ၼင်လိၼ်မိူင်း

တွၼ်ႈပႅတ်ႇ ဝၢႆးသေသႅင်ၽွင်းၶဝ်ဢွၵ်ႇၵႂႃႇဢမ်ႇတၼ်းႁိုင်  သဵင်လူတ်ႉၶိူင်ႈၵေႃႈမေႃးမႃး ၵိုတ်းယဝ်ႉတဵၵ်းသဵင်လူတ်ႉမၼ်းသေ ႁွင်ႉၶမ်းႁွမ်ယူႇတၢင်းၼႃႈႁူင်းသဝ်း ဢမ်ႇလႆႈႁၼ်ၶမ်းႁွမ်ဢွၵ်ႇမႃးလႄႈ သိုပ်ႇၾူၼ်းၵေႃႈဢမ်ႇႁပ်ႉ၊ ဢမ်ႇႁူႉဝႃႈတေလႆႈႁဵတ်းႁိုဝ် ၵႃႈလႆႈၼင်ႈပႂ်ႉယူႇၵူၺ်း။ ၶမ်းႁွမ်ပေႃးၼွၼ်းသွပ်ႉလပ်းၵႂႃႇယဝ်ႉ...

တွၼ်ႈၸဵတ်း သၢႆလႅင်းတႃဝၼ်းထွင်ႇမႃး တွင်ႉၾႃႉၸိုၼ်ႈပၢင်ႇသႂ် မွၵ်ႇၵုမ်ႈၶပ်ႉယႆၸႅၼ်ႇ မွင်းၶမ်းႁွမ်ပိုတ်ႇၾူၼ်းၵူၺ်း လႅင်းမိူင်းပေႃးၵပ်းသိုပ်ႇမႃးၵမ်းလဵဝ်ယဝ်ႉ။ “မႂ်ႇသုင်ၵၢင်ၼႂ်ၶႃႈ ” “ဢေႃႈ…မိူၼ်ၵၼ်ၶႃႈ..သိုပ်ႇၾူၼ်းမႃးၸိူင်ႉၼႆ..ၼွင်ႉႁဝ်းပဵၼ်သင်ၶႃႈလႃႇ” “ၼွင်ႉသူဢမ်ႇပဵၼ်သင်ၶႃႈ..ႁဝ်းဢေႃႈပဵၼ်” “ပဵၼ်သင်ၶႃႈ” “ၸႂ်ထိုင်ဢေႃႈ” “ဝၢင်းယဝ်ႉၶႃႈၼႃႉ..” “ႁဵတ်းၵၢၼ်ယူႇၶႃႈႁႃႉ” “ဢေႃႈ..” ၵူဝ်မၼ်းယၢဝ်းၵႂႃႇထႅင်ႈလႄႈ ၶမ်းႁွမ်ၼႅတ်ႈတဵၵ်းဝၢင်းၵမ်းလဵဝ်ယဝ်ႉ။ ၶမ်းႁွမ်လႄႈသႅင်ၽွင်းၵေႃႈဢွၼ်ၵၼ်ပႆၵႂႃႇ မိူဝ်ႈၸမ်ထိုင်ႁူင်းႁေႃးလူင်ၼၼ်ႉ...

တွၼ်ႈႁူၵ်း ၶမ်းႁွမ်ဝၢႆႇတူၺ်းၵႂႃႇတၢင်း လႅင်းမိူင်းၸုၵ်းဢုပ်ႇလုၵ်ႈၼွင်ႉမၼ်းယူႇၼၼ်ႉလႄႈ “ယုမ်ႇလႆႈယူႇႁႃႉၼၼ်ႉ…” “ပီႈယုမ်ႇၶဝ်လႆႈယူႇ…မိူဝ်ႈၶႃႈမႃးၸွမ်းတၢင်း..ၶႃႈဢမ်ႇယူႇလီ…ၶဝ်ဢမ်ႇၶၢမ်ႇလပ်းဢမ်ႇၶၢမ်ႇၼွၼ်းသေ…လုမ်းလႃးတူၺ်းထိုင်ၶႃႈ…ၶႃႈသမ်ႉပေႃးယွမ်လူင်ဝႆႉ…ၶႃႈဢမ်ႇၵႂႃႇလႆႈ…ၶဝ်ၵေႃႈၸေးၶႃႈၵႂႃႇ…သမ်ႉဝႃႈႁိူဝ်ႉၼႆၵေႃႈ…ၶဝ်ဢမ်ႇတွၼ်ႉၶၢင်း…မၢင်ပွၵ်ႈၶႃႈႁဵတ်းၽိတ်းမႃး…တႅၼ်းတီႈၶဝ်တေလႃႇ…ၶဝ်ၵေႃႈသင်ႇသွၼ်ၶႃႈ…မိူဝ်ႈႁႅင်းၸႂ်တူၵ်း…ၶဝ်ၵေႃႈၸွႆႈပၼ်ႁႅင်းၸႂ်ၶႃႈ…ၵူႈဝူင်ႈဝၼ်းလိုဝ်ႈ…ၶဝ်ၵႆႉၵႂႃႇလႄႇ…ၵႂႃႇၸႂ်းၶႃႈတႃႇသေႇယဝ်ႉ…ၶဝ်မိူၼ်ပဵၼ်ပီႈၸၢႆးၶႃႈၵေႃႉၼိုင်ႈ…လႄႈ..ပဵၼ်ဢဵၼ်ႁႅင်းႁဵတ်းႁႂ်ႈမီးႁႅင်းၸႂ်…ပဵၼ်တင်းၶူးသွၼ်ၶႃႈ…ႁဵတ်းႁႂ်ႈၶႃႈဝူၼ်ႉလႆႈ…ၶဝ်ပဵၼ်ၵူၼ်းလီဢေႃႈပီႈ…သင်ၸိူဝ်ႉဝႃႈၶႃႈတွပ်ႇတႅၼ်းၵုင်ႇမုၼ်ၶဝ်လႆႈ…ၶႃႈတေဢဝ်ပီႈသၢဝ်ၶႃႈပၼ်ယဝ်ႉ… ” “လၢတ်ႈဢေႇဢေႇဢိတ်းၼိုင်ႈလႄႈၵႂၢမ်းၼႆႉ… ” “ပီႈဢမ်ႇၵျိူၵ်ႈၶဝ်ႁ…လိူဝ်သေႁၢင်ႈၽၢင်လဝ်းယဝ်ႉ…ၼမ်ႉၸႂ်ၵေႃႈလီ…ၼမ်ႉၵတ်ႉၵေႃႈၶႅၼ်ႇ…မေႃႁၵ်ႉမေႃသႂ်ႇၸႂ်…ပေႃးပီႈဢမ်ႇလႆႈၸႂ်ၵူၼ်းၸိူင်ႉၼင်ႇႁူဝ်ၼႃႈ…ၸၢတ်ႈၼႆႉတင်းၸၢတ်ႈ…ပီႈယႃႇမုင်ႈမွင်းတေလႆႈထူပ်းၵူၼ်းလီၸိူင်ႉၼႆထႅင်ႈ” “ၶဝ်ပေႉမႃးဢဝ်သင်..သႂၢင်းသႂ်ႇပၼ်ၼႂ်းဢွၵ်းၼွင်ႉၸၢႆးပီႈလႃႇၼႆႉ…” သွင်ပီႈၼွင်ႉၵေႃႈ ဢုပ်ႇၵၼ်ယူႇတင်းႁိုင် သမ်ႉပေႃးတၼ်းထိုင်ၵၢင်ဝၼ်းယဝ်ႉ။ လႅင်းမိူင်းၵေႃႈမႃးၸူးၶႃပီႈၼွင်ႉသေယဝ်ႉ ၶမ်းမိူင်းၸင်ႇပၼ်တိုဝ်ႉတၢင်းၶႃ...