ၸၢႆးသၢႆၶိူဝ်းၵေႃႈ လူင်းၵႃးမႃး သေယၵ်ႉတူၺ်းတူင်ႈၼႃးလႄႈ တၢင်းႁၢင်ႈလီဝဵင်းမိူင်းပၼ်ႇၼႆႉယူႇ။
ယၢမ်းၼၼ်ႉၸၢမ်ၶမ်းၸင်ႇဝႃႈ
“မႃးလႄႈပီႈသၢႆၶိူဝ်း ႁဝ်းထွတ်ႇၶႅပ်းႁၢင်ႈၸွမ်းၵၼ် ဢေႃႈ..ၼႆႉမႃးၸၢမ် ၶမ်းတေသိုပ်ႇမိုတ်ႈပၼ် တႆးၵေႃႉၸၢမ်ၶမ်းၶႃႉၼႃႉ ၵေႃႉၼႆႉၸိုဝ်ႈႁွင်ႉ ဝႃႈ ၸၢမ်ပဝ်းၼႆဢေႃႈ၊ ၵေႃႉၼႆႉၸိုဝ်ႈႁွင်ႉဝႃႈ ၶမ်းႁွမ်၊ ၵေႃႉၼႆႉသမ်ႉ ႁွင်ႉဝႃႈ ၶမ်းသႃႇၼႆဢေႃႈ”
“ယိၼ်းၸူမ်းတေႉယဝ်ႉၵူႈၵေႃႉ တီႈလႆႈမႃးႁူႉၸၵ်းၵၼ်”
“မႃးႁဝ်းထွတ်ႇႁၢင်ႈၸွမ်းၵၼ်သဵင်ႈသဵင်ႈၼေႃႈ မေႃးၶႃႈလႄႈပီႈသၢႆၶိူဝ်း”
“ထွတ်ႇလႃႈ ပီႈပႆႇၶႂ်ႈထွတ်ႇ”
ၼၢင်းၸၢမ်ၶမ်းၵေႃႈ တင်းၼႃႈတႃဢမ်ႇလီ ၼႃႈဢမ်ႇႁၢၼ်ႉၸႂ်သေ ထၢမ်ဝႃႈ
“ၵွပ်ႈသင်လႄႈပီႈသၢႆၶိူဝ်းဢမ်ႇၶႂ်ႈထွတ်ႇၶႅပ်းႁၢင်ႈၸွမ်း ၸၢမ်ၶမ်းၶဝ်ၶႃႈ လႃႇ ပီႈသၢႆၶိူဝ်းမီးမေးယဝ်ႉလႄႈ ၵူဝ်မေးပီႈသၢႆၶိူဝ်းႁၼ်ၼႆၶႃႈႁႃႉ ဢမ်ႇ ၼၼ်ၵေႃႈ ပီႈသၢႆၶိူဝ်းဝူၼ်ႉဝႃႈ ၼၢင်းယိင်းမိူင်းပၼ်ႇၼႆႉၵေႃႈ ပူၼ်ႉတီႈ ၼႃႇၸင်ႇႁႃမႃးႁူႉၸၵ်းၵၼ်ၸွမ်းတၢင်းၼႆႉၵူၺ်း ပေႃးမႃးယွၼ်းထွတ်ႇ ၶႅပ်းႁၢင်ႈၸွမ်းၵဝ်ယဝ်ႉ ၼႆၶႃႈႁႃႉတေႃႈ”
ၸၢႆးသၢႆၶိူဝ်းၵေႃႈပေႃးဢမ်ႇသပ်းလႅင်းၼႄၵေႃႈ ၶဝ်ဢမ်ႇၸၢင်ႈ ပွင်ႇၸႂ် ပေႃးတေလၢတ်ႈၵေႃႈ သမ်ႉလူဝ်ႇလႆႈၶႆႈၼႄငဝ်ႈတေႃႇပၢႆ။ ပေႃး ဝႃႈဢမ်ႇလၢတ်ႈသင်ၼႆၵေႃႈ ၶဝ်သမ်ႉဝူၼ်ႉပွင်ႇၵႂႃႇထႅင်ႈလၢႆးၼိုင်ႈ ၵမ်ႉ မႃးတေၸၢင်ႈပဵၼ်လွင်ႈယႂ်ႇယဝ်ႉၼႆလႄႈ ၸင်ႇဝႃႈ မႃးပီႈသပ်းလႅင်း ၼႄသူၵူႈၵေႃႉ မႃးႁဝ်းၵႂႃႇၼင်ႈတီႈၼၼ်ႈၼႆ ၶဝ်ၵေႃႈမႃးၼင်ႈယဝ်ႉ သေ
“ၼေႈၼႃ ၵွပ်ႈသင်လႄႈ ပီႈပႆႇၶႂ်ႈထွတ်ႇၶႅပ်းႁၢင်ႈၼႆၼၼ်ႉ လၢတ်ႈ တႄႉဝႃႈတေမႃးလႄႇမႄႈပႃးၼႆယူႇ ၵူၺ်းၵႃႈႁိူၼ်းမႄႈပႃႈၼၼ်ႉ ပီႈ ဢမ်ႇလႆႈမႃးႁၼ်မီးသၢဝ်းပီယဝ်ႉ တေႇဢဝ်ၼႆႉၵႂႃႇၸၢတ်ႈပၢၼ်ပီႈ တေ ပဵၼ်ႁိုဝ်ၼႆၵေႃႈ ပႆႇၸၢင်ႈႁူႉလႆႈ”
ၶဝ်တင်းသီႇၵေႃႉၵေႃႈ ပႆႇတၵ်းသဵင် မၼ်းၸၢႆးၸင်ႇသိုပ်ႇလၢတ်ႈထႅင်ႈ တၢင်းၼႃႈငဝ်ငဝ်ဢွၼ်ႇသေ
“ဢၼ်ပီႈမႃးၼႆႉၵေႃႈ ၵွပ်ႈဢမ်ႇၶႂ်ႈယူႇၼႂ်းဝၢၼ်ႈဢိူဝ်ႈ”
“ပီႈသၢႆၶိူဝ်းသမ်ႉမီးလွင်ႈတၢင်းၸိူင်ႉႁိုဝ်ၶႃႈလႃႇ” ၸၢမ်ၶမ်းထၢမ်
“ပီႈၵႂႃႇမိူင်းထႆး ၸဵမ်မိူဝ်ႈဢႃႇယုပီႈလႆႈသိပ်းသွင်ၼၼ်ႉသေယဝ်ႉ မိူဝ်ႈ ပီႈပွၵ်ႈမႃးပေႃႈမႄႈၵေႃႈဢမ်ႇမီးယဝ်ႉ။ ႁိူၼ်းယေးၵေႃႈဢမ်ႇမီး ပီႈၼွင်ႉ ၵၼ်ၵေႃႈ ၽၢတ်ႇၽေၵၼ်ၵႂႃႇၵေႃႉတီႈၵေႃႉတၢင်းယဝ်ႉလႄႈ တေသိုပ်ႇ ယူႇၵႂႃႇၼႂ်းဝၢၼ်ႈၼၼ်ႉၵေႃႈ ပီႈဢမ်ႇၶႂ်ႈယူႇ တၢင်းၼႃႈၵေႃႈယင်းပႆႇႁူႉ လႆႈဝႃႈ တေပဵၼ်ႁိုဝ် ၸိူင်ႉၼႆတေႁဵတ်းႁိုဝ်ႁႂ်ႈပီႈၵျေႃႇၸွမ်းသူၼွင်ႉလႆႈ ”
“ဢၼ်ပဵၼ်ပီႈၼွင်ႉပီႈသၢႆၶိူဝ်းၶဝ်ၼႆႉ ဢမ်ႇမီးၽႂ်ယဝ်ႉၶႃႈႁႃႉ” ၸၢမ် ၶမ်းထၢမ်
“ၵိုတ်းၼႃႉသၢင်ႇၵေႃႉလဵဝ်ၵူၺ်းယဝ်ႉဝႃႈ”
“ဢၼ်ပဵၼ်ၼႃႉသၢင်ႇၼၼ်ႉ ဢမ်ႇၸွႆႈဢမ်ႇတူၺ်းထိုင် ပီႈသၢႆၶိူဝ်းၶႃႈ ႁႃႉ” ၸၢမ်ၶမ်းထၢမ်ထႅင်ႈ။
“ၸွႆႈယူႇ ၸူဝ်ႈပီႈပွၵ်ႈမႃးၼႆႉ ပီႈၵေႃႈမႃးယူႇၸွမ်းၼႃႉသၢင်ႇၼၼ်ႉယဝ်ႉ ဝႃႈ” ၼႆသေယၵ်ႉတူၺ်းၵႂႃႇတီႈဢၼ်ၵႆၵႆသေယဝ်ႉ ပႆႇတၵ်းသဵင်
“တီႈႁိူၼ်းပႃႈသူၺ်ႇၼူႉၼႆႉ ပီႈသၢင်ႇပႆႇယၢမ်ႈမႃးၶႃႉႁႃႉ” ၸၢမ်ပဝ်း ထၢမ်
“မႃးၸဵမ်မိူဝ်ႈပီႈတိုၵ်ႉၵေႃႉလဵၵ်ႉပုၼ်ႉၵူၺ်း ဢမ်ႇလႆႈႁၼ်ၵၼ်ပေႃးမီး သၢဝ်းပီပၢႆယဝ်ႉ ဢမ်ႇတွင်းၵၼ်ယဝ်ႉႁိုဝ်ၵေႃႈဢမ်ႇႁူႉယဝ်ႈ”
“ပေႃးပႃႈသူၺ်ႇၼူႉလႆႈႁၼ်ပီႈသၢႆၶိူဝ်းၼႆ မၼ်းတေၸူမ်းပၼ်ပဵၼ်ႁိုဝ် ၼေႃ” ၶမ်းသႃႇလၢတ်ႈ
“ၶႂၢင်းပၼ်ၸၢမ်ၶမ်းၶဝ်ဢိတ်ႉၼိုင်ႈၶႃႈၼႃႉ မိူဝ်ႈၵႆႈၸၢမ်ၶမ်းလႆႈဝႃႈ ၸိူင်ႉၼၼ်ႁင်းပီႈသၢႆၶိူဝ်းၵႂႃႇ”
“လႆႈယူႇ ဢမ်ႇပဵၼ်သင် ပီႈပွင်ႇၸႂ်ယူႇ ၵွပ်ႈဝႃႈ ၸၢမ်ၶမ်းဢမ်ႇႁူႉလႄႈ ဝႃႈၸိူင်ႉၼၼ်ၼႆ ယဝ်ႉၵေႃႈ ၵွပ်ႈၶႂ်ႈမီးတီႈမၢႆတွင်းသေၶႂ်ႈမိုတ်ႈၵၼ်ၵႂႃႇ ၶၢဝ်းႁိုင်ၼႆ ၸၢမ်ၶမ်းၵေႃႈၶႂၢင်းပၼ်ပီႈဢိတ်ႉၼိုင်ႈၼႃႉ ပီႈလႆႈႁဵတ်းႁႂ်ႈ ၸၢမ်ၶမ်းပဵၼ်ၸႂ်ဢမ်ႇလီၵႂႃႇၸိူင်ႉၼၼ်”
“လႆႈယူႇ ၶႃႈဢမ်ႇပဵၼ်သင် မိူဝ်ႈၵႆႈတႄႉ ၵွပ်ႈဢမ်ႇႁူႉလႄႈ ၸၢမ်ၶမ်းၸႂ် လဵၵ်ႉၵႂႃႇတႄႉတႄႉဢေႃႈ ၵမ်းၼႆႉတႄႉၸၢမ်ၶမ်းပွင်ႇၸႂ်ယဝ်ႉၶႃႈ”
“လီႁၵ်ႉတႄႉယဝ်ႉဝႃႈၵူႈၵေႃႉ မႃးႁဝ်းမိူဝ်းၼေႃႈ ပေႃးမီးၶၢဝ်းယၢမ်းလီꧦ တၢင်ႇပွၵ်ႈမႃး ၸင်ႇမႃးလႄႇ ၸွမ်းၵၼ်ထႅင်ႈ”
“ဢေႃႈၶႃႈ” ၼႆၵႃးၶဝ်လႅၼ်ႈၶဝ်ႈဝဵင်းမႃးယဝ်ႉ။
ယၢမ်း 1:00 မူင်းပၢႆပၢႆဢွၼ်ႇၼၼ်ႉ တီႈႁိူၼ်းပႃႈသူၺ်ႇၼူႉပွၵ်ႉတူၵ်း ဝဵင်းမိူင်းပၼ်ႇၼႆႉသမ်ႉ
“ပႃႈၶႃႈ ပႃႈၶႃႈ ”ၼၢင်းၸၢမ်ၶမ်းၵေႃႉႁွင်ႉ
“မီးဢိူဝ်ႈလုၵ်ႈ ၶဝ်ႈမႃးလႄႈ”
ၶဝ်ဢွၼ်ၵၼ်ၶဝ်ႈမႃးသေ ၼၢင်းၸၢမ်ၶမ်းၸီႉမႃးတီႈ ၸၢႆးသၢႆၶိူဝ်းသေ
“ၼႆႉပဵၼ်ၽႂ်ၶၢႈၼႆႉ ၸွင်ႇပႃႈႁူႉၸၵ်းၶႃႈႁႃႉ” ဝႆႉၼႃႈယုမ်ႉယုမ်ႉယူႇ။
“ဢမ်ႇႁူႉၸၵ်းပဵၼ်ၽႂ်လႃႇ မႃၼႂ်းႁိူၼ်းၼႆႉလႄႈ ”
ၸၢႆးသၢႆၶိူဝ်းၶဝ်ႈမႃသေ “မႂ်ႇသုင်ၶႃႈပႃႈ ၶႃႈပဵၼ်သၢႆၶိူဝ်း လၢၼ်ၸၢႆးပႃႈ ႁဝ်းဢေႃႈ”
“ပဵၼ်လုၵ်ႈဢီႇၼၢင်းႁဝ်းၼႆႉႁႃႉ”
“ၸႂ်ႈၶႃႈဢေႃႈ”
“ဢေႃႈ မႃးလႄႈလုၵ်ႈဢိူဝ် လုၵ်ႈၵဝ်ၼႆႉၵၢမ်ႇႁၢႆႉတေႉယဝ်ႉမႂ်း ပေႃႈတၢႆ မႄႈတၢႆၵေႃႈဢမ်ႇႁၼ်ၼႆႉမႂ်းၵေႃႈ” ႁိုဝ်း.. ႁိုဝ်.. “ပေႃႈလုင်းသူၵေႃႈတၢႆ ပႅတ်ႈယဝ်ႉဢိူဝ်ႈ လုၵ်ႈဢူၺ်” ပႃႈသူၺ်ႇၼူႉမႃးၵွတ်ႇဝႆႉလၢၼ်ၸၢႆးမၼ်း သေ ႁႆႈတေႉႁႆႈဝႃႈယူႇ။ ၸၢႆးသၢႆၶိူဝ်းၵေႃႈ ဢဝ်ၼမ်ႉတႃလုၵ်ႈၽၢၼ်ပေႃႈ ၽၢၼ်မႄႈဢွၼ်ႇမၼ်းၵိင်ႈလူင်းဝႆႉယူႇ။
“ၵဝ်ၶႂ်ႈႁႂ်ႈပေႃႈလုင်းသူ မႃးႁၼ်မႂ်းၼႃႇလုၵ်ႈဢိူဝ် ၵမ်းၼႆႉတႄႉ လုၵ်ႈ ယႃႇၵႂႃႇတၢင်းလႂ်ပႅတ်ႈမႄႈထႅင်ႈယဝ်ႉလႃႈၼႃႉ လုၵ်ႈၼႃႉ”
ၸုမ်းၼၢင်းၸၢမ်ၶမ်းၶဝ်ၵေႃႈ ဢမ်ႇၸၢင်ႈလၢတ်ႈၵႂၢမ်းသင် ဢွၼ်ၵၼ် ၸုၵ်းသေထွမ်ႇယူႇၸိူင်ႉၼၼ်ႉၵူၺ်းယဝ်ႉ။ ပႃႈသူၺ်ႇၼူႉဝၢႆႇမႃးၸူးၶဝ်သေ
“သူႁဵတ်းႁိုဝ်ၵႂႃႇႁူပ်ႉၺႃးပီႈသၢင်ႇသူတီႈလႂ်လႃႈ လုၵ်ႈၸၢမ်ၶမ်း”
“ဢၼ်ၵႃးလုၵ်ႈၶဝ်ၵွႆဝႆႉယူႇၼႂ်းလွႆလႄႈ ပီႈသၢႆၶိူဝ်းမႃးၸွမ်းၵႃးပီႈၸၢႆးပီး လႄႈ မႃးၶိုတ်းလုၵ်ႈလႄႈ လုၵ်ႈယွၼ်းႁႂ်ႈပီႈသၢႆၶိူဝ်းၸွႆႈႁေႃႈၵႃးမႃးပၼ် ၶႃႈဢေႃႈပႃႈ”
“ၵတ်းၵႃႈပီႈသၢႆၶိူဝ်းယင်းၸႂ်လီၶႃႈလႃႈ”
ၶဝ်ဢုပ်ႇၵၼ်တၢၼ်ႇတၢၼ်ႇ “ပေႃးၼၼ်ႁဝ်းၶႃႈယွၼ်းပွၵ်ႈမိူဝ်းၵွၼ်ႇၶႃႈ ပီႈသၢႆၶိူဝ်း”
“ဢိူဝ်ႈဢိူဝ်ႈ လီယဝ်ႉ ၸၢမ်ၶမ်းၸူမ်းယဝ်ႉၼႃ”
“ဢေႃႈၶႃႈ ပႃႈၶႃႈလုၵ်ႈၶဝ်တေယွၼ်းပွၵ်ႈမိူဝ်းၵွၼ်ႇၶႃႈၼႃႉ”
“ဢိူဝ်ႈဢိူဝ်ႈ လီယဝ်ႉလုၵ်ႈဢူၺ်ႉ ၸူမ်းယဝ်ႉ ၵႆႉၵႆႉမႃးလႄႇပီႈသၢင်ႇသူ ဢိူဝ်ႈ လုၵ်ႈၵူႈၵေႃႉဢိူဝ်ႈၼႃႈ”
“ဢေႃႈၶႃႈ ဢေႃႈၶႃႈ” ၼႆသေ ၸၢႆးသၢႆၶိူဝ်းၵုမ်ႇၸူမ်းမႄႈပႃးၶဝ်ယူႇ လႄႈ ထူင်ၶူဝ်းမၼ်းတိင်ႇမၼ်း တိုၵ်ႉမီးယူႇၼိူဝ်ၵႃးၸၢမ်ၶမ်းၶဝ်ၼၼ်ႉ ၵေႃႈဢမ်ႇတၼ်းဢဝ်ယဝ်ႉ။
ၼၢင်းၸၢမ်ၶမ်းမိူဝ်းသူင်ႇတႆးၵေႃႉမၼ်းယဝ်ႉ မႃးၵိုတ်းၵႃးၼႂ်းႁိူၼ်းၶဝ် ၼၼ်ႉသေ
“ဢေႃ ပီႈသၢႆၶိူဝ်းလိုမ်းတိင်ႇမၼ်းယဝ်ႉလူးၼႆႉ ႁိူဝ်ႇ! ၼႆႉသမ်ႉထူင်ၶူဝ်း ၽႂ်လႃႇၼႆႉ”
မၼ်းၼႃးမႃးလေႃသိပ်ႉထူင်တူၺ်း သမ်ႉလႆႈႁၼ်ထူင်ၸွၵ်းလႅင်လႅင် ဢွၼ်ႇထႅင်ႈ လုၵ်ႈၼိုင်ႈၼႂ်းထူင်ၶူဝ်းၼၼ်ႉလႄႈ ၵီႈတူၺ်းထႅင်ႈသေ “ဢႃႇ ၼႆႉတႄႉဢမ်ႇၸႂ်ႈလၢႆးမၼ်းယဝ်ႉႁေႉ တႃႉၵဝ်ယႃႇပိုတ်ႇလႃႈ ” ၼႅတ်ႈသိမ်းဝႆႉၶိုၼ်းမိူၼ်ၵဝ်ႇယဝ်ႉၵေႃႈ လႅၼ်ႈမႃးႁွင်ႉလၢတ်ႈယူႇ။
“ပီႈသၢႆၶိူဝ်းၶႃႈ!! ”
“ငိၼ်းယဝ်ႉ ၸၢမ်ၶမ်းဝႃႈႁိုဝ်ၼွင်ႉ ဢေႃ..ထူင်ၶူဝ်းပီႈတိုၵ်ႉမီးဝႆႉၼိူဝ်ၵႃး ဢိူဝ်ႈၼေႃႈ မႃးယဝ်ႉၶႃႈ မႃးယဝ်ႉ”
မၼ်းၸၢႆးလႅၼ်ႈဢွၵ်ႇႁိူၼ်းမႃးသေ “ဢေႃၼႆႉႁႃႉႁိူၼ်းၸၢမ်ၶမ်းၶဝ် ႁၢင်ႈလီတေႉယဝ်ႉၼေႃ ၸၢမ်ၶမ်းၶဝ်မီးၵူၼ်းႁိူၼ်းလၢႆၵေႃႉလႃႇ”
“မီးႁဝ်းၶႃႈသၢမ်ၵေႃႉၵူၺ်းၶႃႈ ၶဝ်ႈမိူဝ်းၼင်ႈတၢင်းၼႂ်းၵွၼ်ႇၶႃႈလႄႈ ပီႈသၢႆၶိူဝ်း”
“လႆႈယဝ်ႉ ၸၢမ်ၶမ်း ဢွႆႈပီႈတိုၵ်ႉမီးဝႆႉတီႈၵႃးပီႈၸၢႆးပီးဢိူဝ်ႈ”
“ဢေႃႈၸႂ်ႈတႄႉဢေႃႈၼေႃႈ ၸၢမ်ၶမ်းပေႃးလိုမ်းတႄႉဢေႃႈၼၼ်ႉ မိူဝ်းဢဝ်မိူဝ်ႈလဵဝ်ၵေႃႈလႆႈယူႇၶႃႈၼႃႇ”
ၸၢမ်ၶမ်းယိုၼ်ႈပၼ်သေႃးၵႃး ၸၢႆးသၢႆၶိူဝ်းယူႇ “မိူဝ်းပေႃးၼၼ်ႉၵေႃႈ”
ၵႃးၶဝ်ၵေႃႈလႅၼ်ႈဢွၵ်ႇဝႅင်းၵႂႃႇယဝ်ႉ။
“လေႉၽၢႆႇၶႂႃ ၵိဝ်ႇတၢင်းၼႃႈၼၼ်ႉၶႃႈၼေႈၼၼ်ႉ ႁိူၼ်းလင်ယႂ်ႇယႂ်ႇ ၼႆႉယဝ်ႉဝႃႈ ႁေႃႈၶဝ်ႈၵႂႃႇၼႂ်းဝႅင်းၼၼ်ႉသေ ၵႂႃႇၵိုတ်းၸမ်ၸမ်လေႃႇ ပီႈသၢႆၶိူဝ်းၼႆႉၵေႃႈ”
“ၵမ်ႉမႃး ပီႈၸၢႆးပီးၵိူဝ်ႉလဵၼ်ႈထႅင်ႈႁေယဝ်ႉဢိူဝ်ႈ ၸၢမ်ၶမ်းဢမ်ႇလႆႈ ငိၼ်းၼႄႇ မိူဝ်ႈၵႆႈမၼ်းဝႃႈ ၶႂ်ႈၸႂ်ႈဝႆႉလႃႇၼႆၼၼ်ႉ”
“ၶႂ်ႈၵိူဝ်ႉၵေႃႈယဝ်ႉမၼ်းလႃႈ ၵမ်ႉမႃးၸၢမ်ၶမ်းတေၵေႃႉတွပ်ႇၶိုၼ်းလႆ”
ၸၢႆးသၢႆၶိူဝ်းၵိုတ်းၵႃးယဝ်ႉ ၸၢမ်ၶမ်းလူင်းၵႃးသေ “ပီႈၸၢႆးပီးၶႃႈ”
“ၸၢႆးပီးမႃးငွၵ်ႈတူၺ်းသေ”
“ဢေႃႈၸၢမ်ၶမ်းႁႃႉ မႃးလႄႈ ၸၢမ်းၶမ်းၶဝ်ႈမႃးတၢင်းၼႂ်းၵွၼ်ႇလႄႈ”
“လႆႈယဝ်ႉၶႃႈပီႈၸၢႆးပီး ႁဝ်းၶႃႈမႃးဢဝ်ၶူဝ်းပီႈသၢႆၶိူဝ်းၵူၺ်းၶႃႈ”
“ဢိူဝ်ႈ..ဢဝ်လႄႈမီးၼိူဝ်ၵႃးၼၼ်ႉတေႉ ပိုတ်ႇဢဝ်လႄႈ ဢေႃဢိူဝ်ႈ ၸိုဝ်ႈပီႈသၢင်ႇႁွင်ႉဝႃႈ ပီႈသၢႆၶိူဝ်းၼႆၶႃႈႁႃႉ”
“ၸႂ်ႈၶႃႈဢေႃႈပီႈၸၢႆးပီး” ၼၢင်းၸၢမ်ၶမ်းၵေႃႉတွပ်ႇ။
ပီႈသၢႆၶိူဝ်းသမ်ႉတေဢၢၼ်းၵႂႃႇတၢင်းလႂ်ထႅင်ႈၶႃႈလႃႇ”
“ဢမ်ႇၵႂႃႇလႂ်ၶႃႈ တင်ႈၸႂ်မႃးလႄႇပႃႈႁဝ်းတီႈမိူင်းပၼ်ႇၼႆႉၵူၺ်းၶႃႈ”
“ပီႈသၢႆၶိူဝ်းပဵၼ်လၢၼ်ပႃႈသူၺ်ႇၼူႉဢေႃႈၼၼ်ႉ ပီႈၸၢႆးပီး”
“ဢေႃႈ..လီယဝ်ႉလူးၼၼ်ႉ တင်းၸၢမ်ၶမ်းလူဝ်ႇၵူၼ်းႁေႃႈၵႃးၼၼ်ႉ မႅၼ်ႈၵၼ်ယူႇလူး ယူႇၸမ်ၵၼ်ၸိူင်ႉၼၼ်”
“လႆႈၼႃႇၶႃႈ တေႃႈႁႂ်ႈၸၢမ်ၶမ်းႁွင်ႉလႃႈ”
“ၼေႈၸၢမ်ၶမ်းထွမ်ႇဝႆႉလႄႈ လႆႈငိၼ်းယဝ်ႉဢမ်ႇၸႂ်ႈႁႃႉ” ဝႆႉၼႃႈ ယုမ်ႉယုမ်ႉဢွၼ်ႇသေ ၼၢင်းၸၢမ်ၶမ်းၵေႃႈယုမ်ႉပႃးၼႃႈလီဢၢႆဢွၼ်ႇ သေ ဢမ်ႇၸၢင်ႈတွပ်ႇၶိုၼ်းယဝ်ႉ။ ၸၢႆးသၢႆၶိူဝ်းၸင်ႇဝႃႈ
“ယိၼ်းၸူမ်းယဝ်ႉၶႃႈပီႈၸၢႆးပီး ႁဝ်းၶႃႈယွၼ်းပွၵ်ႈမိူဝ်းၵွၼ်ႇၶႃႈၼႃႉ တၢင်ႇပွၵ်ႈၸင်ႇၶိုၼ်းမႃလႄႇၵၼ်ၵႂႃႈ”
“ဢေႃႈၶႃႈ လွႆးလွႆးၶႃႈပေႃးၼၼ်”
မႃးၽႅဝ်ႁိူၼ်းယဝ်ႉၵေႃႈ မၼ်းၸၢႆးတေႃႉၶူဝ်းလူင်းဝႆႉသေ သိုပ်ႇႁေႃႈၵႃး ၶဝ်ႈမႃးဝႆႉၶိုၼ်းၼႂ်းႁိူၼ်းၸၢမ်ၶမ်းၶဝ်ၼႆႉယဝ်ႉ ၽွင်းတိုၵ်ႉဢၢင်ႈလူင်းၵႃးယူႇၼၼ်ႉ
“မိူဝ်ႈၵႆႈပီႈသၢႆၶိူဝ်းဝႃႈ တေႃႈႁႂ်ႈၸၢမ်ၶမ်းႁွင်ႉလႃႈၼႆၼၼ်ႉ ဝႃႈတေႉၶႃႈ ႁႃႉ”
“ပီႈဝႃႈတေႉဢိူဝ်ႈၸၢမ်ၶမ်း ဢမ်ႇၵွမ်ႉဝႃႈၵၢၼ်ႁေႃႈၵႃးၵူၺ်းၼႃ ပေႃး လူဝ်ႇႁႂ်ႈပီႈၸွႆႈၼႆတႄႉ ၵၢၼ်သင်ၵေႃႈႁွင်ႉပီႈလႃႈ ဢမ်ႇလူဝ်ႇၵဵင်ၸႂ်ၼႃႇ ”
“ပေႃးၸိူင်ႉၼၼ်ပီႈသၢႆၶိူဝ်းၵေႃႈ တေဢမ်ႇလႆႈၵဵင်ၸႂ်ၸၢမ်ၶမ်းၶဝ်ၶႃႈ ၼႃ”
“ဢေႃႈၶႃႈ ဢေႃႈၶႃႈ လႆႈၶႃႈဢေႃႈ ပေႃးၼၼ်ၸၢမ်ၶမ်းပႆမိူဝ်းသူင်ႇပီႈ ၶိုၼ်းတီႈႁိူၼ်းလေႃႇၼႆ” ဝႆႉၼႃႈယုမ်ႉယုမ်ႉယူႇ။
“လႆႈၶႃႈဢေႃႈ ပေႃးၼွင်ႉၶိုၼ်းပွၵ်ႈမႃး ပီႈသၢႆၶိူဝ်း တေလႆႈၶိုၼ်းမႃးသူင်ႇ ၼွင်ႉၼၼ်ႉၶႃႈၼႃႇ” ယုမ်ႉၵႅမ်ႈလွၵ်းလွၵ်းသေ။
“ပေႃးလႃႈပေႃးလႃႈ ၵမ်ႉမႃးပိူၼ်ႈၵိုတ်းထၢင်ႇဝႃႈ မီးၵူၼ်းလၢင်းၶိူဝ်း ၵူၺ်းၼႃးမီးလိူတ်ႈယွင်ႇၼႆႉ ၵူၼ်းမိူင်းပၼ်ႇႁဝ်းၵေႃႈ ယွင်ႇၼင်ႇၵဝ်ႇ လူးၼႆဢိူဝ်ႈ။ ဝႃႈတေႉၵေႃႈ ပီႈမိူဝ်းၵွၼ်ႇၼႃႉ တၢင်ႇပွၵ်ႈမႃးၸင်ႇမႃး လႄႇၶိုၼ်းၵႂႃႈ ၶူဝ်းပီႈၵေႃႈပႆႇလႆႈသိမ်း တိုၵ်ႉၵွင်ယူႇၵၢင်ႁိူၼ်းၼၼ်ႉ”
“မႃးၼွင်ႉမိူဝ်းသိမ်းၸွႆႈၼေႃႈ”
“လႆႈယဝ်ႉဝႃႈၵဵင်ၸႂ်ၼႃႇ”
“ၼၼ်ႉၼႃႇ ၼႆဝႃႈဢမ်ႇလူဝ်ႇၵဵင်ၸႂ်ၵၼ်ၼႆၶႃႈလႃႇ ၸင်ႇႁႃလၢတ်ႈ မိူဝ်ႈၵႆႈၵူၺ်း ပီႈသၢႆၶိူဝ်းပေႃးလိုမ်းယဝ်ႉၶႃႈလႃႇ”
“ဢိူဝ်ႈဢိူဝ်ႈ မႃးလႄႈပေႃးၼၼ်ၵေႃႈ”
“ပီႈသၢႆၶိူဝ်းမိူဝ်းထႃႈဢွၼ်တၢင်းၶႃႈလႄႈ ၵမ်ႉၼွင်ႉၸင်ႇၵွႆႈမိူဝ်း”
“ၼၼ်ႉၼႃႇလၢတ်ႈယဝ်ႉၵေႃႈ ဢမ်ႇပဵၼ်လႆႈၸွမ်းၼင်ႇၵဝ်ႇ”
“ဢေႃႈၶႃႈဢေႃႈၶႃႈ ပႂ်ႉထႃႈၼွင်ႉၵမ်ႉဢွၼ်ႇၼိုင်ႈၶႃႈၼႃႉ ပေႃးၼၼ် ၵေႃႈ”
ၸၢႆးသၢႆၶိူဝ်းၵေႃႈ ၸုၵ်းပႂ်ႉဝႆႉတေႃႇမၼ်းၼၢင်းပွၵ်ႈမႃးသေ
“မိူဝ်းၵမ်းၼႆႉတႄႉ” ပႃးၵၼ်မႃးယဝ်ႉၸၢႆးသၢႆၶိူဝ်းၵေႃႈမႃးၶၢႆႉၶူဝ်းမၼ်းယူႇ။
“ၼၼ်ႉၼေႈလုၵ်ႈဢူၺ်ႉ ၼၢင်းၸေႃးယဵၼ်ႇသူသိူဝ်ႇပၼ်တီႈၼွၼ်း လုၵ်ႈ ၼွၼ်းၼႂ်းလုၵ်းၼၼ်ႉလႄႈမႄႈ”
“ဢေႃႈၶႃႈ” ၼႆသေ ၶၢႆႉၶူဝ်းမၼ်းၶဝ်ႈမႃးၶပ်ႉဝၢင်းဝႆႉပဵၼ်မဵဝ်းပဵၼ်မဵဝ်း သေ ယိပ်းဢဝ်လိၵ်ႈဢွၼ်ႇၽိုၼ်ၼိုင်ႈ မႃးယိုၼ်ႈပၼ်မႄႈပႃႈၶဝ်ယူႇ။
“ပေႃႈၶႃႈ ၼႆႉပဵၼ်လိၵ်ႈၼႃႉသၢင်ႇ တႅမ်ႈသူင်ႇမႃးပၼ်ပႃႈႁဝ်းဢေႃႈ လုၵ်ႈဢၢပ်ႇၼမ်ႉၵမ်ႉၵွၼ်ႇၶႃႈၼႃႉ”
“ဢိူဝ်ႈဢၢပ်ႇလႄႈမႄႈ ၵမ်ႉလူဝ်ႇၵိၼ်ၶဝ်ႈဢိူဝ်ႈ”
“ပီႈဢၢပ်ႇၼမ်ႉၵမ်ႉၼႃႉ ၸၢမ်ၶမ်း”
“ဢေႃႈၶႃႈ ၵမ်ႉၼွင်ႉၵေႃႈလူဝ်ႇမိူဝ်းဢၢပ်ႇၼမ်ႉၼင်ႇၵဝ်ႇဢေႃႈ”
“တေႁႂ်ႈပီႈမိူဝ်းသူင်ႇၶိုၼ်းၼႄႇတေႃႈ”
“လႆႈယဝ်ႉၶႃႈၵဵင်ၸႂ်ၼႃႇ”
“ၼၼ်ႉၼႃႇၼွင်ႉၵေႃႈပေႃးလိုမ်းယဝ်ႉၼင်ႇၵဝ်ႇဝႃႈ”
“ဢေႃႈဢမ်ႇၵဵင်ၸႂ်ၶႃႈ ဢမ်ႇၵဵင်ၸႂ် ၵမ်ႉၼွင်ႉတေမိူဝ်းႁင်းၵူၺ်းၼွင်ႉ လႆ”
