ၵႃႈၶၼ်ၵူၼ်းႁဝ်းၼၼ်ႉ မၼ်းမီးၵႃႈၶၼ်ၼႃႇ ဢမ်ႇလႆႈမတ်ႉဢဝ်ဝႆႉၸွမ်း ၵွပ်ႈလွင်ႈဢၼ်ဝႃႈ ဢမ်ႇလႆႈႁွတ်ႈထိုင်ၸိၵ်းၸွမ်ၼႆၼၼ်ႉၵူၺ်း။
မိူဝ်ႈၽႂ်မႃးသႄႉသွမ်းႁဝ်းယူႇၼၼ်ႉ ဢမ်ႇလႆႈပွင်ႇဝႃႈဢမ်ႇမီးၵႃႈၶၼ်ၼႃ။
ၵူၼ်းႁဝ်းၼၼ်ႉတိုၼ်းမီးတီႈယူပ်ႈယွမ်းတင်းၼမ်လႄႈ ဢမ်ႇလႆႈတဵမ်ထူၼ်ႈၵူႈလွင်ႈ ၵွပ်ႈၼၼ် မေႃၶႂၢင်းပၼ်တူဝ်ၵဝ်ႇလႄႈ။
မိူဝ်ႈၼႆႉဢမ်ႇမီးၽႂ်ႁၼ်တၢင်းၶတ်းၸႂ်ႁဝ်းၵေႃႈဢမ်ႇပဵၼ်သင် သင်ဝႃႈႁဝ်းႁၼ်မၼ်းယူႇၵေႃႈလႆႈယဝ်ႉ။
ႁဝ်းပဵၼ်ၵူၼ်းလီတွၼ်ႈတႃႇတူဝ်ၵဝ်ႇၵူၺ်း ဢမ်ႇၸႂ်ႈတွၼ်ႈတႃႇၽႂ်။
ယႃႇတူၺ်းမွၵ်ႈဝႃႈလွင်ႈဢၼ်လူႉသုမ်းၵႂႃႇ ထိုင်တီႈလိုမ်းသူၼ်ၸႂ်လွင်ႈဢၼ်ႁဝ်းလႆႈမႃး။
မိူဝ်ႈႁဵတ်းဢွင်ႇမၢၼ်မႃးယဝ်ႉၼၼ်ႉ မေႃယိၼ်းၸူမ်းတူဝ်ၵဝ်ႇသေ ။
ႁဝ်းၵေႃႈလူဝ်ႇလႆႈမီးဢွင်ႈတီႈတႃႇတူဝ်ၵဝ်ႇ လိုဝ်ႈပႅတ်ႈလွင်ႈပဵၼ်ၵူၼ်းလူင်ၼႆၼၼ်ႉၽွင်ႈ။
ယုၵ်ႉယွင်ႈတူဝ်ၵဝ်ႇၽွင်ႈ ၼႂ်းဝၼ်းဢၼ်ႁဵတ်းၽိတ်းၵႂႃႇ ၵွပ်ႈပိူဝ်ႈႁဝ်းၵေႃႈၶတ်းၸႂ်ႁဵတ်းမၼ်းတဵမ်တီႈယဝ်ႉ။
မၢင်ပွၵ်ႈၵေႃႈၵၢမ်ႇဢမ်ႇလီၼင်ႇၵဝ်ႇ ၵူၺ်းၵႃႈ ႁဝ်းမီးသင်ယူႇဝႆႉၼႂ်းမိုဝ်းၵေႃႈၸႂ်ႉတိုဝ်းမၼ်း ႁဵတ်းႁႂ်ႈလီၼင်ႇၵႃႈႁဵတ်းလႆႈၵေႃႈပဵင်းပေႃးယဝ်ႉ။
ၼႂ်းၸၢတ်ႈပၢၼ်ၼၼ်ႉမီးလွင်ႈဢၼ်ႁဝ်းဢမ်ႇႁူႉထႅင်ႈတင်းၼမ် မီးလွင်ႈဢၼ်ယၢပ်ႇထႅင်ႈတင်းၼမ် လႄႈ မၼ်းတေဢွၼ်ႁဝ်းၶၢမ်ႈပူၼ်ႉလႆႈတႃႇသေႇယဝ်ႉ။
ႁဝ်းၵေႃႈယၢမ်ႈထုၵ်ႇပိူၼ်ႈသႄႉၼႄးယူႇ ၵူၺ်းၵႃႈႁဝ်းလိူၵ်ႈလႆႈဝႃႈ ၵႂၢမ်းၶေႃႈၼၼ်ႉမၼ်းပၼ်ၽွၼ်းလီယူႇႁိုဝ် သင်ဢမ်ႇပၼ်ၵေႃႈ တိူင်းမၼ်းသေလႄႈ။
လွင်ႈဝႆႉဝၢင်းၸႂ် ပဵၼ်လွင်ႈဢၼ်တေလႆႈသၢင်ႈၵႂႃႇၵမ်းဢိတ်းဢိတ်း။
ယႃႇပဵၼ်ၵူၼ်းလီ ဢၼ်ဝႃႈ ၸိူင်ႉႁိုဝ်ၵေႃႈလႆႈသေ ပၼ်ႁႂ်ႈပိူၼ်ႈမႃးႁဵတ်းႁၢႆႉၸႂ်ၸဝ်ႈၵဝ်ႇယူႇ။
တူဝ်ႁဝ်းၼၼ်ႉပဵၼ်ၸဝ်ႈၶွင်တၢင်းသိူဝ်းလႆႈႁင်းၵူၺ်း ၸင်ႇၸၢင်ႈမီးတၢင်းသိူဝ်းပၼ်တွၼ်ႈတႃႇၵူၼ်းတၢင်ႇၵေႃႉလႆႈယဝ်ႉ။
ပိၼ်ႇ-ငဝ်မွင်မိုတ်းမူဝ်း
