ၶေႃႈပၼ်ပၢႆးဝူၼ်ႉလီလီ

ၵူႈလွင်ႈတႄႇမႃးတီႈတၢင်းဝူၼ်ႉႁဝ်း မိူဝ်ႈတၢင်းဝူၼ်ႉလႅၵ်ႈလၢႆႈမေႃဝၢင်းၽႅၼ် ၽႅၼ်ၼၼ်ႉၵေႃႈတေပဵၼ်လွင်ႈတေႉမႃးယဝ်ႉ။

မိူင်းၶူင်းၵၢင်ၼႆႉ ဢမ်ႇလႆႈႁၢင်ႈႁၢႆႉၼင်ႇဢၼ်ႁဝ်းဝူၼ်ႉ လိူဝ်သေႁဝ်းဢမ်ႇပႆႇတူၺ်းႁၼ်ဝႃႈၶူင်းၵၢင်ၼႆႉမၼ်းလီၼႆၵူၺ်း။

ယိင်ႈႁဝ်းႁတ်းဝူၼ်ႉထိုင်တူဝ်ၵဝ်ႇပဵၼ်ၽၢႆႇလီမွၵ်ႈႁိုဝ် ယိင်ႈႁဵတ်းႁႂ်ႈႁၼ်ၵႃႈၶၼ်ႁဝ်းမွၵ်ႈၼၼ်ႉယဝ်ႉ။

ယိင်ႈႁဝ်းမီးတၢင်းသိူဝ်းၸွမ်းလွင်ႈယူႇငၢႆႈၵိၼ်လူမ်မွၵ်ႈႁိုဝ် ႁဝ်းၵေႃႈတေႁူႉဝႃႈတၢင်းသိူဝ်းၼၼ်ႉဢမ်ႇၸႂ်ႈလွင်ႈဢၼ်ႁဝ်းၸွမ်းႁႃယူႇ မၼ်းမီးယူႇၸွမ်းႁဝ်းလႄႈ မၼ်းၵိူတ်ႇပဵၼ်မႃးလႆႈၵူႈဝၼ်းဝၼ်းယဝ်ႉ။

ႁဵတ်းလွင်ႈဢၼ်ႁဝ်းႁၵ်ႉ ယွၼ်ႉလွင်ႈဢၼ်ႁဝ်းႁၵ်ႉ တေယဵၼ်ႉၵၼ်ႈႁဵတ်းမၼ်းလႆႈလီ လႄႈ ၶႂ်ႈႁဵတ်းယူႇတႃႇသေႇ။

တၢင်းသိူဝ်းၸၢတ်ႈပၢၼ်ၼၼ်ႉ ၵိူတ်ႇပဵၼ်မႃးယွၼ်ႉမေႃႁၵ်ႉတူဝ်ၵဝ်ႇယဝ်ႉ။

လွင်ႈႁဝ်းၼၼ်ႉဢမ်ႇလႆႈလမ်ႇလွင်ႈၼႂ်းၸၢတ်ႈပၢၼ်ၽႂ် မိူၼ်ၼင်ႇဢၼ်ႁဝ်းဝူၼ်ႉ ဢမ်ႇလူဝ်ႇလႆႈၵႂႃႇမႆႈၸႂ်ဝႃႈ ၽႂ်တေဝူၼ်ႉၸိူင်ႉႁိုဝ်တေႃႇႁဝ်း။

လွင်ႈၸႂ်လမ်ၼၼ်ႉ မၼ်းပဵၼ်လွင်ႈဢၼ်ႁဵတ်းႁႂ်ႈသုမ်းၶၢဝ်းယၢမ်းလိူဝ်ပိူၼ်ႈယဝ်ႉ ႁဝ်းဢမ်ႇလႆႈသင်မႃးသေဢမ်ႇၵႃး ယင်းႁဵတ်းႁႂ်ႈၸႂ်လူႉၸွမ်းမၼ်းထႅင်ႈ။

ႁဝ်းဢမ်ႇၸမ်ပဵၼ်တေလႆႈၵတ်ႉၶႅၼ်ႇမိူၼ်ၼင်ႇၽႂ် ၵူၺ်းၵႃႈႁဝ်းၵေႃႈၶႅၼ်ႇၼင်ႇဢၼ်ႁဝ်းပဵၼ်လႆႈ ၽိူမ်ႉထႅမ်ၼမ်ႉၵတ်ႉတူဝ်ၵဝ်ႇ လုၵ်ႉတီႈဢၼ်ၵျိူၵ်ႈႁဵတ်း ယဝ်ႉ လိုၼ်းသုတ်းမႃးၵေႃႈႁဝ်းတေႁဵတ်းမၼ်းလႆႈလီၼၼ်ႉယဝ်ႉ။

ယိင်ႈႁဝ်းႁတ်းဝႆႉယိူင်းဢၢၼ်းသုင်သုင် မိူၼ်ႁဝ်းလၢတ်ႈတီႈတူဝ်ၵဝ်ႇဝႃႈ ႁဝ်းလီမွၵ်ႈၼၼ်ႉယဝ်ႉ။

မိူဝ်ႈႁဝ်းယွမ်းႁပ်ႉလႆႈဝႃႈႁဝ်းၼၼ်ႉ ဢမ်ႇလႆႈတဵမ်ထူၼ်ႈ လႄႈဢမ်ႇၸမ်ပဵၼ်တေလႆႈတဵမ်ထူၼ်ႈ ႁဝ်းတေၵိုတ်းလိုဝ်ႈဢဝ်တူဝ်ၵဝ်ႇၵႂႃႇတႅၵ်ႈၼိူင်းတင်းပိူၼ်ႈယဝ်ႉ။

ၸႂ်ႉၸၢတ်ႈပၢၼ်ယူႇၸွမ်းၶၢဝ်းယၢမ်းဢၼ်ပဵၼ်ယူႇ ႁၵ်ႉတူဝ်ၵဝ်ႇဢမ်ႇမီးၶေႃႈလႅၵ်ႈလၢႆႈသင်။

ယိင်ႈဢႃႇယုၼမ်မႃး ၵူၼ်းဢၼ်ႁဝ်းႁူႉၸၵ်းတေဢေႇလူင်းလႄႈ ၶၢဝ်းယၢမ်းတေၸွႆႈသၢင်ဢွၵ်ႇမႃးၵူၼ်းဢၼ်မီးယူႇၼႂ်းၸၢတ်ႈပၢၼ်ႁဝ်းတေႉတေႉၼၼ်ႉယဝ်ႉ။

လွင်ႈဢွင်ႇမၢၼ်ဢမ်ႇလႆႈၵိူတ်ႇဢွၵ်ႇမႃးတီႈ ႁဵတ်းၼမ်ၼမ်ၵမ်းလဵဝ်ယဝ်ႉမၼ်းတေယဝ်ႉ မၼ်းတေၵိူတ်ႇပဵၼ်မႃးလႆႈမိူဝ်ႈႁဵတ်းမၼ်းယူႇတႃႇသေႇၼၼ်ႉယဝ်ႉ။

လွင်ႈလႅၵ်ႈလၢႆႈဢၼ်ႁၼ်ၽွၼ်းလႆႈမၼ်းလိူဝ်ပိူၼ်ႈၵေႃႈ လႅၵ်ႈလၢႆႈပၢႆးဝူၼ်ႉႁဝ်းသေလႄႈ သင်ႁဝ်းဝူၼ်ႉဝႃႈမၼ်းတုၵ်ႉ ႁဝ်းၵေႃႈလႅၵ်ႈလၢႆႈႁႂ်ႈမေႃႁၵ်ႉတူဝ်ၵဝ်ႇမႃးသေ။

ပိၼ်ႇ – ငဝ်မွင်မိုတ်းမူဝ်း