ၸွင်ႇယၢမ်ႈပဵၼ် ဢမ်ႇၼၼ် ယၢမ်ႈႁၼ်ၵူၼ်းၸိူင်ႉၼႆႁိုဝ် ႁဵတ်းၵၢၼ်လႆႈပုင်ႇမၢၼ်ႇ ၵူၺ်းၵႃႈၼႂ်းၸႂ်တႄႉ လႆႈၶဵင်ႇတႃႉၸွမ်းလွင်ႈၶီမွင် လွင်ႈပဝ်ႇႁၢမ်း ဢမ်ႇမီးႁႅင်းၸႂ်သေဢိတ်း။
တၢင်းၼွၵ်ႈတႄႉၸိုၼ်ႈပၢင်ႇသိူဝ်းၸႂ် တၢင်းၼႂ်းသမ်ႉႁွင်ႉႁႆႈဝႆႉယူႇ။
ပေႃးဝႃႈတေႉ မၼ်းလီၵူဝ်ၼႃႇ ယွၼ်းမၼ်းဢမ်ႇၼႄဢွၵ်ႇမႃးဝႃႈပဵၼ်သင်လႄႈ ၵူၼ်းႁိမ်းႁွမ်းၵေႃႈဢမ်ႇႁူႉသေ ဢမ်ႇၸၢင်ႈၸွႆႈထႅမ်ၶိုတ်းၶၢဝ်းယၢမ်း။
ႁႂ်ႈႁူႉဝႆႉဝႃႈ ယႃႇပေၵဵပ်းလွင်ႈတုၵ်ႉၸႂ်ၼၼ်ႉဝႆႉႁင်းၵူၺ်း။
ယွၼ်ႉသင်လႄႈပဵၼ်ၼၼ်လႃႇၼႆ ၵူဝ်ပိူၼ်ႈတေႁၼ်ဝႃႈၸဝ်ႈၵဝ်ႇဢူၼ်ႈဢွၼ်ႇ၊ ဢမ်ႇၶႂ်ႈပၼ်တၢင်းမႆႈပိူၼ်ႈ၊ ဢမ်ႇႁူႉဝႃႈတူဝ်ၸဝ်ႈၵဝ်ႇပဵၼ် တၢင်းပဵၼ်ၶီငဝ်မွင်ၸႂ် ၵွပ်ႈထဵင်ၶိုၼ်းၵၢင်ၸႂ်တူဝ်ၵဝ်ႇယူႇတႃႇသေႇ။
ၶေႃႈပၼ်ၾၢင်ႉ တေဢမ်ႇမီးၽႂ်တူၺ်းႁၼ် တေယုမ်ႉၶူဝ်မိူဝ်ႈယူႇၸွမ်းပိူၼ်ႈ ၵူၺ်းၵႃႈႁွင်ႉႁႆႈယူႇႁင်းၵူၺ်း၊ ႁဵတ်းၵၢၼ် ႁဵၼ်းလိၵ်ႈၵႂႃႇလႆႈမၢၼ်ႇမၢၼ်ႇ ၵူၺ်းၵႃႈမိူၼ်ႁႅင်းသဵင်ႈၵႂႃႇတိၵ်းတိၵ်း၊ ၵႆႉလၢတ်ႈလႄႈႁဵတ်းၼႄဝႃႈဢမ်ႇပဵၼ်သင် တီႈတေႉၼႂ်းၸႂ်တႄႉၸဵပ်းၼႃႇယဝ်ႉ၊ မၢင်ပွၵ်ႈလၢတ််ႈလွင်ႈသဵင်ႈၸႂ်ယူႇ ၵူၺ်းၵႃႈၶတ်းၸႂ်ႁႂ်ႈပဵၼ်ႁၢတ်ႇတပႅတ်ႈ။
ပိၼ်ႇ – ငဝ်မွင်မိုတ်းမူဝ်း
