မိူဝ်ႈၼႆႉတႄႉ ပဵၼ်လိူၼ်သီႇမႂ်ႇသွင်ၶမ်ႈယဝ်ႉ။ ၸၢႆးသၢႆၶိူဝ်းလႄႈ ၸုမ်းၵူၼ်းၼုမ်ႇၶဝ် ၸဵမ်ယိင်းၸဵမ်ၸၢႆးၸွႆႈၵၼ်ထႅမ်ၵၼ် မဵဝ်းၼိုင်ႈ ယဝ်ႉမဵဝ်းၼိုင်ႈယူႇ။ တႄႇမိူဝ်ႈဝႃးမႃးၼႆႉတႄႉ ၵေႃႉလႂ်ၵေႃႈပေႃးဢမ်ႇ ပဵၼ်ယူႇပဵၼ်သဝ်းယဝ်ႉ။
ၸၢႆးသၢႆၶိူဝ်းၵေႃႈ ၼုင်ႈတင်းၵူၼ်တႆးၶွၼ်ႇသိူဝ်ႈသုပ်းၶၢဝ်ၶႅၼ် ပွတ်း မႃးတိုဝ်းၵုပ်းၽိူင်းဢွၼ်ႇသေ ၵင်ႈမၢၼ်ႇတႃလမ်ဢွၼ်ႇထႅင်ႈ လႄႈ လႅပ်ႈၵၼ်တင်းမၢၵ်ႇႁႅင်းလူင် ၸွမ်းဢူၵ်း ၸွမ်းၶႅၼ်မၼ်းပဵၼ် ၵွၼ်ႈပဵၼ်မၢၵ်ႇလူင်ဝႆႉၼၼ်ႉလႄႈ ၵေႃႉလႂ်ႁၼ်ၵေႃႈ ယၵ်ႉတူၺ်းသေ ဝၢႆႇတူၺ်းၸွမ်းမၼ်းၶေႃးပေႃးၶတ်းယဝ်ႉ။
ၶမ်ႈၼႆႉမၼ်းၸၢႆး မႃးၼိုင်ႈၶူဝ်းတႆးသွမ်ႇမူၼ်ႇၵႂၼ်းၾႆးဢွၼ်ႇ သေ ၼၢင်းၸၢမ်ၶမ်းၵေႃႈ မႃးၼုင်ႈၶူဝ်းတႆးသွမ်ႇမူၼ်ႇၵႂၼ်းၾႆးဢွၼ်ႇ သေလႅပ်ႈၵၼ်တေႉတေႉယဝ်ႉ။
ယၢမ်းၼၼ်ႉ ၸၢႆးသၢႆၶိူဝ်းမႆႈသၢၼ်ႈၶိုၼ်ႈမႃးတင်းတူဝ် မိူၼ်ၼင်ႇၵူၼ်း ဢွၵ်ႇတေႃးသႃႉၼၼ်ႉလႄႈ မၼ်းၸၢႆးၸင်ႇဝႃႈ “ၸၢမ်ၶမ်းမႃးႁဝ်းၵႂႃႇ တီႈပီႈၶမ်းလိုၼ်းၶဝ်ၵမ်ႉၼိုင်ႈၼေႃႈ ပီႈပဵၼ်သင်ၵေႃႈဢမ်ႇႁူႉၼႆႉ” မႃး တီႈၸုမ်းၼၢင်းယိင်းၶဝ်ၼၼ်ႉယဝ်ႉ။
“ပီႈၶမ်းလိုၼ်းၶႃႈၼႆႉ ပဵၼ်သင်ၵေႃႈဢမ်ႇႁူႉ ၵမ်းၵမ်းမႆႈသၢၼ်ႈလူင် ၶိုၼ်ႈမႃးသေသၼ်ႇပႅတ်ႈတင်းတူဝ်ၸိူင်ႉၼၼ် ပဵၼ်လၢႆၵမ်းယဝ်ႉဢေႃႈ ၼႆႉ”
“ၸွင်ႇပီႈသၢႆၶိူဝ်းယၢမ်ႈပဵၼ်ႁႃႉ”
“မိူဝ်ႈဢွၼ်တၢင်း ပေႃးဝႃႈၶႃႈပဵၼ်ၸိူင်ႉၼႆၵေႃႈ ၵႆႉမီးလွင်ႈသုၵ်ႉယုင်ႈ ၵႆႉလႄႇဢွၵ်ႇတေႃးသႃႉၸိူင်ႉၼၼ်တႃႇသေႇဢေႃႈ”
“ပေႃးၼၼ်ၵေႃႈ ပီႈသၢႆၶိူဝ်းၾၢင်ႉတူဝ်ဢိတ်ႉၼိုင်ႈၶႃႈၼႃ”
“တေဢမ်ႇပဵၼ်သင်ၼင်ႇၵဝ်ႇၶႃႈယူဝ်ႉ ၵႂႃႇႁပ်ႉၸူမ်းၶႅၵ်ႇၶိူဝ်ၶိုၼ်းလႄႈ ၼႆၸၢႆးသၢႆၶိူဝ်းယိပ်းတင်းၵွၵ်းၼမ်ႉဝၢၼ်ဢွၼ်ႇသေ တႃၶွၼ်ၼိုင်ႈသမ်ႉ ဢဝ်မိုဝ်းၼၢင်းၸၢမ်ၶမ်းသေ ႁႃၸူမ်းတူင်ႉတၵ်ႉ ၶႅၵ်ႇၵူၼ်းၼုမ်ႇတီႈ ၸမ် တီႈၵႆၶဝ်ၽိူၼ်ၼိုင်ႈယဝ်ႉၽိူၼ်ၼိုင်ႈယူႇ။ ႁွတ်ႈမႃးတီႈၽိူၼ်ၸုမ်း တႆးၵေႃႉမၼ်း ၵူၼ်းလၢင်းၶိူဝ်းၼႆႉသေ
“မႂ်ႇသုင်ၶႃႈၵူႈၵေႃႉ”
“ဢႃ မီးလႂ်မီးလႂ်ပႆႇတႃႉ ၼေႈဢဝ်ဢၼ်မႂ်ႇၼႆႉၵႂႃႇလႃႈ ပေႃးတေမႂ်ႇသုင် ယူႇၵေႃႈ”
“ဢဝ်ဢၼ်မႂ်ႇၵူႈၵေႃႉလႄႈပေႃးၼၼ်”
“ဢိူဝ်ႈမႃး ပေႃးပႆႇသဵင်ႈဢမ်ႇလႆႈဝၢင်းၼႃႉ ႁိူဝ်ႇတႃႇၸဝ်ႈသၢဝ်လူး ဢဝ် မႃး ဝၢႆႇ”ၼၼ်ႉလူး”
“ဢိုဝ်း ၼွင်ႉဢမ်ႇမၵ်ႉၶႃႈ ၼွင်ႉဢမ်ႇၵိၼ်ႁေပွၵ်ႈ”
“ဢႃ ဢဝ်လႃႈဢမ်ႇၵိၼ်ၵေႃႈယိပ်းဝႆႉ ၸႂ်ႉၸဝ်ႈမၢဝ်ႇၵိၼ်တၢင်ၼၼ်ႉ ၼႃႇ ပေႃးဢမ်ႇဢီးလူၵေႃႈယုၵ်ႉၼိုင်ႈသွင်သၢမ်ၼႆ”
ယၢမ်းၼၼ် ၼၢင်းၸၢမ်ၶမ်းၵိုင်ႉၵၢင်ႉ ပွႆႇပႅတ်ႈမိုဝ်းၸၢႆးသၢႆၶိူဝ်းၵႂႃႇ မိူၼ် မီးၵူၼ်းမႃးလၢၵ်ႈႁိမ်ဢဝ်ၸိူင်ႉၼၼ် မၼ်းၼၢင်းတၼ်းႁၢႆၵႂႃႇမိူဝ်ႈလႂ် ၼႆၼၼ်ႉၸၢႆးသၢႆၶိူဝ်း ဢမ်ႇတၼ်းႁၼ်သေဢိတ်းလႄႈ
“ႁိူဝ်ႇၸၢမ်ၶမ်းတၼ်းၵႂႃႇလႂ်ၼႆႉ”
“ဢမ်ႇၸႂ်ႈယူဝ်ႉလႅတ်းၵျႃႉလႃႇ ၵူဝ်လႆႈၵိၼ်ဝၢႆႇလႄႈ လႅၼ်ႈပၢႆႈၵူၺ်း ယူဝ်ႉ”
“ဢမ်ႇၸႂ်ႈလႅၼ်ႈပၢႆႈၵူၺ်း မိူၼ်မီးၵူၼ်းမႃးလၢၵ်ႈႁိမ်ဢဝ်ၵႂႃႇၸိူင်ႉၼၼ် ၼေႈ”
“ဢမ်ႇၸႂ်ႈလၢႆးမၼ်းယူဝ်ႉဝႃႈ လိူၵ်ႈလိူၵ်ႈသမ်ႉမႃးပဵၼ် တီႈၽိူၼ်ႁဝ်း လႃႇ ႁၢႆၵႂႃႇတေႃႇၼႃႈတေႃႇတႃၼႆႉဢႃႉ”
ၼၢင်းၶမ်းလိုၼ်းလႅၼ်ႈမႃးသေ “ပဵၼ်သင်ၶႃႈလႃႇပီႈသၢႆၶိူဝ်း”
“ၸၢမ်ၶမ်းႁၢႆၵႂႃႇလႂ်ၵေႃႈဢမ်ႇႁူႉယဝ်ႉၶႃႈ ပီႈၶမ်းလိုၼ်း”
“မၼ်းတွႆးမိုဝ်းပီႈသၢႆၶိူဝ်းဝႆႉယူႇဢမ်ႇၸႂ်ႈၶႃႈႁႃႉ”
“ၸႂ်ႈဢေႃႈ ယွၼ်ႉဝႃႈၵူဝ်ပိူၼ်ႈယွၵ်ႇလႄႈ မၼ်းပေႃးဢမ်ႇၶၢမ်ႇပွႆႇမိုဝ်း ၶႃႈၼၼ်ႉ ၵူၺ်းၵႃႈမိူၼ်မီးၵူၼ်းမႃး လၢၵ်ႈၸၼ်ဢဝ်ၸိူင်ႉၼၼ်ၶႃႈ ၼေႈ”
“ၵူၼ်းပဵၼ်ၵေႃႉ ႁၢႆၵႂႃႇတၢင်းလႂ်မိူဝ်ႈလႂ်ၵေႃႈ ပေႃးဢမ်ႇတၼ်းႁၼ်ၼႆႉ တႄႉ ၶႃႈၵေႃႈဢမ်ႇမေႃလၢတ်ႈသေဢိတ်းယဝ်ႉဝႃႈ”
“ဢမ်ႇၸႂ်ႈဝႃႈမီးၶႃႈၵူၺ်းၼႃ ပီႈၶမ်းလိုၼ်း ၸိူဝ်းၶဝ်ဢၼ်ၼင်ႈယူႇ ၽိူၼ်ၼၼ်ႉ ဢမ်ႇမီးၽႂ်တၼ်းႁၼ်သေၵေႃႉၶႃႈၼႃ ၵေႃႉလႂ်ၵေႃႈဝႃႈ ဢမ်ႇတၢၼ်ႇပဵၼ်ၵႂႃႇလႆႈသေဢိတ်းၼႆလွၼ်ႉလွၼ်ႉယဝ်ႉ”
ၶဝ်ပိုၼ်ၽၢဝ်ႇဝႃႈ “သင်ဝႃႈမီးသေၵေႃႉၵေႃႉ ဢဝ်ၸဝ်ႈသၢဝ်သိူင်ႇၼႆ ၵေႃႈ ယွၼ်းႁႂ်ႈပွင်ႇပၼ်ၸဝ်ႈမၢဝ်ႇသေယဝ်ႉ သင်ဝႃႈၶႂ်ႈႁႂ်ႈထုတ်ႇဢဝ် ၶိုၼ်းၼႆၵေႃႈ ၸဝ်ႈမၢဝ်ႇတေထုတ်ႇဢဝ်ၼႆဢေႃႈ”
ၵမ်ႈၽွင်ႈၵေႃႈပွင်ႉယူႇဝႃႈ “ႁဵတ်းႁၢတ်းလူင်ၵႂႃႇတေႉမႂ်းၵူၼ်းၼႆႉၵေႃႈ ပိူၼ်ႈလဵင်ႉပဵၼ်တၢၼ်ႇၼႆႉၵေႃႈ တိုၵ်ႉႁဵတ်းႁင်းပိူၼ်ႈယူႇဝႃႈ ပဵၼ်ၵူၼ်း ၵေႃႈပေႃးဢမ်ႇပႃးၸႂ်ၵူၼ်းဢဝ်” ၼႆၵေႃႈမီး။
ၸိူဝ်းၶဝ်ၵူၼ်းၼုမ်ႇတႄႉ ၸဵမ်ၵူၼ်းမိူင်းပၼ်ႇ ၸဵမ်ၵူၼ်းလၢင်းၶိူဝ်း တင်းမဝ်းလဝ်ႈမဝ်းပီႇယႃႇၶဝ်တႄႉႁၢႆမူတ်းယဝ်ႉ၊ ၵူၺ်းလူဝ်ႇဢွၼ်ၵၼ် မဝ်းႁႃၵူၼ်းၵူၺ်းယဝ်ႉ။ ၼၢင်းၶမ်းလိုၼ်း ၶဝ်ႈမိူဝ်းတူၺ်းၼႂ်းလုၵ်း ၼွၼ်းၼၼ်ႉၵေႃႈဢမ်ႇႁၼ် ဢမ်ႇမီး၊ ၼႂ်းလုၵ်းၼၢင်းၸၢမ်ၶမ်းၼၼ်ႉ ၵေႃႈ ၶဝ်ႈမိူဝ်းတူၺ်းပဵၼ်သွင်သၢမ်ပွၵ်ႈ ၸၢႆးသၢႆၶိူဝ်းၵေႃႉၼိုင်ႈတႄႉ ၽႂ် ၶႂ်ႈဝႃႈႁိုဝ်ၵေႃႈတိုၼ်းဢမ်ႇၶဝ်ႈႁူလမ်ႁူလႅင်မၼ်းသေဢိတ်းယဝ်ႉ။ ၼႃႈ မၼ်းၵေႃႈလႅင်လႅင်ပေႃးလမ်ၼႃႇလိူဝ်မၢၼ်ႈၽဝ်ထၢၼ်ႇယဝ်ႉ ပေႃႈၶဝ် လုင်းသၢင်ႇမွင်ႇၵေႃႈၵမ်ႉလုၵ်ႉၵမ်ႉၼင်ႈယူႇၸိူင်ႉၼၼ်မီးပဵၼ်သွင်မွင်းပၢႆ ၸမ်သၢမ်မွင်းယဝ်ႉ။ ၸၢႆးသၢႆၶိူဝ်းၸင်ႇဝူၼ်ႉလႆႈသေ
“ပေႃႈၶႃႈ” လုင်းသၢင်ႇမွင်ႇဝၢႆႇတူၺ်းမၼ်းၸၢႆးယဝ်ႉ “ဢၼ်ႁဝ်းၶႃႈ ႁဵတ်းပၢင်ၶႅၵ်ႇၼႆႉ ၸၢမ်ၶမ်းဢမ်ႇလႆႈလၢတ်ႈမႄႈၶႃႈယူဝ်ႉ”
လုင်းသၢင်ႇမွင်ႇၵေႃႈ ႁိုဝ်ႉ! ထူၺ်ႈၸႂ်ႁႅင်းႁႅင်း ၵမ်းၼိုင်ႈသေယၵ်ႉတူၺ်း ၵႂႃႇတီႈၶႅပ်းႁၢင်ႈပႃႈယိင်းမူၺ်လႅင်းၼၼ်ႉသေယဝ်ႉ လၢတ်ႈၼႂ်းၸႂ်ဝႃႈ “မူၺ်လႅင်းဢိူဝ်ႈ မိူဝ်ႈလဵဝ်လုၵ်ႈယိင်းႁဝ်းတေတေႇၼႃႈႁိူၼ်း တိုၵ်ႉ ႁဵတ်းပၢင်ၶႅၵ်ႇၸွမ်းၸၢႆးသၢႆၶိူဝ်းၼႆႉဢိူဝ်ႈ။ တိုၵ်ႉမႅၼ်ႈၽွင်းပိူၼ်ႈၵျေႃႇ ပိူၼ်ႈမူၼ်ႈယူႇ။ လုၵ်ႈယိင်းႁဝ်းသမ်ႉလႆႈႁၢႆၵႂႃႇၸိူင်ႉၼႆၼႆႉ ၵေႃႉလႂ်ၵေႃႈ သုၵ်ႉၸႂ် ႁဝ်းၵေႃႈမႆႈၸႂ်ၼႃႇ။ ႁဝ်းယွမ်းၼွမ်းသူယဝ်ႉ သင်ဝႃႈလုၵ်ႈ ဢွၼ်ႇၶဝ်လႆႈၽိတ်းပိူင်ႈၵႂႃႇၼႆၵေႃႈ သူၵေႃႉပဵၼ်မႄႈၼၼ်ႉ ဢဝ်ၸႂ် မႅတ်ႉတႃႇၵေႃႉပၼ်မႄႈၼၼ်ႉသေ ၶႂၢင်းပၼ်ၶဝ်ဢိတ်ႉၼိုင်ႈလႄႈ သူ ဝႃႈ ၶႂ်ႈႁႂ်ႈလုၵ်ႈယိင်းႁဝ်းလႆႈၽူဝ်လီ မိူၼ်မႄႈမၼ်းၼႆႉဢိူဝ်ႈၼႆၵေႃႈ မၼ်းလႆႈယဝ်ႉလူး သူယႃႇမႆႈၸႂ်ယဝ်ႉလႃႈၼႃႉ ပေႃးဝႃႈသူၵုမ်ႇမႃးၸႂ် ၸပ်းႁဝ်းပေႃႈလုၵ်ႈ မႆႈၸႂ်ၸွမ်းႁဝ်းပေႃႈလုၵ်ႈယူႇၸိူင်ႉၼႆၵေႃႈ သူတေ ဢမ်ႇၸၢင်ႈဢွၵ်ႇပူၼ်ႉလႆႈလွင်ႈၶၢၼ်ၸႂ်လူင်ၼၼ်ႉသေပွၵ်ႈယဝ်ႉ”
ၸၢႆးသၢႆၶိူဝ်းႁၼ်ဝႃႈ ပေႃႈၶဝ်ပႆႇတၵ်းသဵင်လႅပ်ႈတိုၵ်ႉဝူၼ်ႉသေ လွင်ႈလွင်ႈၼႆႉလႄႈ ၶဝ်ႈမႃးၼႂ်းလုၵ်းၼွၼ်းၼၢင်းၸၢမ်ၶမ်း ၼႆသေ လႆႈ ႁၼ်ၼၢင်းၸၢမ်ၶမ်း ၼွၼ်းလပ်းလီလပ်းဝၢၼ်ယူႇလႄႈ “ၸၢမ်ၶမ်း ၼွၼ်းယူႇၼႆႉၶႃႈလူးပေႃႈ ၸၢမ်ၶမ်း ၸၢမ်ၶမ်း” ၼႆသေ မႃးၵွတ်ႇတူဝ် ၼၢင်းၸၢမ်ၶမ်းယူႇ မၼ်းၼၢင်းတူၵ်းၸႂ်တိုၼ်ႇသေ
“ၼွင်ႉတၼ်းမႃးၼွၼ်းမိူဝ်ႈလႂ်ၶႃႈၼႆႉ”
ၼၢင်းၶမ်းလိုၼ်းၼႅတ်ႈလႅၼ်ႈၶိုၼ်ႈႁိူၼ်းမႃးယဝ်ႉ “ၸၢမ်ၶမ်းမီးယူႇတီႈလႂ်လႃႇပီႈသၢႆၶိူဝ်း”
“မီးယူႇၼိူဝ်ၵူႇၼႂ်းလုၵ်းၼႆႉၵူၺ်းဢေႃႈ”
“ၶႃႈၶဝ်ႈမႃးတူၺ်းတၼ်းပဵၼ်သွင်သၢမ်ၵမ်း ၶႃႈမႃးဢမ်ႇႁၼ်ၼႃ လီ ဢၢမ်းတေႉယဝ်ႉဝႃႈၼႆႉတႄႉ”
ပႃႈသူႇၼူႉမႃးယိပ်းတူၺ်းမိုဝ်းမၼ်းၼၢင်းယဝ်ႉ “ၸွင်ႇလုၵ်ႈပဵၼ်သင်ႁိုဝ်လႃႇလုၵ်ႈယိင်း”
“လုၵ်ႈဢမ်ႇပဵၼ်သင်ၶႃႈမႄႈ”
“ဢွၵ်ႇမႃးလႄႈမႄႈ မႃးမႄႈမတ်ႉပၼ်မိုဝ်းလုၵ်ႈႁေ ၸိုင်ပဵၼ်ပၢၼ်လူင် ၵႂႃႇလႃႇၼႆႉမႃႈ”
လုင်းသၢင်ႇမွင်ႇၵေႃႈ ၵမ်းၵမ်းယၵ်ႉတူၺ်း ၶႅပ်းႁၢင်ႈပႃႈယိင်းမူၺ်လႅင်း ယဝ်ႉၶိုၼ်းတူၺ်းလုၵ်ႈယိင်းမၼ်း ဢၼ်တိုၵ်ႉၼင်ႈတူပ်ႉၶဝ်ႇဢွၼ်ႇ သေ ယိုၼ်ႈမိုဝ်းပၼ်မႄႈၸဝ်ႈၶဝ် ႁွင်ႉၶႂၼ်မတ်ႉပၼ် မိုဝ်းမၼ်းယူႇ ၼၼ်ႉလႄႈ ၸၢႆးသၢႆၶိူဝ်းၸင်ႇဝႃႈ “ပေႃႈယႃႇတၢင်ႇတၢင်းၽိတ်းမႄႈၶႃႈ ၼႃ”
ၼၢင်းၸၢမ်ၶမ်းဝၢႆႇတူၺ်းပေႃႈၶဝ်သေ “ၸႂ်ႈဢေႃႈပေႃႈ လုၵ်ႈယိင်းပဵၼ် ၵေႃႉၽိတ်းဢေႃႈ ၵႃႈပူၼ်ႉမႃးတေႁဵတ်းသင်တေၵႂႃႇလႂ်ၼႆ လုၵ်ႈယိင်း ၵႆႉလၢတ်ႈမႄႈတႃႇသေႇ ပွၵ်ႈၼႆႉသမ်ႉ လုၵ်ႈယိင်းလိုမ်းလၢတ်ႈမႄႈ ဢေႃႈ” ဝၢႆႇၸူးၶႅပ်းႁၢင်ႈမႄႈသေ
“မႄႈၶႃႈၶႂၢင်းပၼ်လုၵ်ႈယိင်းသေၵမ်းၶႃႈ”
“ပေႃႈၶႃႈ ပေႃႈၵေႃႉလဵဝ်ပဵၼ်တၢင်းပေႃႈပဵၼ်တၢင်းမႄႈ လုမ်းလႃးလုၵ်ႈ ယိင်းႁၵ်ႉလုၵ်ႈယိင်းမႃး လုၵ်ႈယိင်းဢမ်ႇတွၼ်ႉႁဵတ်းႁႂ်ႈပေႃႈလႆႈမႆႈၸႂ် တိူဝ်ႉၸႂ်သေပွၵ်ႈၶႃႈ ပွၵ်ႈၼႆႉတႄႉဝႆႉဝႃႈ လုၵ်ႈယိင်းလႆႈၽိတ်းပိူင်ႈၵႂႃႇ ၼႆသေ ဝၢင်းၶႂၢင်းပၼ်လုၵ်ႈယိင်းသေၵမ်းၶႃႈ”
“လႆႈဢိူဝ်ႈလုၵ်ႈယိင်း မၼ်းဢမ်ႇၸႂ်ႈတၢင်းၽိတ်းၽႂ် မၼ်းထုၵ်ႇပဵၼ် ဢိူဝ်ႈ ပေႃႈၵေႃႈ ပေႃႈၵေႃႈဢမ်ႇၶုၵ်းၸႂ်လႆႈလၢတ်ႈၶိူဝ်တေႉဢိူဝ်ႈ”
မိူင်းလႅင်းမႃးယဝ်ႉ တွၼ်ႈၵၢင်ၼႂ်ၼႆႉတႄႉ ၵိုတ်းတႃႇပိုၼ်ႈၽွၼ်းၵူၼ်း ထဝ်ႈၶဝ်လူဝ်ႇပႂ်ႉပုၼ်ႈၽွၼ်းၸဝ်ႈမၢဝ်ႇၸဝ်ႈသၢဝ်ၵူၺ်းယဝ်ႉ။
