ဢမ်ႇလူဝ်ႇလႆႈဢဝ်တူဝ်ၵဝ်ႇၵႂႃႇတႅၵ်ႈၼိူင်းတင်းၽႂ် ၶၢဝ်းယၢမ်းၽႂ်မၼ်းၼၼ်ႉတေဢမ်ႇမႃးမိူဝ်ႈလဵဝ်ၵၼ်လႆႈ။
ႁဝ်းတေၶၢမ်ႈပူၼ်ႉလွင်ႈဢမ်ႇလီၼၼ်ႉၵႂႃႇလႆႈ သင်ဝႃႈႁဝ်းမေႃပွႆႇဝၢင်းလႆႈ။
ႁဝ်းဢမ်ႇလူဝ်ႇၵႅၼ်ႇၶႅင်တႃႇသေႇ ဢူၼ်ႈဢွၼ်ႇၽွင်ႈၵေႃႈဢမ်ႇပဵၼ်သင် ပဵၼ်လွင်ႈၸႂ်လီတေႃႇတူဝ်ၵဝ်ႇလၢႆးၼိုင်ႈယဝ်ႉ။
သင်ဢူၼ်ႈဢွၼ်ႇၼႆၵေႃႈ ႁႂ်ႈမၼ်းဢူၼ်ႈသုတ်းလႄႈ မိူဝ်ႈၼၼ်ႉႁဝ်းတေလႆႈႁဵၼ်းႁူႉလွၵ်းလၢႆးႁႂ်ႈၵႅၼ်ႇၶႅင်ၼၼ်ႉယဝ်ႉ။
ၸၢမ်းႁဵတ်းလွင်ႈမႂ်ႇမႂ်ႇ ဢမ်ႇဝႃႈတေၽိတ်းႁိုဝ်ထုၵ်ႇၵေႃႈယဝ်ႉ။
ယႃႇၼႄၼမ်ႉၵတ်ႉလူၺ်ႈလွင်ႈလၢတ်ႈၸႃၵူၺ်း ႁႂ်ႈၼႄဢွၵ်ႇမႃးတီႈလၢႆးႁဵတ်းသၢင်ႈ။
ဢမ်ႇမီးၽႂ်ၵႅၼ်ႇၶႅင်လႆႈတႃႇသေႇ ဢမ်ႇမီးၽႂ်ဢူၼ်ႈဢွၼ်ႇလႆႈတႃႇသေႇမိူၼ်ၵၼ်။
သင်ႁဝ်းလႆႈၶတ်းၸႂ်တဵမ်တီႈယဝ်ႉ ဢမ်ႇမီးသင်တေလႆႈသေလၢႆ။
လိူၵ်ႈသဵၼ်ႈတၢင်းဢၼ်ႁဵတ်းႁႂ်ႈ တူဝ်ႁဝ်းဝၼ်းမိူဝ်းၼႃႈဢမ်ႇတိူဝ်ႉၸႂ်ၸွမ်း။
ပွႆႇႁႂ်ႈၵူႈလွင်ႈၵႂႃႇၸွမ်းသၽႃႇဝလႄႈ ဢမ်ႇႁိပ်ႈၼႃႇပူၼ်ႉ ႁဵတ်းၵႂႃႇမႅၼ်ႈမွၵ်ႈမၼ်းၵူၺ်း။
သင်ယူႇၵေႃႉလဵဝ်မီးတၢင်းသိူဝ်းယူႇယဝ်ႉ ယႃႇၶတ်းၸႂ်တႃႇႁႂ်ႈပေႃးလႆႈမီးၽႂ်။
လွင်ႈႁဵတ်းသၢင်ႈ လၢႆးဝူၼ်ႉႁဝ်းၼၼ်ႉ တေဢွၼ်ႁဝ်းၵႂႃႇၸုၵ်းယူႇတီႈဢၼ်ၵိုင်ႇတၢၼ်ႇတင်းႁဝ်းယဝ်ႉ။
လွင်ႈဢၼ်ထုၵ်ႇမႅၼ်ႈတင်းႁဝ်းၼၼ်ႉ တေမႃးႁႃႁဝ်းမိူဝ်ႈၶၢဝ်းယၢမ်းမၼ်းၵိုင်ႇတၢၼ်ႇ။
ယႃႇၵဵပ်းဢဝ်ၵူႈလွင်ႈမႃးဝူၼ်ႉ ၵူၼ်းဢၼ်ႁူႉၼမ်ၵေႃႈလႆႈၸဵပ်းၼမ်တႃႇသေႇ။
မိူဝ်ႈဝူၼ်ႉတတ်းၸႂ်ပႅတ်ႈၵူၼ်းဢၼ်ဢမ်ႇႁၼ်ၵႃႈၶၼ်ႁဝ်းၼၼ်ႉ ပဵၼ်ၵၢၼ်တႅပ်းတတ်းဢၼ်မီးၵႃႈၶၼ်တႃႇသေႇယဝ်ႉ။
ပိၼ်ႇ-ငဝ်မွင်မိုတ်းမူဝ်း
