ၵူၼ်းၼုမ်ႇၶဝ်တႄႉ ၵိုတ်းၵူၼ်းၸွႆႈ ၵူၼ်းထႅမ်ၵမ်ႈၽွင်ႈၵူၺ်း ယဝ်ႉ။ မိူဝ်ႈလဵဝ်တေဢၢပ်ႈၸဝ်ႈသၢဝ်ပၼ်ၸဝ်ႈမၢဝ်ႇယဝ်ႉ ၵူၼ်းထဝ်ႈ သင်ႇလၢတ်ႈပၼ်ၸဝ်ႈသၢဝ်မဵဝ်းၼိုင်ႈယဝ်ႉမဵဝ်းၼိုင်ႈယူႇ။
“မိူဝ်ႈလဵဝ်လုၵ်ႈဢမ်ႇၸႂ်ႈတူဝ်လဵဝ်ယဝ်ႉၼႃႉ တေႁဵတ်းသင်တေၵႂႃႇလႂ် ၼႆၵေႃႈ လုၵ်ႈတေလႆႈလၢတ်ႈ တေလႆႈထၢမ်ၵေႃႉပဵၼ်ၸဝ်ႈၽူဝ်ယဝ်ႉ ၸင်ႇတေႁဵတ်းလႆႈၵႂႃႇလႆႈၼႃႉ ပေႃးဝႃႈႁင်းၵၼ် ယႃႇဝႃႈထိုင်ၸိူဝ်ႉထိုင် ၶိူဝ်းၵၼ်လႃးလႃး မိူၼ်ၵၼ်တင်းၸူဝ်းတင်းမေးယဝ်ႉ ပေႃးၸႂ်လမ်ၵၼ် ၵေႃႈ လူဝ်ႇၶုၵ်းၸႂ်လႆႈမိူဝ်ႈႁဝ်းၶႂ်ႈလႆႈၵၼ်ၼၼ်ႉဢိူဝ်ႈ ၼိုင်ႈၵေႃႉဝႃႈ ၼိုင်ႈမဵဝ်း ပေႃးပဵၼ်လႆႈၸွမ်းၼင်ႇၵႂၢမ်းၶဝ်ၸဝ်ႈလၢတ်ႈမႃးၸိူဝ်းၼၼ်ႉ သဵင်ႈသဵင်ႈတႄႉၵေႃႈ တေလီယူႇတေႉၼင်ႇၵဝ်ႇ”
ပေႃႈၶဝ်လုင်းသၢင်ႇမွင်ႇၵေႃႈၼင်ႈသေ ယုမ်ႉယုမ်ႉၸုၵ်းယိပ်းဢဝ်သၢႆ ၶေႃးသဵၼ်ႈသွင်ဝၢတ်ႇ ၼႂ်းထွင်းသိူဝ်ႈမၼ်းဢွၵ်ႇမႃး သုပ်းႁွႆႈပၼ်ၶေႃး ၸၢႆးသၢႆၶိူဝ်းသေ “ဢိူဝ်ႈလုၵ်ႈၵေႃႉၼႆႉၼႆႉ ပေႃႈဢမ်ႇႁႂ်ႈၵႂႃႇတၢင်းလႂ် ယဝ်ႉၼႃႉ ပေႃႈတေဢဝ်မႃးပဵၼ်လုၵ်ႈၸၢႆးပေႃႈယဝ်ႉ လုၵ်ႈၶူၺ်တႄႉ တႄႉပေႃႈဢမ်ႇဢဝ်ယဝ်ႉ ႁႂ်ႈမေႃႁၵ်ႉၵၼ်ယႃႇပိုၼ်ႉယႃႇပႅတ်ႈၵၼ် လႆႈ မႃးပဵၼ်လုၵ်ႈၸၢႆးပေႃႈယဝ်ႉၼမ်ႉၸႂ်ဢၼ်မီးၼိူဝ်ႉလုၵ်ႈမေးၼၼ်ႉၵေႃႈ ႁႂ်ႈၸိုၼ်ႈၸၢင်ႇမိူၼ်ပေႃႈၼႆႉၼႃႉ ၼႆႉတႄႉဢဝ်ဝႆႉပဵၼ်တႃႇၸႂ်ႉၼႂ်းၼႃႈ ၵၢၼ်ၶိူဝ်ၵႂႃႇလႄႈၼႃႉ”
ဢဝ်သေႃးၵႃး TOYOTA ယိုၼ်ႈဢၢပ်ႈပၼ်ၸၢႆးသၢႆၶိူဝ်းယူႇ မၼ်းၸၢႆးၵေႃႈ ယုၵ်ႉမိုဝ်းဝႆႉသေႁပ်ႉဢဝ်ယူႇ။
“ၵမ်ႉမႃးဢွၼ်ၼွင်ႉမႂ်းၵႂႃႇဝႆႈပႃးမႄႈႁေလႄႈလုၵ်ႈ”
“ဢေႃႈၶႃႈ”
မႃးႁဝ်းၵႂႃႇၼွင်ႉ “ၸၢမ်ပဝ်းၵေႃႈမႃးလႄႈတႆးၵေႃႉ ၸဝ်ႈသၢဝ်ၼႆလူး တႃႇမိူဝ်ႈၼႆႉတႄႉၸဝ်ႈသၢဝ်ၵႂႃႇလႂ်ၵေႃႈ ၵႃႈလႆႈၸွမ်းၵႂႃႇတိၵ်းတိၵ်းယဝ်ႉ ဝႃႈ” ၼၢင်းၸၢမ်ပဝ်းယုမ်ႉသေ “ၼွင်ႉၵိုတ်းထၢင်ႇဝႃႈ တႃႇၸၢတ်ႈၼႆႉ ၼႆၼႃး ၼွင်ႉပေႃးၸူမ်းၵႂႃႇၵမ်းလဵဝ်ယဝ်ႉၶႃႈဝႃႈ”
“တႃႇမိူဝ်ႈၼႆႉပီႈဝႃႈၼႆ”
“ၶမ်ႈၸူဝ်ႈတႄႉဢမ်ႇဝႃႈပႃးၶႃႈႁႃႉ”
ပၢပ်ႉ!! “ႁိူဝ်ႇၶႆႈမေႃထၢမ်ၼႃႇၵေႃႈ”
“ဢႃးလႃးလႃး ၸၢမ်ၶမ်းႁဵတ်းႁင်းၼွင်ႉၼေႈပီႈသၢႆၶိူဝ်း ၶမ်ႈၸူဝ်ႈၸွင်ႇ ၼွင်ႉတေလႆႈယူႇပဵၼ်တႆးၵေႃႉ ၸဝ်ႈသၢဝ်ၼႆဢေႃႈပီႈသၢႆၶိူဝ်း”
“ၸၢမ်ပဝ်းၼႆႉလိူဝ်ၼႃႇ ၵမ်ႉတေၺႃးၼမ်လိူဝ်မိူဝ်ႈၵႆႈယဝ်ႉၼႃႉ”
“ၸၢမ်ၶမ်းဝႃႈ ဢမ်ႇလႆႈ မႃးသုၵ်ႉသၵ်ႉၵူၺ်းဢိူဝ်ႈၼႆဝႃႇ ပီႈသၢႆၶိူဝ်း”
ၸၢႆးသၢႆၶိူဝ်းၵေႃႈယုမ်ႉယုမ်ႉသေထွမ်ႇၶဝ်ယူႇ
“ၸၢမ်ပဝ်းၼႆႉၼႃး ပွႆႇၵမ်းသူမႃးၵွၼ်ႇ ႁဝ်းတေၵေႃႉၶိုင်ၵၢၼ်မၼ်းလီ လီလူး”
“ဢူး ႁဝ်းပႆႇပဵၼ်ငၢႆႈငၢႆႈ ပႆႇမီးၵေႃႉၽၢၵ်ႈမၼ်း ၽိူဝ်ႇထိုင်ၵမ်းႁဝ်းမႃး ၵေႃႈ သူဢမ်ႇၸၢင်ႈမႃးယဝ်ႉလေႃႇ သူပေႃး” ဢဝ်မိုဝ်းႁဵတ်းၼေဝႃႈ တွင်ႉယႂ်ႇယဝ်ႉၼႆလႄႈ
ပၢပ်ႉ! “ဢဝ်ထႅင်ႈလႄႈၵႃႈမၼ်း” ၸၢႆးသၢႆၶိူဝ်းတူၺ်းႁၼ်ၼႂ်းမၢၼ်ႇ ၼၼ်ႉသေ ၶႂ်ႈၶူဝ်ၸွမ်းလႄႈ ပၢပ်ႉ “ႁိူဝ်ႈၼႆႉၵေႃႈဢဝ်လႄႈ ၵႃႈမၼ်း တိုၵ်ႉၶႂ်ႈၶူဝ်ယူႇၵေႃႈ”
“ဢႃးလႃး ၸၢမ်ၶမ်းႁႅမ်ပီႈႁဵတ်းသင်လႃႇ ၸွင်ႇပီႈဝႃႈႁင်ၵေႃႈဢမ်ႇၸႂ်ႈ ဢမ်ႇႁၵ်ႉပီႈယဝ်ႉႁႃႉ”
“တေႁဵတ်း“ႁိုဝ်ႁၵ်ႉ ၶွင်ၶႂ်ႈၵႂႃႇပဵၼ်ၸႂ်ၸၢမ်ပဝ်းၸိူင်ႉၼၼ်”
“ပေႃးပဵၼ်ၸႂ်မၼ်းၵေႃႈ ပီႈပၼ်မၼ်းမိူဝ်းၼွၼ်းႁဵတ်းၵေႃႉၸဝ်ႈသၢဝ် ႁေယဝ်ႉလေႃႇ”
“ဢိူဝ်ႈၸၢမ်ပဝ်း ပေႃးၼၼ်သူတေလႆႈမိူဝ်းၼွၼ်းႁဵတ်းၵေႃႉႁဝ်းတေႉꧦ ၼႄႈၼႃႉ ပွႆႇသူဢမ်ႇမႃးၼွၼ်းၵွၼ်ႇ”
“ဢူး ဢမ်ႇၼွၼ်းဢမ်ႇၼွၼ်း ႁဝ်းၵူဝ်မၼ်းၵိၼ်ပႃးႁဝ်း မိူၼ်ၵႆႇဢူၵႂႃႇ ႁွင်ႉႁဵၼ်မႃးၵိၼ်ၵႆႇၸေၼၼ်ႉ”
“ၵိၼ်ပႃးၵေႃႈ ဢဝ်ၶိူဝ်ႈဢၢပ်ႈပၼ်ၵၼ်ႁေယဝ်ႉဢိူဝ်ႈလေႃႇ”
“ပေႃးလႃႈပေႃးလႃႈ ၶိူဝ်မေႃဢုပ်ႇၵၼ်ၼႃႇ ထိုင်သၢင်းၶႅင်းယဝ်ႉၼႆႉ ဢူးမၢင်ႇမႄႈပဵၼ်ဢၼ်လႂ်လႃႇၸၢမ်ၶမ်း”
“မီးတၢင်းၼႂ်းပုၼ်ႉၶႃႈၼေႈ”
“ဢူးမၢင်ႇပေႃႈပီႈၼႃႇပဵၼ်ဢၼ်လႂ်”
“ၼၼ်ႉပုၼ်ႉၼၼ်ႉ တေၵႂႃႇတီႈလႂ်ဢွၼ်တၢင်းၶႃႈလႃႇ ၵႂႃႇတီႈမႄႈ ဢွၼ်တၢင်းလႄႈ ၵမ်ႉၸင်ႇမႃးတီႈပေႃႈ”
“ပေႃးၼၼ်ပီႈသၢႆၶိူဝ်းဝႃႈ ပေႃႈတင်းမႄႈၼႆႉၵေႃႉလႂ်ၵုင်ႇယႂ်ႇလိူဝ်ၽႂ်”
“ၵုင်ႇပေႃႈယႂ်ႇလိူဝ်ၵုင်ႇမႄႈလေႃႇ”
“ၼွင်ႉဝႃႈတႄႉၵုင်ႇမႄႈယႂ်ႇလိူဝ်ဢေႃႈ”
“ႁဵတ်းႁိုဝ်လႄႈၵုင်ႇမႄႈယႂ်ႇလိူဝ်ၵုင်ႇပေႃႈလႃႇၼွင်ႉဝႃႈ”
“ၵေႃႈပီႈသၢႆၶိူဝ်း ဢမ်ႇဝူၼ်ႉတူၺ်းလီလီၶႃႈလႃႇ တႃႇတေၵိူတ်ႇလဵင်ႉ လုၵ်ႈၼိုင်ႈၵေႃႉၼႆႉ မႄႈလႆႈၶၢမ်ႇယၢပ်ႇ ဢုမ်ႈတွင်ႉသေပႃးၵႂႃႇပႆပေႃး ဢမ်ႇၶၢမ်ႇၵိၼ်သင်လူး”
“ဢၼ်လွင်ႈဝႃႈ ၼၢင်းယိင်းပႃးတွင်ႉၼႆၼၼ်ႉ တိုၼ်းပဵၼ်ၵၢၼ်ၼၢင်း ယိင်းယူႇယဝ်ႉလူး ဢၼ်ဝႃႈ ဢမ်ႇၶၢမ်ႇၵိၼ်သင် ၼႆၼၼ်ႉတႄႉဢမ်ႇ ၸႂ်ႈယဝ်ႉဝႃႈ မႄႈပႃးတွင်ႉၼႆႉၶီႈႁိတ်ႉပေႃးတၢၼ်ႇသင်ယဝ်ႈ ႁၼ်သင် ၵေႃႈၶႂ်ႈၵိၼ်ယဝ်ႉဝႃႈ”
“ပေႃးၼၼ်သင်ဝႃႈဢမ်ႇမီးမႄႈၼႆ သမ်ႉတေႁဵတ်းႁိုဝ်ပဵၼ်ၵူၼ်းလႃႇ ဢေႉ”
“ပေႃးထၢၼ်ႈဝႃႈ မီးမႄႈလႄႈၸင်ႇပဵၼ်ၵူၼ်းမႃးၼႆ ႁဵတ်းသင်ၸိူဝ်းၶဝ် သၢဝ်ၵႄႇ ဢၼ်ဢမ်ႇမီးၽူဝ်ၼၼ်ႉ သမ်ႉဢမ်ႇမီးလုၵ်ႈႁင်းၵူၺ်းလႃႇ ဢႄႉထၢၼ်ႈဝႃႈၼၼ်”
“ပီႈသၢႆၶိူဝ်းသမ်ႉႁဵတ်းႁိုဝ်လႄႈဝႃႈ ၵုင်ႇပေႃႈ ယႂ်ႇလိူဝ်ၵုင်ႇမႄႈၶႃႈလႃႇ ပေႃးၼၼ်”
“မိူဝ်ႈတေၼွၼ်းၼၼ်ႉ ၼွင်ႉလၢတ်ႈဝႃႈႁိုဝ် ယဝ်ႉၵေႃႈမိူဝ်ႈၵူဝ်ထူပ်း ၽေးၸိူဝ်းၼႆႉၼွင်ႉဝႃႈႁိုဝ်
“ပိုင်ႈၵုင်ႇၽြႃးတြႃး ၵုင်ႇသင်ႇၶႃႇ ၵုင်ႇသြႃႇသမ်းမႃး ၵုင်ႇပေႃႈၵုင်ႇမႄႈ ၵုင်ႇၸဝ်ႈဝၢၼ်ႈၸဝ်ႈမိူင်း ၸွမ်းၵုမ်ႉၸွမ်းၸွႆႈပၼ် ႁႂ်ႈလွတ်ႈၽေးသေ ၵမ်းၶႃႈၼႆၵူၺ်းဢေႃႈ”
“ၼၼ်ႉၼႃႇ ပေႃးထၢၼ်ႈဝႃႈ ၵုင်ႇမႄႈယႂ်ႇၼႆ ႁဵတ်းသင်ၼွင်ႉဢမ်ႇဝႃႈ ၵုင်ႇပေႃႈလႃႇဢေႉ”
“ဢေႃႈပီႈသၢႆၶိူဝ်းဢမ်ႇထွမ်ႇလီလီၵူၺ်းဢေႃႈၼၼ်ႉ ၸၢမ်ၶမ်းဝႃႈ ၵုင်ႇ မႄႈယႂ်ႇလိူဝ်ၵုင်ႇပေႃႈ ၼႆၶႃႈဢေႃႈၼၼ်ႉ”
“ဢိူဝ်ႈပေႃးပဵၼ်ၵုင်ႇမႄႈတႄႉ တေယႂ်ႇလိူဝ်ၵုင်ႇပေႃႈယူႇတေႉ”
ၸၢမ်ၶမ်းဢမ်ႇၸၢင်ႈဝႃႈႁိုဝ်ယဝ်ႉလႄႈၸင်ႇဝႃႈ “ၵေႃႈယဝ်ႉလႄႈ တႃႇ တေလႆႈလွင်ႈပေႉၼႆႉ ၶၢမ်ႇပၼ်သုမ်းသေၵွၼ်ႇၵႂႃႈ ဢၼ်ပႂ်ႉမၢၵ်ႇမႆႉ ၸိူဝ်းၼႆႉ ဢမ်ႇလူႇၶႃႈႁႃႉပီႈသၢႆၶိူဝ်း”
“တႆႈတဵၼ်းၶၢဝ်လႄႈ တဵၼ်းႁွမ်ၵေႃႈလႆႈယဝ်ႉဝႃႈ ပေႃးၶႂ်ႈႁႂ်ႈၶဝ်လႆႈ ၵိၼ်ၼႆ လူဝ်ႇတၢၼ်းတီႈၽြႃးဢမ်ႇၼၼ်တီႈသင်ႇၶႃႇၸဝ်ႈၶဝ်သေဝူၺ်ႇ ၵူႉသူဝ်ႇပၼ်ၶဝ်ၼႆဝႃႇ ၶဝ်ၸင်ႇလႆႈၵိၼ် ပေႃးဢဝ်မႃးလူႇတီႈပႃႇႁဵဝ်ႈ သၢင်းၶႅင်းၸိူင်ႉၼႆတႄႉ လူႇၼမ်တၢၼ်ႇလႂ်ၵေႃႈ ၶဝ်ဢမ်ႇႁၼ်ဢမ်ႇႁူႉ ၼႆဝႃႇ”
“ၼွင်ႉဢမ်ႇႁူႉၶႃႈၼႃႇ ၵူႈပွၵ်ႈတႄႉၼွင်ႉၵႆႉမႃးလူႇတီႈၼႆႈၵူၺ်းဢေႃႈ”
“ပေႃးၼၼ် ပွၵ်ႈၼႆႉႁဝ်းမိူဝ်းလူႇၽြႃး ဢမ်ႇၼၼ်ၵေႃႈတီႈသင်ႇၶႃႇ ၸဝ်ႈၶဝ်သေ ႁႂ်ႈဝၺ်ႇၵုသူဝ်ႇ သူင်ႇၵုသူဝ်ႇပၼ်မႄႈဢဝ်ၼေႃႈ”
ၼႆသေ ၼၢင်းၸၢမ်ၶမ်းၸင်ႇဝႃႈ “မႄႈၶႃႈ လုၵ်ႈယိင်းမႃးၵၼ်ႇတေႃး မႄႈဢေႃႈ ၵွပ်ႈဝႃႈမိူဝ်ႈၼႆႉ ပဵၼ်ဝၼ်းပၢင်ၶႅၵ်ႇလုၵ်ႈယိင်းလႄႈတင်းပီႈ သၢႆၶိူဝ်းၵေႃႉၼႆႉဢေႃႈ။ မႄႈဝႃႈ ၶႂ်ႈႁႂ်ႈလုၵ်ႈယိင်းလႆႈၽူဝ်ၵေႃႉဢၼ်ႁၵ်ႉ မေးမိူၼ်ပေႃႈၼၼ်ႉ ပဵၼ်ပီႈသၢႆၶိူဝ်းၼႆႉယဝ်ႉၶႃႈ လုၵ်ႈယိင်းၵေႃႈတေ ႁၵ်ႉၽူဝ်လုၵ်ႈယိင်း မိူၼ်မႄႈႁၵ်ႉပေႃႈၼၼ်ႉယူႇၶႃႈ ၵမ်ႉမႃးႁဝ်းၶႃႈတေ မိူဝ်းလူႇမၢၵ်ႇမႆႉၸိူဝ်းၼႆႉ တီႈၵျွင်းဢေႃႈ။ ၶႅၼ်းတေႃႈ မႄႈပႂ်ႉႁပ်ႉဢဝ် တၢင်းလီၸိူဝ်းၼႆႉသေၵမ်းၶႃႈ”
မၼ်းၼၢင်း လၢတ်ႈတေႃႇမႄႈယဝ်ႉယဝ်ႉသေ ၸၢႆးသၢႆၶိူဝ်း ၸင်ႇဝႃႈ “ၼွင်ႉလပ်းတႃလူး” ၸုပ်း “လီႁၵ်ႉတေႉယဝ်ႉ”
“ပီႈသၢႆၶိူဝ်းဢမ်ႇလီဢၢႆမႄႈႁႃႉၼၼ်ႉ”
“တေလီဢၢႆႁဵတ်းသင်မႄႈပေႃးႁူႉယဝ်ႉ မႄႈယင်းတေဝႃႈလူဝ်ႇႁဵတ်းၼႆ ယဝ်ႈ တေႃႈၼင်ႇ ပေႃႈသူယင်းဢမ်ႇပႂ်ႉလႆႈႁိုင်တၢၼ်ႇၼႆႉလႃႈၼႆၵွၼ်ႇ ယူဝ်ႉ ၼႆႉၼွင်ႉ မႄႈဝႃႈတေႉ ၸၢမ်ၶမ်းၼၼ်ႉဢႃႈ ႁဵတ်းႁႃဝႃႈလုၵ်ႈယိင်း တေႁၵ်ႉၽူဝ်လုၵ်ႈယိင်း မိူၼ်မႄႈႁၵ်ႉပေႃႈၼၼ်ႉဢေႃႈ ၼႆဝႃႇ ၽူဝ် မၼ်းႁွမ်ပၼ်ၵႅမ်ႈမၼ်းယဝ်ႉၵေႃႈ သမ်ႉပေႃးဢမ်ႇႁွမ်ပၼ်ၶိုၼ်းသေ ဢိတ်းယဝ်ႈ လႅပ်ႈဢမ်ႇႁၵ်ႉပိူၼ်ႈ လႅပ်ႈလီၸင်းပိူၼ်ႈၼႃႇၼႆဝႃႈ မႄႈ ဝႃႈဢမ်ႇငိၼ်းၼႄႇ”
“မႃးလႄႈပေႃးၼၼ်”
“လႆႈယဝ်ႉဝႃႈ သင်မႄႈဢမ်ႇဝႃႈၼၼ် ၼွင်ႉတမ်ႉဢမ်ႇၶႂ်ႈႁွမ်ၼင်ႇ ၵဝ်ႇ”
“ပီႈသၢႆၶိူဝ်းၼႆႉပေႉၵိၼ်ပိူၼ်ႈၼႃႇ”
“ဢိူဝ်ႈႁိုဝ်ႈ”
“ၸွပ်ႉ! မႃးထႅင်ႈၽၢႆႇၼိုင်ႈလူး ၸွပ်ႉ!”
ၸၢႆးသၢႆၶိူဝ်းမႃးၼၢဝ်ႉဢဝ် တူဝ်မၼ်းၼၢင်းသေဢမ်ႇပွႆႇလႄႈ ႁူဝ်ၸႂ် ဢွၼ်ႇမၼ်းၼၢင်းၵေႃႈ တဵၼ်ႈဝႆးၸိူင်ႉၼႆ ပဵၼ်ပွၵ်ႈၵမ်းသွင်ယဝ်ႉ။ “ပွၵ်ႈၼႆႉတႄႉ တေၵူဝ်ႁဵတ်းသင်လႃႇ ဢမ်ႇလူဝ်ႇၵူဝ်ယဝ်ႉလႃႈ ၼႆႉပဵၼ် ၸဝ်ႈမႂ်းယဝ်ႉလူး” ႁူဝ်ၸႂ်ဢွၼ်ႇမၼ်းၼၢင်း ၼိမ်မႃးၶိုၼ်းသေ မၼ်း ၼၢင်းလပ်းတႃ ပႂ်ႉထႃႈထွမ်ႇတူၺ်း ၶူႈၼင်ၵူင်းၵူင်းဢွၼ်ႇၸၢႆးသၢႆၶိူဝ်း ၼၼ်ႉ တေတိူဝ်ႉၺႃးတီႈလႂ်ၼႆယူႇ၊ မၼ်းၸၢႆးၵေႃႈ “ၸွပ်ႉ!” ၼႆသေ
“ပီႈသၢႆၶိူဝ်း ဢမ်ႇလီဢၢႆၸၢမ်ပဝ်းၼႄႇ မၼ်းလၵ်ႉတူၺ်းယူႇၼၼ်ႉ”
“တူၺ်းၵေႃႈယဝ်ႉဢိူဝ်ႈ တေႃႈမၼ်းတင်းတေ မိူဝ်းၼွၼ်းႁဵတ်းၵေႃႉ ၼွင်ႉယူႇၼႆၼၼ်ႉ ၸွင်ႇတေပၼ်မၼ်းမိူဝ်းၼွၼ်းႁိုဝ်လႃႇ”
“ဢမ်ႇလႆႈၶႃႈလေႃႇ ယႃႇဝႃႈတေမႃးၼွၼ်းၵွၼ်ႇလႃႈ ယၵ်ႉတူၺ်းႁိုင် ႁိုင်ၵူၺ်းၵေႃႈ ဢမ်ႇလႆႈယဝ်ႉၵမ်းၼႆႉတႄႉ မႅဝ်းၵူၺ်းၵေႃႈ ပေႃးဝႃႈပဵၼ် တူဝ်မႄႈၼႆတႄႉ တိုၼ်းဝႃႈတေဢမ်ႇလႆႈလဵပ်ႈၸမ်ၼၼ်ႉယဝ်ႉဝႃႈ”
ယုမ်ႉယုမ်ႉသေ ယိပ်းၵမ်ၶႅၼ်ၸၢႆးသၢႆၶိူဝ်းသေ ပႆမႃးၸွမ်းၵၼ်လွႆးလွႆး မႃးၶိုၼ်ႈၵႃးယဝ်ႉၵေႃႈ မႃးလွင်းသွမ်းတီႈဝတ်ႉမူၺ်ႇတေႃႇၼႆႉသေ မႃး ၶိုၼ်းယဝ်ႉ၊ ၸၢမ်ၶမ်းပီႈၶႂ်ႈလပ်းၼႃႇယဝ်ႉ ပီႈတေၼွၼ်းၵမ်းၵွၼ်ႇၼႃႉ ၼႆသေပူၼ်ႉၶိုၼ်ႈႁိူၼ်းမႃးယဝ်ႉ။
သိုပ်ႇလူထႅင်ႈတွၼ်ႈတေမႃးၶႃႈ
