၵူၺ်းယင်းဢမ်ႇႁူႉ…ၸူဝ်ႈၶၢဝ်းၶိဝ်းၼႆႉ…မိူၼ်ၵႆႉႁၼ်မေႃယႃၸၢႆးၶိူဝ်းၵႆႉမႃးႁဵတ်းၵၢၼ်ဝႆႉၼေႈ…” “ယႃႇလႃႈလီႈလၢတ်ႈၼႃႇလႄႈ…ႁဝ်းၵေႃႈပေႃးတေၵႂႃႇယဝ်ႉ…ယူဝ်ၶဝ်တေဢဝ်မေးပႅတ်ႈႁဝ်းယင်းဢမ်ႇႁူႉ…” “လၢတ်ႈမႃးၸိူင်ႉၼႆ…ၶႂ်ႈဝႃႈမီးၸႂ်ယူႇၽွင်ႈၸွင်ႇၸႂ်ႈႁိုဝ်…” “ယူႇတီႈသူဝူၼ်ႉ…ႁဝ်းဢမ်ႇလၢတ်ႈတေႃႇသူယဝ်ႉ…” ယၢမ်းၵၢင်ၼႂ်တႃဝၼ်းၵေႃႈဢွၵ်ႇ မွၵ်ႇၵုမ်ႈၵေႃႈပၢင်ႇ သဵင်ၼူၵ်ႉသဵင်ၼူဢူၼ်ၼၼ်ႈမေႃးပၼ်း  သဵင်ၵႃးလင်မေႃးမႃးၵိုတ်းယူႇတီႈၼႃႈႁိူၼ်း။ ၸၢႆးၶိူဝ်းတင်းလႅင်းမိူင်းၵေႃႈ...

ပဵၼ်ၵူၼ်းႁၢင်ႈလီၵေႃႈ ဢမ်ႇၸႂ်ႈလႄႈဝႃႈတေႁၢင်ႈလီတႃႇသေႇ။ ပဵၼ်ၵူၼ်းမီးၸိုဝ်ႈသဵင် ဢမ်ႇၸႂ်ႈလႄႈဝႃႈတေလိုဝ်းလင်ၵူႈမိူဝ်ႈ။ ပဵၼ်ၵူၼ်းၵတ်ႉၶႅၼ်ႇဢိူဝ်ႈ ပေႃးဢမ်ႇၽွၼ်ႉတႃႇသေႇၵေႃႈ မေႃၸၢင်ႈလိုမ်း။ တေၼင်ႇၵေႃႉႁၵ်ႉၵၼ်ယင်းၸၢင်ႈပဵၼ်ၵေႃႉၸင်း ၵေႃႉတွင်းၵိုမ်းယင်းၸၢင်ႈမေႃလိုမ်း ၵေႃႉလဵၵ်ႉၵေႃႈမေႃယႂ်ႇ ၵေႃႉယႂ်ႇၵေႃႈမေႃထဝ်ႈ။ ၵူႈလွင်ႈမေႃလႅၵ်ႈလႆၢႈ ၵူႈလႆၢးမေႃပိူင်ႈငႆၢႈ ဢမ်ႇၸွမ်းပိူင်တႆၢ ဢမ်ႇဝၢင်းၵႆပူၼ်ႉ...